اقتراح بضم الهايد بارك لمحاورات المصريين

[Guest النسر المصري]

سؤال يعني بس ياجماعة وماحدش يآخذني

اية لازمة الهايد بارك ومحاولات استرجاعه اذا كان أعضاء محاورات المصريين موجودين معظمهم هناك

ماينضموا لينا هنا وتبقى منتدى واحد كبير وخلاص

انتم نسيتوا ان محاورات المصريين هي البيت الأكبر أو الأعظم

هاتوا مواضيع الهايد بارك هنا وخلاص

ونبقى كلنا أسرة واحدة

واللي كان عاجبه بعض قوانين الهايد بارك

خليه يقترحها علينا هنا

ونصوت عليها (قصدي استفتاء مش نصوت يعني نقول يالهوي)

ها ايه رأيكم؟؟؟؟

مين يبدأ التصويت

[ناصر الملك و الملكية]

طيب أستني شوية يا أخ النسر لما أروح شئون أدعبث في ملفات عام 2003 عشان تشوف رد الأستاذ هشام عبد الوهاب علي أقتراح حشيش بإتحاد المحاورات مع شئون

:wub:

أمنية لن تتحقق

طبعاً هناك أسباب كثيرة تمنع إتحاد هايد بارك - إن عادت - مع المحاورات و ليس رفض أستاذ عادل فقظ

[Guest النسر المصري]

عارف ياناصر

انا ماكنتش اعرف ان الموضوع كدة

بجد لما شفت آراء المنتديات الأخرى في منتدانا

صراحة وجدت تعليقاتهم على بعض سلبيات ادارتنا صحيحة

لية منأخذهاش على محمل الجدية ونعمل على اصلاحها

هة احنا هنكون احسن من مينا موحد القطرين في ايه

لكن بعد كام يوم من عدم رد اي واحد من على الموضوع دة ...عرفت ان الموضوع ده مش مهم بالمرة لأدارتنا الموقرة

وعجبي

[se_ Elsyed]

يا عم لا عجبي ولا يا غُلبي

الموضوع ده إتكلمنا فيه عشروميت مره

وقلنا إن تعدد المنتديات هو في صالح الثقافة والتعبير عن حرية الرأي

تخيل كده إنك صحيت في يوم الصبح مالقيتش إلا جريدة واحدة فقط وقناة تليفزيونية واحد ؟

يعني اللي عايزين نقول إن وجود العديد من منابر الفكر .. شيء جيد ماهواش سيء

بجد لما شفت آراء المنتديات الأخرى في منتدانا

صراحة وجدت تعليقاتهم على بعض سلبيات ادارتنا صحيحة

والله إحنا في منتدى محاورات المصريين لا نلتفت لما يُقال أو يثار في المنتديات الأخرى .. لسبب بسيط جداً وهو إننا لا نشغل أنفسنا بأمور جانبية والقيل والقال .. وإذا كان حد أي حد عنده تعليق على الإدارة أو السلبيات اللي موجوده فيا مرحبين برأيه ... بس قبل ما نسمع رأيه نحب نعرف هو مُستعد يبقى إيجابي وهايشارك في التطوير ولا هو من جنرالات القهاوي .. يعني بؤ على الفاضي .

[سقراط المصري]

بجد لما شفت آراء المنتديات الأخرى في منتدانا

صراحة وجدت تعليقاتهم على بعض سلبيات ادارتنا صحيحة

لية منأخذهاش على محمل الجدية ونعمل على اصلاحها

هة احنا هنكون احسن من مينا موحد القطرين في ايه

لكن بعد كام يوم من عدم رد اي واحد من على الموضوع دة ...عرفت ان الموضوع ده مش مهم بالمرة لأدارتنا الموقرة

وعجبي

يا اخ نسر

الاول خد اشرب عصير المانجه ده

المهم

دلوقت انت راجل بتبع تحف ومقتنيات وعامل دكانه حلوه والناس اللي بتتفرج والفرجه مجاني طبعا بتحترم تابلوهاتك وتماثيل النحت وكل مقتنيات المحل بتاعك لكن لما يجي يشارك في الحوار اسف اقصد يجي يسالك

عن الاسعار يلاقي سعرك غالي عشان انت فعلا بضاعتك تستاهل

يقوم جاي قايلك ايه دا فيه واحد فاتح محل على الناصيه بيبيع نفس

البضاعه وبربع التمن اللي عندك

طبعا انت عارف بضاعتك كويس وعارف انها غاليه وتستاهل

لو وافقت وتنازلت وبعت بضاعتك بالتمن اللي هو عاوز يشتري بيه ورخصت بضاعتك يبقى انت كسبت زبون ولا اتنين من عينة العدد في اللمون بس في نفس الوقت حولت محلك من محل لبيع التحف لمحل روبابيكيا

واي حاجه بجنه ونص وتعالى بص

لو منتدى محاورات المصريين اتحول لدكان بدلة حماده فيه بجنيه ونص تاكد ان انا عن نفسي هسيبه ومش هرجع له تاني

تحياتي

اخوك سقراط

[yasovinas]

ولو ان كلامك يا سقراط فيه تلميحات تزعل وتخلي اللي عايز يزعل يزعل لكن انا هعمل نفسي ما افهمتش هذه التلميحات

الاخ العزيز النسر لكل مكان نكهته الخاصه ولكل مكان اسلوب ادارة وكما قالوا زمان لو اتفقت الاذواق لبارت السلع وكما قال العزيز س س لو صحينا لاقينا جريدة واحده بس وقناة تليفزيون واحدة الحياه مش هتمشي وهنلاقي نفسنا بنكرر الكلام ذي ما بيقولوا مش هتعرف حلاوة التفاح الا لما تجرب الجاتوة

[Cleo]

بجد لما شفت آراء المنتديات الأخرى في منتدانا

صراحة وجدت تعليقاتهم على بعض سلبيات ادارتنا صحيحة

لية منأخذهاش على محمل الجدية ونعمل على اصلاحها

هة احنا هنكون احسن من مينا موحد القطرين في ايه

لكن بعد كام يوم من عدم رد اي واحد من على الموضوع دة ...عرفت ان الموضوع ده مش مهم بالمرة لأدارتنا الموقرة

وعجبي

لو وافقت وتنازلت وبعت بضاعتك بالتمن اللي هو عاوز يشتري بيه ورخصت بضاعتك يبقى انت كسبت زبون ولا اتنين من عينة العدد في اللمون بس في نفس الوقت حولت محلك من محل لبيع التحف لمحل روبابيكيا

واي حاجه بجنه ونص وتعالى بص

لو منتدى محاورات المصريين اتحول لدكان بدلة حماده فيه بجنيه ونص تاكد ان انا عن نفسي هسيبه ومش هرجع له تاني

تحياتي

اخوك سقراط

أخى العزيز سقراط...

أتمنى بجد أكون فهمت غلط وإن ده مش رأيك فى منتدى الهايدبارك..

أرجو أن تتقبل خالص تحياتى

[سقراط المصري]

أخى العزيز سقراط...

أتمنى بجد أكون فهمت غلط وإن ده مش رأيك فى منتدى الهايدبارك..

أرجو أن تتقبل خالص تحياتى

ولو ان كلامك يا سقراط فيه تلميحات تزعل وتخلي اللي عايز يزعل يزعل لكن انا هعمل نفسي ما افهمتش هذه التلميحات

انا لا اقصد بكلامي منتداي الثاني والحبيب الهايد بارك سواء

بالتلميح او بصريح العباره

منتدى الهايد بارك اول منتدي الى قلبي بعد محاورات المصريين

الاخ نسر في اقتباسه قال

منديات

بجد لما شفت آراء المنتديات الأخرى في منتدانا

وهنا منتديات كلمه جمع عامه

انا اقصد في كلامي المنتديات اللي تدخل تقرا فيها ربع ساعه وبعدين

تخرج وتضرب نفسك الف جزمه على ضياع وقتك

وفيه منتديات خارجها حلو وجميل وبداخلة افكار شاذه ومقرفه كمان

يا كليو و ياياسو انا بشكركم على تفهمكم وحسن نيتكم باخوكم

سقراط بس ماتخافوش علي انا بقول للاعور انت اعور وفي وشه كمان

تحياتي ونهاركم زي الفل

سقراط

[عصام]

يا كليو و ياياسو انا بشكركم على تفهمكم وحسن نيتكم باخوكم

سقراط بس ماتخافوش علي انا بقول للاعور انت اعور وفي وشه كمان

تحياتي ونهاركم زي الفل

سقراط

يا أخى والله كل مدى باحترمك زيادة ..

إنت متجوز؟ :angry:

[ناصر الملك و الملكية]

سقراط بس ماتخافوش علي انا بقول للاعور انت اعور وفي وشه كمان

واضح...

[وليد صفوت]

سقراط بس ماتخافوش علي انا بقول للاعور انت اعور وفي وشه كمان

واضح...

قولتلك يا ناصر بلاش تصطاد من المنطقة دى :angry2: ... السمك فيها مش حلو خالص .... :angry2:

انت مابتجيش الكلية ليه ؟ :blink:

[ناصر الملك و الملكية]

سقراط بس ماتخافوش علي انا بقول للاعور انت اعور وفي وشه كمان

واضح...

انت مابتجيش الكلية ليه ؟ :P

عشان عندي صداع نصفي :)

[Guest النسر المصري]

يا عم لا عجبي ولا يا غُلبي

الموضوع ده إتكلمنا فيه عشروميت مره

وقلنا إن تعدد المنتديات هو في صالح الثقافة والتعبير عن حرية الرأي

تخيل كده إنك صحيت في يوم الصبح مالقيتش إلا جريدة واحدة فقط وقناة تليفزيونية واحد ؟

يعني اللي عايزين نقول إن وجود العديد من منابر الفكر .. شيء جيد ماهواش سيء

والله كلامك عين العقل ياسي السيد..وانا متفق معاه كليا...

بس انا كنت بتكلم من منطلق التوحيد اذا كان يوجد تشبهات كثيره

عيني اهل الاسكندريه هم هم اهل دمياط..هم برودو اهل القاره...وهم اهل ال سبعة وعشرين محافظه تحت اسم واحد ....مصر

ونفس الفكر في الهايد بارك ومحاورات المصريين

هم هم نفس الاعضاء بنفس الأسماء....وفي اتفاقيات وادارات واحدة تقريبا....طب مايتفضلوا عندنا وخلاص...ونخلي المحاورات التانيه هي الاذواق الاخرى او الصحف الأخرى زي مابتقول

انت عارف ياسي السيد....في منتدى زمالكاوي عدد اعضائه فوق 27 ألف عضو.....رقم مذهل ومهول...وعدد مداخلات الواحد فيهم من الكبار حوالي 250 الف مداخلة وموضوع

(طبعا انا اهلاوي..لكن بدخل هناك للتجسس) :blink: وكلهم طبعا ذات طابع مشترك واحد زمالكاوية و.......وكدة يعني!!

والله إحنا في منتدى محاورات المصريين لا نلتفت لما يُقال أو يثار في المنتديات الأخرى .. لسبب بسيط جداً وهو إننا لا نشغل أنفسنا بأمور جانبية والقيل والقال .. وإذا كان حد أي حد عنده تعليق على الإدارة أو السلبيات اللي موجوده فيا مرحبين برأيه ... بس قبل ما نسمع رأيه نحب نعرف هو مُستعد يبقى إيجابي وهايشارك في التطوير ولا هو من جنرالات القهاوي .. يعني بؤ على الفاضي .

دي بقى انا عندي عليها تعليق خاص

انا اقترحت عدة اقترحات خاصة بالتطوير

وقلت مره ان فيه غالبيه لبعض الاعضاء ترى ان عضوا ما او موضوعا ما يستحق الوقف او الانذار او الطرد

وفي غالبية اعضاء ترى ان موضوعا ما يجب ان يستمر ولا يغلق

فكنت بقول يبقى فيه استقتاء مشاركة من الاعضاء في القرارات اللي زي دي

وممكن يكون عبارة عن زراير زي زرار التبليغ عن هذه المشاركة تحت مشاركة كل عضو

ويكون في قانون بيقول اذا التبليغ بوقف موضوع ما او عضو ما....او انذار شخص ما...او اعادة فتح موضوع ما...جاء باكثر من خمسين عضو مثلا اذا ينفذ القرار

اي يكون الاعضاء متحملين للمسؤولية في ظهار المنتدى بشكل محترم ...مما يخفف ايضا العبء على الادارة...ويجعلنا كلنا هنا يد واحدة في مواجهة فساد بعض الأعضاء

ها...قلت ايه!!!