لا بحبك ، ولا بقدر على بعدك!

[Sherief AbdelWahab]

بالأمس شاهدت جزءاً من حلقة من برنامج "أرجوك افهمني".. وطرح أحد المتصلين مشكلة غريبة ، لها جذور في الواقع ، وأرى أنها تستأهل النقاش..

عادي إنه يبقى فيه ناس انطوائية..بتحب بطبعها العزلة ، لكن الناس دي نفسها بتشتكي من الوحدة ، ولما بتقعد مع الناس بيبقى نفسها تقعد لواحدها!

ليييييييييييييييييييييييييييييه؟

الكرة في ملعبكم.. ;)

خلص الكلام

[yasovinas]

المشكله يا صديقي ان اي انسان بيكون في فترة من الفترات عنده حالة تشبع من الناس ومن حكاويهم ومن مشاكلهم وساعتها بيدور على الوحده والانطواء حتى يستطيع تفريغ شحنة الزهق والملل التي اصابته مما حوله

اما الانطوائي فهو بالعكس ياتي عليه وقت يكون قد مل نفسه ومل افكارة ومل وحدته فيبحث عن الناس الا انه يصتدم بافكار واراء لا تتفق مع ما اقنعته نفسه بها وفجاه يجد ان الناس من حوله سوف يهدمون له تمثاله العملاق الذي بناه في خياله عن صحة افكارة ورجاحه توجهاته فيعود مسرعا ال ى قلعته الحصينه وهي الوحده والانطواء

مجرد راي

تحياتي

[ATHENA]

شفتي واحد من دول فين يا دودو..

شفتيهم فين يا دودو ;)

ما علينا..

أحيانا الواحد بياخد مقالب في الناس لدرجة إنه بيكره عشرتهم..و رغم كده كونه كائن إجتماعي بالفطرة بحاول يندمج معاهم غصبن عنه ...

حاجه تحير فعلا..

تم تعديل 7 أبريل 2006 بواسطة ATHENA

[shahd]

انا من النوعيه دي انطوائيه من الطفولة

ولما اخرج احس بخنقه ويادوب هما كام كلمة بالعدد والاقي نفسي ,عايزة ارجع البيت

ومش كده وبس .. حتى ما بحبش اطلع من اوضتي ولو طلعت تلاقيني رجعتلها بسررررررررعه كأن في فيها كنز بلاخييييييييبة

هو في تغييرحاليا بس برضه افضل الوحده

ممكن اخرج بس بشرط ما تبقاش زيارات اجتماعيه

يعني حتى لو خرجت ببقى مع نفسي ;)

تم تعديل 7 أبريل 2006 بواسطة شهد

[Sherief AbdelWahab]

أنا مش مثقف خالص في الطب النفسي.. بس استنتاجي الشخصي إن بعض الناس اللي بيعانوا من المشكلة دي بيعانوا من شعور بالغربة أو بعدم وجود شخص بنفس الخلفية ونفس الطباع ونفس الميول..

فلان قاعد لوحده وزهقان ، ونفسه يحتك بالناس ، لما بيحتك بالناس بيلاقي نفسه أو الناس في حالة فصام ، فبيرجع يتقوقع لوحده.. وهلم جرا..

خلص الكلام

[eastsoul]

أنا مش مثقف خالص في الطب النفسي.. بس استنتاجي الشخصي إن بعض الناس اللي بيعانوا من المشكلة دي بيعانوا من شعور بالغربة أو بعدم وجود شخص بنفس الخلفية ونفس الطباع ونفس الميول..

فلان قاعد لوحده وزهقان ، ونفسه يحتك بالناس ، لما بيحتك بالناس بيلاقي نفسه أو الناس في حالة فصام ، فبيرجع يتقوقع لوحده.. وهلم جرا..

خلص الكلام

استنتاجك صحيح يا شريف

[واحد تاني]

ممكن الانسان يمارس حالة العزلة دى وسط الناس ....

بمعنى

انك ممكن وقت ماتكون فى ازمة او حاسس بضيق

ونظرا لكونك بتحب تعتمد على نفسك فى حل مشكلتك

و مش بتحب تشيل حد غيرك همك

وفى نفس الوقت اجتماعى بطبعك

بتحب دايما تكون وسط الناس القريبين منك

ساعتها تقدر تمارس العزلة وسط الناس

بانك تلاقي صديق قريب منك

جنبك

مش مهم تحكيله

مش مهم يساعدك

او يقولك راي

بس يكون جنبك وانت بتمر فى النفق

يكون قاعد بيلعب معاك دور شطرنج

وانت بتفكر فى الخطوة اللى جايه فوق رقعة الشطرنج

والخطوة اللى جاية فى على طريق خروجك من ازمتك

[عطر]

ممكن عدم ثقة وشعور بالنقص فبيهرب من الناس لذاته :D