ملحق حفل إستقبال الأعضاء الجدد

[الأفوكاتو]

عزيزى ميكى,

كل ما تحتاجه هو أسبوع قراءة فى جميع الأبواب, و بعدها, ستنفتح امامك كل الأبواب.

مرحبا بك معنا, و نتمنى لك وقتا طيبا و ممتعا,و مفيدا بإذن الله..

تحياتى.

تم تعديل 29 مارس 2006 بواسطة الأفوكاتو

[أبو محمد]

إنى أعترض (حلوة دى ياعزيزى الأفوكاتو؟ .. أنفع؟)

الحفلة دى اتعملت وانا غايب أو بمعتى أصح مُغيّب عن المنتدى بسبب مشكلة ال DNS وال IP's ودى ممكن اعتبارها قوة قاهرة أو ظروف استثنائية عامة لا دخل لى فيها .. وبناء عليه فأنا باعرض عليكم حل ودى :blush: وهو إنى اتمتع بخصم 50% على السندوتشات وخصوصا سندوتشات الكبدة الاسكندرانى بالاضافة إلى مشروبات مجانية وجاتوهات طول فترة الحفل .. أفتكر كده عدانى العيب :ph34r:

[se_ Elsyed]

بعد اذن السادة

لى مكان فى الحفلة ولا لا اخدها من قصيرة وامشى عايز مكان قريب من من المسرح علشان العتب على النظر وبعدين عايز حقى فى الجاتوة والحاجة الساقعة لو سمحتوا....

احيى الاستاذة الافاضل

الاخ الكبير الافوكاتو وربنا يديله الصحة والعافية وتحياتى الى الاخ الفاضل عادل ابو زيد واخونا العزيز سى السيد على هذا الحفل وهو حفل تعارف بين الاخوة الاعضاء ويارب يجعله عامر على طول....

يافندم مكان الحفلة واسع وإحنا مأجرين قاعتين أفراح وفتحينهم على بعض ..

وووووووبش يا حبايب

ومرحباً بأبو محمد وأولاده

وميكي وعيلته ( بطوط ودنجل وبندق )

بعد اذن السادة

لى مكان فى الحفلة ولا لا اخدها من قصيرة وامشى عايز مكان قريب من من المسرح علشان العتب على النظر وبعدين عايز حقى فى الجاتوة والحاجة الساقعة لو سمحتوا....

احيى الاستاذة الافاضل

الاخ الكبير الافوكاتو وربنا يديله الصحة والعافية وتحياتى الى الاخ الفاضل عادل ابو زيد واخونا العزيز سى السيد على هذا الحفل وهو حفل تعارف بين الاخوة الاعضاء ويارب يجعله عامر على طول....

يافندم مكان الحفلة واسع وإحنا مأجرين قاعتين أفراح وفتحينهم على بعض ..

وووووووبش يا حبايب

ومرحباً بأبو محمد وأولاده

وميكي وعيلته ( بطوط ودنجل وبندق )

[الأفوكاتو]

الأخ العزيز ابو محمد,

ليك حق عرب,

و سأطلب من المعلم " حلاوة" خبيرنا القانونى فى شئون اللحوم, فى توصيل إلى مقر إقامنكم القانونى, رجلين كوارع عجالى, للتعويض عما فاتكم من إستقبالات سابقة.

أقترح إستعمال الكوارع فى عمل فتة بالصلصة الحمراء( ياخنى) و بالهناء و الشفاء.

تحياتى يا باشمهندس.

[haivi]

تلاجة بيبسي من غير سكر (دايت يعني ) ومن غير تصريح وزارة الصحه وطالعه ببروز سبعين سنتي م الدكان ولحمه مجنونه جنون بقر !!(وش مأمور ضرايب قسم اللبان)

إنتوا ناويين تعدموا الأعضاء الجداد ولا إيه ؟

لا يرقى إلى الشك أن إقتراح الأستاذ أخونا الكبير الأفوكاتو هو نعم الضيافه ونعم الأكل الصحي ففي الفته سواء بصلصتها الحمراء أو بالميكروكروم بعض الفوائد وهم :

تجميد خزان المقاوحه للمقاوحه في المشاركات

تحديد إتجاهات كل عضو للأبواب المناسبه لجمجمته

شطف القلوب شعر ودقن

سماحة وبشاشة الصوره في مخيلة الأعضاء

تسهيل هضم الردود وعدم هضمها بلحمها السيء

ياللا منجيلكوش ف حاجه وحشه

مرحباً بالأعضاء والأخوه والأخوات الجدد ولو إني منهم وربنا يارب كده يبقى ال

مع السلامو عليكو

هي صورتي اللي تحت إسمي بتاعة محمد على كلاي مش باينه ليه وعليها إكس ؟

تكونش والعياذ بالله محذوفه لخروجها عن النص ؟

تم تعديل 29 مارس 2006 بواسطة haivi

[أبو محمد]

الأخ العزيز ابو محمد,

ليك حق عرب,

و سأطلب من المعلم " حلاوة" خبيرنا القانونى فى شئون اللحوم, فى توصيل إلى مقر إقامنكم القانونى, رجلين كوارع عجالى, للتعويض عما فاتكم من إستقبالات سابقة.

أقترح إستعمال الكوارع فى عمل فتة بالصلصة الحمراء( ياخنى) و بالهناء و الشفاء.

تحياتى يا باشمهندس.

ياسلام ياأستاذنا .. ونعم التوفيق Mediation .. إقتراح فى منتهى الذكاء .. لأنك أكيد عارف إن الجماعة الشباب اللى زى حالاتى بيعزوا الكوارع ..

أنا فى انتظار جوز الكوارع اللى حيبعتهم المعلم حلاوة .. بس ياريت يبعت جوز تانى على حسابى مع الواد شغته .. عشان أخلى أم محمد تعمل لنا صينيتين .. واحدة بالياخنى والتانية بيضه بالخل والتوم (اسكندرانى يعنى) .. ونحبس وراهم برشة شاى بالنعناع .. واللى خايف من الحبس ممكن يشرب دايت

كده الأكل 100% .. بس ماحدش جاب سيرة الطرب .. مفيش عواد لزم السلطنة ولا إيه ؟

[se_ Elsyed]

إسمي بتاعة محمد على كلاي مش باينه ليه وعليها إكس ؟

تكونش والعياذ بالله محذوفه لخروجها عن النص ؟

يا أستاذ Haivi

من عادتنا وتقاليدنا بالمحاورات إننا ما نسمحش بصور ناس إعتزلوا .. أو إنتقلوا للرفيق الأعلى ... وذلك عملاً بمبدأ " الحي أبقى من الميت " و " إحييني النهاردة وموتني بُكره "

فلو سمحت دور على اي مُلاكم تاني يكون لسه بيلعب .. يكون كسب على الأقل 10 مباريات .. 6 بالضربة القاضية .. وإتنين بالنقاط .. وأتنين بالكوسة .

شاكرين لحسن تعاونكم معنا ...

الإدارة

دي كانت دعابه بس دمها تقيل ..

( هزار مُشرفين )

يا عم الحاج شوف السايت اللي إنت جايب منه الصورة .. هاتلاقيها إتلغت عندهم وبالتالي مش هايبقى لها وجود ومش هاتظهر تحت إسمك ... مش قلت لك .. ده شغل مشرفين والعياذ بالله ...

أهو الموقع اللي إنت جايب منه الصورة ممكن يكون فيه مُشرف غلس .. وماكانش بيحب كلاي فراح لاغي صورته .

[الرافعي]

أهو الموقع اللي إنت جايب منه الصورة ممكن يكون فيه مُشرف غلس .. وماكانش بيحب كلاي فراح لاغي صورته .

