بتفكر في ايه

[galaxy]

انا صحيح لسه جديدة معاكوا بس مش غريبه عنكوا و متابعة من زمان :blush2:

بفكر دايما في بكرة و ايه اللي هيحصل و دا بيخليني اخاف أقدم علي اي حاجه و ساعات اقف محلك سر :blush2: .انا عارفه ان المستقبل بيد الله و ان ربنا مش بيعمل حاجه وحشة و دا بيحصلي كتير ألاقي ربنا بيديني أكتر من الي بتمناه او احسن من الي كنت بطمع فيه بس برضه بخاف من بكره ..من الغربه ...............و كمان بحس اني قليلة اوي قدام ربنا مهما عملت مع اني متأكده ان ربنا بيحبني اوي عشان بيديني نعم كتير و بيكرمني في حاجات كتير و كمان عشان حبايبي كتير............و الحمدلله :lol:

من كتر خوفي ساعات أحس اني مش عارفة اللي انا عايزة و مقضياها كده ........و ساعات تانيه بكون قويه جدا و متفائله ع الاخر ......... :lol:

اه ..........ساعات كمان بخاف من الوقت. :lol: بيمر بسرعه اوي

[نانو]

كذلك الست برضوا مستحيل تلاقيها بعد الجواز هي نفسها البت السوفيفه اللي كانت بتتكسف من خيالها أيام الخطوبة وكانت عامله فيها ولا الممثلة الأمريكية باسكن روبنز في عز شبابها .... فبالتأكيد بتتحول إلى كائن أخر بعد الزواج ...

ما تبطل إفترا بقي علينا ياأخي وبعدين باسكنروبنز ده نوع ايس كريم مش ممثله أميريكيه ..

بافكر دلوقتي في القنابل اللي كل شويه يلاقوها عندنا في الكويت

يارتري نونكن واحده تفرقع فينا ؟؟؟؟

[semsema]

بقكر في اليوم الكئيب دا :wub:

المدرسة قال عملتلنا مفجأة......رحلة يعني wst::

انبسطنا وفرحنا وهللنا كإننا ياعيني كنا محبوسين.......مش كإننا..احنا فعلا محبوسين wst::

طلعت الرحلة المنتظرة ........لجامعة الملك عبد العزيز :sad:

قلنا ماشي اهو نروح نستكشف الجامعة نتمشى نتعرف على كل حاجة فيها.....مش مشكلة

لما رحنا لقيناهم دخلونا على قاعة وادونا محاضرة ترفع الضغط......خلصت المحاضرة المش فاهمين منها حاجة لقينا معلماتنا بيقولوا: يلا البسوا العبايات الباصات وص صل لت :wub:

بقى دي رحلة دي؟؟؟؟؟؟....حاجة تقرف wst::

[إيزيس]

انا بافكر إزاي أقنعهم إني ما عملتش غدا و لازم بابانا يتصرف و يروح يجيب أكل

ما أنا كمان معذورة إمبارح الواد سمسم جاين 10 أصحابه و هاتك يا بيتزا و تورتة و قلبوا البيت

و النهاردة بالليل ضيوف جايين طب أجهز غدا و اللا عشا قلت أضحي بالعيال و أبوهم عشان الضيوف

و الجبنة مفيدة جدا للقوطة و البصل الأخضر

و هاعمل احتياطي و اشغل بعيد عنك حياتي عذاب أغنية زوجي المفضلة ( أصل احنا من جيل ما قبل كاظم والحقيقة أنا ما باتصوروش)

[galaxy]

بفكر اني عايزة اسيب الشغل اللي انا فيه وعندي عرض لشغل تاني........... وياتري هيكون مريح ولا.............

......................بفكر كمان هنزل مصر امتي .........في الصيف بقي انشاء الله

[nash]

بفكر أن العين بالعين والسن بالسن والبادي أظلم....

بفكر أني لا يمكن أتسامح في إساءة..ولازم ..وحتما يكون رد الفعل مساوي للأساءة في المقدار..ولا يمكن أن يكون اقل...باي حال من الأحوال...

[مسالم]

السلام عليكم ...

انا بفكر اتقاعد .. يعني ابطل شغل وآخد نفسي واروح اعمل إعادة تأهيل في أي مكان بعيد .. في اوروبا .. في ماليزيا ..في جزر القمر .. المهم اي مكان غير المنطقه العربيه .. بعيداً عن الرأي والرأي الآخر .. بعيداً عن الصراع الفكري الذي لا طائل منه .. بعيداً عن ضياع الوقت .. بعيداً عن ضياع العمر .. مجرد بحثاً عن ذكريات الأمل .. بحثاً عن الابتسام .. بحثاً عن الحب الذي كان ..

مجرد فكره .. اتمنى ان تتحقق قبل فوات الاوان ..

[إيزيس]

انا بفكر اتقاعد .. يعني ابطل شغل وآخد نفسي واروح اعمل إعادة تأهيل في أي مكان بعيد .. في اوروبا .. في ماليزيا ..في جزر القمر .. المهم اي مكان غير المنطقه العربيه .. بعيداً عن الرأي والرأي الآخر .. بعيداً عن الصراع الفكري الذي لا طائل منه .. بعيداً عن ضياع الوقت .. بعيداً عن ضياع العمر .. مجرد بحثاً عن ذكريات الأمل .. بحثاً عن الابتسام .. بحثاً عن الحب الذي كان ..

مجرد فكره .. اتمنى ان تتحقق قبل فوات الاوان

كل دي مجرد فكرة أمال الثورة تبقى إيه

وثم إن البلاد العربية مافهاش غير رأي آخر بس الرأي الأولاني اتلغى من زمان

و لا يهمك بكرة تفرج..

[nash]

معقوله.... :sad:

أخي الكريم مسالم هنا؟؟ wst::

والله مفتقدين طريقتك المميزة في السرد....لا تقطع الغيبه رجاءا..وجودك مميز جدا.. :sad:

[zizetta]

هو صحيح الرومانسية المفقودة دي بترجع للست بعد سن الأربعين وللراجل بعد سن الخمسين ؟؟ تفتكروا ايه السبب؟

زيزيتا

[badroora]

هو صحيح الرومانسية المفقودة دي بترجع للست بعد سن الأربعين وللراجل بعد سن الخمسين ؟؟ تفتكروا ايه السبب؟

زيزيتا

شوفى يا زيزى هاقولك تحليلي ورزقى على الله

المراءة فى سن الاربعين بتكون خلاص انتهت من مرحلة الولادة وتربية الاطفال وتكون استقرت نوعا ما وبدات تتفرغ لنفسها شوية

وهنا لسببين الاول

لو هى من الاساس رومانسية ولكن رومانسيتها تاهت بين اعباء الحياة وحين افتقدتها بحثت عنها ونمتها من جديد

او السبب التانى هو انها حسه انها دخلت الاربعين وبدات فى التفكير والقلق والخوف من السن وبدات تراجع نفسها من جديد .

انا طبعا ارجح التفسير الاولى الا وهو ان المراءة عند سن الاربعين بتكون مستقلة وواثقة من نفسها وحققت كل احلامها او على الاقل خطوط مستقبلها بانت وبدات بقي تتفرغ لنفسها ولمشاعرها شوية .

اما الرجل

فيعتمد على طبيعته لو هو رومانسي من البداية والدنيا اخدته فعلى سن الخمسين بيكون بقيلة على التقاعد خدشة فبيلحق نفسه ويعيشله يومين (سورى لو كنت قاسية شوية على الرجال ) wst::

او التحليل الاخر

ان الرجل فى سن الاربعين بيكون استقر وحقق احلامة وتقدم السن قلقه فرجع يبدا من جديد.

والله اعلم طبعا

[badroora]

انا بقي بافكر فى كذا حاجة

الاولى

يا ترى انا فعلا مبعرفش اسوق ولا الحوادث دى قدر ونصيب والله ما عرفه احيانا ثقتى بنفسي الزيادة عن اللزوم بتنسينى حقيقة نفسي ؟ :sad:

وباتوه كتير ولكن دلوقتى فى لحظة تجلى مع نفسي ومافيش مرضي فبسالك يا نجفة انت وش حوادث ولا مش بتعرفي تسوقي .

الحاجة التانية

بافكر فى هوندا سيفيك سيدان بس حسه انى خايفة اسوق تانى وخايفة اخرب العربية دى كمان ؟ wst::

بافكر فى حاجة تالتة

نفسي اعيش فى مادينة فاضية وطرق واسعة مافيهاش ناس مش عاوزة اى بشر خااااااالص

وعاوزة عيونى متشوفش بس غير شجر اخضر فاخضر وبساتين ورد .

حتى اصحابي مش عوزاهم معايا عاوزة ندى بس بنت اختى ومش عاوزة حاجة من الدنيا تانى .

[galaxy]

بفكر في دور البرد المحترم اللي عندي من امبارح دا هيروح امتي :bro: ...............انا اخدت كل حاجه....................فيتامين سي و مضاد حيوي و فيتامينات............وماروحتش الشغل كمان............اعمل ايه تاني........ :waf:

علي فكرة يا بدريه :happy: .............لو وجدت المدينه دي هتلاقي الناس كلها هناك..........عشان كل الناس عايزة تروح

[nash]

بفكر في دور البرد المحترم اللي عندي من امبارح دا هيروح امتي ...............انا اخدت كل حاجه....................فيتامين سي و مضاد حيوي و فيتامينات............وماروحتش الشغل كمان............اعمل ايه تاني........

ألف سلامه عليكي يا شوكولاته....أو علي رأي أخوانا شوكولا :waf: ....بعرف دكتورة صيدلانيه ممتازة...أبعتلك عنوانها تسأليها؟؟ :bro:

مش ممكن كل شويه أعدل المشاركات ...نص حروف الكي بورد واخده أجازة من الكتابه... :happy:

تم تعديل 7 أبريل 2008 بواسطة nash

[شموع]

السلام عليكم يا اهل البيت وزواره

انا بفكر بأه هروح دبي بكره ازاي ؟ :waf: .....ضروري اروح مستشفى الامل عندي ورشة عمل :bro: ....

سألت عامل البدالة توهني :happy: ....

اعمل ايه بأه وانا خايبه في السواقة ... بحمل هم تشغيل السيارة... وهم تحريكها ... وسواقتها ... والمصيبة الاكبر ركنتها...

اخرتها يقولوا لي روحي دبي...

[امانى]

اللى هقوله ده اقسم بالله ما هى شعارات ولا منظرة انا فعلا بفكر فى كدة

بفكر لو كل واحد فينا صفا نفسه خالص وبعد نفسه خالص عن هواجس الشيطان او اى شر حتى لو كان ضئيل

وفكر بس فى الخير وحب لغيره الخير زى ما بيحب لنفسه ياااااااااااااااااااااااااااه اكيد هتتغير حاجات كتيرة والدنيا

هتبقى حاجة تانية وسعتها هنحبها اوى ومش هنقول زى بدريه نبعد بعيد بالعكس سعتها هنبقى مترابطتين

اوى ومنقدرس نستغنى عن بعض بس ده يظهر انه حلم وانا بقوله بصوت عالى

سلامتك يا جلاكسى الف سلامة عليكى ربنا يشفيكى يارب

بدرية لحد ما الحلم يتحقق ياريت تقوليلى عنوان المدينة علشان اسبقك هناك مع ندى الامورة

[badroora]

جلاكسي سلامات يا قمر عليكي وعلى البرتقال وكل ماهو فيتامين سي .

امانى وحشتينى اوى بس يعنى هو الواحد ميعرفش يطفش شوية جلاكسي قالتلى هلاقي الناس كلها هناك وانتى عوزانى احط العنوان على العلن عشان الاقي باقي الخلق هناك طيب اروح فين بقي ؟

بخصوص الخير والشر

شوفي يا امانى لازم يكون فيه خير وشر عشان نعرف الفرق بينهم وكمان عشان نقدر نميز بين انسانة نقية طيبة القلب مثلك وبين الشررريين .

وكمان لو الدنيا بقت كلها خير يبقي مش هنسعى ومش هنجد عشان نحصل على الثواب عرفتى ايشلون

عشان هيك الله خلق الخير والشر والحلال بين والحرام بين

تم تعديل 7 أبريل 2008 بواسطة Badria Mekkawy

[zizetta]

والله يا بدارة اللي انتي بتقوليه ده ممكن يكون كلام معقول برضة .. بس بيتهيألي لا أنا ولا أنت نقدر نحكم .. أنا شخصيا ًما كنتش عارفة السبب في حكاية الرومانسية المتأخرة دي عند البعض .. وده طبعا لأن لسه بدري علي لما أوصل حتى للثلاثين مش الأربعين علشان كده طلبت المشورة

بالنوسبة بقى للسواقة .. أنا بعمل عمايل .. وكتير بشوف ناس عمالة تشاور بإيديها وتعمل حركات بسيارتها تنم عن الغضب ويقفلوا علي وزعيق .. لكن أنا بقابل كل ده بإبتسامة بسيطة واقولهم .. هو محدش قالكم قبل كده ما تمشوش ورا واحدة ست ..خاصة وهي بتسوق .. واسيبهم واجري ...

أنا بفكر حالاً أقوم أشوف اللحمة اللي علي النار لأني عايزاها مسلوقة النهاردة مش مشوية زي كل مرة ... والمعني في بطن الشاعر علشان الشاعر عصافير بطنه بتصوصو زي .

تحياتي

زيزيتا

[badroora]

بفكر يا ترى زيزي طبخه ايه جنب اللحمة

[galaxy]

ميرسي اوي يا اماني .............ميرسي اوي يا بدريه. ............علي سؤالكم الجميل

الحمد لله الوضع في استقرار نسبي دلوقتي وربنا يستر...............

حبيبتي بدريه ..........ما تزعليش من الحادث .........انشاء الله خير ...........ويا ريت تبصي للموضوع من نظرة تانيه افضل واعمق

ان اي شيئ مؤلم او سيئ بيحصل للانسان...........بيشيل من ذنوبه ..........و بيحط في ميزان حسناته........يعني ابتلاء في المقام الاول والاخير ...........ولمصلحتك اولا واخيرا...ربنا يجعلها في ميزان حسناتك يا بدردر.......والحمد لله انها جت علي قد كدا و رجعتلنا بالسلامه......................

وما تحرميناش من طلتك علينا......................................تعيشي وتاخدي غيرها

ومبروك مقدما ع الهوندا