سلامات .. سلامات .. سلامات يا محليات

[se_ Elsyed]

وأنا صغير لما كنت أتفرج على فيلم عربي .. وكانوا يجيبوا فيه مشاهد من تصوير الأفلام .. كان بيعجبني قوي الراجل اللي بيطلع ماسك بتاعه خشب .. وفيها بتاعه من فوق وكل شويه يخبط البتاعتين في بعض ويقول كلاكيت عاشر مرة ..

وكنت أقعد أقول في عقل بالي : يا سلام وهي دي كيميا .. ولا شغلانه يعني عشان يجيبوا إسم الراجل في تيترات الأفلام ويعملوا له وظيفة يهبر منها قد كده ...

دلوقت لما كبرت وعقلت عرفت معنى الكلاكيت

يالا بينا نشوف المحليات بتاعتنا اللي لها وزير " أعتقد إسمه حاجة الشريف " واللي لها مجالس محليات - كلهم على فكرة حزب وطني ومش عايز أقول حراميه وهليبه - ولهم أحياء - أي رئيس حي لازم يبقى لوا يا شرطة يا جيش وفيها لا أخفيها -

إوعى المحليات .... حوش المحليات ... المحليات راحت .. المحليات جت

وبعدين بصوا لما تجيلهم بخة ميه بيعلموا إيه

آه أيوه إفتكرتو ... العنوان ده متكرر من عشرات السنين كل ما النوا تبقى شديدة حبتين ... ومش عارف لو مرة نزل علينا تلج على شيوة سيول جامدين هانعمل إيه ....

بتهيألي هانبقى زي قارة أطلانتس المفقودة وستكون مصر أثراً بعد عين .. يعني هانلاقي الثلج مع المطر جرف البيوت بالقصور بالأهرامات ورماهم في ترعة المحمودية

الأمطار.. فضحت عجز المحليات..!!

ارتباك المرور في الشوارع.. وإلغاء حفلات السينما..!!

خوف وفزع في المترو.. بسبب أصوات الفرقعة العالية!!

كشفت الأمطار الغزيرة التي تساقطت علي مختلف المحافظات عن عجز المحليات.. غرقت شوارع المدن والقري في "شبر ميه" كما يقولون.. وتحولت إلي برك عطلت حركة المرور في أماكن عديدة!!.. لم يعد للبالوعات التي تم إنفاق مبالغ طائلة عليها وجود.. مما ساهم في الحالة التي وصلت إليها الشوارع من ارتباك وفوضي.. تأثرت أسلاك الشبكة الكهربائية بمترو الأنفاق. حيث فوجيء الركاب بأصوات فرقعات مفزعة أصابتهم بالرعب. تلا ذلك انفصال التيار الكهربائي. ولكن سرعان ما عاد مرة أخري.

انخفضت إيرادات دور العرض ليلاً بعد اضطرارها إلي إلغاء حفلات التاسعة مساء بسبب عدم وجود إقبال.. وتراوحت إيرادات الأفلام بدور العرض التي استمرت في العمل بين 230 جنيها و500 جنيه..!!

[mnman]

الوجة الاخر للعملة: المحليات لتحلية افواة ارباب الحكومة وخادميها بما لذ وطاب من الرشاوي والعمولات والهبش والتهليب....

[إبن مصر]

يا سى السيد يا اخويا الى حصل فى اكتوبر لا ينكتب ولا يتقرا.........

نسيبى عربيته عطلت على محور 26 يوليو بعد 20 دقيقه فقط من بدايه الامطار .... قووووووووم انا خدتنى الشهامه ما انت عارفنى .....رحت مكلم السواق بتاعى وقولتله خد ميكانيكى فى ايدك واطلع على المحور لحد ما اجيلك...... قوم انا دورت ست ابوها مع على النقابه مكان ما اخدنا القهوه مع بعض فاكر .......!!!!! قوم انا يا اخويا اتحركت من هنا والاتى حدث :

1- انقطاع التيار الكهربائى عن المنطقه بالكامل |( مدينه 6 اكتوبر) حتى منتصف المحور اى بطول لا يقل عن 23 كيلو متر اى فى نطاق محطتى كهرباء......ولمده 30 دقيقه كانت كافيه للكوارث .

2- كل الميادين بلا استثناء تحولت اتل بحيرات صناعيه بارتفاع المياه الى ما لا يقل عن 65 سم من المياه ولك انت تتخيل ما حدث لكل السيارات من عائله الفيات ذات الاسبراتير السفلى ( 42 سياره انا عاددهم والله عطلاانين على الطريق ) وطرق باكملها بكامل طول نهر الطريق غرقت والناس مشيت فى المعاكس وش فى وش من غير نور ( امام جامعه مصر الدوليه ومستشفى دار الفؤاد)

3-كى اعود الى المدينه اضطررت ان اذهب الى المهندسين عشان الف وارجع اكتوبر ..... تصدقها يا احمد امشى 18 كيلو عشان اعمل يوتيرن..

العمليه كانت مهزله.....بكل المقاييس واحنا ايه اسمنا مدينه جديده ومدينه المستقبل .... امال القديم عمل ايه؟؟؟؟؟؟؟؟

انا عرفت انهم سدوا بلاعات الامطار الى كان الانجليز عاملينها فى مصر عشان من مخلفات الاحتلال وبتفكرهم بالملكيه....

سلم لى على البابا غنوج يشرائح الليمون المهروسه....... بجد

[se_ Elsyed]

لا حول ولا قوة إلا بالله

بس يعنيه إسبراتير؟

حدث لكل السيارات من عائله الفيات ذات الاسبراتير السفلى (

[kokowawa1979]

أعتقد أخى السيد الإسبراتير هو الجزء الذي يحتوي على الإبلاتين والكوندنسرهذا في السيارات القديمة التي يوجد بها كربيراتور لكن السيارات الجديدة لاتحتوى على ابيراتير الآن وحل محل ذلك الإنجيكتور مع المنظم الالكتروني

لكن السؤال لماذا تشل الحياه في مصر عموما عندسقوط الأمتار مع إته تم فتح بطون الشوارع أكثر من مرة - إما لتركيب مواسير المجاري أو تركيب كابلات التليفونات أو تركيب مواسير مياه الشرب !!! فلماذا لايتم فتح بطن الشارع مرة أخرى لتركيب البايبات الخاصة بتصريف مياه الأمطار وهي تبقى سبوبة جديدة لاخوانا بتوع المحليات !!!!

تم تعديل 6 أبريل 2006 بواسطة kokowawa1979