البنجر اهم ام الامه العربيه

[mb14]

لم يحضر الرئيس مؤتمر القمه العربيه هذا العام مع انه كان بيطالب بعقد مؤتمر القمه اكثر من مرة خلال العام لبحث هموم الامه !!!!!!!!!!!!!!!!!!!!!1

فتحت التلفزيون لمشاهدة نشرة الاخبار ومتوقع ان يكون الخبر الاول عن مؤتمر القمه ولكن فوجئت ان الخبر الاول عن زبارة الرئيس ومعه كامل هيئه التشريفه من الوزراء لزيارة مصنع لصناعة السكر من البنجر هنا فهمت لماذا لم يحضر الرئيس المؤتمر ليس كما يدعى البعض بانها اسباب امنيه ولكن لان البنجر اهم من القمه العربيه وتصنيع مكعبات السكر عند الرئيس اهم من المؤتمرات التى لا تودى ولا تجيب والرئيس حرص على تصنيع هذه المكعبات والاشراف عليها بنفسه لكى يوزع على كل مواطن مصرى مكعب سكر لكى يذهب به المرارة التى فى حلوق الناس من مصائب النظام التى لم تنتهى نخرج من واحدة ندخل فى التانية .

تم تعديل 29 مارس 2006 بواسطة mb14

[se_ Elsyed]

البنجر أهم طبعاً

فمنه بنعمل سكر نشرب به الشاي .. وكمان بنلون به المخلل وكده .. وساعات بنقطعه على السلطة وكده

[mnman]

السيد/ بنجر بية لو سمحت... دة طلع حبيب الحكومة!!!

مبارك يخشي ان يتكرر ما حدث في اديس ابابا... العمر مش بعزقة... جيمي لسة مش جاهز...

نقول كمان!!!!

ابوك حيسيب البيت ياسلطان...البيت حيتطربق فوق دماغ اهالينا يابوالسلاطيين....

تم تعديل 29 مارس 2006 بواسطة mnman

[Sherief AbdelWahab]

أصل المصيبة هو البيه الموظف جوة ماسبيرو ، موظف زي الدبة ، اللي شالت الحجر الكبير هيلا بيلا و "دببببب" على رأس صاحبها جابت أجله فيها..

إزاي؟

شفت على الشريط الصرصاري في القناة الأولى سطر فيه ببساطة إن الرئيس رايح يفتتح مصنع للبنجر في الوقت اللي فيه القمة العربية شغالة ، وكان ترتيب الخبر طبعاً متقدم وقبل أخبار القمة العربية نفسها اللي خدت ترتيب لا يتناسب مع أهمية الحدث (حتى لو سلمنا إن ما لهوش أهمية أساساً)..

إيه الرسالة اللي وصلها الكلام المكتوب على الشريط ، اللي هو هو الكلام المكتوب على شريط الفضائية المصرية اللي بتوصل للعالم العربي؟

إن الرئيس بيستهين بالقمة ، وبزعمائها ، وبالعالم العربي ، وما بيحضرش القمم إلا على مزاجه ، الأمر اللي خلا جرنال زي الغد يكتب ما معناه أن الرئيس اللي سافر لسبع دول للتحضير للقمة .. ما حضرهاش!..

هذا الموظف الأحمق في ماسبيرو أحرج مصر وأكبر رأس فيها..

بيروقراط يحسسك إن الفراعنة بنوا الهرم تفليتة.. وإنه لا يمكن لأي مصري إنه يعمل أي حاجة صح..بيروقراط خطر على النظام ، خطر على مصر ، والمصريين بالطبع..

خلص الكلام

[احمد هادي]

يا حكومة مصر

الصمت يكون أحيانا افضل من الكذب

:lol: mfb: mfb: :P

[سقراط المصري]

اصل البنجر طعمه حلو لكن

القمه العربيه طعمها مر

عاش الرئيس السكر

[haivi]

من بنجر لقمه يا قلبي لاتحزن .

والله منا عارف البنجر أحمر ولا مبارك أحمر