الحياه بدون نت

[NoorJehan]

تخيل نفسك خلصت الشغل أو الكليه وراجع البيت ومفيش حاجه إسمها الإنترنت (متنزعجوش أنا بقول تخيلوا) :P

هتعمل إيه؟

النت أخذ مساحه كبيره من حياتنا، فتخيل لو لم يكن له وجود، فعلا كنت زمانك عملت إيه غير تشكنج الإيميل ومتابعه الأخبار والمنتديات وإرسال الإيميلات الطريفه أو الهادفه للأصدقاء والأقارب...؟

إختيارى: بإمكانك أن تطبق الفكره عمليا وتعود لتسرد لنا ما فعلت

ملحوظه: التلفزيون ممنوع من الخيارات :P

[مصريه بالكويت]

لا ارجوكى اخت نور

معقول

الحياة من غير نت

على فكره قبل ما اتغرب كانت علاقتى بالنت عادية جدا كنت بستبدله بالخروج الى والدتى وبدل تصفح صفحات النت اتصفح

الحديث معها والله وحشتنى

ولكن لكى انت تتخيلى يوم زوجة فى الغرية

زوجها طول النهار بالعمل

وعندها طفل صغير مدمن سبيس تون و MB3 وهيا بتشفق عليه لان سنه دون الحضانه

كان لازم اسلى وقتى وف نفس الوقت احاول افيده بشيئ

ولكنى هحاول اجرب كلامك ويصير خير حبيبتى

[مصرية الهوى]

صدقيني يا نور حياتنا هتبقى عادية جدا .. زي ما عشنا زمان بدون نت هنقدر نعيش دلوقتي بدون نت .. وفيه ناس كتير ميعرفوش من النت الا اسمه وعايشين عادي زي الفل ...

بس يمكن اللي اتغير دلوقتي .. ان النت بقى شيء اساسي في شغل ودراسة كتير من الناس .. يمكن دي نقطة مهمة ..

عشان كده منقدرش نبعد عنده ..

بس خارج اوقات الشغل والدراسة .. هنقدر نلاقي حاجات كتيرة تسلينا غير النت والتليفزيون اللي بقوا وسائل تسلية للكثير منا ..

أنا حاسه لو النت والتليفزيون غابوا عن حياتنا .. يعني وقت الفراغ بعد الشغل هيبقى طويل ..

أول حاجه هيرجع لنا التواصل الاجتماعي اللي كان ايام زمان .. وخاصة العلاقات بين الجيران .. اللي شبه منعدمة الان .. اللستة اللي فيها مية شخص عايزه تكلميهم هتلاقي الوقت اللي تكلميهم فيه ..

الخروجات والفسح و القعدة مع الاهل هتلاقي لها وقت .. مش الوقت يخلص من سايت لسايت والا من قناة لقناة ..

كمان هنلاقي وقت طويل للقراءة وممارسة الهوايات اللي انشغلنا عنها كثيرا الايام دي ..

[sendrella119]

العيااااااااااااااااااااال حيكونوا الضحية

[NoorJehan]

ممكن توضيح أكثر يا سندرلا :wub:

قصدك يعنى ان بدون النت هنمضى الوقت فى التنكيد على الزوج والعيال -_-

أول حاجه هيرجع لنا التواصل الاجتماعي اللي كان ايام زمان .. وخاصة العلاقات بين الجيران .. اللي شبه منعدمة الان .. اللستة اللي فيها مية شخص عايزه تكلميهم هتلاقي الوقت اللي تكلميهم فيه ..

ده صحيح جدا يا أخت مصريه..أنا فاكره جاره زمان كانت تحضر براد الشاى على صينيه وكوبايتين ونعناع وتنزل تزور والدتى وتتناقش معها فى شؤون الحياه والأولاد...مين بيشوف المظهر ده دلوقت؟

الآن فى إتجاهنا لنكون مجتمع فردى..حيث التواصل بالإيميل ورسائل الس. م. س. والرسائل الصوتيه...وذلك مؤسف للغايه لأن ما يميز مجتمعاتنا هو ذلك التواصل نفسه الذى يولد دفء المشاعر والدعم المعنوى بخلاف فرديه الغرب التى من توابعها تفكك الأسر وزياده نسبه الإنتحار...

لا ارجوكى اخت نور

معقول

الحياة من غير نت

أنا مدركه إنه صعب ومستحيل، تملكى نفسك علشان خاطرنا :P

لكن بجد :) ، الأسباب التى ذكرتيها محقه كالتواصل مع الوالده، ويكون النت هنا إستخدامه حسن..ولكن لنتفكر فى الإستخدام الذى "نضيع به الوقت"...

عن نفسى...حتما كنت سأمضى وقت أكثر فى القراءه..

والنوم لأنه يأخذ من وقت نومى (الحد الأدنى)..