أخي العزيزس.س

حبيت أعرف فقط ... هذا الموضوع كان جزءاً من موضوع الحفلة الذي كتبه الأستاذ عادل أبو زيد، وبدأت حضرتك والأخ سكوب في كتابة فواصل فكاهية فيه، وكتب العبد الفقير -محاولته الأولى- فيه أيضاً ..

فقط أحببت أن أعرف لماذا تم نقله إلى ما يسمى -ملحق- ؟؟

إذا كان الموضوع في الأصل موضوعاً جاداً، ثم أصبح فكاهياً، فهل أنا من جعلته كذلك ؟؟ يعني لماذا لما تنقل أيضاً مداخلاتك الظريفة جداً التي أمتعتني حقاً وعلمتني كذلك هي ومداخلات الصديق العزيز سكوب ؟؟

فقط أردت أن أعرف، ولم أشأ أن أكتب رسالة خاصة حتى لا تضيع، فقد لاحظت أن الرسائل الخاصة لا تصلك مني منذ فترة .. الظاهر البوسطجي لما بييج يقول لك جاي لك جواب من دبي ... (ويغمز لك بعينه ويقول أي خدمة .. عشان تلحلحه، فانت بتطنش وتقول له سانك يو .. أرديحي يعني :blush:

تحياتي

[se_ Elsyed]

أهو الموقع اللي إنت جايب منه الصورة ممكن يكون فيه مُشرف غلس .. وماكانش بيحب كلاي فراح لاغي صورته .

فقط أردت أن أعرف، ولم أشأ أن أكتب رسالة خاصة حتى لا تضيع، فقد لاحظت أن الرسائل الخاصة لا تصلك مني منذ فترة .. الظاهر البوسطجي لما بييج يقول لك جاي لك جواب من دبي ... (ويغمز لك بعينه ويقول أي خدمة .. عشان تلحلحه، فانت بتطنش وتقول له سانك يو .. أرديحي يعني :blush:

تحياتي

أولاً أرد على ا الحتة دي .. عشان تتأكد إن الرسالة الخاصة اللي إنت باعتها لواحد وصلت ولا لأ .. روح للـ sent items لو مالقتهاش يبقى ما وصلتش .. لإن ولا رسالة جاءتني منك في الآونة الأخيرة .

ثانياً : موضوع الحفلة كان المقصود به إن الأعضاء الجدد يعرفوا بنفسهم .. وكمان الزملاء القُدامى يشرحوا لهم قواعد المنتدى ببساطة وبشكل خفيف وظريف .

ولما لقينا في إقبال على الموضوع وظهرت مواهب في التأليف وخصوصاً منك يا معلم تابلي .. قلنا ننقل الموضوع من أول القصة اللي ألفتها لمكان منفصل لمزيد من التفاعل وعشان القواعد والتعريف ما يدخلوش في بعض .

بس خلاص .

[haivi]

واللهي ياعم الحج سي السيد نكتتك مدمهاش تقيل ولا حاجه دي حتى وزن الريشه تبقى تقيله إزاي

ثم إنك نورتني فلوروسنت وفهمتني إن المحروس بتاع المنتدى اللي شديت منه الصوره بتاعة كلاي أفندي إنمسحن وراح

وبالتالي فمحمد على كلاي إتكلن بدون رجعه

وبكده أشد تلغراف للفلينه يبعتولي صوره تانيه مش مهم تكون لأول وآخر بوكسجي حصل على بطولة العالم للوزن التقيل (تقيل بجد) عدد تلاته مره في التاريخ بعد فوزه على جو فريزر - كيني نورتون - وجورج فورمان

ياللا خيرها ف غيرها

يادي النيله :blush: صوابعي نملت تاني

[Hammer]

هو صحيح الكلام اللي أنا سمعته دا ؟ :ph34r:

و أنا ماشي في المنتدي لقيت زحمة جامدة علي باب الموضوع دا و الناس بتزق في بعضيها , و لما سألت واحد من اللي واقفين قال لي إن في أستاذ هنا بيوزع حاجة ساقعة علي الأعضاء !!

ألاقي سباتس دبانة و النبي لو سمحتوا ؟ :blush:

[haivi]

وعندك واحد مفتش وزارة الصحه وصلحه

وعلبتين فليت وديكسان عشان الدبان

متخدش ف بالك كله موجود والإسباتس بالدبان بتاعها كمان موجود

حالاً هيجولك لما يرشوا ميه قدام الدوكانه ويشتروا فتاحه عشان اللي موجوده إتنحرت من كتر الفتح

مرحبتين وحته في الزحمه بتاعة مزج المنتديات :blush:

[الرافعي]

أهو الموقع اللي إنت جايب منه الصورة ممكن يكون فيه مُشرف غلس .. وماكانش بيحب كلاي فراح لاغي صورته .

فقط أردت أن أعرف، ولم أشأ أن أكتب رسالة خاصة حتى لا تضيع، فقد لاحظت أن الرسائل الخاصة لا تصلك مني منذ فترة .. الظاهر البوسطجي لما بييج يقول لك جاي لك جواب من دبي ... (ويغمز لك بعينه ويقول أي خدمة .. عشان تلحلحه، فانت بتطنش وتقول له سانك يو .. أرديحي يعني :ph34r:

تحياتي

أولاً أرد على ا الحتة دي .. عشان تتأكد إن الرسالة الخاصة اللي إنت باعتها لواحد وصلت ولا لأ .. روح للـ sent items لو مالقتهاش يبقى ما وصلتش .. لإن ولا رسالة جاءتني منك في الآونة الأخيرة .

ثانياً : موضوع الحفلة كان المقصود به إن الأعضاء الجدد يعرفوا بنفسهم .. وكمان الزملاء القُدامى يشرحوا لهم قواعد المنتدى ببساطة وبشكل خفيف وظريف .

ولما لقينا في إقبال على الموضوع وظهرت مواهب في التأليف وخصوصاً منك يا معلم تابلي .. قلنا ننقل الموضوع من أول القصة اللي ألفتها لمكان منفصل لمزيد من التفاعل وعشان القواعد والتعريف ما يدخلوش في بعض .

بس خلاص .

يا عم س.س بس هدي نفسك ، إنت اتعديت من حلاوة العنتبلي وبقيت تزعل بسرعة وألا إيه ... :blush:

زي ما اتفضلت سكوب قعد يشرح في قواعد المحاورات في مداخلة واحد تقريباً، وبعدين دخلت إنت وهو في موضوعات مشابهة لهذا الموضوع

والدليل ..... آلولو

ولم يكذب سين سين الخبر وخلال 5 دقائق كان يدور بصاج الشاندوتشات وصندوق البيبس بين الحضور :

س س : أيوه حاجة ساقعه بيبس ... سميط وبيض وجبنه .. إروي عطشك يا صايم ... الكبده الطازة ... معانا السجق اللي بيلعب ... أيوه الهوت دوج الفريش ..

إسكندراني : لو سمحت يا بلادينا .

س س : أيوه يا كابتن ؟ وبعدين إيه بلادينا دي ؟ شايفني لابس عِمه وشايل بلاص فوق دماغي ؟

إسكندراني : مش قصدي والله .. لكن أنا عايز أسألك بس معاك ساندوتشات كبده إسكندراني وتكون في عيش كيزر ؟

س س : طبك موجود .. والساندوتش بإتنين جني بس عشان خاطرك ومعاه درنك مجاناً .

إسكندراني : إيه ده ؟ بس أستاذ عادل قال إنه الحاجات دي ببلاش .. حتة بالأمارة مسكتوا في بعض لما سعادتك إتقرحت واحد سجق جنب الكبده .. وراح أستاذ عادل كان هايضرب بالقلم عشان البادجت كده هاتخرم منكم .. صح ولا انا غلطان ؟

س س : لأ غلطان .. وما ترطش كتير في الكلام ومالكش دعوة بشئون الحكم ... معاك غتنين جني هاتاكل ... ما معكش هاتتفرج على زمايلك وهما بياكولا ويحنسوك .

إسكندراني : لأ هادفع وأمري لله ... حار ونار ...

س س : نعم .. قولت حاجة ؟

إسنكدراني : لأ .. أنا بأقول إنه عايز الساندوتش حار ونار .. يعني سخن ومشطشط ... وربنا على الظالم .

حلاوه العنتابلي : إنت يا بتاع الساندوتشات .... إيه خلص اللي قاعد قدامك ده هوا .. رايح جاي من قدامي وخيلتني وما كلفتش خاطرك تعزم بعقب سجارة حتى ؟

س س : لو سمحت مالكش كلام معايا ... إنت أصبحت رديف دلوقت .. يعني مش على قوة المحاورات بعد ما قدمت إستقالتك ....

حلاوه : طب إعتبرني ضيف وباصي لي ساندوتش سجق ده أنا على لحم بطني من أمبارح ...

س س : طب عشان خاطرك الساندوتش مع الطرشي بأربعة جنية وخمسة وثلاثين ساغ .

حلاوه : ليه إن شاء الله ؟ مانت لسه بايع نفس أم الساندوتش للزميل إسكندراني بجوز لحاليح .

س س : يا معلم الأخ إسكندراني .. عضو عامل .... أما ساعدتك فعضو عامل عامله .

حلاوه : ولا تحسبن الذين قتلوا في سبيل الله أمواتا ... حسبي الله ونعم الوكيل ... ماشي يا سيدي .... ربنا على الميفتيري .

تم تعديل 29 مارس 2006 بواسطة حلاوة العنتبلي

[Scorpion]

يا معلمي .... معلم ...

علي فكرة بقي يا معلم حلاوة .. سيبك من اللحمة شوية و كل شوية سمك مليان فوسفور .. علشان ده موصوف للعالم النساية ...

بص كده في صندوق البوستة بتاعك .. حتلاقي رسالة من اكتر من اسبوع بكلمك فيها عن الفصل ده ..

يبقي ليه العتاب دلوقتي يا صاحبي ؟؟؟

و بص ... بص هنا .. انت كده دخلت نادي المؤرخين بتاع المحاورات ..

كل مرحلة كان فيه موضوع كوميدي بتتذكر فيه كل الأعضاء اللي كانوا بيكتبوا

المرحلة الأولي كانت قصة لسيفوود اسمها اوتوبيس المحاورات

المرحلة التانية كانت للعبدلله و اسمها يوميات كلية بهية الخاصة

و آدي احنا اهه في المرحلة التالتة و استلمتها سعادتك مقشرة و جاهزة ....

تقوم تعمل فيها مقموص .... يا راااااجل .. انا ابتديت اخاف اكلمك بجد لحسن انت بتاخد في وشك و تشوط علي طول ....

ما تخليك حنين بقي ...

[الاسكندرنى]

يابختك ياحلاوة دخلت التاريخ و من اوسع ابوابه

و يابخت من كان الضابط خاله :P

[haivi]

أنا الظاهر دخلت السلخانه بالغلط ولا إيه ؟ :P

[waves]

والله حلوة فكرة الملحق دى يا سى السيد ... :P

بس يارب مايكنش فيه ملحق تانى لحسن كدة حنعيد السنة :P

نعيد السنة ايه ؟؟ اظاهر انا نسيت انى خلصت دراسة خلاص :P

معلش العتب على الذاكرة :P

[haivi]

يالا مهي موجة زهايمر ودايره ع الكل :P

[الرافعي]

يا معلمي .... معلم ...

علي فكرة بقي يا معلم حلاوة .. سيبك من اللحمة شوية و كل شوية سمك مليان فوسفور .. علشان ده موصوف للعالم النساية ...

بص كده في صندوق البوستة بتاعك .. حتلاقي رسالة من اكتر من اسبوع بكلمك فيها عن الفصل ده ..

يبقي ليه العتاب دلوقتي يا صاحبي ؟؟؟

و بص ... بص هنا .. انت كده دخلت نادي المؤرخين بتاع المحاورات ..

كل مرحلة كان فيه موضوع كوميدي بتتذكر فيه كل الأعضاء اللي كانوا بيكتبوا

المرحلة الأولي كانت قصة لسيفوود اسمها اوتوبيس المحاورات

المرحلة التانية كانت للعبدلله و اسمها يوميات كلية بهية الخاصة

و آدي احنا اهه في المرحلة التالتة و استلمتها سعادتك مقشرة و جاهزة ....

تقوم تعمل فيها مقموص .... يا راااااجل .. انا ابتديت اخاف اكلمك بجد لحسن انت بتاخد في وشك و تشوط علي طول ....

ما تخليك حنين بقي ...

الخواجة سكوب ... بوناسيرا سينيوري

أولا: الظاهر إني مش لوحدي اللي بينسى .. مش حضرتك برضه في إحدى رسائلة الكريمة وجهت لي دعوة برضه كريمة "وقلت .. أنا محتاجك في موضوع الحفلة ؟؟؟" صح .. يعني أنا ما رحتش فرضت نفسي هناك مش كده ؟؟؟

ثانياً: يا عمي إذا كان المقصد من الموضوع هو دراسة أصول وبنود العضوية وتذكير الجميع بها من أجل الالتزام، وعدم الخروج على بروتوكولات المحاورات زي ما ذكر الأخ سي السيد فوق ، فلا بأس .. لكن كان من الواجب برضه .. إن حضرتك تنبهني إن المقصود هو أن يبدأ الأستاذ عادل الموضوع، ثم تبدأ حضرتك وسي السيد ووايت هارت .. في تداول الموضوع للشرح بأساليبكم اللطيفة وطريقتك الجذابة الفكاهية التي لا تخلو من معلومات قيمة، لكن الواجب كان لفت نظرنا إلى أن الموضوع للمشرفين فقط ... (والأخرون يمتنعون) :wub:

تحياتي للجميع

على كل حال .. كان هناك أفكار كثيرة للأجزاء التالية من اسكتشات الحفلة، لكن راحت للأسف ...

ما الموضوع إلهام برضه .. مش كده يا عمو ؟؟؟ (مين إلهام دي ؟؟) -_-

[Scorpion]

ساعات يا أخي العزيز الموضوع بيكون ابسط مما تتخيل ....و ما فيهوش كل الحركات دي ....لأنه ما كانش في البال فعلآ ....

و لو بصيت للموضوع فعلآ بنظرة حيادية حتلاقي انه من اول مداخلة فيه دلوقتي اصبح موضوع كوميدي ممتاز .... و اللي علشانه تم اتخاذ قرار الفصل .... مش علشان قاصر عالمشرفين بس .. و بصراحة فعلآ ... انا مش شايف سبب للحساسية دي يا عنتبلي ... ليه ؟؟؟؟ ... لو ما كنتش موافق ما قلتليش ليه في ساعتها مع اني كتبتلك من اول فين حيكون الفصل و حيتحط في انهي باب .. و انك حتكون الأب الروحي ليه ... بجد مش فاهم انت زعلت دلوقتي ليه ....و ايه لزمة العتاب ده ...

فيه حاجة فاتتني او غايبة عني ؟؟؟؟

عالعموم ... طبعآ انت حر انك تعمل اللي انت عاوزه .. بس شكلك حيبقي وحش قدام العالم اللي وعدتها اشي بأدوار و اشي بعربية حنطور .. و اللي بسرقة الأيميل بتاعه ...

انا مالياش دعوة .. انت اللي كنت ماشي توزع وعود انتخابية يمين و شمال ..

فكر شوية من غير حساسيتك دي .. و حتلاقي ان عندي حق ...

نهارك قشطة

و النبي يا زهيري اغنية من اغانيك الحلوة ( هي اغنية واحدة مافيش غيرها اللي حافظها )

:wub: