شو بدك والا ما بدك؟؟؟

[Sherief AbdelWahab]

نفكر بصوت عالي :

ليه الست عادة عايزة تبقى حلوة ؟

1-علشان نفسها..

2-علشان جوزها..

ممكن المظهر أو الحجم يكون له تأثير على الثقة بالنفس ، في حالات معينة ، بس عاجبني تصريح لممثلة في مسلسل the practice وهي ممثلة بدينة إلى حد كبير بتقول :

"You can either destroy your spirit or you can accept and love yourself just the way you are."

بالمفتشر ، إما إنك تستسلم للإحباط ، أو تقبل نفسك زي ما انت عليه ، أو في حالة الممثلة دي حب وزنك الثقيل زي ما هو عليه..

في الحالة دي بس ممكن أوافق كزوج على إن مراتي تعمل عملية تجميل..وإن كنت مبحبش مراتي تبقى مقلتة للناس تتكلم عليها "شوفوا عاملة عملية تجميل في مناخيرها".. مراتي عاجباني يا جماعة بمناخيرها.. أغير مناخيرها لييييييه؟

ليه بتبقى الست عادة عايزة تبقى حلوة زيادة عن اللزوم؟

مممم

1-علشان جوزها لا ينودر لَبَرة (على رأي الإعلان السخيف)..

2-علشان تحس بثقة في نفسها ..وأنوثتها..

3-ويمكن علشان تغطي على نقاط ضعف جوة شخصيتها.. ضعف المستوى التعليمي مثلاً.. ودة تفسير ليه بعض البنات بيغالوا جداً في الشكل ، بيبقوا over طحن في الشكل والكلام والهزار ..

اللي بتثق في نفسها من جوة صح ، صعب تطلب لنفسها مظهر هيفاء وهبي ، طالما هي حاسة إن جوزها حيفضلها على أي واحدة في العالم حتى لو كانت هيفاء وهبي فاضية !

أراني أطلت.. :angry2:

خلص الكلام

[yasovinas]

اللي بتثق في نفسها من جوة صح ، صعب تطلب لنفسها مظهر هيفاء وهبي ، طالما هي حاسة إن جوزها حيفضلها على أي واحدة في العالم حتى لو كانت هيفاء وهبي فاضية !أراني أطلت..

خلص الكلام

ايه دا بتتكلم جد يا شريف :angry2: هي فاضيه :huh:

[مصرية الهوى]

ايه اللي يخلي البنت والا الست تروح تعمل عملية تجميل .. وتغير من شكلها :

أول حاجه ان احنا في الزمن ده زمن العجايب زمن الفضائيات زمن بالصراحة أحلى وأنتي الاحلى وكل البنات حلوين زمن نانسي وهيفا وروبي وبتاع .. يعني زمن التركيز على الشكل والجمال والحلاوة والميك اب وتلوين الشعر والعدسات الملونة والشياكة واللبس والبرمودا والهاف ستوماك والبديهات وكله كله ... يعني الكل بيركز على الجمال والحلاوة .. أول حاجه بتلفت الواحد واهم حاجه الواحد بيحكم على الواحد فيها الجمال ...

فبتلاقي زي ما يكون فيه سباق كل واحد بيجري عايز يبقى هو الأحلى والاجمل والاشيك .. والبنت تحط هدف قدامها لما تروح لحفلة والا فرح انها تبقى احلى وحده في المكان ... واكتر وحده تلفت الموجودين ..

طبعاً .. الاهتمام بالمظهر مهم .. والشياكة والحلاوة مهمة ..

بس المفروض البنت تبقى واثقة من نفسها .. متعتبرش نفسها زي العرايس الملونة في مسارح الاطفال .. اللي بيبقى شكلها ملون و مبهرج عشان بس تلفت الانظار ..

واللي ميشتري يتفرج ...

وبعدين مين قال ان هيفا والا نانسي والا اليسا هم مقاييس الجمال .. والله العظيم فيه بنات أحلى منهم مليييووووون مرة وكمان معملوش عمليات تجميل زيهم ..

الوحده لازم تبقى واثقة من نفسها ومن شكلها ومن حلاوتها ..

وبعدين ايه اللي يخلي بنت زي هيفا والا نانسي تعرض جسمها على الشاشات ويتفرج عليها ملايين الناس .. بس عشان يقولوا دي حلوة !!!!! .. يعني خسارة الجمال ده يتركن في البيت لازم يتعرض على اللي يسوى واللي ميسواش .. نفسي بجد افهم ليه بيعملوا كده ؟؟!!!

اللي بتثق في نفسها من جوة صح ، صعب تطلب لنفسها مظهر هيفاء وهبي ، طالما هي حاسة إن جوزها حيفضلها على أي واحدة في العالم حتى لو كانت هيفاء وهبي فاضية !أراني أطلت..

خلص الكلام

ايه دا بتتكلم جد يا شريف :angry: هي فاضيه :o

فاضية يعني مش متجوزة ... ناوي على ايه يا ياسو ؟؟

ابلغ المودام والا تسحب كلمتك ;)

هيفاء يا سيدي كانت متجوزة من زمان بيقولوا انه سعودي وعندها منه بنت بس حارمها انها تشوفوها ..

ومن كم شهر كده اعلنت خطوبتها من واحد سعودي اسمه طارق الجفالي ومهرها كان حاجات خيالية ..

كام شهر كده وبعدينا لخطوبة اتفركشت ..

شكل كل واحد خد من التاني اللي هو عاوزه وخلصنا !!!!!!!

[yasovinas]

فاضية يعني مش متجوزة ... ناوي على ايه يا ياسو ؟؟

ابلغ المودام والا تسحب كلمتك

يا خبر ابيض :o هي فاضيه طلعت يعني مش متجوزة انا كنت فاكر ان معناها ان ما عندهاش مواعيد شغل يعني وكده

انا طبعا ما تعجبنيش لا هيفا ولا اليسا ولا حد من العالم الهفأ دول انا يهمني جمال الروح ;)

انظر موضوع

دي مجرد صديقة

:angry: