الحنين إلى القرية ... كصة زراعية

[وليد صفوت]

الله يا شيشو الله عليك .......... :sad:

دى العملية سخنت دلوقتى و الكصة دخلت فى ممرات فكرية ضيقة :wub: و شكلك مش هتجيبها البر :wub: ..............

و بالنسبة للصورة انا هثبتهالك فى الجزء التانى من عينيا يا شيشو :wub:

بس عن قذنكم بقى هسلم نمر فى الإدارة و مش قاعدلكوا فيها .. العمر مش بعزقه <_<

[حشيش]

الله يا شيشو الله عليك .......... :wub:

و بالنسبة للصورة انا هثبتهالك فى الجزء التانى من عينيا يا شيشو :wub:

بس عن قذنكم بقى هسلم نمر فى الإدارة و مش قاعدلكوا فيها .. العمر مش بعزقه <_<

حتى لو رفدوك من الإدارة ياصفوت :wub: .... يكفيك إن مصر كلها حتشيلك على كتافها وتلف بيك الشوارع والحوارى واللى ما يشترى يتفرج :sad:

[se_ Elsyed]

بعد الصورة بتاعت نور وجيهان

العملية كملت .. والموضوع بقى " قصة ومناظر "

أديني لابد في الدُرة ومعايا واحد مقصدار وعلى أُهبة الإستعداد

[tarek_almeghallawy]

سؤال عالماشي كده يا أديبنا

كالونيا 555 كانت باليمون ولا الافندر

كده الرمز يفرق معانا

وبعدين بلاش الغموض بتاع المدرسة التكعيبية في أدب ما بعد الحداثة

وقبل الحداثة وبنت خال عمة الحداثة

خليك صريح على طول

فيه ناس فهمها على قدها

[حشيش]

يحضر الشيخ / عبد الحسيب على عجل بصحبة عاصى إلى حيث توقف جثمان حسونة عند باب مسجد القرية .... يقص عليه الشيخ/ عتمان والعمدة والفلاحين ما حدث :wub:

الشيخ/ عبد الحسيب مخاطباً الشيخ/ عتمان: إنته متأكد من اللى بتقوله ده ياعتمان !

عتمان: زى مانى متأكد إنى شايفك دلوقتى يابا الحاج وأهل أبزازيا قدامك أهم إسئلهم !

فلاح: مظبوط بابا الشيخ/ عبد الحسيب ..... النعش كان تقيل قوى وروحنا طلعت على ما وصلنا بيه لحد باب الجامع وبعد كده مقدرش 15راجل مننا يدخلوه جوه الجامع عشان نصلى عليه !!!

الشيخ/ عبد الحسيب مخاطباً أهالى القرية: معلش يارجاله حاولوا تانى وانا حشيل معاكم

حاول 20 رجلاً من أهالى القرية ومعهم الشيخ/ عبد الحسيب والشيخ/ عتمان إدخال نعش حسونة إلى المسجد إلا أنهم لم يستطيعوا أن يرفعوه من فوق الأرض وكأنما إلتصق بها !!! :wub:

الشيخ/ عبد الحسيب (وقد بدت عليه علامات الدهشة) مخاطباً الشيخ/ عتمان: إرفع غطا النعش وفك الكفن ياعتمان خلينى أشوف وشه !!!

الشيخ/ عتمان: بس كده ما يصحش يابا الحاج .... الميت له حرمة وانته سيد العارفين

الشيخ/ عبد الحسيب بحزم: إعمل اللى قولت لك عليه ياعتمان :lol:

يمتثل عتمان لما قاله الشيخ/ عبد الحسيب ويرفع غطاء النعش ويفك الكفن ليكشف عن وجه حسونه

ما أنا رأى الشيخ / عبد الحسيب وجه حسونة حتى إرتعدت فرائسه وصاح قائلاً: أعوذ بكلمات الله التامة من كل شيطانٍ وهامة :blush:

العمدة: ما تنورنا يابا الحاج ..... فيه إيه ؟!!!!

الشيخ/ عبد الحسيب: الراجل ده ملبوس ياعمدة !!! :wub:

العمدة بذهول: ملبوس !!!!! ..... ملبوس إزاى !!!!

سرت كلمات الشيخ/ عبد الحسيب بين الفلاحين كالنار فى الهشيم

صاح أحد الفلاحين فى الأهالى: الراجل طلع ملبوس ياخلق ..... الراجل طلع ملبوس ياخلق mfb:

إنفض الجميع من حول نعش حسونة وأطلقوا سيقانهم للريح مخافة أن يمسهم مكروه

العمدة مخاطباً الشيخ/ عبد الحسيب بغضب : متفهمنا معنته إيه اللى إنته قولته ده وفزعت الناس ياعبد الحسيب

الشيخ/ عبد الحسيب: الراجل ده لابساه جنية يابا العمدة !

حسنين: مش معقول الكلام ده ياشيخ/ عبد الحسيب ..... بقى الراجل الشهم ده يطلع ملبوس ومن جنية كمان !!!!

الشيخ/ عبد الحسيب: إخرس ياوله إنته إيش فهمك إنته فى الجن والعفاريت !!!

حسنين وهو يرتعد من الخوف: سامحنى يابا الحاج .... سامحونى ياسيادى

يقترب الفلاحين المفزوعين شيئاً فشيئاً من نعش حسونة من جديد ليتمكنوا من سماع الحوار الدائر بين عبد الحسيب وعتمان وحسنين والعمدة

عتمان مخاطباً الشيخ/ عبد الحسيب: وبقاله كتير ملبوس يابا الحاج

عبد الحسيب: الجنية لابساه من ييجى 25 سنة :wub:

العمدة: ودى مؤذية يابا الشيخ/ عبد الحسيب !

عبد الحسيب: إلا مؤذية !!! ... دى لخبطت للراجل حياته ... فهمته إن الحرام حلال ... والحلال حرام

فلاح: وهيا لابساه ليه لغاية دلوقتى يابا الحاج مادام مات خلاص ... عايزه إيه منه بعد ما مات ؟!

عبد الحسيب: إن كان على عايزة إيه فهيا عايزة كتير ... وليه لسه لابساه لحد دلوقتى: لأنها لسه ما عرفتش إنه مات .... حىىىىىىىى ..... بس أول ما حتعرف إنه مات حتشوفوا على إيديها أيام أسود من قرن الخروب

الشيخ/ عتمان: يبقى مش لازم نخليها تعرف إنه مات يابا الحاج -_-

العمدة: تمام كده .... مش لازم نخليها تعرف .... بس إزاى ؟؟؟!!!

الشيخ/ عبد الحسيب: الكلام مش حينفع هنا .... بينا ناخد النعش على المدرسة الثانوى ونكمل بقية كلامنا هناك ..... السمس كلها نص ساعة وتغيب يعنى المدرسة فاضية ومفيش حد هناك

حسنين: المدرسة الثانوى بنين ولا بنات يابا الحاج :wub:

عبد الحسيب: إنته حمار ياوله ... حد يدخل جنية على مدرسة صبيان !!!

حسنين: إعذرنى يابا الحاج .... عقلى مش فى راسى .... بينا يارجالة بالنعش عالمدرسة

حمل الرجال النعش الذى أصبح أخف وزناً من الريشة إلى مدرسة أبزازيا الثانوية للبنات :wub:

إلى اللقاء

[محمد حافظ]

جميلة .. فعلا جميلة .

أصبح وزنه خف الريشة لما عرف إنه ذاهب لمدرسة بنات .. أصل المرحوم سونسن كان صاحب كيف .. حتى وهو في الكفن .

هو فعلا في ناس كثيرة بتقول إن سونسن ( إنخض ) يوم المنصة فركبته عفريته فرعونية إسمها ( رادوبيس ) قبرها يقع في صحراء مدينة ناصر وكانت عفريتتها بتتفرج على العرض .

بالمناسبة ( رادبويس ) هذه صاحبة مزاج ملكي عالي قوي أيام زمان ..

