امثال اخر زمن

[yasovinas]

اول القصيدة قرض

إكفي القدرة على الكانون ؛؛؛؛ تطلع انوشكا لسيمون

الأم تعشش ،،والأب يطفش ،،،،،،،،،،،،،،والابن يحشش

بين البايع والشاري اتفاقية كوكيز

الجعان يحلم بسوق البورصة

حبيبك يبلع لك الظلط على الريق ،،،، وعدوك يتمنى لك خارطة الطريق

التكرار يعلم ،،،،،، كتابة السيناريو والحوار

قال له : يابت علمني الحصانه ؛؛؛؛قال له : يا ابني تعالى تحت القبة واستجوب

اللي اتلسع من فاتورة الكهرباء ،،،، بينفخ من الزباله

تحياتي

[yasovinas]

شكلهم ما عجبكوش ;)

طيب نقول غيرهم كدا

يا قاعدين يكفيكو شر ،،،، الامريكان

الكحكه في ايد اليتيم ،،،،بيتزا

أس أس ،، اسال ملحن ولا تسأل ،،،،حكيم

اصرف دولارك يعجبني ،،، اشوف جنيهك استعجب

اصحاب العقول في راحة ،،،، واصحاب القروض في مناحه

تم تعديل 7 أبريل 2006 بواسطة yasovinas

[وليد صفوت]

مش حلوين ;) .. و مش هتلاقى حد يرد عليك :blink:

[kotoz9]

مش حلوين .. و مش هتلاقى حد يرد عليك

ولا يهمك يا ياسوفيناس

الأمثال حلوة وزى العسل ;)

[لخبطه]

امثال كمبيوتريه

المهنج .................... حجته معاه

لا تعايرني ولا أعايرك ......... ياللى الونيدوز قافرني وقارفك

اللى عنده بورتات مفتوحه ............... ما يحدفش الناس بالتروجان

الاثننين دول كانهم .................... كارتين في سولت

الجهاز اللى فيه يوزرين................... يشتغلوا عليه اثنين

[yasovinas]

وليد :wub: هنتقابل

قطز ما تقلقش انا نفسي طويل يا انا يا انتم ;)

خد عندك

اللي معاه قرش محيرة ؛؛؛؛ يلفة في سيجارتين ويطيرة

اللي تحسبة موسى ؛؛؛؛؛؛يطلع شارون

اللي يبص لفوق ؛؛؛؛؛؛؛؛ ينهج

غُلبت اطبع فيك ؛؛ والطبع فيك غالب ؛؛ وديل شارون ما يتعدل ؛؛ ولو حطو فيه قالب

اللي ايده في المية ؛؛؛ مش زي اللي ايده في الكلبشات

يتبع :P

[وليد صفوت]

عقلى البواطنى : لا يكون ياسو نازل مصر قريب ! <_< لازم اعصر على نفسى كيس لمون و اخد حباية النفاق المرة دى بس :closedeyes:

الأمثال دى جديددددددددددة لانج يا ياسو :blink: ... حاجة من على وش القفص يعنى الحقيقة :D ...