بصراحه انا عن نفس ذات نفسي مش عايزك

[م تيمور المراغي]

صرح الرئيس السيسي منذ قليل التصريح التالي:

"لو مش عاوزينى ابقا موجود هنا أنا معنديش مشكلة"

وقال أيضا: "لو كلامي مش عاجبكم نعمل استفتاء اقعد او امشي "

وانا عن نفسي واعتقد معايا مصريين كتير بنقول لك بعلو حسنا ميرسي و مش عاوزينك

بالمناسبة انا مش اخوان عشان بس التهمة المعلبة الجاهزة دي بقت ماسخة اوي

ياريت يكون قد كلمته ويعمل استفتاء بدون قمع ولا بطش ونشوف ال ٥٤ مليون اللي طنشوه رايهم ايه 

[tarek hassan]

منذ ساعة, م تيمور المراغي said:

صرح الرئيس السيسي منذ قليل التصريح التالي:

"لو مش عاوزينى ابقا موجود هنا أنا معنديش مشكلة"

وقال أيضا: "لو كلامي مش عاجبكم نعمل استفتاء اقعد او امشي "

وانا عن نفسي واعتقد معايا مصريين كتير بنقول لك بعلو حسنا ميرسي و مش عاوزينك

بالمناسبة انا مش اخوان عشان بس التهمة المعلبة الجاهزة دي بقت ماسخة اوي

ياريت يكون قد كلمته ويعمل استفتاء بدون قمع ولا بطش ونشوف ال ٥٤ مليون اللي طنشوه رايهم ايه 

انا عن نفسي والغالبية نؤيد الرئيس القائد السيسي صاحب الانجازات والمشروعات الغير مسبوقة 

مس عارف ازاي حضرتك بتفكر وبتقول ٥٤ مليون طنشوه وحسبت اللي مرحش عليه ولك 

انا عارف انك مش اخوان بس من فلول المتعاطفين أو الابريليين 

كانك بتحلم اصحى يا عم تيمور محمود عزت اتقبض عليه والابريليين محدش عارف راحو فين ..  

منهم من قضى نحبه ومنهم من ينتظر  يمكن الفوضى ترجع والسبوية تشتغل ويموت الزمار وايده بتلعب ولسان الحال لا الحلق جاني ولا كلام الناس كفاني

لكن الشعب صاحي وحلم الرجوع مستحيل فلا داعي للاستعداد بتخريم الودان والانتظار الدائم للاصطياد في الماء العكر

وانت بتغرد لوحدك من دبي وكان غيرك اشطر

لا تضيع وقتك في الوهم وشوف حاجه تنفع اعملها للبلد 

تحيا مصر يا تيمور 

[الباشمهندس ياسر]

تحيا مصر تحيا مصر 

بس انت سيبها و هي تحيا

 

مش عايزينك يا سيسي 

 

ازيك يا تيمور... اخبارك ايه

[tarek hassan]

18 ساعات مضت, الباشمهندس ياسر said:

بس انت سيبها و هي تحيا

ش عايزينك يا سيسي 

طيب ما تشوف لينا رئيس على مزاجك كده ياريس بس ما يكونش زي اللي جه من بعد المركوبة 

ياريت تخلوا بالكم المرة دي

[الباشمهندس ياسر]

ربك يسهل يا اخي 

اهو هيبقي اقل ضررا من اللي علي مزاجك انت

[عادل أبوزيد]

شعارنا في محاورات المصريين مواطنين لا متفرجين ، المواطنة عبارة عن مواقف و أفكار جادة و موضوعية أكرر جادة و موضوعية

مشاركتكم - أقصد الفاضل تيمور  و الفاضل ياسر - بعيدة عن الجدية و الموضوعية  هي نوع من عدم الإستلطاف لشخص الرئيس عبدالفتاح السيسي 

من حقكم طبعا أن لا تستوعبوا ما جرى و يجري على أرض مصر و بالذات في ظروف وباء كورونا     هل كتاباتكم مبنية على مقارنة بين حياتكم هناك و حياتنا في مصر

[عادل أبوزيد]

شعارنا في محاورات المصريين مواطنين لا متفرجين ، المواطنة عبارة عن مواقف و أفكار جادة و موضوعية أكرر جادة و موضوعية

مشاركتكم - أقصد الفاضل تيمور  و الفاضل ياسر - بعيدة عن الجدية و الموضوعية  هي نوع من عدم الإستلطاف لشخص الرئيس عبدالفتاح السيسي 

من حقكم طبعا أن لا تستوعبوا ما جرى و يجري على أرض مصر و بالذات في ظروف وباء كورونا     هل كتاباتكم مبنية على مقارنة بين حياتكم هناك و حياتنا في مصر

فاتني أن أذكر أن محاورات المصريين  في المقام الأول  صالون ثقافي سياسي إجتماعي و قد إنضم الفاضل تيمور لمحاورات المصريين في سبتمبر سنة ٢٠١٠ و شارك ب عشرة آلاف مشاركة والفاضل ياسر إنضم لنا سنة ٢٠٠٨ و له ٥٤٠٠ مشاركة.

أكيد خبراتكم الحياتية و الثقافية و العلمية تمكنكم من المشاركة ثقافيا و علميا و دعوا السياسة لمن هي إهتمامه الرئيسي دراسة أو ممارسة  

[Guest يا رب تفهمني]

انشاء الأحزاب السياسية في مصر يتم بالإخطار يعني مش حدوتة !

و في مصر دلوقتي عدد كبير من الأحزاب السياسية  ( على كل لون يا باتستا)  يعني أكيد حضرتك ممكن تشارك في الحزب اللي يناسبك و تدعو لما تريد  حتى و لو كان ريان يا فجل

و أظن  دي أصول ممارسة العمل السياسي

طريقة الهتيفة سواء بأجر أو لله و الوطن  إنتهت من زمان

[tarek hassan]

لسه بتنقلوا من قنوات الاخوان ولسه بترددوا كلامهم ولسه راكبينكم زي ما ركبوا المركوبة

انا بوجه كلامي للي قالوا مقوله الاخوان .... مش عايزينك يا سيسي في الفيسبوك

عاملين زى واحد إنضرب على قفاه ميت قفا على سهوه وبرضه مخدش باله  ...

لازم تعيشوا مركوبين ملكمش ثقافة ذاتية 

صحيح قول الشاعر 

الذليل بغير قيد مقيد كالكلب

ان لم يسد بحث عن سيد

أيها الباكون على أطلال المركوبة 

افيقوا المردغة بتاعت الثورة مش هترررررجع

و السيسي يلزمنا وهنغير له الدستور علشان يقعد على قلبكم مدى الحياة

عايزينه ومش عايزين نشوف خلقتكم

طبعا كلامي ليس للزميلين العزيزين

[suma]

مساءالخيرات على الجميع وكاتب المقال ومن قام التعليق 

 

  والله تعجبت فالريس قال كلاما كثيرا غير تلك العبارة ولم تتطرق لأي منها ! وقام بعمل أشياء لا تعد ولا تحصى من سنوات  وبرضه لن تنظر اليها ..وعجبي

ولأن حضرتك بعيد عن مصر فلم يصل لك نبضها الحقيقي للأسف_يا سيدي أغلب الشعب هنا يثمن كل ما يقوم به الريس ويكفي دعاءأصحاب العشش والعشوائيات الذين انتقلوا مما هم فيه لشقق آدمية جاهزة من كل شيء ,لو استمعت لأصواتهم لقالوا لك لا نريد سواه .

 وأحب أ ن أطمئن سيادتك أن الشعب وعى الدرس جيدا ولم يعد يسهل التغرير به ولا اقناعه بشيء يرفضه  وبعد الريس ان شاء الله بعد زمن طويل لن يرضى بريس خارج المؤسسة العسكرية فقد سئم من أصحاب المصالح والأجندات الخاصة .

ولك تحياتي بعد كل هذا.

 

 

                    سومه

تم تعديل 2 سبتمبر 2020 بواسطة suma

[م تيمور المراغي]

المحاورات بعد التاريخ العريق  و السنين دي  كلها  صفصفت على نفرين تلاته مصقفاتية للسيسي محسسني انه اعظم حاكم في التاريخ!

لا وجميلة حتت سيبكم من السياسة دي وشوفولكم حاجه اتسلو بيها 

عموما مسيره يرحل سواء بخاطره او غصب عنه واللي حييجي بعده حيطلع كل المستخبي وحلاقيكم برضو بتسقفو و تطبلو للجديد 

لي عودة بعد فترة قد تطول او تقصر لكنها اكيدة

بصراحة الوضع الحالي يسد النفس

[tarek hassan]

3 ساعات مضت, م تيمور المراغي said:

المحاورات بعد التاريخ العريق  و السنين دي  كلها  صفصفت على نفرين تلاته مصقفاتية للسيسي محسسني انه اعظم حاكم في التاريخ!

