كدبة إبريل

[se_ Elsyed]

تخيل نفسك قمت من النوم الصُبح في يوم من أيام شهر إبريل ...

دخلت الحمام ... طسيت وشك بشوية ميه .. لبست الهدوم ... نزلت على عربية الفول اللي في الميدان وتحديداً جنب موقف الميكروباظ .. ضربت شاندوشتين فول من اللي هما .. وروحت تشتري الجرنان بتاع أول كل شهر - مانت موظف بقى .. يعني ما تقوليش هاتشتري الجرنان أبو جنية كل يوم وإلا تبقى موظف مُرتشي وبدرج مفتوح -

المهم بتضرب عينك كده على العناوين .. لقيت أخبار ماتقدرش تصدقها أو تعقلها ... فين وفين بقى إتضح إنهم نشروا الأخبار دي على أساس إنها كدبة إبريل .. وأهو كدب أبيض ما يضرش ..

يالله بقى كل واحد يفتكس شوية أخبار تنفع مانشتات .. وفي الأخر هانقول .. هييييييييه .. ضحكنا عليكوا ودي كانت " كدبة إبريل "

[se_ Elsyed]

" بمناسبة بلوغه سن الـ 78 عاماً .. الرئيس مبارك يُعلن إعتزاله الحياة السياسية "

" البنك المركزي العربي يُعلن عن بدء التداول بالعملة العربية الموحدة المُسماه بالـ " سنتوف " .. والجدير بالذكر أن سعر صرف السنتوف هو " 1 دولار = 3 سناتيف "

" الرئيس مبارك يتخذ قراراً بخصخصة الصحف القومية .. والقنوات التليفزيونية " القرار ده تفصيل عشان أخويا وشقيقي شريف عبد الوهاب .

" شيخ الأزهر يُعلن عن قُرب إطلاق قناة إسلامية بعنوان " أزهـــر "

" أعلن عمرو موسى عن القرارات التي إتُخذت في القمة العربية الأخيرة والتي من أهمها : إلغاء التطبيع مع الكيان الصهيوني وطرد الجواسيس الصهاينة المُسميين بالسفراء ... إنشاء السوق العربية المشتركة وتفعيلها خلال عام من تاريخه .. تكوين جيش عربي موحد ... فتح الحدود بين البلاد العربية .... يعني ما فيش كفيل .. انا بأقولها أهو - ده عمرو اللي بيقول مش أنا - "

[إبن مصر]

طرح مسوده الدستور الجديد على الشعب استعدادا للتصويت عليه

الاعلان عن انشاء أول مؤسسه بحثيه مستقله فى مصر بميزانيه 5 مليار جنيه أغلبها من تبرعات رجال المال والصناعه.

فى مفاجأه غير متوقعه .. المحافظين الجدد للمحافظات بالانتخاب المباشر من ابناء كل المحافظه

الاعلان عن استقالا المحافظات ماليا وقانونيا ضمن اتحاد كونفدرالى للمحافظات.

بس كفايه

[عطر]

رصدت ميزانية قدرها مليار جنيه لرصف جميع الشوارع وسد جميع الحفر في انحاء الجمهورية

ومثلهم لإصلاح شبكة الصرف الصحي وعمل بلاعات جديدة تستوعب كم مياه الأمطار المتجمعة

قرر المليادير المسئول الفلاني ابن المسئول العلاني بيع جميع شركاته وممتلكاته اللي في الأساس ناهبها لسد ديون مصر

[Hammer]

أنا بقي عندي كذبة , بس مش خاصة بشهر إبريل بس ... دي لكل الشهور ... و مش من تأليفي كمان .....

زيادة معدل النمو

إرتفاع معدل الصادرات

إنشاء ( أي حاجه .. مش فارقة ) للقضاء علي مشكلة البطالة

أتحدي أي نسخه من الأهرام في أي شهر مايكونش فيها خبر من دول :blush:

[MZohairy]

خالد الذكر المطرب شعبان عبد الرحيم يعيد احياء تراث كوكب الشرق أم كلثوم بغنائه لرائعتها رباعيات الخيام والتي تبدأ ب

سمعت صوتا هاتفا في السحر

نادى من الغيب غفاة البشر

هبوا املؤا كاس المنى

قبل ان تملأ كاس العمر كف القدر

اييييييييييييييييييييي

[عطر]

خالد الذكر المطرب شعبان عبد الرحيم يعيد احياء تراث كوكب الشرق أم كلثوم بغنائه لرائعتها رباعيات الخيام والتي تبدأ ب

سمعت صوتا هاتفا في السحر

نادى من الغيب غفاة البشر

هبوا املؤا كاس المنى

قبل ان تملأ كاس العمر كف القدر

اييييييييييييييييييييي

لوووووووووول دي رهيبة

بصراحة إيييييييه في الأخر دي ادت سحر رهيب للأغنية :blush: