Tafshan بتاريخ: 8 أبريل 2006 تقديم بلاغ مشاركة بتاريخ: 8 أبريل 2006 شيخ البلد خلف ولد من فرحته .. علق كهارب ملهاش عدد و بقوته .. امر الذبائح للرُكب في الحال قِبل .. سبعين مليون من الابل واخذه تطاطى و تنضرب نخت لكل من رِكب زمن المشايخ ابتدى و العيشة آخر بغدده و الشيخ بيورث ملك ابوه من غير احم و لا دستور و الشعب يورث الخبور عشان قِبل .. سبعين مليون من الابل واخذه تطاطى و تنضرب نخت لكل من رِكب شيخنا اصله منه فيه و الحكم برضو منه فيه و اللى نسيبه بنصحى فيه عشان بنرضى باللى فيه و الشكوى بس للى خلق و برضو قِبل .. سبعين مليون من الابل واخذه تطاطى و تنضرب نخت لكل من رِكب الماتش متباع http://tafshan-gedan.blogspot.com رابط هذا التعليق شارك المزيد من خيارات المشاركة
هشام الجنيدى بتاريخ: 8 أبريل 2006 تقديم بلاغ مشاركة بتاريخ: 8 أبريل 2006 فتحت صفحة اضافة رد وفضلت ابص ليها ومش عارف اقول ايه لان الموضوع فعلا موجع وما فى اليد حيله وانا نفسى منبقاش الابل المطاطيه اللى اى حد يركبها ويسوقها زى ماهو عايز بس مش عارف ايه اللى ممكن يعمله فرد زى اخوك فى مصيبه غير دى بعد ما خلو كل ردود فعلنا اضعف الايمان وهو الرفض فى القلب حقيقى حاجه تعل .......... وربنا يستر انما الامم الاخلاق ما بقيت .............. فان همو ذهبت اخلاقهم ذهبوا ...................................................................! وعلمتنى الحياه اضحك لأحبابى واضحك كمان للعدو علشان يشوف نابى واخده كمان بالحضن لو خبط على بابى فيحس انى قوى وميشفش يوم ضعفى....... قناتى ع اليوتيوب .... صفحتى ع الفيس بوك ..... رابط هذا التعليق شارك المزيد من خيارات المشاركة
Cleo بتاريخ: 8 أبريل 2006 تقديم بلاغ مشاركة بتاريخ: 8 أبريل 2006 ربنا يستر طريقك يا طفشان ياخويا :wub: وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
Tafshan بتاريخ: 9 أبريل 2006 كاتب الموضوع تقديم بلاغ مشاركة بتاريخ: 9 أبريل 2006 فتحت صفحة اضافة رد وفضلت ابص ليها ومش عارف اقول ايه لان الموضوع فعلا موجع وما فى اليد حيله وانا نفسى منبقاش الابل المطاطيه اللى اى حد يركبها ويسوقها زى ماهو عايز بس مش عارف ايه اللى ممكن يعمله فرد زى اخوك فى مصيبه غير دى بعد ما خلو كل ردود فعلنا اضعف الايمان وهو الرفض فى القلب جقيقى حاجه تعل .......... وربنا يستر اول حل المشكلة اننا نعرفها ... لازم نبقى فاهمين اننا بسلبيتنا بنشارك في اللى بيحصلنا و بنشارك في صنع بلد ملاكى شغالين فيها كلنا بالسخرة .. ربنا يستر طريقك يا طفشان ياخويا :wub: انا شاكك فيكِ ... انت شكلك مباحث :) الماتش متباع http://tafshan-gedan.blogspot.com رابط هذا التعليق شارك المزيد من خيارات المشاركة
homer بتاريخ: 9 أبريل 2006 تقديم بلاغ مشاركة بتاريخ: 9 أبريل 2006 (معدل) طب معلش واحدة واحدة معايا والقعدة هتطول لأن عندك طفشان وهشام وكليو وعايزين عصفور طاير كمان شوف يا مولانا شيخ البلد خلف ولد اتشد ضهره واتسند نشوان وطاير فى السما لكنه خايف مالحسد خايف لا بكره يغيره وخايفين لا بكره يكون أبد والحق فى تراب البلد مرهون على أهل البلد شيخ البلد عنده المصانع والمزارع عالمدى عنده القصور فيها الخيول ترمح وبتكيد العدا عنده تنابلة تبوس ايديه ان يوم تنام من غير غدا عنده العبيد خيرة الجنود مالهومش حصر ولا عدد عنده حرس بيسد عين الشمس فى ساعة الغروب له صولجان يحفر طلاسم خوف تعشش فى القلوب ومغنواتى له صدى ينسى معاه كل النواكب والكروب وجوه البلاط محيا وممات وحساب عسير للى بعقله يوم شرد وبره القصور فيه ناس تتوه فى الزحمة وتموت فى الطابور وناس تدوس على بعضها وناس تبيع من لحمها لجل الفطور وناس فى برزخ وسطنا اموات كما الأحياء وعايشين فى القبور وناس بتجرى وناس بترمح وناس ما مفيش فى قلوبها مطرح للبلد وناس تخاف من وشها وناس بتندب حظها وناس بتبكى على اللى فات وناس بترضى بالقليل تتعرى فى الليل الطويل وتجوع وتقنع بالفتات وناس تخاف مالفرح من كيس الجوافة من صوت السكات وناس بتتعب لجل غيرها ينسعد وناس تقول الحق لو راح تنجلد وناس هناك متشمرة لجل الامير يفضل أمير تصبح تقول الزور وتعطره لجل الفقير يفضل فقير كل العجب ياللى تبيع الدين بالدنيا بالمال والحرير طبع تعمل ايه للى يبيع وما نايبه الا بوس نعال شيخ البلد هنا فى البلد فيه ناس وناس مع ان الأصل هو الأصل تراب وطين ناس فى القصور متنعمين وناس كمالة كأنهم ملك اليمين فيه ناس تدوس وناس مداس وناس بتتظبط فى المقاس متسلطنين وناس تهج وناس تعج وناس تفور بكلام كبير ماله سند فيه ناس فى ايدها النول بتنسج بسمة ورد فى خدود العذارى فيه ناى بيحكى ويا صوت الصمت وانين السواقى وبيهدى الحيارى فيه صوت ادان من فوق مآذن بينادينا لجل ما يفوق السكارى فيه ناس بتبنى وناس بتعلا وناس بتدى للبلد ما هما دول أهل البلد وابن البلد فى الضلمة نجمة تهدى نورها لاهل بلدى الطيبين يحكيلنا عن سيرة بلد كان فيها الف شيوخ بلد شوف راحوا فين ما فضلش غير صوت السواقى واللى ساقى باقى من عمر السنين تفنى القصور والهيلمان والظلم ويا الصولجان ولا يفنى عرق ابن البلد تم تعديل 9 أبريل 2006 بواسطة homer <span style='font-size:14pt;line-height:100%'> مفيش حنفى </span> تأملات خايبة رابط هذا التعليق شارك المزيد من خيارات المشاركة
Tafshan بتاريخ: 9 أبريل 2006 كاتب الموضوع تقديم بلاغ مشاركة بتاريخ: 9 أبريل 2006 عمنا الكبير هومر .. الرد عايز اسبوع تفكير بعد ما افخمتنى :blink: فين باقى الشباب الماتش متباع http://tafshan-gedan.blogspot.com رابط هذا التعليق شارك المزيد من خيارات المشاركة
yasovinas بتاريخ: 9 أبريل 2006 تقديم بلاغ مشاركة بتاريخ: 9 أبريل 2006 (معدل) شيخ البلد باع البلد وجاب بيبانها للابد عمر البلد ما هتبقى بلد طول ما حنا سايبين البلد يا اهل البلد شيخ البلد جابلكم ولد هيبيع اللي باقي من البلد يا اهل البلد حوشوا الولد قبل ما يولع في البلد يا اهل البلد يا اهل البلد مافيش غير الكلام معاكم آآآآآآآآه يا بلد تم تعديل 9 أبريل 2006 بواسطة yasovinas رابط هذا التعليق شارك المزيد من خيارات المشاركة
هشام الجنيدى بتاريخ: 10 أبريل 2006 تقديم بلاغ مشاركة بتاريخ: 10 أبريل 2006 ايوه مين بينادى على الشباب .............. :wub: شيخ البلد خلف ولد ماشى وطايح فى البلد والخوف معشش فى القلوب بعد ما صابها الهدد ابن البلد صابه البلد ومعدش حاسس باللى فيها واللى متآمرين عليها صار عددهم فى اللمون والشرف اصبح يهون عشان عيون .... شيخ البلد اللى مش همو الا نفسه ونفس ابنه اللى بكره راح يكون شيخ البلد شيخ البلد باع البلد وباع معاها كل شىء وخد مقابل كل ده حفنة فلوس تمن الاراضى والنفوس..... ملهاش تمن يا رجال بلد الشيوخ والعجايز والمسوخ اللى عايز يرتقى يقرب يبوس ..... تراب بلدنا اللى عليه......... داس الكبير شيخ البلد..... كام الف شاب يا مصر فيكى بيتولد كام الف ضحكه وابتسامه والف زهره بتتوأد كام الف واحد حب ليكى الخير ؟؟ كتير.!! وكان مصيره زى غيره..... اتشنق وفى جيده حبل من مسد مصنوع بأمر من الكبير ....شيخ البلد......... انما الامم الاخلاق ما بقيت .............. فان همو ذهبت اخلاقهم ذهبوا ...................................................................! وعلمتنى الحياه اضحك لأحبابى واضحك كمان للعدو علشان يشوف نابى واخده كمان بالحضن لو خبط على بابى فيحس انى قوى وميشفش يوم ضعفى....... قناتى ع اليوتيوب .... صفحتى ع الفيس بوك ..... رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان