بنت شعنونة بتاريخ: 3 أبريل 2006 تقديم بلاغ مشاركة بتاريخ: 3 أبريل 2006 بما انه انا مش لاقية شغل لحد دلوقتي كطبيبة " اففففففففففففف" :unsure: وبما انه الأيد البطالة نجسة :wub: ف اليكم مشروعي الجدييييييييييييييييد بعد مشروعاتي الهائلة السابقة المشروع هوا مطعم تدااااااااااااااااااااا :wub: فيه محل عيني وقعت عليه هوا عبارة عن كافتيريا صغيرة المساحة وفاتحا قدام باب فندق طوااااااالي وفندق له وزنه في البلد لكن عشان الشباب كانوا بيقعدوا فيها ف الشرطة قرفا الراجل بتاع الكافيه واعتقد انه نفسه يخلص من المحل ب اي وسيلة فكرت اخد المحل دا " ايجااااااااااااار" طبعا واعمله ديكور بسيط بلدي فلاحي صعيدي اي حاجا مصرية اصيلة واعمله مطعم للسياح خصوصا ان الفندق دا عليه سياح بالهبببببببببببببل واكييييييييد ها يعجبهم الموضوع دا يعني من وجهة نظري البسيطة اعتقد انه مشروع كويس والا ايه رايكم؟ وتفتكروا ايه الحاجات اللي لازم ادرسها قبل ما اعمل المشروع؟ خصوصا اني انا الشيييييييييييييييييييييييييييييف :wub: :o ومحدش يقولي ليه :ph34r: هوا كدا بجد ايه رايكم حد يشااااااااااااااركني؟؟؟؟؟؟؟؟؟ وانا من البلد ديييييييييييي رابط هذا التعليق شارك المزيد من خيارات المشاركة
White heart بتاريخ: 4 أبريل 2006 تقديم بلاغ مشاركة بتاريخ: 4 أبريل 2006 ... تفتكروا ايه الحاجات اللي لازم ادرسها قبل ما اعمل المشروع؟ 1 - فى كام مطعم موجودين فى دايرة محيط الفندق - و نوعها ايه؟ 2 - عداد الكهرباء مستقل و لا مشترك مع أى حد تانى ؟ 3 - المطبخ أجهزته حالتها ايه؟ 4 - أجهزة المطبخ بتعتمد أكتريتها على الكهربا و الغاز؟ 5 - لو أمكنك الحصول على أخر إقرار ضريبى للمالك أو المستأجر الحالى للمطعم ممكن يفيدك فى قيمة الإيجار اللى هاتتفقوا عليه مستقبلا ان شاء الله ... 6- ايه اللى فوق المطعم ... سكان و الا مشاريع تجارية تانية؟ 7- عندك " محاسب " شاطر، و الا انتِ هاتبقى الشيف و المتر دوتيل و المحاسب و كله ؟ :unsure: 8 - فيه أماكن قريبه ممكن الواحد يركن فيها عربيته و الا لأ؟ 9 - المطعم يا ترى تابع ليه أى مساحة إضافيه لزوم التخزين و التلاجات و الا لأ؟ 10- عقد الإيجار سنوى و الا كل 5 سنوات ... و الا غير محدد المدة و الا يجدد تلقائيا الا عند إعلان طرف من المتعاقدين الغاء العقد مع فترة السماح ؟ مع تمنياتى بالتوفيق . ... أن واحدة من آساليب النُظم الديكتاتورية هى : وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء ! رابط هذا التعليق شارك المزيد من خيارات المشاركة
زيزو بتاريخ: 4 أبريل 2006 تقديم بلاغ مشاركة بتاريخ: 4 أبريل 2006 (معدل) والله فكرة جميلة جدًا. توكلي على الله. لو عاوزة ممكن أشاركك بس للآسف ما ينفعش بالمجهود علشان الشغل. وللآسف ما ينفعش بالمال علشان يدوبك تحويشة السنة اللي فاتت مع قرشين كده كنت مختلسهم من أهلي مش سايلين ولسه قدامي وقت لغاية ما أقدر أخذهم.... إيه رأيك أشاركك في الإيراد؟ :ph34r: :unsure: تم تعديل 4 أبريل 2006 بواسطة زيزو وَنَادَى فِرْعَوْنُ فِي قَوْمِهِ قَالَ يَا قَوْمِ أَلَيْسَ لِي مُلْكُ مِصْرَ وَهَذِهِ الْأَنْهَارُ تَجْرِي مِن تَحْتِي أَفَلَا تُبْصِرُونَ أَمْ أَنَا خَيْرٌ مِّنْ هَذَا الَّذِي هُوَ مَهِينٌ وَلَا يَكَادُ يُبِينُ فَلَوْلَا أُلْقِيَ عَلَيْهِ أَسْوِرَةٌ مِّن ذَهَبٍ أَوْ جَاء مَعَهُ الْمَلَائِكَةُ مُقْتَرِنِينَ فَاسْتَخَفَّ قَوْمَهُ فَأَطَاعُوهُ إِنَّهُمْ كَانُوا قَوْمًا فَاسِقِينَ فَلَمَّا آسَفُونَا انتَقَمْنَا مِنْهُمْ فَأَغْرَقْنَاهُمْ أَجْمَعِينَ فَجَعَلْنَاهُمْ سَلَفًا وَمَثَلًا لِلْآخِرِينَ رابط هذا التعليق شارك المزيد من خيارات المشاركة
بنت شعنونة بتاريخ: 4 أبريل 2006 كاتب الموضوع تقديم بلاغ مشاركة بتاريخ: 4 أبريل 2006 شديييييييييدة الأسئلة دي يا وايت ماكانتش على بالي اطلالالالالالالاقا ولا واحد الصراحا :ph34r: نمسك واحد واحد 1 - فى كام مطعم موجودين فى دايرة محيط الفندق - و نوعها ايه؟ كتيييييير انواع اشي اكل خليجي واشي محل فول وفلافل واشي مصمط كتير فعلا بس كلهم على بعد 400 متر من الفندق انما انا في وش الباب تمام " قصدي على المحل اللي عاجبني يعني" بينه وبين الباب 5 متر 2 - عداد الكهرباء مستقل و لا مشترك مع أى حد تانى ؟ مش عارفا عشان لسا ما قلتش للراجل اني عاوزة ااجر الكافيه بتاعه اصلا لسا بدرس الفكرة يعني.. 3 - المطبخ أجهزته حالتها ايه؟ ما هوا فاتح دلوقتي كافيه ف ما فيهوش مطبخ اصلا شاي و قهوة وشيشة كدا يعني ومساحتة صغيرة يعني ممكن يطلع 4في 10 مثلا 4 - أجهزة المطبخ بتعتمد أكتريتها على الكهربا و الغاز؟ انا اللي ها اجيبها وبما انه ناوية اكون الشف وانا اللي ها اطبخ ف ها اجيب بوتاجاز عادي جدا على الغاز لآنه ناوية اعمله اكل بلدي طواجب وكدا يعني 5 - لو أمكنك الحصول على أخر إقرار ضريبى للمالك أو المستأجر الحالى للمطعم ممكن يفيدك فى قيمة الإيجار اللى هاتتفقوا عليه مستقبلا ان شاء الله ... 6- ايه اللى فوق المطعم ... سكان و الا مشاريع تجارية تانية؟ سكن 7- عندك " محاسب " شاطر، و الا انتِ هاتبقى الشيف و المتر دوتيل و المحاسب و كله ؟ محاسب عندي اخواتي الأتنين.. بس مش اعرفش شطار والا لا :unsure: :wub: ها اجرب بقى 8 - فيه أماكن قريبه ممكن الواحد يركن فيها عربيته و الا لأ؟ كتييييييييييييييير جدا من اول بارك الأوتيل للشارع اللي فيه المحل اصلا 9 - المطعم يا ترى تابع ليه أى مساحة إضافيه لزوم التخزين و التلاجات و الا لأ؟ لا بس ها احتاج تخزين وتلاجات في ايه؟ 10- عقد الإيجار سنوى و الا كل 5 سنوات ... و الا غير محدد المدة و الا يجدد تلقائيا الا عند إعلان طرف من المتعاقدين الغاء العقد مع فترة السماح ؟ لسا لما اكلم الراجل واشوف رايه ايه الأول كدا يا زيزو ماااااااااااااشششششششششي :o تعالى شارك بالأكل اعزمك تاكل... :wub: لا بجد اعتقد انه الواحد ممكن يربط مع الأفواج السياحية اللي بتنزل في الأوتيل تبع شركات السياحة حد يعرف حاجا عن الموضوع دا؟ وانا من البلد ديييييييييييي رابط هذا التعليق شارك المزيد من خيارات المشاركة
wagdi بتاريخ: 4 أبريل 2006 تقديم بلاغ مشاركة بتاريخ: 4 أبريل 2006 الفاضلة شانا... نصيحة أخوية.... في مصر شغل المطاعم ده يحتاج واحد إبن كار...يعني لو مصممة على الفكرة حاولي تدخلي معاكي شريك يكون عنده خبرة في المواضيع دي... لكن لو أشتغلتي كدة مع نفسك مش حتبقي عارفة الضرب جايلك منين... إشي بتوع الصحة عايزين قهوتهم...وبتوع التموين...وبتوع السياحة وبتوع الاثار ... أنا بقولك الكلام ده لأن كان لي صديق في مصر مكانش له في المطاعم ولا يفهم فيها....عمل فيها سبع رجالة وفتح مطعم.... الموقع تحفة.... الديكور تحفة... الأكل تحفة...كان عنده شيف هايل...والناس كانت عليه طوابير في الأول.... سافرت رجعتله بعد سنة لقيته باع المحل وبيلعن في سنسفيل المطاعم وسنسفيل البلد... قعد يحكيلي حكاوي من عينة فاتورة كهربا تجيله غلط باربعتاشر الف جنيه زيادة في شهر واحد ونظام ادفع وبعدين اشتكي.... وبتوع الصحة كل أسبوع يعدوا عايزين حاجة... وسيادة العقيد إلى ساكن فوق العمارة مش عاجباه الدوشة يبعتله تاني يوم المباحث.... وحاجات كدة.... أنا بقولك الكلام ده مش بعقدك والبلد مليانة مطاعم شغالة وزي الفل....المهم يكون في حد إبن كار عارف النظام معاكي.... وربنا يوفقك.... فكأننا والماء من حولنا... قوم جلوس وحولهم ماء... رابط هذا التعليق شارك المزيد من خيارات المشاركة
بنت شعنونة بتاريخ: 4 أبريل 2006 كاتب الموضوع تقديم بلاغ مشاركة بتاريخ: 4 أبريل 2006 استاذ وجدي عندك حق في كل كلمة بتقولها تجربتي مع محل الخضار علمتني كتير لكن ها اقولك على حاجا الصحة و التموين دول سهلين ديتهم معروفة واعتقد اني " بحكم انتمائي ليهم مهنيا نوعا ما" ممكن ادبر اموري معاهم دي حاجا موضوع بقى الكهربا و الحاجات التانية دي ليك حق بس انا اعتقد لو ها اجيب شريك لازم يكون حد ظابط او حد ضهر و السلام عشان الناس تخاف منه وخلاص طب طلب سخيف لو تكرمت ممكن تحكيلي شوية من تجربة صديقك؟؟ وايه اللي خلاه يقفل بالسرعة دي؟ انا عارفا البلد حالها واقف انما ازاااااااااااااي بتوع الفول و الفلافل والناس دي مستمرة كدا شبراوي او غيره مثلا؟؟ اكيد فيه سر؟ :unsure: وانا من البلد ديييييييييييي رابط هذا التعليق شارك المزيد من خيارات المشاركة
لخبطه بتاريخ: 4 أبريل 2006 تقديم بلاغ مشاركة بتاريخ: 4 أبريل 2006 شوفي ياشعنونه يابنتي طالما سياح يبقا مهم أوي تركزي على 3 حاجات مستوى راقي جدا من الخدمه يعني عيال شغاله نظيفه اوي اوي اوي اوي وكمان بتتكلم بأدب اوي اوي اوي وبعيده عن الفهلوة أوي اوي اوي نظافة المكان وتشرفي بنفسك على أدق التفاصيل ( والقطنة ما بتكدبش ) الإعتدال في الأسعار لأن الناس دي مش هبله زي ما بيعتقد اغلبنا ( يعني بردو بيفرق معاهم السعر الغير مبالغ فيه ) دعواتي لكي بشكل مسبق بالتوفيق ان شاء الله أنا لا أكتب الأشـــعار فالأشعـــــــــار تكتبني أريد الصمت كي أحيا ولكن الذي ألقاه ُينطقني رابط هذا التعليق شارك المزيد من خيارات المشاركة
الأفوكاتو بتاريخ: 4 أبريل 2006 تقديم بلاغ مشاركة بتاريخ: 4 أبريل 2006 و لا تنسى يا دكتورة شانا أن يكون بالمكان دورة مياة رجالى و نسائى نظبفة, فالسائح, إذا لم يجد دورة مياة صحية, لن يعتب المكان مرة أخرى. تحياتى.و تمنياتى بالنجاح فى المشروع. أعز الولد ولد الولد إهداء إلى حفيدى آدم: رابط هذا التعليق شارك المزيد من خيارات المشاركة
Sherief AbdelWahab بتاريخ: 4 أبريل 2006 تقديم بلاغ مشاركة بتاريخ: 4 أبريل 2006 سؤال فضولي يا مدام شعنوووووونة .. إيه صنف الأكل اللي حيتقدم في المطعم؟ .. خصوصاً لو سياحي؟ حد حيسألني ويقول لي يا كابتن شريف انت بتسأل السؤال دة ليه.. أنا حقولكم <_< فيه مطاعم سياحية كتيرة في العالم ، إشي صيني ، وإشي ياباني , وإشي إيطالي .. وإشي صديق للبيئة.. رأيي تلعبي في منطقة أكل مضمونة الزبون ، وليكي فيها ميزة نسبية .. الجودة حتلعب دور في أي مشروع بيبتدي تاريخه في الأكل.. لإنه بيكون في مرحلة عمل الـ good will.. اللي بتعتبر جزء لا يتجزأ من أسهم المؤسسة الاقتصادية عموماً.. سواء أكانت جنرال موتورز أو حتى إنترنت كافيه.. خلص الكلام Sherief El Ghandour<br /><br />a furious Egyptian رابط هذا التعليق شارك المزيد من خيارات المشاركة
إبن مصر بتاريخ: 4 أبريل 2006 تقديم بلاغ مشاركة بتاريخ: 4 أبريل 2006 اجابه على سؤالك الى فى أول مداخله ... وبمنهى الجديه ايوه انا مستعد اشاركك بجد إن ربا كفاك بالأمس ما كان.... يكفيك فى الغد ما سوف يكون رابط هذا التعليق شارك المزيد من خيارات المشاركة
حلم مصري بتاريخ: 4 أبريل 2006 تقديم بلاغ مشاركة بتاريخ: 4 أبريل 2006 بنت شعنونه بالنسبه لسؤالك عن المشاركه فانا مستعد للمشاركه مثل هذه الفكره خطرت على بالي و لكن بشكل مختلف و اعتقد ان تنفيذ كلتا الفكرتين لا يضير بس فيه سؤال بسيط ؟ اشمعنى مصممه انك انت تكوني الشيف ؟ نرجع للجد فعلا الكلام اللي قالوه الزملاء فعلا صح بالاضافه الى ضروره التميز بشئ مهما كان هذا الشئ بسيط و لكنه يؤثر على الزبون سواء كان مصري او اجنبي فمثلا الاصرار على الشكل الفرعوني للمكان يعتبر شئ مميز و اقصد الشكل الفرعوني كل شئ بدايه من الديكور و حتى ادوات تقديم الطعام لو فكرتي بالشكل العربي ايضا لابد ان يكون المكان كله عبقه عربي و اهم شئ من واقع تجربه شخصيه مع الاجانب النظافه اهم شئ و ايضا السعر المعتدل لان نوعيه السياح التي تاتي لمصر هي من النوعيه المتوسطه و ليس اغنياء اوروبا و امريكا من الممكن عمل دراسه جدوى مبدئيه و تحديد التكلفه المطلوبه و ان شاء الله خير على فكره مشروعك بتاع الخضار كان رائع و زعلت جدا لما وقف مع انك كنتي عامله فيه شغل محصلش رابط هذا التعليق شارك المزيد من خيارات المشاركة
بنت شعنونة بتاريخ: 4 أبريل 2006 كاتب الموضوع تقديم بلاغ مشاركة بتاريخ: 4 أبريل 2006 بالنسبة لموضوع دورة المياة دي هممممممممم انا ما دخلتش الكافيه من جوة ومش عارفا ليه ما اعتقدش انه فيه دورة مياة؟ بس ممكن نشوف الموضوع دا بس تفتكروا لو ما فبهوش دورة مياه ها يبقى اشكال؟ دا الفندق في وشي يعني يروح اوضته يدخل الحمام بمزاجه وبالنسبة لغسيل الأيدي في فنادق كتيييييييير بتقدم فوطة مبلولة وخلاص فكرتي كالتالي لا هاخد شكل فرعوني ولا عربي ها اخد شكل مصررررررري صميم ليه بقى السايح ها يروح الفففففففف حتة وحتة فيها فراعنة والف حتة وحتة فيها مناظر انا بقى عاوزة الريف المصري الصميييييييم قلة وكنبة وكوباية بتكلم جد دي فكرتي عن الديكور فلاحي بجد حتى لو ها اروح اشترية من تميدة او المنصورة دكك و طبلية وفرش فلاحين دا غير اني عاوزة اجيب ست فلاحة تعمل فطير مشلتت ومش وبتاع و ها اجيب عمال بجلابيات فلاحي بنات او رجاله ولبس الفلاحين وها اجيب ابريق كبير وطشت نحاس عشان السايح يغسل ايده دي فكرتي فعلا بخصوص موضوع ليه انا الشيف لأنه اكتشفت اني بطبخ كويس جدا اكل حلو مش كويس بس لدرجة ان قرايبي بيتحايلوا عليا ياكلوا عندي مش ها اقول اني حريييييفة في كل الأكل لكن اللي بعرف اطبخه كويس ممكن يفتح مطعم ب كذا نوع مريح بس برضه ها اجيب شيف ياعد معايا نوع من انواع تقليل التكاليف برضه نوعية الأكل مصرية صمييييييم محاش .. طواجن.. ملوخية.. فطير.. كدا يعني دا ما يمنعش قسم بيتزا وكدا بالنسبة للمشاركة انا فعلا موافقة اي حد عاوز يشارك بشرط يقولي امكاناته المادية لحد فين وعاوز يشارك بنسبة قد ايه وها يساعد في الأدارة او لا كدا يعني ويعرف حد مهم في البلد او لا :( :sad: ها اعرف التكاليف واعرض الموضوع على صاحب الكافتيريا واقولكم اخر التطورات بس ايه رايكم في فكرة البلدي يوكل دي؟؟ <_< وانا من البلد ديييييييييييي رابط هذا التعليق شارك المزيد من خيارات المشاركة
kiroseed بتاريخ: 5 أبريل 2006 تقديم بلاغ مشاركة بتاريخ: 5 أبريل 2006 أعتقد ان خدمة انترنت لاسلكي يمكن ان تمثل عنصر جذب لو السائح بيكون معاه لاب توب يمكن ان يدخل به على النت و هو بياكل رابط هذا التعليق شارك المزيد من خيارات المشاركة
عبده بيه بتاريخ: 27 نوفمبر 2006 تقديم بلاغ مشاركة بتاريخ: 27 نوفمبر 2006 السلا م عليكم ردي متاخر شوية الاساسي في الموضوع انك انتي بنفسك وافقة في كل شيء ومعاكي من له خبرة في التعامل مع التموين والسياحة يعني شرطة السياحة والحرامية وربنا معاكي انتي توكلي والله المستعان عبده بيه سبحان الله وبحمده سبحان الله العظيم رابط هذا التعليق شارك المزيد من خيارات المشاركة
Diab بتاريخ: 6 ديسمبر 2006 تقديم بلاغ مشاركة بتاريخ: 6 ديسمبر 2006 (معدل) المهم المشروع وصل فين تم تعديل 6 ديسمبر 2006 بواسطة Diab أن تأتي متأخراً خيراً من أن لا تأتي أبداً Better Late Than Never رابط هذا التعليق شارك المزيد من خيارات المشاركة
الباشمهندس ياسر بتاريخ: 29 أغسطس 2009 تقديم بلاغ مشاركة بتاريخ: 29 أغسطس 2009 المهم المشروع وصل فين تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان