ممكن أنشر كصتى الجديدة هنا ؟!

[حشيش]

خد بإيدى يابنى أنا ست مريضة :blink: ..... حد يشيل معايا ياولاد صندوق الكصص بتاعتى mfb: ..... أنا جيت أسلم على أصدقائى القدامى بالمحاورات وأستأذنهم فى نشر كصتى الجديدة (الحنين إلى القرية) عندهم :wub: ... الحنين إلى القرية كصة زراعية إنتهيت من كتابة بعض حلقاتها -_- .... لعلى أكون من الأدباء القلائل الذين دخلوا فن الأدب الزراعى حديثاً ولم يخرجوا منه :blink: .... إخوانى .... هييييييه .... ليس أحب على نفس الأديب السحلاوى من أن يرى عمله الأسود قصدى عمله الأدبى منشوراً فى كل منتدى وقرية ونجع :blink: ..... أنا أخدت عليكم العهد إن محدش يشطب لى أم الكصة أو يحذف أجزاء تخل بسلاسة البول قصدى سلاسة السرد الكصصى للرواية كما حدث مع كصتى البوليسية (تفه يتحدى الأشرار) من قبل والتى إضطررت لنشرها فى باريس mfb: ... علشان كده قلت أستأذن الأول :P

[سقراط المصري]

انت بتتكلم كتير ليه

بطل دوشه واسرد قصتك

الف حمدلله على السلامه ياجعيدي ياولدي

لك وحشه يا حشيش

اخوك سقراط

[achnaton]

هذه المداخلة بقلم سنوحى حفيد اخناتون الذى فشل فى تسجيل اسمه .. فاستخدم ركن جده .. معذرة

استاذ حشيش .. ما كدت اقول لجدى أنك عدت للحوارات .. حتى بانت السعادة على وجهه .. ووزع الشربات لأنه متوقع كصتك حتسعد الجميع .. وخاصة المدمنين .. وعقبال متسائل والآخرين .. عقبال منارة المنتدى وكل الصاحيين قول معايا آمين ..

بتوجيه جدى وتحياته

سنوحى حفيد اخناتون

[محمد حافظ]

حمد الله على السلامة يا حشيش باشا .. أي منتدي بدون حشيش يبقي منتدي بلامزاج .. إستمر يا أخي في طريقك الزراعي هذا .. وياريت يكمل معك لتمر على وزارة الزراعة ووزيرها الأمين على خزائن مصر سيدنا يوسف

تم تعديل 2 أبريل 2006 بواسطة محمد حافظ

[وليد صفوت]

شيشو ........

طريقك زراعى ... :blink:

اتكل على الله و احنا وراك :blink: .. .و ربنا يستر طريقنا بس انت قول يا باسط -_-

استعنت عالشقا بالله ... ناولنى يا سكوب مفتاح خمستاشر من عندك :blink:

[الرافعي]

خد بإيدى يابنى أنا ست مريضة :blink: ..... حد يشيل معايا ياولاد صندوق الكصص بتاعتى mfb: ..... أنا جيت أسلم على أصدقائى القدامى بالمحاورات وأستأذنهم فى نشر كصتى الجديدة (الحنين إلى القرية) عندهم :wub: ... الحنين إلى القرية كصة زراعية إنتهيت من كتابة بعض حلقاتها -_- .... لعلى أكون من الأدباء القلائل الذين دخلوا فن الأدب الزراعى حديثاً ولم يخرجوا منه :blink: .... إخوانى .... هييييييه .... ليس أحب على نفس الأديب السحلاوى من أن يرى عمله الأسود قصدى عمله الأدبى منشوراً فى كل منتدى وقرية ونجع :blink: ..... أنا أخدت عليكم العهد إن محدش يشطب لى أم الكصة أو يحذف أجزاء تخل بسلاسة البول قصدى سلاسة السرد الكصصى للرواية كما حدث مع كصتى البوليسية (تفه يتحدى الأشرار) من قبل والتى إضطررت لنشرها فى باريس mfb: ... علشان كده قلت أستأذن الأول :P

حمد لله على السلامة يا أخي حشيش ... يا سيدي عمالين نتعلم مما تركت من آثار ومخطوطات ، والأصل موجود .. طب ده كلام ؟؟؟

ياريت تنسق مع الإدارة وتفتح لك سكشن لطلبة معهد حشيش للكصص الجريئة ..

الله يخليك .. لو كصة (تفه) اتحذفت .. الله يخليك ابعتها لي على إيميلي

بجد لما بأقرأ باحس إن دمي أتقل من الفيل أبو زلومة .. :D

صباح الفل

[se_ Elsyed]

كنت عارف إنك هاتلف

تلف

تلف

وترجع بيتك تاني يا ساقط يابو مُلحق

فإذا كنت سيبت البيت في نصاص الليالي .. فلازم هاترجع بيتك في يوم من الأيام ... يا ولدي

بس ماحدش يزعل مني لو قلت لأ لحشيش

إلا الأدب الزراعي وإلا الكصة دي بالذات اللي مليانه فياجرا وحركات نُص كُم

شوفلنا حاجة من فوق القفص يا حشيش

وبلاش تهييج للجماهير وراعي مشاعرنا يا أخي

أنا أخدت عليكم العهد إن محدش يشطب لى أم الكصة

وعشان إحنا رجالة وبنوفي بعهدنا

فماقدرش أوعدك إن قصة الطريق الزراعي وحسنين اللي وقع في الترعة والناس كلها بقت معجونه في بعض - أصلي قرأتها في شئون يا لئيم - ما قدرش أوعدك إنها مش هاتتعرض لمقص الترزي .

حشيش .. إنت عندك أحسن من كده ... دعبس بس وقول يا هادي

[إبن مصر]

حي حييييييييييي حشيش حى انا قولت لكم انه حى... حشيش مامتش..

ابنى البكرى...

حي حشيش حى حشيش حى..

ايه يا سى السيد ... الله سيب الراجل يفن ويكتب.... بيت ابوه اولى بيه.......

اما بخصوص العهد..........

مش بايدى يا ولدى خلاص ما بقتيش زى زمان اتكاتروا عليا الدهاشنه وبقوا يكسروا كلامى...

ابنى الكبير سى السيد هو عتريس اليومين دول ..

هو الى بايده الحل والعقد......

ربنا يجعل كلامى خفيف عليهم..... ربنا معاك يا ولدى..

دا انا نفسى مش عارف اكتب كلمتين على بعض منهم لله منهم لله قتلوا موهبتى

منهم لله

[Guest النسر المصري]

إش إش إش

اية الحلاوة دي.......ياسلاااام...والله زمان يامعلم حشيش....

وانا اللي كنت فاكرك نسيت المعلمة وبقيت فهلوي

هش هش يامعلمنا ...ومن دماغك سمعنا

حششش وهشهشنا...وبطروفاتك ضحكنا

طروفاتك ...ظروفاتك...خشخشنا ودلعنا

دة السمع واجب ...لما حشيش بيطربنا

سلام محلوق محلق من النسر الطاير إلى دماغ الدمغة....حووول

[حشيش]

الأخوة الأعزاء سقراط المصرى ... أخناتون ... محمد حافظ ... فيولينكنج ... حلاوة العنتبلى ... سى السيد ... أحمد محمود (إبن مصر) ... النسر المصرى :wub:

شكراً لكم على ما تفضلتم به من ترحيب بأخوكم الأديب السحلاوى حشيش :) ..... بالنسبة لأخى الأديب المكسح سى السيد وبعد أن أشهر مقص الحلاقة فى وجهى أقول له أنه لم يفهم الرمز الكامن فى أعماق الكصة ودى غلطة كنا بنقع فيها كلنا فى بداية مشوارنا الطويل فى الأدب والشعر والدقن وتدل على أن موهبته الأدبية لم تكتمل بعد :blink: ..... رجاءى له أن يعيد قراءة الكصة بتمعن أكثر بعد أخذ نفس عميق ولو لسه مصر على عدم السماح بالنشر فلن أملك وقتها إلا أن أكشف شعرى وأتفرغ للدعاء عليه لثلاثة ليالى قمرية متتالية :blink: ..... طيب إيه رأيكم فى كصة عاتفية زى (جمال وخديجة) مثلاً :wub:

حي حييييييييييي حشيش حى انا قولت لكم انه حى... حشيش مامتش..

ايه يا سى السيد ... الله سيب الراجل يفن ويكتب.... بيت ابوه اولى بيه.......

اما بخصوص العهد..........

مش بايدى يا ولدى خلاص ما بقتيش زى زمان اتكاتروا عليا الدهاشنه وبقوا يكسروا كلامى...

ابنى الكبير سى السيد هو عتريس اليومين دول ..

سى السيد بقى عتريس الدهاشنة :ph34r: ..... مش قادر أصدق اللى بسمعه من ابن مصر :excl: ..... يعنى خلاص نسي فؤاده ودبح الحمامة :sad:

تم تعديل 2 أبريل 2006 بواسطة حشيش

[مصرية الهوى]

واااااااااااو .. ايه ده :ph34r:

بجد يا حشيش انت انسان فظيييييييييع ..

وكتاباتك لذيذة جدا ...

بجد والله كان نفسي ترجع .. واديك رجعت

حمد الله بالسلامة ...

يلا بقى عايزين حاجات في وزن ام بدوي ..

ومتحبنيش بالشكل ده

ويخرب بيت كده :blink:

[White heart]

شوف بقى يا " حشيش " ... انا اول ما قريت على عملك الأدبى الجديد ... جريد و كالعادة أعملك غلاف الكصة الجديدة .. حاكم الايد البطالة نجسة، و على ما أفتكر كانت آخر حاجه عملتهالك كانت صورة الخطوبة .... فعلى الله يعجبك الغلاف دة:

[abofasad]

أهلا بالصديق القديم حشيش

يا ريتك تغير لون الكتابة بتعاتك وتكون بلون الحشيش

أخضر يعني

وفي انتظار قصتك المشوقة

[حشيش]

الأعزاء مصرية الهوى ..... وايت هارت ..... أبو فصاد :ph34r:

شكراً على ما تفضلتم به من ترحيب بأخوكم الفاضل الأديب والمفكر المعروف / حشيش :blink: ..... وأشكر أخونا الفنان الكبير / وايت هارت على صورة الغلاف الرائعة التى سأضعها فى صدر الكصة :blink: