رجاء لكافة الأعضاء - موضوع الهايد بارك

[DARWEEN]

منذ عدة أيام تم أغلاق منتدى الهايد بارك لأسباب فنيه فنيه فنيه و أنا أؤكد ذلك للجميع من واقع علمي الشخصي بالأمور ....

ولما كانت الأراء قد تعددت والأستنتجات والفتاوى قد ذهبت بعيدا ... وبناءا على رغبة بعض القائمين على منتدى الهايد بارك بشخوصهم فإني أرجو من الجميع نيابة عنهم أن يتم الأكتفاء بما كتب عن موضوع الهايد بارك سواء في محاورات المصريين أو في أي منتدى آخر

رجاء حار للجميع أن يكونوا على مستوى المسئوليه

تحياتي وأحترامي للجميع

[محمد حافظ]

الأخ داروين كتب:

منذ عدة أيام تم أغلاق منتدى الهايد بارك لأسباب فنيه فنيه فنيه و أنا أؤكد ذلك للجميع من واقع علمي الشخصي بالأمور ....

خلاص يا أخ داروين كلنا مصدقينك .. مافيش داعي إنك تحلف .. فعلا الأسباب كما قال الأخ داروين هي أسباب وطنية وطنية وطنية ..

[NoorJehan]

تم أغلاق منتدى الهايد بارك لأسباب فنيه فنيه فنيه

فعلا الأسباب كما قال الأخ داروين هي أسباب وطنية وطنية وطنية ..

بل شهيدا شهيدا شهيدا

سامحونى بس القافيه حكمت :P

رغبات القائمين على الهايد على العين والرأس،،،فالوقت ليس مضيعه لإهداره أكثر مما يهدر في الفضول والتدخل فيما قد لا يعنينا كما ذكر أكثر من مره..

بصراحه الواحد واخد على خطره من الهايدباركيين الذين جاءوا لرثاء وتعظيم الهايد وذهبوا وكأن المحاورات معندهاش إحساس -_-

إذن رجاء فقط أن تزورونا كل سنه مره :wub:

[الأفوكاتو]

بصراحه الواحد واخد على خطره من الهايدباركيين الذين جاءوا لرثاء وتعظيم الهايد وذهبوا وكأن المحاورات معندهاش إحساس

أعلب أعضاء البارك هم أيضا أعضاء فى المحاورات, و لم يذهيوا.

تحياتى.

[NoorJehan]

وهل نخفى عنك يا أستاذنا العزيز، ولكن حضرتك والقلائل من الأعضاء الإستثناء الوحيد من وجهه نظرى...فهناك أسماء هلت علينا وإختفت بمجرد إفتتاح الواحه..

مع خالص إحترامى..

[الأفوكاتو]

ربما أرادوا يكون قدمهم خفيف على المحاورات,

كما أن أعلب الناس لا تحب أن يكونوا " لاجئين" طول حياتهم.

من يدرى؟؟

ربنا ما يورى حد الغربة.

تحياتى.

[Scorpion]

ولاد العم كانوا بيعزلوا ... و لغاية ما كانوا بيشطبوا في البيت الجديد قعدوا في بيتهم الأول و اللي حيفضل كده دايمآ ...

الحمدلله البيت الجديد جاهز ليهم مرة تانية

و لكل اللي عايز يروح يبارك بالواحة العنوان الجديد اهه :

الواحة

نرجع بقي لحياتنا العادية .. :wub:

[ATHENA]

ولاد العم كانوا بيعزلوا ... و لغاية ما كانوا بيشطبوا في البيت الجديد قعدوا في بيتهم الأول و اللي حيفضل كده دايمآ ...

الحمدلله البيت الجديد جاهز ليهم مرة تانية

و لكل اللي عايز يروح يبارك بالواحة العنوان الجديد اهه :

الواحة

نرجع بقي لحياتنا العادية .. :wub: -_-

كده برضه يا عم سكورب

تطردنا كده بالزوق :)

طب ايه رأيك بقه هناخدلنا اودة هنا :P :

[Scorpion]

يا خبر ابيض يا ايزيس ... يا اتينا . .. يووووه يا ايزينا .. اففففففف

انتي فهمتي المعني ده منين ....

البيت عمر ما بابه بيتقفل ... و لا يرفض اي حد عنده فكر نضيف يقدمه ...

انا كل قصدي ان كفاية بحث عن اسباب ... و ان اهدي قلق ناس كتير من الهايدبارك بيخشوا هنا بس علشان يعرفوا اخبار عن منتداهم ( و ده شيء اكثر من طبيعي ) .. ان خلاص الأزمة عدت علي خير الحمدلله .. و ممكن يرجعوا يتقابلوا في الواحة مرة تانية ... و هناك مليون في المية حيلاقوا الأجوبة اللي بيدوروا عليها ..

عالعموم اوضة حضرتك في الدور التالت رابع اوضة عاليمين .. بحري و بتخشها الشمس من الفجر للمغربية ...

:wub:

[ATHENA]

عالعموم اوضة حضرتك في الدور التالت رابع اوضة عاليمين .. بحري و بتخشها الشمس من الفجر للمغربية ...

أنا كنت بنكشك يا سكورب عشان عارفة إن أهل البيت الكبير كلهم أهل كرم و هيكرمونا..

و أديك شفت

طلعتلي بأودة بحري آخر تمام -_-

و الحمدلله فعلا إن الأزمة عدت و ربنا ما يجيب أزمات تاني

:wub:

[محمد حافظ]

أسف يا جماعة .. حذفت الرد بمعرفتي

تم تعديل 1 أبريل 2006 بواسطة محمد حافظ

[haivi]

عروستي؟ :closedeyes:

[عطر]

من يومين بس تابعت المنتدى وكل شوية اشوفكم تتكلموا عن الهايدبارك والهايدباركيين وانا مش فاهمة حاجة -_-

النهاردة فهمت اخيرا :blush:

اعذروهم يا جماعة بيتهم راح منهم لازم يبكوا عليه ويحزنوا عليه ويستمروا يحكوا عنه مدة كبيرة لحد ما الجرح يندمل والا لو معاملوش كدة يبقى معندهمش وفاء

معلش اسفة على تطفلي بس اصل شفت نفس الموقف من فترة قريبة بين منتديين سعوديين واحد راح والتاني استقبلهم ، المنتدى المضيف رحب بيهم جدا وفرش الأرض ورد والأعضاء الضيوف بعض منهم كان ممتن والبعض الأخر كان متعالي وكأنه نزل من برجه العاجي وتفضل عليهم بقبول ضيافتهم وفي النهاية الكل تأقلم ومشت الأمور لحد ما بيتهم فتح وكل واحد راح لحاله

تم تعديل 1 أبريل 2006 بواسطة عطر

[Mohammad Abouzied]

من يومين بس تابعت المنتدى وكل شوية اشوفكم تتكلموا عن الهايدبارك والهايدباركيين وانا مش فاهمة حاجة -_-

النهاردة فهمت اخيرا :blush:

اعذروهم يا جماعة بيتهم راح منهم لازم يبكوا عليه ويحزنوا عليه ويستمروا يحكوا عنه مدة كبيرة لحد ما الجرح يندمل والا لو معاملوش كدة يبقى معندهمش وفاء

معلش اسفة على تطفلي بس اصل شفت نفس الموقف من فترة قريبة بين منتديين سعوديين واحد راح والتاني استقبلهم ، المنتدى المضيف رحب بيهم جدا وفرش الأرض ورد والأعضاء الضيوف بعض منهم كان ممتن والبعض الأخر كان متعالي وكأنه نزل من برجه العاجي وتفضل عليهم بقبول ضيافتهم وفي النهاية الكل تأقلم ومشت الأمور لحد ما بيتهم فتح وكل واحد راح لحاله

والله بتفكريني بالوفديين والسعديين

والاهم والذي يمثل 99.9999999999% هو العضو ومن غير اعضاء المنتدى يبقى زي الاف المنتديات مفتوحة على النت وهي خاوية على عروشها