ياترى اللي نعرفه احسن من اللي ما نعرفوش !!

[عطر]

الناس كلها ثايرة وهايجة وبيهتفوا لا للتوريث لا للتوريث

وانا بهتف معاهم لا للتوريث برضه أهو مع الخيل يا شئرا

بس بيني وبين نفسي بسأل طيب مين ممكن يجي بداله !!

ولا اللي نعرفه احسن من اللي ما نعرفوش !!

أي واحد بيمسك الحكم يقول بينه وبين نفسه بس ناولوني عليه

ويمسك فيه بإيديه وسنانه وما يطلعش منها الا بطلوع الروح

يظهر اننا شعب مختوم على أفانا اننا ورث للي يحكمنا

طيب بجد انا ماليش أوي في السياسة

بس كمواطنة بسيطة خايفة من اي حد يحكم مصر

لأن كل واحد في النهاية بيحكمه هواه ومصالحه الشخصية

وأخر حاجة بيفكر فيها هي مصالح الشعب الغلبان :closedeyes:

الحل ايه !!

[زيزو]

يا عطر كلامك فيه كتير من الصحة، يعني عندك الدكتور نعمان مثلاً، كان بيقول نفس الكلام ده في الوفد وبعدين مسكها وخربها.

الحل إننا ننسى موضوع الأفراد ده... يعني الرئيس يكون مجرد جزء من منظومة. وتكون السياسة جزء مهم من الحياة من أول المدرسة. وتكون الجامعة جزء مهم من الحياة السياسية، ويكون كل واحد عارف دوره.

يكون فيه إستقلال للسلطات بحق وحقيقي. يكون فيه رقابة شعبية. ووقتها يكون الرئيس أي بني آدم ومهما كان لن يستطيع التمسك بالكرسي.

هو مبارك اللي زور الإنتخابات بنفسه ولا فيه ناس زوروها له؟ هو مبارك هو اللي بيعتقل الناس ولا فيه أجهزة بتعتقلهم؟ المنظومة نفسها لو إتغيرت وقتها حتلاقي اللي يصلح للحكم وحتلاقيهم كتير. عطر إحنا مش حنكون أول دولة حتطبق الديمقراطية وممكن نستفيد من تجارب دول كتير سبقتنا.

بس المهم مانخافش من عدم القدرة على التنفيذ. إحنا مش أقل من كل الدول اللي سبقتنا للديمقراطية وأصبحت تتقدم وتسبقنا الآن بمراحل. كل تأخير فيه فرصة ضائعة على البلد.

أرجوا أن يكون كلامي مفيد بعض الشئ. سلام.

[عطر]

يا عطر كلامك فيه كتير من الصحة، يعني عندك الدكتور نعمان مثلاً، كان بيقول نفس الكلام ده في الوفد وبعدين مسكها وخربها.

الحل إننا ننسى موضوع الأفراد ده... يعني الرئيس يكون مجرد جزء من منظومة. وتكون السياسة جزء مهم من الحياة من أول المدرسة. وتكون الجامعة جزء مهم من الحياة السياسية، ويكون كل واحد عارف دوره.

يكون فيه إستقلال للسلطات بحق وحقيقي. يكون فيه رقابة شعبية. ووقتها يكون الرئيس أي بني آدم ومهما كان لن يستطيع التمسك بالكرسي.

هو مبارك اللي زور الإنتخابات بنفسه ولا فيه ناس زوروها له؟ هو مبارك هو اللي بيعتقل الناس ولا فيه أجهزة بتعتقلهم؟ المنظومة نفسها لو إتغيرت وقتها حتلاقي اللي يصلح للحكم وحتلاقيهم كتير. عطر إحنا مش حنكون أول دولة حتطبق الديمقراطية وممكن نستفيد من تجارب دول كتير سبقتنا.

بس المهم مانخافش من عدم القدرة على التنفيذ. إحنا مش أقل من كل الدول اللي سبقتنا للديمقراطية وأصبحت تتقدم وتسبقنا الآن بمراحل. كل تأخير فيه فرصة ضائعة على البلد.

أرجوا أن يكون كلامي مفيد بعض الشئ. سلام.

حسستني ان الحل مش ممكن حيكون الا بإنقلاب شامل لأن في الوضع الحالي مفيش أمل في تغيير اي شيء

كل واحد ماسك في كرسي مش عايز يسيبه لأنه بيهلب منه أد كدة واللي فوئيته سايبينه علشان يسكت عنهم وبيرموا له أي عضمة يسكت بيها

تصدق ان بنتي ذات الثمان سنوات تقول لي ياماما البلد دي مش هيتعدل حالها الا اذا اتهدت كلها حتى واحنا معاها واتبنت من جديد

وجهة نظر برضه :wub:

[Guest النسر المصري]

يااااه ...والله أحلى وأجمل تعليق قالته بنتك ياعطر

اشكريها بجد

وقليلها عمو النسر المصري بتاع الرسوم المتحركة هيرسملك رسمة حلوة

ولا أقولك اسأليها على لولو كاتي اللي بتيجي في سبيس تونز

قوليلها انا اللي راسمها

هي اكيد عارفاها

[عطر]

يااااه ...والله أحلى وأجمل تعليق قالته بنتك ياعطر

اشكريها بجد

وقليلها عمو النسر المصري بتاع الرسوم المتحركة هيرسملك رسمة حلوة

ولا أقولك اسأليها على لولو كاتي اللي بتيجي في سبيس تونز

قوليلها انا اللي راسمها

هي اكيد عارفاها

من عيوني يا نسرنا بشكرها لك

بس قل لي هو الكارتون نفسه اسمه ايه هل ده اسم شخصية ولا اسم حلقاات !!

وايه رأيك تمتعنا برسوماتك هنا ولا انت عرضتها قبل كدة معلش اصلي مستجدة لسة مش عارفة :wub: