حاجة غريبة ..ليه بتحمل اسم الاب مش اسم الام؟؟

[م الغزالى]

حتى فى الغرب ليس هناك من يحمل إسم الأم

لأنه بالأساس حين تتزوج المرأة من الطبيعى أن تأخذ إسم زوجها وهذا هو الإسم العائلى لها أو لها الإختيار أن تظل بإسمها هى الذى هو إسم العائلة لأبوها

أما الأطفال التى تنجب عن طريق علاقات غير شرعية و عندما يرفض الأب أن يقوم بمسئوليته تعطيه الأم إسمها أى لقب عائلتها الذى هو بالأساس الآب او الجد اى راجل يعنى

أما ماتقوله هذه المرأة فهو هراء وفرقعة وخبل مكانه معروف السرايا الصفراء و لا أعلم غذا كان لونها مازال اصفر ام لا

لكم تحياتى

[Guest النسر المصري]

ازاي يادكتور خالد

انا قلت انني عجبني اوي رد الدكتور خالد واقرا المداخلة بتاعتي

وعموما فعلا كلامك مظبوط يكفي اللي انت بس ذكرته...وهي كدة بتدعو للزنا...وياريت تذكرلنا بردو بعض مقطافتها المخبولية

عشان بس ناوي اضحك شويتين كمان ...مع القليل من الشلل

ههه :blush:

[se_ Elsyed]

أعتقد أيضاً بإن الولد يحمل إسم أبيه هو من الفطرة البشرية الإنسانية زي حاجات كثيرة جداً فطرية ..

يعني عمرنا ما شوفنا مجتمع الستات فيه بتشتغل والرجاله هي اللي قاعدة في البيت .

أو مجتمع أخر الستات هي اللي بتتقدم لزواج الرجالة ...

وهكذا

مع الأخذ في الإعتبار إختلاف الديانات والعصور والمعتقدات ....

[عطر]

شفت ان الردود في النهاية ما وصلناش ان في نص قرآني واضح بيئول انها لازم في شهادة الميلاد الولد يكتب باسم الأب لكن لابد ينسب لأبيه الحقيقي وليس أب غيره ومش معنى ان اسم الأم يكتب في شهادة الميلاد انه الغي النسب لأبوه الأصلي غير ان الست منى لم تقول ان يلغي اسم الأب من اسمها لكن قالت زي ما انا منسوبة لأبويا الحقيقي لازم اتنسب لأمي معاه وسمت نفسها منى نوال حلمي ، وزي ما ف الآية الكريمة كلمة أباء يمكن ان تشمل الأب والأم معا فبصراحة مش شايفة في كلام منى شيء ينافي الشريعة الا بس انها منبوذة فأي افتراح وكلام حتقوله حيكون منبوذ ومرفوض

وبعدين لو على ان التفسير للآية ان لازم ينسب لأباه كإسم فقط يبقى حرام ان الزوجة تسمي نفسها بإسم زوجها بعد الجواز لأنه مش أبوها :wub:

أمال فين قوامة الرجل عندما ينسب الابن إلي أمه ؟؟

أهو أي حاجة ما نلائيش لها رد مناسب نلزئها في القوامة :lol:

يا سيدي القوامة دي تكليف مش تشريف وربي سبحانه وتعال وضحها كويس وقال كيف تكون القوامة يعني مش ده موضعها ابدا

[Guest النسر المصري]

يعني ولا كانك قريتي كلامي ياعطر وكلام سي السيد...

طب ما تقرأي الأول الكلام اللي انا قلته وبعديتبقي تردي علينا ياعطورة

ياعزيزتي ياعطر....يا احلى اسم في المنتدى....أرجوك الموضوع تبصي له من كل الزوايا

في حاجات كتير شرعت علينا كمسلمين ومفيش نص واضح وصريح في القرآن الكريم بيثبتها....ولكن هي مذكورة في القرآن

ولابد انها تكون مذكورة في القرآن....ولا انت نسيتي ان القرآن هي المعجزة الوحيدة اللي باقية على وجه الأرض

وأنا مش حافظ القرآن من الجلدة للجلده عشان أذكركلك كل الآيات اللي تثبت ذلك

لكن عوضاً عن الرأي الديني...عندك الرأي التاريخي والمنطقي .... ولا هي حكاية خالف تعرف

وفي حاجات كتيره ذكرت في القرآن ومفهمنهاش والأحاديث الشريفة هي اللي وضحتهالنا ...وما ينطق عن الهوى

ان هو إلا وحي يوحى

يبقى كمان لازم ناخذ بالأحاديث

وفي آيات كتيرة بتأمرنا زننا ناخد بحكم أولي الأمر...قتوى الشيخ والإمام

كل دول بيقولوا ان دي هي حكمة رب العالمين منذ فجر الخليقة في نسب الابناء لآباءهم

كل آلاف السنين اللي مرت دي ...والاناس اللي ماتت واتولدت وماتت واتلدت آجي النهاردة أقول لوحدي كدة لا والله ده مش عاجبني

يعني اية مش عاجبك...لية هو انت لا مؤاخذة مخلوق غير طبيعي....ييعني لا مؤاخذة جاي تقولنا ان حكمة ربنا دي غلط...يلا ياحبيبي يابابا من هنا امشي بعيد عننا...روح اعترض لوحدك ومع نفسك...هو انت فاكر نفسك نبي ولا اية

قال آلاف السنين دي كانت الناس عايشة في الوهم مثلا

ارجوك يا عطر فكري في كلامي كويس.....هو في احلى ولا أجمل من التكريم اللي اعطاه ربنا للأم

الجنة اللي تحت أقدامهم...وفضلها على الأب تلات مرات....وهي اللي هيتنادى باسمها يوم القيامة...والحنية والجمال والرقة والطيبة وووووو.....يوووه على ماأجمل المرأة وما أجمل صفاتها......ذلك المخلوق الرائع....وياااه عليها الأم ما أحبها لينا كلنا... دة العيد اسمه عيد الأم

ومافيش حاجة اسمها عيد الأب

يعني حتى الدنيا بتكرمها اكتر من الأب واحنا الآباء فخورين بذلك

ومش معنى اني مش شايل اسم امي...يبقى انا مش فخور بيها ...لا انا فخور وكل واحد فينا بيطلع يفتخر ويقول امي دي أعظم ست في الدنيا

وقلما مانذكر الأب مقارنة بالأم

عايزة اية تكريم احلى وأجمل وأفخم من كدة

حتى انك سيبك من البشر....وهسألك سؤال ياعطر

هو كلام ربنا مهم بالنسبة ليك ولا لأ؟؟

طبعا مؤكد هتقولي آيوة طبعا....وهتقولي هو في أعظم من حكمة رب العالمين

هقولك أهو ياستي رب العالمين جل جلاله أعطى تعظيم للمرأه يفوق الرجل كأم وكست عظيمة

عندك شك في تكريمه هذا انه غير كافي مثلا..؟؟ هل عندك شك في عظمة وحكمة الله؟

طبعا لأ.....

عطر...اعطرتينا بحضورك....ادام الله علينا حضورك العطر

[عطر]

عزيزي النسر المصري

عطر الله اوئاتك كلها وأسعدك

انا والله قريت كلامكم كلكم وشوفت ان فيه اختلاف برضه يعني صحيح في آية كريمة لكنها تكلمت عن التبني وان لازم الأبن ينسب لأبوه الأصلي مش لأب بالتبني

وصدقني والله انا مش بجادل للمجادلة لكن عندي عقل ربي أنعم عليا به وبحب استعمله وافكر به ومحبش اخد الأمور مسلم بيها كدة والسلام واقول ما احنا متعودين على كدة من مئات السنين ولا آلاف السنين

وبعدين كل المعمعة اللي عملتها الست منى علشان عايزة تضيف اسم أمها مع ابوها هل ده يعارض الآية الكريمة في شيء !!

اما عن كل التكريم اللي انت قلت عنه فده فضل ونعمة من الله اشكره واحمده عليها ومش عيب اني اطلب من ربي الكريم زيادة من فضله ولا ايه رأيك :wub:

عموما الجدال في الأمور دي مش حيوصلنا لشيء لأن في النهاية برضه العادات والتقاليد هي المتعارف عليها رغم ان زي ماقلت قبل كدة مشاهير العرب زمان كانوا يتسموا بأسماء امهاتهم

شكرا لحواركم الراقي وتحمل غتاتي :lol:

[Guest النسر المصري]

عزيزتي عطر

ارجوك كمان شوفي الست المجنونة دي عايزة تخلي الستات تخلف الرجالة على مزاجها عن طريق بنك الحيوانات المنوية..عاجبك الكلام دة

وعايزة تلغي الحجاب

ومش عاجبها موضوع الحج وبتشتم الناس اللي بيروحوا يحجوا وبتتريق عليهم

ومصايب وكلام كبير كله بيؤيد العلمانية والكفرة

مش معقولة هاخد الاقتراح من واحدة زي دي

هو مش ربنا حذرنا من المنافقين الذين يمشون في الأرض فسادا

خلي بالك منهم...وقوي الإيمان اللي يكتفي بما أنعم الله عليه من نعم

وربنا هو شايف ان ده عدل وكفاية

ولو فتحنا باب طمعانه في كرم ربنا في حكمة عن تصنيف المجتمعات وأفراده والحقوق والواجبات اللي عليهم

والست تقعد تبص في الحقوق اللي اداها ربنا للراجل

والراجل يبص في الحقوق اللي اداها ربنا للست

يبقى هتقوم حرب عالمية وتنقسم الدنيا ويحدث الدمار

يعني لو انا ست هاروح بردو اطمع كرم ربنا

واقول ليه الولد يورث قد بنتين من اخواته البنات

مانا زي زيه ومن حقي آخد زيه بالعدل

انا النص وهو النص

ليه هو تلتين وانا التلت

وانا مش عاجباني الموضوع ده وعايزه حقي...مليش دعوة!!!!!

ماهو يابنت الناس ربنا ليه في ذلك حكم....انت هتفهمي احسن من ربنا

لا ربنا ادالي عقل افكر بيه!!!

يابنت الحلال ربنا ادانا عقل نفكر بيه عشان نحمل الأمانه...اللي الجبل بقدرته ماقدرش يشيلها

لا انا عايزه زيه باظبط...مليش دعوة

بنجادل في اية...بنجادل في كلام ربنا...ازاي ومين يسمح!!

خلي الست كمان يبقى من حقها تتجوز اربع رجاله زي مابتقول الست نوال القردواي وبنتها منى

ولا خليها كمان تخلف بدون راجل

مش العقل بيقولك ان العدل انكم اخوة وزيكم زي بعض.

..اهو ربنا حكم بان اخوك الراجل هياخد قدك مرتين....مين يقدر يعترض على كلام ربنا

في حاجات كتير حكم ربنا فيها انها تكون كدة...لانه هو اللي خلق العقل ده بردو...هو اللي صنعه وابدعه..عشان اشكره عليه..وعشان اقضي وقتي في الاستفادة العلمية والافادة...وعشان اشكره على كل خير بيكرم بيه علينا

عطرتينا ياعطر كمان مرة

وربنا يديم الخير بين الستات والرجالة بدون افتكاسات العلمانيين المفسدين

وربنا يجوزني انسانه صالحة تبني معايا أجمل وأحلى اسرة (حيث اني لسة بدور على عروسة..عندك عروسة لي) :wub:

[Set_Amina]

حتى فى الغرب ليس هناك من يحمل إسم الأم

لأنه بالأساس حين تتزوج المرأة من الطبيعى أن تأخذ إسم زوجها وهذا هو الإسم العائلى لها أو لها الإختيار أن تظل بإسمها هى الذى هو إسم العائلة لأبوها

أما الأطفال التى تنجب عن طريق علاقات غير شرعية و عندما يرفض الأب أن يقوم بمسئوليته تعطيه الأم إسمها أى لقب عائلتها الذى هو بالأساس الآب او الجد اى راجل يعنى

أما ماتقوله هذه المرأة فهو هراء وفرقعة وخبل مكانه معروف السرايا الصفراء و لا أعلم غذا كان لونها مازال اصفر ام لا

لكم تحياتى

بس تصدق انا لسه مقابلة واحدة زميلة ليا مخلفة جديد وبسألها اسم النبي حارسها ايه؟ بتقولي اسمها مريم ليلي وليلى ده اسم الام

بصراحة سمعت الاسم وبلمت وماجتنيش الجرأة اسألها وليلى ده اسم العيلة ولا فسوخة علشان البنت ما تتحسدش

اللي يعيش ياما يشوف :wub:

[sendrella119]

اضافة لكلام الاعضاء اللذين استشهدوا بالدين الاسلامي .....في هذه النقطة

فربنا سبحانه وتعالي .....بدعوة الابناء لابائهم وفي الدنيا ..ولامهاتهم في الاخرة ...حمي وحفظ الابن والام والاب ..يعني الاسرة جميعا من الانهيار .....التام

مع ان في بلاد بالفعل طبقت مبدأ الاخرة من زمان ..في الجزائر مثلا الابن غير شرعي بينادي ...باسم الام

يعني يصبح مثل اخوها وبيعيش في البيت الاسرة .."اسرة الام" عيشة طبيعية جدا ..في البيت وفي المجتمع

ولما سألت ...صديقة جزائرية عن السبب قالت لي علشان يسهل علي الاب ان يعرف ابنه .......بعد فترة !!!!

اما بالنسبة للرد .......فالرد حيسكب الموضوع مزيد من التشويه زي موضوع الملكة رانيا في برنامج اوبرا وينفري ....او موضوع مي الباكستانية .......... ومش حتكون النتيجة غير التضلل

حيكون اكثر من الرد ........علي موضوع التجرؤ علي سيدنا محمد عيه الصلاة والسلام ..والنتيجة بالنسبة

[Guest النسر المصري]

اضافة لكلام الاعضاء اللذين استشهدوا بالدين الاسلامي .....في هذه النقطة

فربنا سبحانه وتعالي .....بدعوة الابناء لابائهم وفي الدنيا ..ولامهاتهم في الاخرة ...حمي وحفظ الابن والام والاب ..يعني الاسرة جميعا من الانهيار .....التام

ة

ياسلاااام ....أقوى رد سمعته...بالمختصر المفيد

يعني الولد بيتنادى باسم ابوه في الدنيا ...وباسم امه في الآخره

يعني ربنا اعدل بين الاتنين

انت الدنيا وهي الآخره

هو وهي..لا هي وهو عشان ماحدش يزعل

ها في حد لسه عايز يضيف ويقول ليه تاني...ولا عايزه تطمع في الدنيا كمان...ولا هتقولي هتستفيدي ايه انه يتنادى عليه في الآخره...ولا ايه بالظبط...هااا مين عاوز يقول حاجة تانية

يسلم فمك ياسندريلا انت وست امينة

(عندكو عروسة لي)

تم تعديل 5 أبريل 2006 بواسطة النسر المصري

[م الغزالى]

حتى فى الغرب ليس هناك من يحمل إسم الأم

لأنه بالأساس حين تتزوج المرأة من الطبيعى أن تأخذ إسم زوجها وهذا هو الإسم العائلى لها أو لها الإختيار أن تظل بإسمها هى الذى هو إسم العائلة لأبوها

أما الأطفال التى تنجب عن طريق علاقات غير شرعية و عندما يرفض الأب أن يقوم بمسئوليته تعطيه الأم إسمها أى لقب عائلتها الذى هو بالأساس الآب او الجد اى راجل يعنى

أما ماتقوله هذه المرأة فهو هراء وفرقعة وخبل مكانه معروف السرايا الصفراء و لا أعلم غذا كان لونها مازال اصفر ام لا

لكم تحياتى

بس تصدق انا لسه مقابلة واحدة زميلة ليا مخلفة جديد وبسألها اسم النبي حارسها ايه؟ بتقولي اسمها مريم ليلي وليلى ده اسم الام

بصراحة سمعت الاسم وبلمت وماجتنيش الجرأة اسألها وليلى ده اسم العيلة ولا فسوخة علشان البنت ما تتحسدش

اللي يعيش ياما يشوف :wub:

والله ياست أمينة هذه جديدة على جدا وال يعيش ياما يشوف

تقبلى تحباتى

[sendrella119]

شكرا يا س س ...مع اني ما كملتش .........نعمل ايه في الاعلانات

شكرا يا نسر يا مصريييييييييي ..بعيد عنك الحول وحش :wub:

[عطر]

عزيزتي عطر

ارجوك كمان شوفي الست المجنونة دي عايزة تخلي الستات تخلف الرجالة على مزاجها عن طريق بنك الحيوانات المنوية..عاجبك الكلام دة

وعايزة تلغي الحجاب

ومش عاجبها موضوع الحج وبتشتم الناس اللي بيروحوا يحجوا وبتتريق عليهم

ومصايب وكلام كبير كله بيؤيد العلمانية والكفرة

مش معقولة هاخد الاقتراح من واحدة زي دي

هو مش ربنا حذرنا من المنافقين الذين يمشون في الأرض فسادا

خلي بالك منهم...وقوي الإيمان اللي يكتفي بما أنعم الله عليه من نعم

وربنا هو شايف ان ده عدل وكفاية

ولو فتحنا باب طمعانه في كرم ربنا في حكمة عن تصنيف المجتمعات وأفراده والحقوق والواجبات اللي عليهم

والست تقعد تبص في الحقوق اللي اداها ربنا للراجل

والراجل يبص في الحقوق اللي اداها ربنا للست

يبقى هتقوم حرب عالمية وتنقسم الدنيا ويحدث الدمار

يعني لو انا ست هاروح بردو اطمع كرم ربنا

واقول ليه الولد يورث قد بنتين من اخواته البنات

مانا زي زيه ومن حقي آخد زيه بالعدل

انا النص وهو النص

ليه هو تلتين وانا التلت

وانا مش عاجباني الموضوع ده وعايزه حقي...مليش دعوة!!!!!

ماهو يابنت الناس ربنا ليه في ذلك حكم....انت هتفهمي احسن من ربنا

لا ربنا ادالي عقل افكر بيه!!!

يابنت الحلال ربنا ادانا عقل نفكر بيه عشان نحمل الأمانه...اللي الجبل بقدرته ماقدرش يشيلها

لا انا عايزه زيه باظبط...مليش دعوة

بنجادل في اية...بنجادل في كلام ربنا...ازاي ومين يسمح!!

خلي الست كمان يبقى من حقها تتجوز اربع رجاله زي مابتقول الست نوال القردواي وبنتها منى

ولا خليها كمان تخلف بدون راجل

مش العقل بيقولك ان العدل انكم اخوة وزيكم زي بعض.

..اهو ربنا حكم بان اخوك الراجل هياخد قدك مرتين....مين يقدر يعترض على كلام ربنا

في حاجات كتير حكم ربنا فيها انها تكون كدة...لانه هو اللي خلق العقل ده بردو...هو اللي صنعه وابدعه..عشان اشكره عليه..وعشان اقضي وقتي في الاستفادة العلمية والافادة...وعشان اشكره على كل خير بيكرم بيه علينا

عطرتينا ياعطر كمان مرة

وربنا يديم الخير بين الستات والرجالة بدون افتكاسات العلمانيين المفسدين

وربنا يجوزني انسانه صالحة تبني معايا أجمل وأحلى اسرة (حيث اني لسة بدور على عروسة..عندك عروسة لي) :huh:

ايه يا نسرنا المصري ده انت عايز تدخلني في متاهات وكلام برة الموضوع ليه بس انا غلبانة وعلى اد حالي وبغرق في شبر مية !!

هل انا لمحت في كلامي اني بأيدها في أي شيء من الكلام الفاضي ده ( اللهم احفظنا وقوي ايمانا) !!

ولا شفتني اعترضت على أحكام واضحة وصريحة ربنا أمرنا بيها !!

أنا بس سألت سؤال اللي انت مش عايز تجاوبني عليه لحد دلوئتي وهو ان الآية الكريمة ما انكرتش وجود اسم الأم بجانب الأب

لكن كل اللي وضحته ان الإبن ينسب لأبوه الأصلي مش أب بالتبني للحفاظ على الأنساب

ايه بأة دخل الورث والتعدد والكلام ده كله في سؤالي !!

هو مش من حقي استفسر عن آيات ربنا !!

مش ربنا هو اللي أمرنا اننا نقرا ونتدبر القرآن ونفهمه كويس !!

يبقى مفيهاش حاجة لما اسأل واستفسر والا ليه فيه مفسرين وناس بتجتهد !!

ولا نقول لهم لا تفسروا ولا تجتهدوا خدوا الكلام زي ما هو وما تسألوش انتم هتعرفوا اكتر من ربنا

طبعا مش هنعرف اكتر من ربنا سبحانه وتعال لكن لازم نفهم كلام ربنا ونتدبره

وعلى فكرة انت أيدت كلامي لما قلت انها لمجرد انها منبوذة كلامها مرفوض

وبعدين هو لما اطمع في كرم ربنا يبقى معناه اني اطمع انه يلغي شريعة واضحة ومثبتة بآيات واضحة جدا لا جدال فيها ولا مجال لتفسيرها غير بطريقة واحدة!!

معلش انا عارفة انك حتئول حتفكنا امتى دي بس امرك لله تحملني :wub:

وربنا يديم المحبة بين كل الرجالة وكل الستات هو احنا لينا بركة الا انتم ولا انتم ليكم بركة الا احنا :lol:

ربنا يوعدك يارب ببنت الحلال اللي تهدي سرك وتسعدك قول آميييييييييييين

تم تعديل 5 أبريل 2006 بواسطة عطر

[فــيــروز]

عزيزى النسر المصرى

الموضوع لم يكن أصلا عن نوال السعداوى حتى اتحدّث عنها أو أعلّق على آرائك فيها !! و من زمان و المحاورات بتقاليدها الانجليزيه العتيده لديها مبدأ هام جدا فى الحفاظ على سير الموضوع فى اتجاه محدّد دون تفريعات لا علاقة لها به .. لهذا يا عزيزى و حيث أنّى لمست منك إصرارا فى الحديث عن نوال و غيرها بطريقة ما لا يسعنى إلاّ أن أقول براحتك يا فندم !! :lol:

موضوع ان السؤال اتى بعد مش عارف كام مليون سنه أعتقد أنّه غير دقيق نوعا ما .. ربّما يكون طرق من قبل ونحن لا نعلم .. أو .. ربّما تكون أنت عالما به و غيرك لم يعلم فأراد أن يتعلّم :wub: .. و أنا عمرى من الكام مليون سنه الذين ذكرتهم 30 فقط و بالتالى لم تتح لى الفرصه للأسف من وقت أبينا آدم للتساؤل .. جيت متأخّر شويه انا عارفه بس حصل خير :huh: .. حصل خير صحيح يعنى

[أبو محمد]

إسمحوا لى ... نقول كمان "على رأى آمال فهمى"

كلمة "آبائهم" فى الآية الكريمة يمكن أن تعنى (لغويا) الآباء والأمهات .. ولكن أمر دعوة الأبناء لأمهاتهم فيه من المفاسد ما يجعل العقول السوية ترفضه ......

هذا علاوة على أن الله سبحانه وتعالى قد دعانا جميعا لأبينا وليس لأمنا ..

يقول عز من قائل "يابنى آدم" .. ولا يقول "يابنى حواء"

الحوار كان ممتعا ورياضة مفيدة للعقل

تقبلوا منى الشكر والتحية

[حشيش]

طيب لو إفترضنا مثلاً إنه راجل ملو هدومه أو مركز كبير فى البلد :lol: ... مش معقول يعنى نناديه بإسم أمه لأن ده شئ لم نألفه منذ الأزل !!! .... يعنى هل ممكن مثلاً نسمى وزير الدفاع / المشير أدهم حنان !! ... أو اللواء/ حسام نانسى !! أو العميد/ سعيد نبوية (وشهرتها بطة) !! ..... ياناس إتقوا ربنا مش معقول كده :wub:

حشيش كوثر :)

[النسر المصري]

الحقيقة انا كنت بدور في وسط المواضيع القديمه كدهوعمال اقلب...وقع عيني عالموضوع ده كنت فتحته وقبل مافقد عضويتي القديمه اثر حادث مراخيري الشهير

ووجدت ردودا اضافيه للموضوع لم اقم بالرد عليها لاني كنت افتقد كيفيه الوصول اليها

المهم وجدت العزيزه الغاليه فيروز واللي وحشتنا قعدتها وكلامها والله...ووجدت الست امينه وم الغزالي وشهد وسندريلا وابومحمد ومعلمي وعملاق الكصص الاستاذ حشيش

قد قاموا بكتابة ردود في الصميم...واطرقهم كان لملك الدماغ الرايقه..الاستاذ حشيش كوثر -_-

بس انا حابب اعلق هنا على كلام اختي فيروز العزيزة

يافيروز اولا عايز اقولك انك وحشتينا والمنتدى من غيرك بدون طعم والله....ايش خيالله انك كنت في يوم من الايام الاولى في المنتدى وملكتهم بعد ماعديتي الخمستلاف مداخله...شوفي اديتي الفرصة ل س س يعديك ازاي!!!

تانيا انت مصره على تفسير كلمة آباءهم في الآيه الكريمه على انها هل تحمل جمع الأبوين ام انها للآباء...

والحقيقة ان رغم ابو محمد فسر ذلك مشكوراً

لكن حابب اضيف بالعقل يا فيروز...هو ربنا قال ادعوه لآبائه....ولا ادعوهم لآبائهم...يعني في الحاله الأولى جاب مفرد وقال له ادعو فلان ده لآبائه. يعني ابويه....مع ان مفيش حاجة كده في النحو العربي على حد علمي اسمها ادعوه لآباءه...انما الأصح ادعوه لأبويه

لكن ربنا سبحانه وتعالى قال ادعوهم لآباءهم.. وبما ان اقترنت صفة الجمع بصفة جمع اخرى اذن تحل صفة الخصوصية المفرده على كل مفرد...يعني ادعوه لأبيه بعد تنحية صفة الجمع

طبعا انا اول واحد فيكم عامل كده :closedeyes: ...وعشان كده هاقولها من منحنى تاني

ذكر في القرآن الكريم صفة الوالدين...... وهي الصفة الأشمل لجمع الأب والأم في كلمه واحدة......ولم يقل الله ادعوهم لوالديهم

عوضاً عن الله عز وجل انزل الآيه بغرض التشريع والتخصيص...واذا كيف سندعو واحدا لاسم اثنين..حيث اننا سندعوه لأبويه لو افترضنا

وثالثا واخيرا...اذا كان المقصود من تفسير كلمة آبائهم هي الوالدين... أو ان من حق الأم ان يحمل ابنها اسمها...اذن هل تستطيعي ان تفسري لي لماذا لم يفسر ذلك لنا رسول الله محمد صلى الله عليه وسلم...وهو سيد الخلق...وهو ماينطق عن الهوى...

الم يكن في حدود المنطق ان لو ذلك كان صحيحا لكان قد فسر ذلك ولو باشاره صغيره حتى في احاديثه الشريفه.وهل كان المسلمون وقتها سيعترضون مثلا ولم يقوموا بتنفيذ أمر الله اذا ما كانت الدعوه لأمهاتهم

في النهايه

حابب اقول لك الموجودين هنا بأسماءهم

وحشتوني بقى انتو فين :rolleyes:

[nancy]

استاذ حشيش كوثر من فضلك متجبش سيرة ابنى حسام نانسى

ميصحش كدة :closedeyes:

:rolleyes:

وبعدين مين حسام ده!!!!!

ما علينا المهم منى نوال السعداوى اصلا لديها فكر شديد التطرف وشعور عالى بالنرجسية والموضوع دة مدام حيعمل ضجة

ويثبت انها عكس كل المفاهيم .. يبقى هو دة المطلوب

وبعدين وفيها اية لما الطفل يبقى على اسم ابوة

دة الرجال مش بينوبة غير الاسم انما الام هى الى بتنزلة للدنيا وتعلمة وتستمتع بقربة وتربية وتهتم بية

والاب بيصرف وبحط اسمة بعد ابنة حرام حنحرمة من كل حاجة -_-

[زعلان]

لم اقرأ معظم التعليقات لكن بصورة عامة الابناء فعلا ينسبون لابائهم و امهاتهم و روح شوف اي شهادة ميلاد ستجد اسم الاب و الام بل ان البطاقات الشخصية في بعض الدول العربية مثل البطاقة المصرية القديمة تحوي خانة اسم الام و اسم الاب بل ان جوازات سفر بعض الدول العربية تحوي خانة اسم الاب و اسم الام

بينما الغرب المتقدم ينسف المرأة ويعتبرها متاع من تابعة للأب الى تابعة للزوج فيمحى اسم الاب و يوضع اسم الزوج

يلا عقبال الغرب لما يتمدن ويعطي الكرامة و الاستقلالية للمرأة

[النسر المصري]

جت جوووووووون منك ياحشيش

اهو حسام نانسي طلع موجود بجد اهو

ابسطي ياست الكل ....اهو حشيش بيه باشا بحاله ذكر اسم ولدك المصون ..وسيجل ذلك في التاريخ :closedeyes:

بس ردك مفحم يانانسي والله

صديقي زعلان .... انت اثرت نقطه خطيره فعلا..... ده انت اخرست الأفوه ياجدع

صباحك روقاااان يازعلان بيه