لا وجميلة حتت سيبكم من السياسة دي وشوفولكم حاجه اتسلو بيها 

عموما مسيره يرحل سواء بخاطره او غصب عنه واللي حييجي بعده حيطلع كل المستخبي وحلاقيكم برضو بتسقفو و تطبلو للجديد 

لي عودة بعد فترة قد تطول او تقصر لكنها اكيدة

بصراحة الوضع الحالي يسد النفس

الحمد لله ان الوضع الحالي يسد النفس بالنسبة لك .... وطالما نفسك اتسدت يا تيمور إذن الوضع على غير هواك .... لان هواك مع الثورة اللي جرت الخراب  ...وعلشان نفسك تتسد اكتر اسمع السيسي بيقول ايه  

[Guest مستغرب]

بصراحة   بصراحة  إحنا مش ملاحقين على ما يحدث فعلا على الأرض

إللي بيجرى سابق تخيلاتنا   تخيلات الناس العادية .... الفهمانة

صحيح الكهربا غليت بس غليت كام و على مين  و كمان المياه غليت بس برضه غليت كام و على مين ؟

كان فين ده كله ؟

[tarek hassan]

22 دقائق مضت, Guest مستغرب said:

بصراحة   بصراحة  إحنا مش ملاحقين على ما يحدث فعلا على الأرض

إللي بيجرى سابق تخيلاتنا   تخيلات الناس العادية .... الفهمانة

صحيح الكهربا غليت بس غليت كام و على مين  و كمان المياه غليت بس برضه غليت كام و على مين ؟

كان فين ده كله ؟

 رغم كل شيئ نحن نخرج من العشوائية والفوضى الى الاحترام والاستقامة وبناء الدولة 

يعني ايه دولة محترمة ومتحضرة ورائدة وحضارة لا يخرج أبنائها للتعبير عن رأيهم واختيار مرشحهم والمشاركة الفعالة في الانتخابات

وما معنى الفوضى في البناء دون تراخيص وتجاهل الدولة وسرقة أراضيها والبناء عليها 

يا سيدي تحريك الأسعار شيئ طبيعي كانت مرتباتنا اقل بكتير من مائة جنيه الوقتي يزيد عن خمسة آلاف هل هنفضل زي ما احنا 

ياريت نثق في الدولة انها بتبني لمستقبل ولادنا

[عبير يونس]

On 9/10/2020 at 4:32 PM, م تيمور المراغي said:

المحاورات بعد التاريخ العريق  و السنين دي  كلها  صفصفت على نفرين تلاته مصقفاتية للسيسي محسسني انه اعظم حاكم في التاريخ!

لا وجميلة حتت سيبكم من السياسة دي وشوفولكم حاجه اتسلو بيها 

عموما مسيره يرحل سواء بخاطره او غصب عنه واللي حييجي بعده حيطلع كل المستخبي وحلاقيكم برضو بتسقفو و تطبلو للجديد 

لي عودة بعد فترة قد تطول او تقصر لكنها اكيدة

بصراحة الوضع الحالي يسد النفس

ازيك يا باشمهندس

ولما هي مصفصفة على نفرين تلاتة مصقفاتية حضرتك ليه عامل موضوع في المكان المهجور ده؟!!

حضرتك  واخد من وقتك وجهدك عشان تقول رأيك لاتنين تلاتة؟

حضرتك عارف ان الناس مبتحبش القوانين اللي هنا و لا الالتزام بالقواعد ولاقيين في الفيسبوك ضالتهم عشان يتحرروا من كل شيء ويقولوا كل اللي هواهم براحتهم واللي يضايقهم بلوك و يختفي

المحاورات مرحلة مهمة في حياة أجيال

وكانت ملجأنا وملاذنا وقت الغربة والعتمة بعيد عن مصر

وعن نفسي اتعلمت فيها يعني ايه وطن وبسببها اتجرأت انهي الغربة و ارجع

وقررت انزل مصر وسط الاهوال وقت الفوضى اللي الحمد لله ماعادتش موجودة ومش حاترجع ابدا

عقبالك لما ترجع وسط اهلك وناسك يا وٍلد المراغي

[Fahman]

الرجل لا يعرف ماذا يفقد بإغترابه ...... يااااا

وكتابته هذه نوع من التثاقف أي إدعاء الثقافة

[أبو محمد]

رصيده كاف .. ويتجاوز أحلام الحنجوريين الواهمين