عندي مشكلة عائلية الحقوني!

[الحقوني]

خطبت بنت

يتمناها أي شاب في العالم

فيها كل المواصفات اللي يتمناها أي شاب وهي يتمية الأب منذ طفولتها ، وليس لها أخوات ذكور ..

لذلك لاحظت في بداية خطوبتنا أنها خائفة جدا مني !

ثم مرت سنة ونصف ..

وفوجئت بسيل من الحب من تجاهها ... بشكل ضخم ..

وأحسست أنني اصبح أشكل كل شيء لديها في الدنيا ..

واحسست بحب جارف الحب والقبول ..

وفرحت

فرحت جدا بهذا الحب الذي بحثت عنه طول عمري !

ولكن الأمور سارت رويدا لطريق خطير ..

طريق يجعلني فعلا الأن خائف من خطيبتي !

إنها تحبني لدرجة غريبة ! تجعلني اخاف منها فعلا!

وإليك الأمثلة :

عرفت بالصدفة أنها تكتب اسمي في كل كتبها ... حتى علي جدران غرفتها !

تغضب جدا وتخاصمني لو وجدتني أداعب أي طفل في العائلة وهي جالسة معنا ! فممنوع أن ابتسم أو أداعب غيرها !

غضبت جدا لما وجدتني اكلم أحد اصدقائي بالتليفون واضحك منه ,وقالت لي : لا تضحك إلا معي أنا فقط .. أنا أغار عليك من صاحبك !

تقول :انها تغار علي حتى من أصدقائي واخواتي !

وأمثلة لا تحصى من الغيرة الغريبة

قبل أن اخطبها كنت منتبه الي انها يتيمة وأن الفتاة يتمية الأب تكون مهزوزة نفسياً ..

ولكن غيرتها القاتلة .. وحبها الضخم فعلا يجعلني خائف ...

-خائف من أن تتطور هذه الغيرة لتصبح جحيم يفسد حياتنا ويقتل كل شيء جميل بيننا ..

خائف ؟؟

خائف ؟

ما الحل ؟

ما الحل ؟كيف اتعامل معها ؟

[se_ Elsyed]

بس إنت ما قولتش إيه مشاعرك ناحيتها !!!!

يعني حبتها كنوع من العطف عليها عشان يتيمه وقلت تكسب فيها ثواب ؟

ولا بتحبها عشان إنتوا مخطوبين وكل واحد خاطب لازم يحب خطيبته ؟

ولا بتحبها عشان لقيت فيها الإنسانة اللي بتتمناها ونفسك ترتبط بها ؟

عامة : الشباب - الذكور - بيبقوا غالباً أكثر خبرة في الحياة من البنات اللي حتى لو في نفس سنه ويمكن معاها نفس مؤهلاته ... لذلك مش عيب يا أخي الكريم إنك تعلمها .. وتظبط لها مشاعرها .. وخصوصاً مشاعر الغيرة .. وده بيبقى عن طريق الحوار وتفهمها فيه إن الإفراط في أي شيء غلط ، يعني الحب الزيادة عن اللزوم واللي يوصل لدرجة الخنقة .. غلط .. والتبلد وبرود المشاعر برضوا غلط .. .

والحمد لله إن في حاجة إسمها فترة خطوبة عشان الطرفين يدرسوا بعض ..

وخلي بالك .. إنك مستحيل تلاقي إنسان في الوجود خالي من العيوب ..

وخصوصاً بقى لما نيجي لعلاقة الزوجية التي تبدأ بالخطوبة .. فعلى كل طرف أن يبحث ويتكشف الجوانب المُضيئة في الطرف الأخر ويضعها في الميزان مقابل عيوبه .. وعليه هو وحده أن يُقرر أي الكفتين أرجح بالنسبة له .... وإذا أتضح أن كفة المزايا أثقل من كفة العيوب .. فعليه أن يقبله كما هو ليستكمل معه طريق الحياة .

[لخبطه]

صلى على النبي

علشان اكون صريح معاك بعض الخطيبات بتبالغ شويه في النقطه دي علشان تظهر لك مدي حبها - اللى فعلا صادق - لكن طبعا عمره ما بيوصل للدرجه دي إللى هيا بتحاول تظهرها وانته كخاطب لازم تكون فاهم إنها لما بتقول مش بقدر أنام غير لما اسمع صوتك هيا تقصد انها بتحبك لكن انته بردو مش تعتقد أنك لو مش كلمتها مش هتنام دا بس مبالغة وموضوع الغيره بردو فيه مبالغة وصدقني مافيش مشكله ولا حاجه هيا بس عايزه تقولك بحبك بمبالغة بس مع الوقت والعشره هتنسى موضوع المبالغة وانته هتكتشف بنفسك أن الموضوع مش راسخ عندها يعني هيا بتفتعله وهتلاحظ بردو أنها مش بتتأثر ولو حاجه وانته بتكلم أي حد بس افترض أنها بتفتعل وراقب تصرافتها هتتأكد من دا

وثق تمام الثقه أنك مع أول خلاف - لا قدر الله طبعا - هتتاكد انته ان المشاعر مش بنفس الصوره اللى هيا بتحاول تصورها

لك

[زيزو]

يا أخ الحقوني...

أحمد ربنا ولا تخاف. الخوف يضيع كل ما هو جميل. لا تجعل الهواجس تفسد عليك ما أنعم الله به عليك.

أما عن كتابة إسمك في كتبها فلا تخف فهذا طبيعي جدًا... قللي هي كلمة السر بتاعتك إيه؟ mfb:

غرفت بقى إنه طبيعي؟ :lol:

[nancy]

عاوز راى موضوعى من واحدة يمكن نفس الجينس يديلك حل اوضح

حسب كلامك هى يتيمة فحاجة من ثلاثة ياما هى مريضة نفسيا فتبقى حتتعبك اوى

او ان الناس الى بيكونوا يتمى او الاب والام منفصلين بيكون عندهم داء الاستقطاب بمعنى انها تشوف تشدك ليها منين

فتهتم بيها اوى وتكون هى مركز اهتماك زى مانت مركز اهتمامها

او يكون الموضوع ابسط من كدة وهى بتعمل حركات البنات الى فى فترة الخطوبة وهى الاهتمام والغيرة الزيادة وبعد الجواز كل دة يقل ويبقى عادى

فالحل اية انك تقولها اننا لازم زى ما حنعمل تحليل قبل الجواز حنعمل تحليلل للصحة النفسية وان دة من ضمن بنود الكشف قبل الجواز

فاتعرف ان كانت مريضة ويمكن علاجة علاجة واتجوزها لو لا يمكن علاجة سبها بدل ما تحطك فى كياس

لو عادية ودة مجرد حركات بنات فى فترة الخطوبة خد بالك انها بتمثل حلو ونبها انك متحبش الا الوضوح التام

[sendrella119]

استعمل معاها اسلوب التجاهل التام ...وشوف التجاهل ده حيوديها لفين

اقصد تجاهل التصرفات الغير طبيعية فقط !!!!!!!!!!

انما معاملتك ليها تبقي عادي جدا ...جدا......

استمر اسبوع ....اتنين ....جايز تظهر حاجات تاااااااااااااااااااااااااااني افضل ..او اسوأ :lol: " لا قدر الله"

يا قلبي يا كتاكت يا ما انت شايل وساكت

[الحقوني]

سي السيد أنا فعلا أحبها ليس كعطف عليها .. لكني احبها منذ عدة سنوات وقبل أن أخطبها أو أعرف تفاصيل عائلتها حتى ..

الأخت سندريلا : حاولت التجاهل ولم استطيع بعد أسبوع اتصلت بيها !

الأخت نانسي : خطيبتي إنسانة في غاية الذكاء والطيبة ، وليست مريضة إطلاقأً بل هي من أذكر وأعقل من قابلته في حياتي الطويلة من النساء !

الأخ زيزو : اطمئنك أن كلمة سري هي كلمة مختلفة تماما وهي عبارة عن تركيبة من تاريخ ميلادي ، وأنني لم اصل لمستواها في الغيرة ؟؟

شكرا لكم يا أخواني علي دودكم القليلة ..

وأن كنت اطمح في ردود ممن أقدر أ رائهم ومن بينهم : انفال ، جي جي ، بنت مصرية ..