كيف تشتري الأشياء ؟

[se_ Elsyed]

بالتأكيد المنتدى فيه ناس أواريب وما بتبنش أروبتهم الا وهما بيشتروا حاجات تلزمهم ...

فتلاقيه بيفاصل .. ويفحص الحاجة بطريقة مُعينة ويروح لمحل وإتنين عشان ياخد أحسن سعر وأحسن بضاعة ..

فعايزين كل واحد يضع عصارة خبرته في شراء شيء مُعين ..

------

يعني .. أنا لحد ما أتخرجت وبقيت زي الحيطة كنت لا أعرف شراء أي حاجة في أي حاجه إلا الهدوم بتاعتي طبعاً ... إنما تقولي لحمه ، فراخ ، خضار مش عارف إيه .. ما أعطلكش

لكن في الغربة بقى وحيث إن الواحد بيترمي في البحر .. فيا إما تطبش وتحاول تعوم .. يا إما تغرق وماحدش يسمي عليك ..

وكانت أول تجربة ليه هي شراء لحمة ضاني عشان الفتة بتاعت العيد .. لإني جيت قبل العيد الكبير بحاجات بسيطة ... وعملت فيها ابو السباع أنا والعيال العُزاب ونزلت للمعلم حلاوه العنتبلي - مش بتاعنا - وقلت له إقطع لي إتنين كيلو ضاني بس من اللي وصى عليهم داود في التذكرة .. أولاً الجزار عرف إني غشيم - باين كان شكلي يوحي بكده - وراح ملبسني في الحيطة وغلى على السعر .. ثانياً اللحمة ما استوتش وبقت عامله زي الكاوتش

دي كانت اول تجربة

بعد كده إتعلمت بقى إزاي الواحد يختار اللحمة الكويسة اللي لازم تبقى ذات قوام طري .. ولونها مائل للحُمره .. واللي لونها أبيض ما بتستويش أو بتستوي بس طعمها ما بيبقاش كويس عشان الأكل بتاع الدبيحة ما بيبقاش غالباً طبيعي .. وحسب بقى عايزها ملبسة يعني فيها بعض الدهن عشان وهي بتستوي يبقى طعمها كويس ... أو حمرا خالص من غير دهن وساعات تقلب على كاوتش وتبقى ناشفة ..

يعني دي بعض الخبرات البسيطة في شراء اللحمة ..

وماحدش يقولي يعني إيه لحمه ؟

[shahd]

ليه الفضايح دي بقى يا سي السيد :P

انا عن نفسي ما بعرفش اشتري اي حاجة يعني خيبة بالويبة

ولو اطريت والأمر لله اروح واجيب الي انا عايزاه من غير مفاصلة

ده لو عجبني ولو ما عجبنيش اروح سايبة المحل وماشيه

طب ياستي نتفاهم ؟؟ طب استني وانا ولا انا هنا

الفترة الوحيدة الي اطريت فيها اجيب حاجتي بنفسي هيا الي كنت قاعده فيها في مصر لوحدي

رجعت اليمن ورجعت ريما لعادتها القديمة

الا بالحق يا سي السيد هو يعني ايه لحمة :P :P

[عصام]

أنا بقى .. :P

السلام عليكم .. بكام دى؟ :P

بكذا ..

إتفضل ..

شكرا ..

السلام عليكم

مع السلامة

(فى سرى بقى : حسبى الله ونعم الوكيل)

:P

أنا شاطر بقى يا عمو؟ :P

[مصرى00]

:P لأ بأااااااا اللحمة دى سكتى وسسسسع يا جدددددددددددددددع

ده طبعا لأن احنا الى بناكل الجمال :o :o :o

اول حاجة ماتشتريش من واحد تعرفة ( لأنه ماضحكش عليه غير الى باعرفهم وما قدرتش اتكلم ) :P :P

ثانى حاجة لف السوق كويس وشف اللحمة الى لونا وردى بس خلى بالك تكون ناعمة

يعنى ماتكونش الياف اللحمه يمكن تمييزها

واهم حاجة لازم تاخد بالك منها عظام المفاصل بتاعت الدبيحه كويس

كل ماكان لونه غامق كان احسن لأنه كلما كان سنه صغير كانت درجة اللون اغمق

وتبيض كلما كان السن كبير ولا تبصش على الراس المعلقة دايما عند الجزار دى فى الغالب راس حاجة تانيه

ان لاحظت ان اللحم عليها مايشبه الهلام ماتخدهاش

دايما تاخد اللحمة قطعة واحدة واشترط عيه قبل القطعية عشان دايما يحاول تكملة الميزان من حتت لايمكن بيعها فيقوم يوزعها على الزباين

احسن حته تاخد منها وانت مطمئن بيت الكلاوى بس حت واحدة وبعد الميزان يقطعها لك مش قبله :P :P

وابعد دايما عن الفخدة إلا إذا عايز مفروم

دى بصفة عامة

وشكرا

[yacho]

:P لأ بأااااااا اللحمة دى سكتى وسسسسع يا جدددددددددددددددع

ده طبعا لأن احنا الى بناكل الجمال :o :o :o

اول حاجة ماتشتريش من واحد تعرفة ( لأنه ماضحكش عليه غير الى باعرفهم وما قدرتش اتكلم ) :P :o

ثانى حاجة لف السوق كويس وشف اللحمة الى لونا وردى بس خلى بالك تكون ناعمة

يعنى ماتكونش الياف اللحمه يمكن تمييزها

واهم حاجة لازم تاخد بالك منها عظام المفاصل بتاعت الدبيحه كويس

كل ماكان لونه غامق كان احسن لأنه كلما كان سنه صغير كانت درجة اللون اغمق

وتبيض كلما كان السن كبير ولا تبصش على الراس المعلقة دايما عند الجزار دى فى الغالب راس حاجة تانيه

ان لاحظت ان اللحم عليها مايشبه الهلام ماتخدهاش

دايما تاخد اللحمة قطعة واحدة واشترط عيه قبل القطعية عشان دايما يحاول تكملة الميزان من حتت لايمكن بيعها فيقوم يوزعها على الزباين

احسن حته تاخد منها وانت مطمئن بيت الكلاوى بس حت واحدة وبعد الميزان يقطعها لك مش قبله :P :P

وابعد دايما عن الفخدة إلا إذا عايز مفروم

دى بصفة عامة

وشكرا

بصراحه يا مصرى معلوماتك قيمه جدا رغم انى ست بيت من ييجى 14 سنه لكن لا بعرف انقى ولا بعرف افاصل

بس من حيث التنفيذ الامر صعب لان انا لو رحت للجزار وقعدت ابص فاللحمه عشان اشوف العضم الغامق الراجل

ممكن ميقولش حاجه :P تخيل بقى تخيل بس لو حاولت المسها اشوفها ناعمه خصوصا الجزارين الجزايره

هنا فى فرنسا خلقهم ضيق مش بعيد الراجل يلبسنى حتت اللحمه فوشى :o

بس بصراحه انت استاذ فاللحمه

برافو

[لخبطه]

الشراء دا لعبتي يعني أنا واعوذوا بالله من كلمة انا فنان شراء :lol:

القاعدة الأولى

لا تشتري من أول محل لأنك سوف تكون عرضة للاستغلال بنسبة تعادل نسبة تفشي فساد الذمه في البشر

القاعدة الثانية

أذا قال لك البائع 10 إنزل بالسعر و اعرض عليه خمسه سوف يرفض اتركة واذهب إلى أخر سيقول لك 10 - اصلهم متفقين - واعرض عليه 6 وان رفض اذهب إلى اخر واعرض 7 وهكذا فإن تركت المحل وخرج خلفك البائع معلناً موافقته فقد نجحت في أن تحصل على السلعه بسعرها الأصلى مضاف إليه هامش ربح بسيط فاغلب الباعه الأذكياء لن يتركك تذهب إذا عرضت عليها سعر يزيد عن التكلفة مع هامش ربح بسيط

لمزيد من التفاصيل راجع مؤلفاتنا

القواعد الثمان في التسوق بأمان

الأخذ و السيجال لمن إراد الفصال ( جايه من فاصل إي جادل في السعر )

أفكار نسوانية في المساءلة الشرائية

[سقراط المصري]

لمزيد من التفاصيل راجع مؤلفاتنا

القواعد الثمان في التسوق بأمان

الأخذ و السيجال لمن إراد الفصال ( جايه من فاصل إي جادل في السعر )

