حرامية في .. (بيتنا) ..!!

[مصرية الهوى]

الزمان : وأنا في اولى اعدادي .. قبل عشر سنين يعني (ياااااه دي الدنيا بتجري ياولاد)

يوم الأربعاء ( يوم الاجتماع الرسمي للعيلة في بيت تيته)

المكان: بيت ابو جيجي وام جيجي واولادهم الحلوين ( خاصة بنتهم جيجي :P )

كان وقت المساء قبل المغرب .. اتكلنا على الله وخرجنا من بيتنا رايحين لبيت تيته ،،

واحنا في السكة قابلنا ولدين كده في سن المراهقة شكلهم مريب جدا ، بحسهم زي اللي على راسه بطحه .. كانوا واقفين كده في ارض فضاء قريب من بيتنا

المهم ، قال بابا العيال دول انا مش مطمن لهم شكلهم مريب جدا .. ردت ماما قالتله واحنا مالنا ... سيب الناس في حالها...

راح بابا لافف على الحي كله بعدين رجع تاني لنفس المكان... لقينا العيال دول بيمشوا في الشارع عادي ...

المهم رحنا وانبسطنا وهيصنا ... وبالليل واحنا راجعين للبيت .. كان بابا باين عليه انه فيه حاجه حصلت في البيت ..

تفتكروا حصل ايه :o .. بالظبط ...

الحرامية دخلوا بيتنا B) ...

احنا عندنا ملاحق برا الفيلا ( اوضتين ومطبخ وحمام) فيهم التليفزيون والفيديو وكمبيوتر العاب ودايما احنا نقعد في الملاحق دي ..

ولما نخرج من البيت منقفلش باب الملحق بالمفتاح .. قال يعني امن وامان .. بس صحينا على جريمة نكراء ...

لقينا الحرامية داخلين للملاحق وعايثين فيها الفساد ..

طبعا جيراننا كلهم عرفوا بالحكاية .. فأبو جيراننا ربنا يهديه .. قال لبابا ايه ..

قال انه وقت صلاة المغرب وهو خارج من بيته لقى ولدين طالعين فوق الكراج بتاعنا .. فبيقول لما شفتهم افتكرتهم حد من قرايبكو ( يعني ايه اللي هيطلع قرايبنا فوق الكراج يافالح :unsure: )

فكبر دماغه ونسي الموضوع .....

من بكرى الصبح الشرطة ( اللي هي في خدمة الشعب) جم عشان ياخدوا البصمات ويحققوا في الحادثة ومش عارفه ايه ...

ولحد النهارده مشفناش وشوشهم تاني :wub: ( اكيد قيدت ضد مجهول ) ...

المهم .. العيال دول لما دخلوا الملحق اول حاجه خدوها كمبيوتر الالعاب والشرايط بتاعته ( عيال ) .. وسابوا التليفزيون والفيديو لحد دلوقتي انا مستغربة ..

وطبعا مكركبين الاوضة والمطبخ وقالبينهم فوق تحت .. قال يعني بيدوروا على الماظات ودهب ...

ورايحين لعشة الحمام والفراخ وواخدين المقسوم ( ان شاء الله انفلونزا الطيور تجيلهم :wub: ) ..

بس الحمد لله انهم مقدروش يدخلوا جوا الفيلا والا كنا نروح في داهية ....

طبعا انا الحالة النفسية يا سلام .. كنت قبل المصيبة دي شجاعة اوي مبخفش الا من الصرصار وحاجه تانية قليلة بس :o ..

بعدها ياساااااااااااتر ....

عشت ايام مرعبة الله لايوريكو .. رحت يوم السبت للمدرسة وانا منمتش ولا دقيقة الا اللهم غفوات بسيطة كلها كوابيس...

بقيت بخاف جدا من كل حاجه ... وخصوصا الرجالة ... عشان مفيش حرامية ستات :wub: ...

قعدت شهور مبدخلش المحلق ابدا ولا بخرج للجنينة ولا للحوش ولاحاجه ..

قبل ما انام لازم الف مية مرة على ابواب البيت كلها اقفلها بالمفتاح والسقاطة .. واقفل على نفسي الاوضة بالمفتاح ..

وكل شويا اقوم اطل من الشباك عشان سمعت صوت ومش عارفه ايه ..

وكوابيس وايام سودا الله لا يعيدها ..

ولحد دلوقتي وانا اعاني من الخوف عشان الحكاية .. فعلا اثرت فيا جامد اوي ..

صحيح ان خوفي خف عن الاول بس لازال ....

بس بجد والله لحد دلوقتي وانا حاقده على الحرامية دول ...

وبأموت من الرعب لما بافتكر الحكاية ....

منهم لله قتلوا الطفولة والبراءة داخلي :P !!!!

بقولكوا ايه انا سمعت صوت غريب برا ..

يالهووووووي ..

لا يكونوا الحرامية رجعوا عايزين ياخدوا التليفزيون !!!

:ph34r:

[White heart]

بقولكوا ايه انا سمعت صوت غريب برا ..

يالهووووووي ..

لا يكونوا الحرامية رجعوا عايزين ياخدوا التليفزيون !!!

بعد عشر سنين برضه يا جيجى راجعين علشان التليفزيون؟ مش معقول طبعا .... أكيد راجعين ياخدوا شرايط ألعاب جديدة لأن الشرايط الأولى ملوا منها و بقت قديمة :unsure:

[وليد صفوت]

او جايين يرجعوا البلاى ستيشن عشان لقوا واحد احدث منه عند جاركوا اللى جنبيكوا ( اللى افتركهم قرايبكوا ) :unsure:

[wael_107]

يبدو ان الموضوع ده عملك عقده

انصحك بعرض قصتك فى باب الاستشارات النفسيه

وربنا يعافينا :unsure:

[مصرية الهوى]

والله يا وايت ويا وليد كل الاحتمالات واردة :)

بس انا رجحت ايه انهم جايين عايزين ياخدوا

فراخ وحمام :sad:

ده اقرب احتمال :)

تفتكر يا وائل اني محتاجه فعلا دكتور :wub:

اقولكو حكاية تانية هي اللي كسرت كتير من الخوف اللي جوايا

من تقريبا 4 سنين كده .. كانت الساعة 3 بالليل .. البيت كله ناااااااايم والهدووووووء يسبق العاصفة ...

وانا في الحمام سمعت صوت جاي من برا .. صوت ميه بتخر .. فطليت مع الشباك مش شايفه حاجه غير الظلام..

اول حاجه جت في بالي ان بابا ناسي يقفل المية في الجنينة .. ودي حصلت مرة وحصلت مصايب من وراها..

الجنينة غاصت في المية والطين وكان فيه عشة جوا فيها كتاكيت صغيرة ماتت كلها غرقا :wub:

قلت مبدهاش لازم اروح اكتشف الحكاية .. فكرت اني اصحي بابا بعدين قلت لا بلاش انا انزل ..

اول صورة جت في بالي حرامية :wub:

طيب هأعمل ايه .. قمت دخلت المطبخ وخدت سكينة وخبيتها في هدومي <_<

عشان اي حد يعترض طريقي اقتله :)

المهم خرجت للجنينة .. بس حسيت جوايا بشجاعة مش طبيعية ..

ومشيت بكل ثقة في الظلام الحالك والليل الدامس والهدوء المرعب ..

ولقيت الجنينة فعلا غارقة في الميه .. قفلت الميه عنها .. ورجعت ادخل جوا البيت ..

ومحدش اعترض طريقي الحمد لله ..

وبقيت في نظر نفسي بطلة :wub:

بس فعلا الموقف ده فرق معايا كتير ونص الخوف اللي جوايا راح

ولا طبيب نفسي ولا بتاع مش كده يا وائل :P

[wael_107]

اقولكو حكاية تانية هي اللي كسرت كتير من الخوف اللي جوايا

ولا طبيب نفسي ولا بتاع مش كده يا وائل :lol:

بصراحه

شجاعه منقطعه النظير

والله انا فرحت لك

وعلى العموم انا كده اطمنت عليكى

سلام

:wub:

[Hammer]

اقولكو حكاية تانية هي اللي كسرت كتير من الخوف اللي جوايا

من تقريبا 4 سنين كده .. كانت الساعة 3 بالليل .. البيت كله ناااااااايم والهدووووووء يسبق العاصفة ...

وانا في الحمام سمعت صوت جاي من برا .. صوت ميه بتخر .. فطليت مع الشباك مش شايفه حاجه غير الظلام..

اول حاجه جت في بالي ان بابا ناسي يقفل المية في الجنينة .. ودي حصلت مرة وحصلت مصايب من وراها..

الجنينة غاصت في المية والطين وكان فيه عشة جوا فيها كتاكيت صغيرة ماتت كلها غرقا :wub:

قلت مبدهاش لازم اروح اكتشف الحكاية .. فكرت اني اصحي بابا بعدين قلت لا بلاش انا انزل ..

اول صورة جت في بالي حرامية :sad:

طيب هأعمل ايه .. قمت دخلت المطبخ وخدت سكينة وخبيتها في هدومي :lol:

عشان اي حد يعترض طريقي اقتله :wub:

المهم خرجت للجنينة .. بس حسيت جوايا بشجاعة مش طبيعية ..

ومشيت بكل ثقة في الظلام الحالك والليل الدامس والهدوء المرعب ..

ولقيت الجنينة فعلا غارقة في الميه .. قفلت الميه عنها .. ورجعت ادخل جوا البيت ..

إنت بتتلككي يا جيجي علشان تخلصي من العقدة ,

إيه اللي جاب الميه اللي بتخر للحراميه للسكينه :sad:

بس بجد نفسي أعرف ... لو في الليل المظلم و الهدوء الهادي ده ... و إنت ماشية في الجنينه و في إيدك السكينه ....

و فجأة :wub:

بخ ....... حرامي ظهر قدامك فجأة :huh:

كان رد فعلك ح يكون إزاي ....

أكيد ح يكون كدا

و بعدين كدا

و بعدين كدا

و أخيراً