لو جافاك النوم. ... إفصل على طول لازم توقف مخك

[عادل أبوزيد]

دي وصفة مجربة للهروب من القلق  لازم توقف مخك 

المخ طبيا - على رأي الدكتور عكاشة لا يهمد و لا يكل - 

ببساطة  إفصل  إسحب الفيشة

[tarek hassan]

40 دقائق مضت, عادل أبوزيد said:

ببساطة  إفصل  إسحب الفيشة

دي طباع فيه ناس تقدر تريح مخها 

بل في فيه ناس معطلاه

 وفيه ناس مشغلاه علطول 

وكل واحد بيدفع الفاتورة حسب الاستهلاك

مشكلة فقط عند الناس اللي طبعها انها تشيل هم كل شيء وتعمل حساب كل شيئ

اعمل ايه يا استاذ عادل لما الاولاد يتخرجوا وبلغة العصر يبقوا منفضين لكل حاجه والاقي نفسي برضه لسه شايل الحمل

الأجيال تغيرت ويمكن يكونوا معذورين لانهم لو فكروا هيتعبوا لان المشاكل زادت

لازم حد مننا يحمل المسؤولية ولا يشيل الفيشة واختارنا اولادنا هما اللي يشيلوا الفيشة واحنا نستمر الى ما شاء الله 

زي ما بيقولوا متعلقين في الساقية

[Salwa]

تحية طيبة..

تسمحوا لى يا اساتذة اقول رايي؟

وخصوصا ممكن أرد على جملة جاءت فى مداخلة الأستاذ طارق..

لماذا تختار حضرتك...تحمل المسئولية. .مدى حياتك؟

وهل هذا تعتبره...حب الابوة؟

لماذا تريد من الآباء  أن يظلوا..دايرين ف ساقية.

والأبناء....يشيلوا الفيشة ..او بمعنى أدق...يرموا على آباءهم  الحمل كله؟

طيب...

رغم ..ظن...او..اعتقاد حضرتك...أن..ليس فى الإمكان ابدع من ما كان...

وأن..ظروف الاولاد وحشة...و..يعانوا وحايعملوا ايه.

أقول لحضرتك...مع كل احترامى..

ده..خطأ 

حضرتك..اللى بتستسهل..

حضرتك...اللى وصلتهم لكدة

حضرتك..لم تفرق ..بين  محبتك لاولادك ..وبين تربيتهم وتعويدهم وتعليمهم ..ك..الطيور الصغيرة..

اطعمهم..أنتظر حتى يجمد ربشهم  وعلمهم الطيران..وليعتمدوا على أنفسهم.

..حتى حديث سيدنا على بن أبى طالب...

قال....سبع...وسبع...وسبع...

داعب ولدك سبع...وأدبه سبع...وخاويه سبع ثم أترك حبله  على غاربه

معذرة...

ربما كنت فى حديثي صريحة أكثر من اللازم ...

وربما...تظن حضرتك ان هذه وجهة نظرى وتنطبق فقط على...//اللى قلبه جامد//

شوف حضرتك...المفروض...الاولاد يتعلموا من صغرهم  ويفهموا ...أن الآباء  من حقهم ايضا  أن..يرتاحوا.

الكفاح...إلى سن معين.

الابن الذي يعتمد على أباه...طيلة الوقت...ابن مدلل

 

افهم ان تقلق...شيء طبيعى..

تقلق على صحتهم...على ظروفهم...على أولادهم...لكن..؟

لا تتحمل المسئولية. ..لا...غلط.

غلط طبعااا..

الابن...مفروض يشتغل خلال العطلة الصيفية...أثناء التعليم الثانوى والجامعى

الابن...أن لم يجد...وظيفة جاهزة...بعد تخرجه..

ممكن يشتغل اى شغلانة...

لازم...مفيش بطالة...لكن فيه..كسل وتواكل

على فكرة...

للأسف الشديد جداااااا....أكثر الأسر المصرية...من الطبقة الوسطى..

تفكر بنفس الطريقة...

الأب. ..يربي وتشترى الشقة وقبلها الشبكة ويدفع المهر..والابن عليه يتجوز ويخلف  ويأخذ كمان المصروف الشهرى من أبوه.

هو فيه كدة؟

ده اسمه ايه؟...

انا اعرف واحد...قصدى...اتنين....من دمى.

ممكن نقول...ميسوري.الحال جدا ا.

والاثنين دول...ربوا أولادهم تربية...فى نظر البعض...قاسية...

أقسم بالله العلى العظيم....شفت بعينى وبكيت..

عند رؤيتى للابن وهو عنده اربعتاشر سنة وابوه بيخليه يشيل..صناديق بضاعة ثقيلة جدااا

و...هذا الرجل عنده أكثر من سبعين عامل..

وعندما وجد الدموع شبه متجمده فى عينى...قال لى .

لازم يعرف أنه علشان يوصل لابد...يشقي

 

الأب. ..كان ممكن يقول لابنه....اقعد على مكتبى...راجع الحسابات

لكنه...قرر أنه...يتركه الأول ف المصنع ...مع الإنتاج...

و...

تعالى شوف الولد ..مثله الأعلى...أبوه.

وهو الآن. ..من اكبر رجال الأعمال فى مصر.....وغيرها .

هو ده الصح..

[عادل أبوزيد]

مسألة إمكانية إن الإنسان يمكن يوقف عملية التفكير قبل أن يخلد إلى النوم تكاد تكون غير ممكنة حتى لو كان تفكير الإنسان قبل النوم منحصر في تمرين هندسي على نظرية فيثاغورس

 

[tarek hassan]

23 ساعات مضت, عادل أبوزيد said:

مسألة إمكانية إن الإنسان يمكن يوقف عملية التفكير قبل أن يخلد إلى النوم تكاد تكون غير ممكنة حتى لو كان تفكير الإنسان قبل النوم منحصر في تمرين هندسي على نظرية فيثاغورس

النوم متعلق بالجسد ولا الذهن 

انا لو تعبان من قلة النوم ومحتاج النوم هنام وغصبن عن الفكر

فيه تجربة ناجحة ومجربة لعلاج الأرق ذكرها الفنان الكبير محمد عبد الوهاب في أغنيته.... المية بتروي العطشان 

حيث قال 

وان طال بك ليل الاوهام

وعيونك مش قادرة تنام

صدقني خدلك حـمــام

يجي نــومــك والليلة هنية

والأغنية 

الميه تروي العطشان

وتطفي نــــار الحيران

يا جمالها والحوض مليان

وانا عايم على وش المية

يا سلام عالمية المية

وان طال بك ليل الاوهام

وعيونك مش قادرة تنام

صدقني خدلك حـمــام

يجي نــومــك والليلة هنية

يا سلام عالمية المية

يا محير قلبك وعينيك ليه تشــــكي والحق علية

الـــدنيا بتضحك حواليك اتمتع واضحك للــمــيــة

يا سلام عالمية المية