إلى محبي القراءة في المنتدى

[لخبطه]

كتير أوي تمر علينا موضوعات في الأدب أوالتاريخ او الدين أو حتى الفن ودايما بيجي السؤال التقليدي دا

ياترى إيه أنسب حاجه ممكن الواحد يقراها في الموضوع دا إيه أقصر طريق للوصول لمعلومة صح ومباشرة وبشكل شيق ............

فكرتي أننا نعمل سجل بسيط هنا لكل ما قرأنا ويكون ثابت يمكن الرجوع له في وقت الحاجه وكل عضو من المحاورات المهتمين بالقراءة - وهم كثر مشاء الله - يشارك يقول هو قرأ وعجبه وينصحنا بيه ودا هيفيد كتير أوي ويوسع دائرة قرأتنا كلنا ........... كمان دا مفيد أوي للناس اللى توقفت عن القراءة ليس لشىء غير انها مش عارفه إيه الجديد إللى اتنشر أو يستحق القراء

طريقة وضع كتاب هتكون كالتالي

المحاور يقول اجمل ما قرأت في الأدب مثلاً كذا ويقول اسم الكتاب ولو أمكن يقول دار النشر وسنة الطبع و السعر و من فين نقدر ناخد الكتاب

يالله عتاولة القراءة يدوني توصياتهم

[dr khaled]

اجمل مداخله قراتها و اضم صوتي اليك ارجو ان يكون موضوع مثبت علي قائمه المواضيع

شكرا يا لخبطه

هابتدي بنفسي :

عالم صوفي : كتاب شيق جدا في الفلسفه لمحبي هدا العلم للكاتب جوستاف غاردير

يتناول فيه تاريخ الفلسفه و تطورها في شكل روائي جميل يباع في مكتبه مدبولي 45 جنيه

محاورات افلاطون: لتوسيع مدارك الفكر وهو كتاب صغير شيق

احياء علوم الدين للغزالي : متخم بالاحاديث النبويه و مبوب جيدا و الكويس اللي فيه انه جايب احاديث كتيره ومبين الضعيف من القوي سيجعلك تدرك انه كثير من الاحاديث التي يستخدمها دعاه هدا العصر احاديث ضعيفه

تفسير ابن كثير: للرجوع اليه لمعرفه تفسير اي ايه

موسوعه اليهوديه و الصهيونيه :للكاتب دز عبد الوهاب المسيري يكفي الموسوعه المختصره وهي عباره عن جزئين

حكمه الصين::للكاتب فان براج وهو كتاب صغير الحجم عت حضاره الصين و تعاليم كونفشيوس

لمحبي البورصه

beginner guide for short term trading by toni turner

jabanese candle stick bt steve nieson

يمكن الحصول علي هده الكتب من امزون

التاريخ

انا اعشق كتب التاريخ باكملها و خاصه التاريخ الفرعوني

ارشح كتب للدكتور نديم السيار ( الفراعنه اول الموحدين ) باجزائه الثلاثه

لما فيها من رد اعتبار لاجدادنا العظماء

اشكرك مره تانيه يالخبطه وارجو ان تكون المشاركه هنا من كل الاعضاء وان تكون مشارمه جديه

[عبدوس الوزير]

في الأدب الأمريكي المعاصر:

To Kill a Mockingbird

رواية في منتهى الجمال

[لخبطه]

دكتور خالد أيه الطقم الشديد دا ياعم براحه على الغلبان

أولا شكرا على الاطراء الكريم من اخ كريم

ثانيا فكرة التثبت ترجع للناس في الاشراف ولو أني فعلا بفكر يكون لنا مرجعيه في القراءة بمعني أنه نكتب دلوقتى اللى نوصي به للقراءة ولو مستقبلا قابلنا كتاب حلو بردو نضيفه

عالم صوفي انا هبعت أجيبه من مصر إن شاء الله لانى عندي نقص في الجانب دا

بخصوص التاريخ فيه

إمام المتقين لعبد الرحمن الشرقاي وهو أفضل ما قرأت عن فترة الفتنه أيام الامام على ( كرم الله وجهه )

في باب الصحابه كتاب شهير الكل يعرفه بوصي اللى مش قراه يقراه

رجال حول الرسول حاجه كدا تحببك في الصحابه سلسه بسيطه (رحمه الله خالد محمد خالد )

فيه حاجه جميله اوي للعقاد اسمها

افيون الشعوب

عمنا عبدوس

شكرا على المشاركه بس عايز اسال الروايه انجليزي ولا عربي

تم تعديل 29 مارس 2006 بواسطة لخبطه

[عبدوس الوزير]

الأستاذ لخبطة

الرواية قرأتها بالإنجليزية ولكني أعرف أن لها ترجمة عربية (أو حتى عدة ترجمات)

والسلام.