أفكار نسوانية في المساءلة الشرائية

لخبطه بيه ممكن اقولك يا ابيه

:::::::::::::::::::::::::::::::::::::::::::::::::::::::::::::::::::::::::::

[MZohairy]

طول عمرك لارج ياسي السيد

خليك كده على طول

الفصال ده مش من شيم الناس الفييسه

هين قرشك و متهينش نفسك

بكام؟

بكذا

هات

خد

شكرا

ده كلام البهوات و البشوات

واذا كنت مضطر و نفسك تفاصل بأي شكل ابقى ابعت الشوفير يشتريلك يا سيدي :wub:

[tarek_almeghallawy]

أنا عندي مبدأ في الشرا باقوله لزوجتي لما ادبس في بيعة مش تمام وطبعاً بتتجنن مني

أقولها الحديث بيقول رحم الله امرءاً سمحاً إذا باع وسمحاً إذا اشترى وسمحاً إذا اقتضى

يعني لو خسرنا فلوسنا ورمينا الحاجة في الزبالة بس نكون كسبنا رحمة ربنا

هو جالها الضغط من قليل

أنا خيبان افندي في الشرا والبيع وحتى التعاقدات دايماً عايز اخلص وامشي

أحسن واحد تشتري منه لحمة وانت مطمن عم سعيد في المنفوحة

يجيبلك اللي انت عايزه من غير وجع دماغ

عايز ملبسة يجيبلك عايز حمرا يجيبلك عايز لحمة ترميها برده يجيبلك

[لخبطه]

عمنا الكبير سقراط على ايه ياباشا احنا بس بنقول اللى نعرفه وتفضلوا انتو الكبار بردو

:wub:

[se_ Elsyed]

أحسن واحد تشتري منه لحمة وانت مطمن عم سعيد في المنفوحة

يجيبلك اللي انت عايزه من غير وجع دماغ

عايز ملبسة يجيبلك عايز حمرا يجيبلك عايز لحمة ترميها برده يجيبلك

أنا بأشك دلوقت إنك عم سعيد سخصياً :wub:

عارف يا طقطق .. أنا نفسي أدور على الأستاذ الي قال " مال لحمتك مشغته .. قال له أصل الجزار معرفة "

عشان أبوس راسه وأضرب له تعظيم سلام ...

مثل واقعي 100 % وبينطبق شكلاً وموضعاً على الجزارين ...

والجزارين بالذات

أول مره تشتري من الجزار يبقى هايشيلك من على الأرض شيل .. ويحطلك فوق المييزان إشي مواسير على إشي حتة كِلوه أو قلب .. مرة إتنين تلاتة تلاقيه قلب ولبس لك الوش البلاستيك ويلبسك أحلى لحمه تترمي .. أنا بجد زهقت ..

أخونا المجاهد هاندي كرافت عرفني على جزار في المدبح بتاع الرياض اللي في البطحا ... وأول 3 أو 4 مرات عمل معانا الواجب وزيادة ومع إنه بيبيع اللحمه أغلى من السوق إلا إنها نضيفة وقطعيتها حلوة ..

اخر مره الشهر اللي فات .. قبضنا الحوافز والأشية بقت معدن وقلنا نبر نفسنا بشوية لحمه ... روحت له وأنا متعشم خير .. وأنتهت البيعة بخناقة وقطيعة لإنه غشني عيني عينك وبالتالي سقط من نظري ولو دفع لي فلوس مش هاشتري منه تاني ..

فيستحسن تغير الجزار كل فترة .. ويُمكن أن ترجع لنفس الجزار بعد شهور عشان يعرف إن " الزبون له ألف محل ... لكن المحل مالوش إلا زبون واحد "

[عطر]

ليه بس تفكروني بخيبتي اللي بالويبة :blush:

اقصى حاجة كنت اقولها للبياع انت وضميرك وطبعا انتم عارفين الباقي

بس اتعلمت حاجة حلوة من حماتي اني ادخل على البياع اخسف بالتمن الأرض

يعني لو قال 50 اقول 25 ونبدأ نطلع شوية شوية لحد ما أخدها ب 30 :P

لكن للأسف كتير بيغلبوني ومش بأدر عليهم -_-