ملحق حفل إستقبال الأعضاء الجدد

[yacho]

يا جماعه هى الحفله لسه شغاله واللا شطبتوا خلاص

بما انها حفل تعارف مع الناس الجداد يبقى احنا اولى بصراحه بالحاجات الحلوه دى اللى بتتوزع ببلاش بصراحه انا عايزه ابقى صاحبتكم بعد ما قريت

لكم كتير وباتبسط قوى وباضحك من قلبى فيا ريت تقبلونى معاكم

انا اسكندرانيه عايشه في فرنسا

خريجة اداب شعبه اعلام

عندى 31 سنه

متجوزه وعندى 4 ولاد :wub: اكبرهم ولد 10 سنين واصغرهم بنوته 3 سنين

بدات السنه دى ادرس صحافه هنا ادعولى بقى ربنا يوفقنى

سلام

[الرافعي]

ساعات يا أخي العزيز الموضوع بيكون ابسط مما تتخيل ....و ما فيهوش كل الحركات دي ....لأنه ما كانش في البال فعلآ ....

و لو بصيت للموضوع فعلآ بنظرة حيادية حتلاقي انه من اول مداخلة فيه دلوقتي اصبح موضوع كوميدي ممتاز .... و اللي علشانه تم اتخاذ قرار الفصل .... مش علشان قاصر عالمشرفين بس .. و بصراحة فعلآ ... انا مش شايف سبب للحساسية دي يا عنتبلي ... ليه ؟؟؟؟ ... لو ما كنتش موافق ما قلتليش ليه في ساعتها مع اني كتبتلك من اول فين حيكون الفصل و حيتحط في انهي باب .. و انك حتكون الأب الروحي ليه ... بجد مش فاهم انت زعلت دلوقتي ليه ....و ايه لزمة العتاب ده ...

فيه حاجة فاتتني او غايبة عني ؟؟؟؟

عالعموم ... طبعآ انت حر انك تعمل اللي انت عاوزه .. بس شكلك حيبقي وحش قدام العالم اللي وعدتها اشي بأدوار و اشي بعربية حنطور .. و اللي بسرقة الأيميل بتاعه ...

انا مالياش دعوة .. انت اللي كنت ماشي توزع وعود انتخابية يمين و شمال ..

فكر شوية من غير حساسيتك دي .. و حتلاقي ان عندي حق ...

نهارك قشطة

و النبي يا زهيري اغنية من اغانيك الحلوة ( هي اغنية واحدة مافيش غيرها اللي حافظها )

:blush:

سكوب العزيز ... بوناسيرا سينيوري

سكوب ... معلش يا خويا ... أصلها جات فيك ...

لكن ما كانش قصدي .. الحالة النفساوية متردية اليومين دول، حيث إن إنفلونزا الفراخ بدأت تتسلل للمحاورات

آآآآآآآآآآآآآآآتشي ...

يرحمكم الله يا بو سريع ..

مش أنا يا ريس

ولا انت

لا يا ريس

ولا انت ولا انت ولا انت

يبقى لازم هنا حد غريب ...

حدغريييييييييييييييييب ؟؟؟؟؟

تم تعديل 1 أبريل 2006 بواسطة حلاوة العنتبلي

[MZohairy]

و النبي يا زهيري اغنية من اغانيك الحلوة ( هي اغنية واحدة مافيش غيرها اللي حافظها )

:blush:

تلبية لرغبة اخي سكوربيون

و بناء على رغبة الجماهير الغفيره

واستجابة الى النداءات المتعدده

أقدم لكم.....

الأغنيه الوطنية الخالده

للفنان هاني شاكر

يامعلي راية الحريه

يا معلي راية الحرية

يا مقوي الوحده الوطنيه

غالي علينا و جوه عنينا

يحميك ربي لمصر و لينا

عشت يا غالي

جبينك عالي

بأراده حره مصريه

و أراده حره وطنيه

شكرا

شكرا

شكرا -_-