بتفكر في ايه

[عصام]

....طيب أعمل أيه بس ياربي؟؟

إسمعى كلام أصحابكوا

عصام شوقى ... القاااااااااااااااهرة :closedeyes:

[Modest]

بفكر...أدخل ياسر جامعه هنا..ويفضل معانا......

ولا ياتري ينزل مصر؟؟

كل أصحابنا بيحذرونا من خطورة نزوله....طيب أعمل أيه بس ياربي؟؟

إسمعى كلام أصحابكوا

عصام شوقى ... القاااااااااااااااهرة :blush:

يادي الرعب اللي احنا عايشين فيه :blush:

ربنا يطمنك يا عصام :closedeyes:

بافكر افتح موضوع عن إرسال ابنائنا المغتربين لاستكمال دراستهم الجامعية في مصر.

و ابقى تعالى يا عصام هناك في الموضوع أذكر لنا المزايا و العيوب .... أقصد العيوب و العيوب :huh:

[nash]

إسمعى كلام أصحابكوا

عصام شوقى ... القاااااااااااااااهرة

,,,,,,,,,,,,,,,,,,,,,,,,,,,,,,,,,,,,,,,,,,,,,,,,

حتي أنت ياعصام.......يعني مافيش أمل... :blush:

...............................................................

موديست ...ياريت بجد والله تفتح موضوع بكده....يمكن نجد..آراء نستفيد منها :closedeyes: :blush:

وأهو كل من قدم خير بيداة إلتقاة

[memo2007]

مش عارفه انا بفكر في ايه كل اللى حاسه بيه انى مخنوقه من نفسى كل اللى بفكر فيه انى عاوزة الاقى حد اتكلم معاه وادينا فى العيد وكل صحباتى مش موجودين يلا جبتلكم اكتئاب انا اسفه كل سنه وانتو طيبين

[bentmasria]

بفكر انه يارب مادا يبقى بخير وما يحتاجش عمليات تانى وماشوفش دموعه تانى ابدا ويكون سعيد ومتهنى بس ربنا يقدرنى وكمان بفكر لما يكبر محمد ويحب يختار حيعيش فين ويدرس ايه حكون موجودة ولا ايه الاعمار بيد الله لكن لو كتب لى العمر ياترى حيهون عليه يسيبنى ويروح هناك

يارب يا محمد تطلع ابن حنين ما تنساش امك فى كبرها

كل سنة وانتم طيبين

[Scorpion]

بفكر قد ايه الدنيا حلوة ....

بس احنا اللي مش واخدين بالنا .....

[مصرية يعني مصرية]

بفكر أعمل إيه على العشا

زهقت من اللحمة

[نانو]

بفكر اد ايه صعبه الحياه .....و ان بعد النهارده احتمال يكون لسه فيه بكره

[nash]

بفكر اد ايه صعبه الحياه .....و ان بعد النهارده احتمال يكون لسه فيه بكره<<<<<<وأنا بفكر هي ليه نانو النهارده مكتئبه :closedeyes:

[مصرية يعني مصرية]

بفكر اد ايه صعبه الحياه .....و ان بعد النهارده احتمال يكون لسه فيه بكره

ليه كده بس يا حبيبتي ؟

الحياه حلوة

ربنا يفرج همك يا نانو

تم تعديل 1 يناير 2007 بواسطة مصرية يعني مصرية

[واحد تاني]

بفكر هي عصابة حساس ... بعد اعتزال حشيش ... والتعاقد مع عصام وموديست ... المفروض يبقى اسمها عصابة اية؟ :blink:

[سهيلة]

بفكر

ان احلامى ف البلد دى اتبددت مع اعلان نتيجة الاستفتاء المزورة

املى ان بكرة يكون احسن بقى ضعيف

بفكر ان مصر بلدى زى بنت خرصا جميلة دموعها نازلة على خدها من اللى بيحصل معاها وكلنا بنعدى عليها ونمشى بدون لا مبالاة

شيفنها بتتظلم وبنتفرج عليها

سامحينى يا بلدى

كان نفسى تاخدى حقك

بس موش عارفة الطريق

[Modest]

بفكر هي عصابة حساس ... بعد اعتزال حشيش ... والتعاقد مع عصام وموديست ... المفروض يبقى اسمها عصابة اية؟ :unsure:

مجرد إنضمام موديست إلى العصابة يغّير إسمها توموتيكي من عصابة "حساس" إلى عصابة "محتاس"

[Modest]

بفكر

ان احلامى ف البلد دى اتبددت مع اعلان نتيجة الاستفتاء المزورة

املى ان بكرة يكون احسن بقى ضعيف

بفكر ان مصر بلدى زى بنت خرصا جميلة دموعها نازلة على خدها من اللى بيحصل معاها وكلنا بنعدى عليها ونمشى بدون لا مبالاة

شيفنها بتتظلم وبنتفرج عليها

سامحينى يا بلدى

كان نفسى تاخدى حقك

بس موش عارفة الطريق

:unsure:

بعد قراءة كلامك بافكر إني خايف على أولادي .. خايف على أولادنا كلنا.

[zedan]

بفكر ياتري الدنيا وخدانا علي فين.....!

[DARWEEN]

بافكر ليه الناس ما بقاش عندها دم ... ولما تفتح لهم بيتك ... أول حاجه يعملوها انهم يفكروا يضربوك في ظهرك

[ابو محمود]

بفكر]لو كلنا بقينا بنحب مصر

لو كلنا دعينا ربنا مرة واحدة صح

لو بقينا نحب بعض من غير مصالح

لو بقينا نحب نعمل كل ماهو صالح

لو بقينا بنشتغل كل يوم وبننجز وبنشيد مصانع

لو بقينا دولة عظمى وبيتعمل حسبنا ولينا دور وملامح

لو هفكر فى شيء يبقى بلدى تكون ليا ولولادى مش لولاد ال؟؟؟؟؟؟؟؟؟؟؟؟؟؟

[drhouba]

بأفكر فى مستقبل أولادنا حيكون إزاى فى ظل الظروف المحليه و العالميه الموجوده حاليا ... و يا ترى بعد عمر طويل أو قصير حد حيقول الله يرحمه كان إنسان كويس و يدعى لى

تم تعديل 30 مارس 2007 بواسطة drhouba

[badroora]

بفكر يا ترى لما اكبر وابقي عجوزة هابقي شكلى عامل ايه ومين هياخد بالى منى ويا ترى هاموت فين وهاتجوز مين :)

حدش فيكم عنده اجابة :blink:

[badroora]

بافكر ليه الناس ما بقاش عندها دم ... ولما تفتح لهم بيتك ... أول حاجه يعملوها انهم يفكروا يضربوك في ظهرك

ركب كاميرات مراقبة فى البيت ومحدش هيجرؤ يعملها ان شاء الله :)