يا تري راضي عن نفسك ؟

[احمد هادي]

احيانا يشعر الانسان بعدم الرضا عن نفسه ...

لماذا ؟

لانه الوحيد بعد الله والملكين الذي يعرف ما يفعله من حسنات وسيئات

والانسان بفطرته يحب الصواب ويكره الخطأ .....

والدليل ؟؟

ان الشيطان حين يغوي الانسان يزين له الشر ويهونه ويبرره

فهو لا يقول لك الرشوه حلال مثلا

ولكن يصور لك الامر علي انه اكراميه ومحبه وحقك وو...........

وهكذا

المشكله انه كثير مننا لا يقف مع نفسه ليفكر في ما يفعل ......

ربما يضطر للوقوف عندما تقع له مشكله كبيره ....أو صدمه .....أو موت عزيز او قريب ........او مرض

عندها يقف كل منا ويعيد حساباته

وهناك حاله أخري ....

هي عندما تستمر عندك حالة عدم الرضا

الي ان تصل لمرحلة ان تشعر بالقرف من نفسك وتصرفاتك

وعندها تقف وتتخذ القرار بالتغيير

قابلت في حياتي ناس ترتكب بلاوي ومصايب ووموبقات

والمشكله ان الاحساس الفطري بالصواب والخطأ مات عندهم تقريبا

وتلك مصيبه كبيره

لأنهم مهما يفعلون .....فهم ما يزالون يشعرون بالرضا عن انفسهم

لذلك ...فالانسان الطبيعي لا يجب ان يشعر بالرضا عن نفسه بنسبة 100%

لانه ليس كاملا

ولأنه انسان ولابد ان يخطئ

خليني بقي أسألك

انت راضي عن نفسك في هذه اللحظه بنسبه كام في الميه ؟

لو مش عايز تكتب علي الملأ

ممكن ترد علي نفسك بينك وبين نفسك

وانا أول من سأجيب عن السؤال

انا يا جماعة مش راضي عن نفسي علي الاطلاق

ولا حتي بنسبة 1%

ولدي اسبابي لهذا

التي اعفي نفسي من ذكرها

وبعد هذا الاعتراف

وفي هذه اللحظه

إرتفعت نسبة الرضا لدي

الي 5% لأني شعرت بانني مازلت أملك بعض الشجاعة للأعتراف بأخطائي

فأين الشجعان ؟

[MZohairy]

ياحاج

اذا بليتم فاستتروا

وبعدين ايه اللي مصحيك بدري كده يوم الجمعه؟ :wub:

[احمد هادي]

ياحاج

اذا بليتم فاستتروا

وبعدين ايه اللي مصحيك بدري كده يوم الجمعه؟ :wub:

عزيزي زهيري

الشعور بعدم الرضا عن النفس ليس بلاء حتي استره

ولاحظ انا لم أذكر الاسباب ....

التي قد يراها البعض لا تستحق

بينما قد يراها آخرون كبيره جدا

واذكر قول الامام الشافعي

احب الصالحين ولست منهم عساني ان انال بهم شفاعة

واكره من بضاعته المعاصي وان كنا سواء في البضاعة

وكذلك دعاء الشعراوي رحمه الله

اللهم انك تعرف انني اعصيك

ولكني احب من يطيعك

فاجعل حبي لمن اطاعك

شفاعة لمن عصاك

وقول سيدنا عمر رضي الله عنه

لو نودي يوم القيامه ان كل الناس في الجنة الا رجلا واحدا لظننت انه انا

ثم ....

هم بيقفشوا اللي بيصحي بدري يوم الجمعة اليومين دول ولا ايه ؟ -_- :P :) :D

تم تعديل 31 مارس 2006 بواسطة احمد هادي

[sabri]

عزيزى هادي هل انت مقيم في كندا الرجاء ارسال بريدك الالكتروني لي علشان عايز اسالك شوية حاجات مهمة جدا عن تورنتو

[مصرية الهوى]

رضاي عن نفسي بيختلف من وقت للتاني ....

إذا حسيت ان علاقتي مع ربنا كويسة ..

علاقتي مع ماما وبابا وأهلي وأصحابي كويسة ..

ماشية تمام في الكلية ..

باستغل وقت فراغي في حاجات مفيدة تنفعني ودي حط تحتها مليوووون خط ...

الحالة دي بأرضى عن نفسي ..

انما لو العكس حصل في اي مجال

رضاي عن نفسي احيانا يوصل مش صفر تحت الصفر :o

وبعدين ايه اللي مصحيك بدري كده يوم الجمعه؟ :closedeyes:

أصله واد شاطر بيسمع كلام ماما وبابا وبيشرب اللبن .. بعدين بينام الساعة 8 بالليل ..

ومبيتفرجش على التليفزيون ولا بيلعب بلاي ستيشن ..

ابقى فكرني عشان اديك بونبونه :blink:

فأكيد اللي هيعمل كده هيصحى الساعة 5 الفجر مش 9 الصبح :blink:

[سهيلة]

انا بصراحة مش راضية عن نفسى مطلقا البتة

المشكله انه كثير مننا لا يقف مع نفسه ليفكر في ما يفعل ......

ربما يضطر للوقوف عندما تقع له مشكله كبيره ....أو صدمه .....أو موت عزيز او قريب ........او مرض

عندها يقف كل منا ويعيد حساباته

احمد هادي مشاركة بتاريخ أمس, 07:55 AM

لا بالعكس انا الحمد للة انا دايما بحاسب نفسى وبقعد معاها واكلمها يعنى ممكن مرة كل يوم جمعة كدة والواحد رايق ويمكن قبل النوم

ويمكن دة اللى مؤرقنى

انى بلوم نفسى كتير وبعاتب عليها

النفس اللوامة دى صعبة اوى يا جماعة

بتقعد تلوم صاحبها وتعذبو على اى خطا

واما الواحد يصالح نفسو بانو يستغفر ربنا وياخد عهد انو مش هيعمل الغلط دة تانى

واما الشيطان شوشو يعنى يتدخل ف الامر ويحاول يهون لك الغلط ويبررلك الغلط دة او ينسهولك بمرور الوقت

انا مش راضية عن نفسى لانى مش بحس انى عملت كل اللى مطلوب منى وانى عملت اللى علية ف تحقيق هدف مااااااااا كنت بسعى لية

دايما بتعب ف نص المشوار او الربع الاخير قبل الوصول للهدف

ودايما بحلم ان الهدف دة هيكمل لوحدو من غير تعب

بس بتصدم كل مرة

لان الحياة كلها تعب

وارجع واقول انا ما عملتش كل اللى علية

وبس خلص الكلام

[احمد هادي]

أصله واد شاطر بيسمع كلام ماما وبابا وبيشرب اللبن .. بعدين بينام الساعة 8 بالليل ..

ومبيتفرجش على التليفزيون ولا بيلعب بلاي ستيشن ..

ابقى فكرني عشان اديك بونبونه :closedeyes:

فأكيد اللي هيعمل كده هيصحى الساعة 5 الفجر مش 9 الصبح :o

ميرسي يا نينه الحاجة جيجي :blink: :blink:

[noureldonia]

السلام عليكم ورحمة الله وبركاتة

الحقيقة عجبني وموضوعك يا احمد لان سبب مشكلتي الاساسية في حياتي هو شعوري الدائم بعدم الرضا عن النفس مش لاني بعمل حاجة غلط ولا حرام مع ان مفيش انسان كامل بس المشكلة ان مبكتفيش بل عندي يعني مثلاً إذا درست حاجة معينة وحققت فيها مرحلة كويسة احس بردوا انوا معملتش حاجة لسة عاوزة اكتر ودة بسببلي دائما شعور بعدم الرضا عن النفس ؛ حتي لما بعمل حاجة غلط بجلد نفسي علي اللي عملتوا بحاول انوا معملش غلط اكون perfect بس اكتشفت حاجة غريبة انوا كل ما اجي اصلح عيب يبن لي عيب مكنتش شايفة او حاجة كويسة تحولت عيب وكأن ربنا بيثبت لي انو مستحيل أكون كاملة لان الكمال صفة من صفاتة . دائما في حالة عدم رضا عن نفسي في كل شيء في حياتي مع ربنا مع اهلي مع اصحابي في كل حاجة . اما عن النسبة في هقول كمان 1% وكمان حساهم كتير .