[وليد صفوت]

الله يا شيشو الله عليك .......... :wub:

و بالنسبة للصورة انا هثبتهالك فى الجزء التانى من عينيا يا شيشو :wub:

بس عن قذنكم بقى هسلم نمر فى الإدارة و مش قاعدلكوا فيها .. العمر مش بعزقه :blush:

حتى لو رفدوك من الإدارة ياصفوت :wub: .... يكفيك إن مصر كلها حتشيلك على كتافها وتلف بيك الشوارع والحوارى واللى ما يشترى يتفرج :lol:

بس ليه بدرى عالعيد يا شيشو :wub:

[حشيش]

يصل الموكب الجنائزى إلى مدرسة أبزازيا الثانوية للبنات ويضع الفلاحون جثمان حسونة على أرض حوش المدرسة ...جلس الجميع حول الجثمان يتباحثون عن الطريقة المثلى لإخراج الجنية من جسد حسونة حتى يتمكنوا من الصلاة عليه ثم دفنه mfb:

فلاح: أنا بقول يابا الشيخ عبد الحسيب إننا حتماً ولا بد نعمل زار عشان الجنية تطلع

عبد الحسيب: بلاش كلام فارغ ياوله :D

فلاح آخر: إحنا ولا مؤاخذة نتلم عليه كلنا وهاتك ياضرب بالمداس على دماغه لحد ما الجنية تخرج

عتمان: إحنا أحسن حاجة نقرا عليه عدية يس عشان الجنية تحل عنه

العمدة: واحنا إيه يهمنا إن كانت تطلع ولا ما تطلعش ‍‍‍‍!!! ..... خلوها لابساه ويروحوا سوى إن شاء الله جهنم وبئس المصير :D

عبد الحسيب: قصدك إيه ياعمدة ..... فسر كلامك mfb:

العمدة: إحنا نكب عليه جاز ونولع فيه وفيها ويبقى خلصنا منهم همه الاتنين

لقيت فكرة العمدة إستحسان الجميع :wub: ..... قام الفلاحون على الفور بجمع الحطب ووضعوا جثمان حسونة فوقه ثم سكبوا كل ما توفر لديهم من جاز عليه ثم أشعلوا النار التى إمتد لهيبها وأعمدة الدخان الأسود إلى السماء :) .....أكلت النار جثمان حسونة فى دقائق معدودة ليصبح أثراً بعد عين mfb:

قام الفلاحون بنفض ما تبقى من رماد وتعاونوا على تسوية حوش المدرسة ليصبح كما كان وأخذوا يرقصون فرحاً لأنهم قد تخلصوا من حسونة والجنية الشريرة إلى الأبد :wub:

فى هذه الأثناء كانت طائرات هليكوبتر تحلق فوق المكان ;)

حسنين: إيه الطايرات دى كلها يابا العمدة ؟!!

العمدة: جايز بيدوروا على حاجة !

حسنين: واحنا مالنا .....خليهم يدوروا .... بينا يارجالة عالقهوة نشرب الشاى ونشد لنا حجرين :)

تمت

حشيش

أديب ومفكر

تم تعديل 6 أبريل 2006 بواسطة حشيش

[مصرية الهوى]

اكيد حد شم ريحة الحريقة فاتصل بالدفاع المدني ..

فهما جايين بالهليكوبترات يشوفوا الحريقة فين ؟؟ :wub:

بس انا خايفة على الناس الغلابة :)

يكونش حسونة ده .. واحد مسنود وليه ضهر :)

وقعتهم هتبقى سودا

:D

وبمناسبة تمت للكصة الزراعية الجميلة دي ..

انا عزماك يا حشيش على عزومة كرات وجرجير وخس وبرسيم

:D

[حشيش]

وبمناسبة تمت للكصة الزراعية الجميلة دي ..

انا عزماك يا حشيش على عزومة كرات وجرجير وخس وبرسيم

بالنسبة للكرات والجرجير والخس موافق .... بس بالنسبة للبرسيم أنا متنازل لك عن نصيبى ;)

[وليد صفوت]

يا جيجى ...

حشيش ليه فى القراقيش بس .... اعزميه على قراقيش هتلاقيه لابدلك على طول ....

[se_ Elsyed]

من الأول وأنا مش متفائل خير .. وبالذات من ساعة ما عرفت إن بطل الكصة إسمه حسونه ولا حسنين

بيفكرك بمين يا سين سين ؟

بيفكرك بسين يا مين مين ؟

حشيش وجعتك مجندلة ومطينة بطين البِرك

تقصد مين ببطل الكِصة أيها الرعديد المتشنقط ؟

هاتعترف يعني هاتعترف والنفخ هايبقى شويه عليك كمان

يا رجال قرية أبزازيا العِنب .. خذوه وقيدوه ... ثم على درجة 45 إنفخوه ...عله يعترف بتفاصيل تلك المؤامرة الـ الـ الـــ

ماشي يا حشيش ( عايز تجيب لنا دُراف المحاورات كمان .. منك لله يا بعيد )

[وليد صفوت]

دلوقتى عرفت هايد بارك حصلها اللى حصل ده ليه ... :blink:

روووووووووووح يا شييييخ .... و تعالى بعد سنة ;)

[yacho]

مبببببببببببببببببببببببببببببببببببببببببببببببدع والله :blink:

كممممممممممممممممل ;)

[Cleo]

ماينفعش الكلفتة دى يا حشيش ;)

عاوزين نعرف حل ايه للورثة بعد الهليوكوبترات ما رجعت قواعدها :blink:

[حشيش]

ماينفعش الكلفتة دى يا حشيش ;)

عاوزين نعرف حل ايه للورثة بعد الهليوكوبترات ما رجعت قواعدها :wub:

الكصة مفتوحة من الناحيتين ياأختشى وكل حى يفهمها بطريقته وكل بنى أدم متعلق من عرقوبه :blink:

[Tafshan]

هيليوكوبتر :blush:

على كده قرية ابزازيا ح يتنفخوا جميعاً :blink:

على فكرة ..

الكصة مش محبكه درامياً ... لازم تنقفل :D

كمل الكصة و قولنا جملات بنت حسونه عملت ايه بعد ما وصل لها الخبر الحزين :P

و عايزين نعرف الجنية لبست مين :P

[se_ Elsyed]

ضحكنا كثير وهرجنا أكثر ..

نيجي بقى للنكد الأدبي .. عشان كل واحد ياخد حقه .. وخصوصاً أديبنا الكبير - في السن - حشيش .

إستعنا على الشقى بالله

- أولاً أحب أوجه تحية معطره بريحة اليوستفاندي لأول أديب في العالم يستكشف الطريق الزراعي ... وده شيء عهدناه في الأديب حشيش .. لإنه كان ممكن يستسهل وياخد طريق مصر - إسكندرية الصحراوي أو ياخد حتى بيجو 7 راكب .. لكنه تحدى نفسه وتحدى القُراء اللي هو أحنا ومشي في طريق المهالك وهو الطريق الزراعي اللي لو كان صادفته شوية نطره زي بتوع الإسبوع اللي فات كان زمانه إتوحل هناك .

- كذلك نستطيع أن نقول إن القصة مليئة بالإسقاطات السياسية والتي يُمكن أن تُحولها إلى رائعة من الروائع الأدبية زي الكرنك وشيء من الخوف وفي بيتنا رِجل .... وبالتالي الأديب الزراعي حشيش لم يخاف ولم ترتعد فرائصه وتحدى السجن والنفخ والمعتقلات وكمل طريقه .... روح يا شيخ ربنا يُستر طريقك .

- نيجي لشق مهم جداً وهو إننا لازم نستغل حشيش كثروة قومية ونسوقه - جايه من تسويق يعني - .... حد هايفتح بؤه وبيلم :P ويقولي إزاي يعني ؟

- أقولك إزاي :

1- ليه ما نعملش حشيش علامة تُجارية مُسجلة @ ويبقى عندنا حشيش واحد بس ( ح ك ل ) حشيش كمباني ليميتد .

2- تيجي الخطوة الثانية وهو إننا نستغل إسمه التجاري ده في تسويق مُنتجات عديده ... مثلاً مثلاً .... حشحشكولا .. مشروب الطاقة والنشاط .... جبنة التلات حشيشات .. كبديل للمنتجات الدنماركية ..... أو حاجة شعبية مثلاً زي جبنة قريش حشيش ..... ولو ربنا كرمنا وعملنا شغل جامد ممكن نقلب العُملة بتاعتنا المنحوسة ونخلي العملة الرسمية بتاعت مصر هي ( قرش حشيش ) وهكذا

[shahd]

راااااااااائع سلمت اناملك

[هشام الجنيدى]

والله العظيم انتا مالكش حل يا استاذ حشيش بجد بتعمل دماغ عالى للقراء حقيقى .............. :)

قصه اكتر من رائعه ...............

متخافش كلنا وراك لحد باب المعتقل ......... :wub: وبعدين خالتى وخالتك واتفرقو الخالات العمر مش بعزقه ......

استمر وفقك الله :D