ما بين ستار أكاديمي وقرآن أكاديمي

[se_ Elsyed]

إمبارح جبت الجرايد اليومية كالمعتاد يوم الجُمعة وأُفاجأ بسيل من الأخبار وصفحات من أولها لأخرها بتتكلم عن النهائي المُرتقب لبرنامج " ستار أكاديمي " في نسخته الثانية أو الثالثة لا أعلم لإن كان أخر حاجة من كذا سنة سمعنا عن واحد إسمه محمد عطيه ( مصري ) هو اللي كسب في الأخر وحالياً شغال في الملاهي الليلية ...

وإمبارح اللي المفروض وصلوا النهائي واحد فلسطيني وواحد مصري وفتاة تونسية

والمفروض في نفس التوقيت مساءً وانا بأتابع قناة الفجر للقرآن الكريم اللي مهتمه بحفظة القرآن وخصوصاً من الأطفال والشباب الصغار .. أذاعوا فيلم تسجيلي عن رجل مُلتزم ومحترم وبسيط من مدينة طنطا ولديه 5 أبناء ولدين و3 بنات أكبرهم جميعاً يمكن عنده 13 سنة وما شاء الله جميعهم يحفظون القرآن كاملاً

وأصغرهم بنت عندها 4 سنوات ونصف يعني تُعتبر لسه بتقول ماما وبابا وحافظه 4 أجزاء كاملة ... وسين سين اللي عامل زي ضرفه الباب الحديد مش حافظ غير قصار السور اللي ما يكملوش على بعض رُبع جزء وفالح ياكل فته محلوله ويجري ورا عربيات الرش ومضيع فلوسه على البومب والمراجيح ..

الغريب بقى عنده ولد فلته اللهم صلي على النبي ربنا يحفظهم له جميعاً .. الولد ده عنده يا جماعة 6 سنوات ويحفظ القرآن كاملاً مع ألفية بن مالك في النحو ومش بس كده ده يعرف العديد من القراءات المختلفة للقرآن الكريم اللي ناس كتير دارسين ومتخصصين لا يعرفونها لإنها صعبة وليست بالعلم الهين ... مش بس كده ده دخله معهد القرآن الكريم في طنطا والذي لا يدخله إلا حافظي القرىن كاملاً وفيه ناس سنها معدي الأربعين .. ومع ذلك عندما شاهدوا نبوغه حصل على إستثناء من شيخ الأزهر وأصبح يجلس في الفصل وهو غطسان على الطاولة اللي قاعد عليها وحوله رجال بشنبات كبار وهو أشطر منهم جميعاً ويمشي في دراسته بشكل مبهر .. ويخوض العديد من المسابقات العالمية ويفوز بها ويتفوق على من يفوقونه سناً وجسماً ...

حاجة تفرح مش كده ؟

تعالوا نقارن بين مامت محمد عتيه اللي كانت هاتموت من الفرح علشان إبنها اللي ساب التعليم وكسب ستار أكاديمي وبقى شغال في الكباريهات ووراء الراقصات ... وبين موقف هذا الأب وتلك الأم التي سيأتي الحديث عنها وهما واقفين جميعاً أمام الله سبحانه وتعالى وواحد ولاده كلهم حافظين القرآن ونور الأيمان يشع من وجوههم .. والأخر إبنهم حافظ أهواك وتعالي لي يا بطه

[لخبطه]

في مره كان ابن عمي بيزونا في سكن العزوبي وكان معاه ابنه 10 سنوات فكنا هنصلى جماعه فرض معين الظاهر العشاء وكنا زي 9 شنبات فقولنا مين اللى هيصلى بدأنا نتعازم وفجأه اكتشفنا انه لازم الولد هو اللى يصلي بينا لأنه الوحيد اللى حافظ القرأن ومشاء الله عليه صلى وبقراه رهيبه ومن اليوم دا وانا اصبحت دعوتي ان احد ابنائي يكون من حفظه كتاب الله

المقصد ياعمنا سي السيد الحاجات الجميله دي لازم تكون حافز لللى زي حالتي وحالاتك اننا نعلم ابناءنا اللى مش قدرنا نتعلمه

ادعي لى بقا البت حبيبه تحفظ كتاب الله

بس بإخلاص :wub:

[Blue_mind]

اعتقد ان الابناء وتربيتهم عبارة عن استثمار...فمن اراد ان يستثمر في ولد صالح يدعوا له بعد انقطاع عمله ....ربنا يعينه ويهديه :huh:

ومن اراد الاستثمار في ابن يغني في الملاهي او ابنة تروح ستار اكاديمي تطبطب وتدلع :blink: ...براحته :huh:

تم تعديل 9 أبريل 2006 بواسطة Blue_mind

[se_ Elsyed]

اعتقد ان الابناء وتربيتهم عبارة عن استثمار...فمن اراد ان يستثمر في ولد صالح يدعوا له بعد انقطاع عمله ....ربنا يعينه ويهديه :huh:

ومن اراد الاستثمار في ابن يغني في الملاهي او ابنة تروح ستار اكاديمي تطبطب وتدلع :blink: ...براحته :huh:

الله ينور عليك يا بلو مايند يا عسل

يسلم فومك .

[وليد صفوت]

انتوا عمالين تخبطوا فى بتوع المزيكا من الصبح و لا كأن معاكوا فنانين :wub:

ايه يا عمو ثين ثين ؟ ايه المشكلة يعنى لما الولد يغنى و لا يعزف و لا يلحن حتى ؟ و من امتى المزيكا و الغنا عكس الإلتزام و التدين ؟ و ماتقوليش بص حواليك و شوف اللى بيغنوا عاملين ازاى .... انا بتكلم عن اللى الأضواء مش متسلطة عليهم لأنهم مش بيهتموا بالأضواء دى .... و حتى البعض من المشاهير برضو بيغنوا ملتزيمن بعاداتنا و فى مظهر غير مخل إطلاقاً .... عاوز أمثلة منهم ؟ حاضر :

امثلة رجالى : على الحجار - شريف الغندور - صابر الرباعى - محمد الحلو - خالد سليم - مروان خورى - فضل شاكر - هانى شاكر - و غيرهم كتييييييير .

أمثلة حريمى : أنغام - أصالة - مى كساب - شذى - آمال ماهر - شرين - نورا رحال - و غيرهن كتير برضو .

الخلاصة انى لا اقبل ان يتم وضع الموسيقى و الغناء فى كفة و فى الكفة التانية القرآن و الإلتزام .... لدرجة ان بعض المتطرفين فكرياً يقولك : انا من ساعة ما بدأت اسمع قرآن , بطلت أسمع مزيكا نهااااااااائى ;) ( كأن المزيكا دى كانت سحر و انفك من عليه و الحمد لله :P )

محدش يزعل منى فى الكلام اللى قولته لكن ده اللى انا فعلاً ملاحظة و التيار ده عمال ينمو و الناس بتصدق بحجة ان المعروض من الموسيقى امامهم ( أو بمعنى أصح اللى الأضواء مسلطة عليه ) ينفرهم من الموسيقى و يجعلهم بشكل أو بآخر يضعوا الموسيقى على إطلاقها فى مصاف الأفعال المكروهة المفروض علينا ان نتركها حتى يرضى الله عنا .... سبحان الله !

[مصرية الهوى]

مروان خوري :P

مش ده يا وليد بتاع خدني معك والست اللي لابسة قميص نوم احمر :wub:

[nancy]

التدين بيديك احساس بالشفافية والمتعة لا تتناقض مع حب الموسيقى انا ممكن اسمع حد بيقراء قران واحس انى سعيدة جدا وممكن برضة اسمع اغنية لام كلثوم مثلا ولا عبد الوهاب او كمان للحجار او محمد منير وتلمس قلبى برضة مفيش تعارض زى ما القراءة فى الدين متعة وسماع القرآن برضة بتسمع فتاوى واراء تكرهك فى كل حاجة وناس عملة شريط بتعيط وناجر فى الدين

زى ما فية موسيقى تسمعها وناس تقول كلام كلة جمال وناس طالعة مش عرفة تلحق ترقص ولا تلحق تقلع ولا تلحق تغنى قبل ما ال3 دقابق يعدوا

لازم نحاول نستمتع بكل حاجة جيدة ونحتويها بعقلنا وقلبنا ونتامل

[وليد صفوت]

مروان خوري ;)

مش ده يا وليد بتاع خدني معك والست اللي لابسة قميص نوم احمر :wub:

الحقيقة يا جيجى انا مش من متابعى الفيديو كليب اوى ... مابشوفتش غير جاد شويرى بس :wub: ( الواد ده بيرقص بطريقة غريبة :P ) ... و لو كان فعلاً فيه منظر مش و لا بد فى اى كليب له يبقى انا اسف و اسحبه من اللستة ... لكن الفكرة نفسها يا ريت تكون وصلت .... :)

[مصري المصري]

الأستاذ الفاضل وليد :

تقول حضرتك ( الخلاصة انى لا اقبل ان يتم وضع الموسيقى و الغناء فى كفة و فى الكفة التانية القرآن و الإلتزام .... لدرجة ان بعض المتطرفين فكرياً يقولك : انا من ساعة ما بدأت اسمع قرآن , بطلت أسمع مزيكا نهااااااااائى ( كأن المزيكا دى كانت سحر و انفك من عليه و الحمد لله )

بداية لقد أصدرت حكمك على من يخالفك في الرأي أنه من المتطرفين فكرياً .. وهذه بداية ليست مشجعة للحوار :closedeyes:

ولكن مع ذلك ..استعنا على الشقا بالله ..

إنها يا عزيزي كلمة الحق ولا بد أن تقال ..

((((((( الغناء حرام )))))))

وإليك بعض الأدلة على ذلك :

يقول سبحانه وتعالى : ( ومن الناس من يشتري لهو الحديث ليضل عن سبيل الله بغير علم ويتخذها هزواً أولئك لهم عذاب مهين ) . قال ابن عباس وابن مسعود وهو قول مجاهد وعكرمة : أنه هو الغناء ، أي المراد بلهو الحديث .

وقال ابن مسعود رضي الله عنه : والله الذي لا إله غيره هو الغناء يعني لهو الحديث . وقال صلى الله علية وسلم : ( ليكونن من أمتي أقوام يستحلون الحر والحرير والخمور والمعازف ) . أخرجه البخـاري .

تحياتي لك ..

[وليد صفوت]

بداية ارجو كتابة الآية بشكل صحيح لأنى اشك فى انها مكتوبة بشكل صحيح .... و عموماً :

يقول سبحانه وتعالى : ( ومن الناس من يشتري لهو الحديث ليضل عن سبيل الله بغير علم ويتخذها هزواً أولئك لهم عذاب مهين ) . قال ابن عباس وابن مسعود وهو قول مجاهد وعكرمة : أنه هو الغناء ، أي المراد بلهو الحديث .

الآية واضحة وضوح الشمس يا عزيزى ....

تحياتى ..

[Ahmed Mohsen]

ولكن مع ذلك ..استعنا على الشقا بالله ..

إنها يا عزيزي كلمة الحق ولا بد أن تقال ..

((((((( الغناء حرام )))))))

وإليك بعض الأدلة على ذلك :

يقول سبحانه وتعالى : ( ومن الناس من يشتري لهو الحديث ليضل عن سبيل الله بغير علم ويتخذها هزواً أولئك لهم عذاب مهين ) . قال ابن عباس وابن مسعود وهو قول مجاهد وعكرمة : أنه هو الغناء ، أي المراد بلهو الحديث .

وقال ابن مسعود رضي الله عنه : والله الذي لا إله غيره هو الغناء يعني لهو الحديث . وقال صلى الله علية وسلم : ( ليكونن من أمتي أقوام يستحلون الحر والحرير والخمور والمعازف ) . أخرجه البخـاري .

تحياتي لك ..

وما رأيك يا عزيزي "مصري المصري" في أغنية الشيخ مشاري راشد قارئ القرآن ... هل سمعتها؟؟

وعلى ما أعتقد - وممكن جدا أن أكون مخطئا في هذه المعلومة - أن الشيماء أخت الرسول عليه الصلاة والسلام في الرضاعة كانت تغني .... وأيضا رابعة العدوية كانت تنشد أناشيد في محبة الله .... أليست كل هذه أغاني؟؟؟ أهي حرام ؟؟؟

تحياتي ...

-----------------------------------------

وليد صفوت كتب:

انتوا عمالين تخبطوا فى بتوع المزيكا من الصبح و لا كأن معاكوا فنانين

ايه يا عمو ثين ثين ؟ ايه المشكلة يعنى لما الولد يغنى و لا يعزف و لا يلحن حتى ؟ و من امتى المزيكا و الغنا عكس الإلتزام و التدين ؟ و ماتقوليش بص حواليك و شوف اللى بيغنوا عاملين ازاى .... انا بتكلم عن اللى الأضواء مش متسلطة عليهم لأنهم مش بيهتموا بالأضواء دى .... و حتى البعض من المشاهير برضو بيغنوا ملتزيمن بعاداتنا و فى مظهر غير مخل إطلاقاً .... عاوز أمثلة منهم ؟ حاضر :

امثلة رجالى : على الحجار - شريف الغندور - صابر الرباعى - محمد الحلو - خالد سليم - مروان خورى - فضل شاكر - هانى شاكر - و غيرهم كتييييييير .

أمثلة حريمى : أنغام - أصالة - مى كساب - شذى - آمال ماهر - شرين - نورا رحال - و غيرهن كتير برضو .

شيرين مين يا وليد يا حبيبي ؟؟؟ شيرين عبد الوهاب واللا شيرين وجدي ؟؟؟

أصل لو شيرين عبد الوهاب ... تبقى وسعت منك أوي .... أنا صحيح بحب أغانيها بس هي مش بتغني ملتزمة بعاداتنا خااااااالص ... إنت مابتشوفش حفلاتها واللي بتبقى لابساه فيها ... إنت ماشفتش أغنية "مافيش مرة" واللي كانت بتعمله فبها ؟؟؟

تحياتي ....

[mohmaher]

الغناء المصحوب بموسيقى راقصة حرام

أما الأناشيد الغير مصحوبة بموسيقى فهى شيئ أخر

أنا أوافق الأخ مصري المصري في كلامه ... وبعدين يعني احنا مش ناقصين موسيقى و أغاني وانحلال عايزين نشتغل حبة جد زى العالم اللي حوالينا و بنستورد منهم كل حاجة حتى الانحلال.

وبعدين سؤال بسيط للغاية ينهي المناقشة :- " أى حد فينا يحب ابنه يطلع ملحن-مغني-موزع !!! والا يطلع حافظ للقرأن " ؟؟؟؟؟

انتهى السؤال

شكرا

[وليد صفوت]

الغناء المصحوب بموسيقى راقصة حرام

ممكن حضرتك تعرفلى الموسيقى الراقصة من الموسيقى الملتزمة ؟

أما الأناشيد الغير مصحوبة بموسيقى فهى شيئ أخر

نحن نتحدث عن الغناء و ليس الموسيقى ..... رجاءً بس اننا نحدد احنا بنتكلم عن ايه .

أنا أوافق الأخ مصري المصري في كلامه ... وبعدين يعني احنا مش ناقصين موسيقى و أغاني وانحلال عايزين نشتغل حبة جد زى العالم اللي حوالينا و بنستورد منهم كل حاجة حتى الانحلال.

ايه اللى ربط الأغانى للإنحلال ؟ ممكن اعرف ؟ و ايه برضو اللى ربط الأغانى للتهريج ؟؟

مافيش اى علاقة بين نصف كلامك و نصفه الآخر .....

وبعدين سؤال بسيط للغاية ينهي المناقشة :- " أى حد فينا يحب ابنه يطلع ملحن-مغني-موزع !!! والا يطلع حافظ للقرأن " ؟؟؟؟؟

و ليه مايكونش حافظ للقرآن و موسيقى موهوب زى محمد عبد الوهاب ؟؟ ثم ان الإشتغال بالمجال الفنى ليس عاراً حتى تنهى المناقشة بسؤال كهذا ؟؟؟

تحياتى ...

[yacho]

اسمحولى اضيف تجربه صغيره مع ابنى وبنتى9 سنين 6 سنين

من سن 6 سنين الحمدلله بيصلوا .. وبداوا دراسه عربى وقران هنا فى فرنسا ..من بدرى

والحمد لله ابنى حافظ جزء عم كله ولسه بيكمل لحد ما يحفظه كله ان شاء الله .. وف نفس الوقت

بيعزف سوزوكى ( كمان) وبيغنى فى كورال الاوبرا .. واخته نفس الشئ .. انا مش حسه انهم

وحشين او مش مؤدبين هم والحمد لله ولاد مؤدبين وبيشرفونى بصراحه وشكلهم كده ميشر بالخير

وربنا يقدرنا نكمل المسيره يا رب .. خللونا نمسك العصايه من النص :P

[وليد صفوت]

اسمحولى اضيف تجربه صغيره مع ابنى وبنتى9 سنين 6 سنين

من سن 6 سنين الحمدلله بيصلوا .. وبداوا دراسه عربى وقران هنا فى فرنسا ..من بدرى

والحمد لله ابنى حافظ جزء عم كله ولسه بيكمل لحد ما يحفظه كله ان شاء الله .. وف نفس الوقت

بيعزف سوزوكى ( كمان) وبيغنى فى كورال الاوبرا .. واخته نفس الشئ .. انا مش حسه انهم

وحشين او مش مؤدبين هم والحمد لله ولاد مؤدبين وبيشرفونى بصراحه وشكلهم كده ميشر بالخير

وربنا يقدرنا نكمل المسيره يا رب .. خللونا نمسك العصايه من النص :P

ربنا يباركلك فى اولادك يا مدام ياشو .... ما تعودت عليه فى الصغر نفس ما تعود عليه أطفالك الصغار .... و الحمد لله انا الأن فى افضل حال احمد الله على ذلك ....

تحياتى لك ...

[mohmaher]

مبدئيا أنا كنت من المهووسين بالموسيقى والأغاني منذ زمن لكن الحمد لله ربنا هداني و انشاء الله يهديك

نعم هناك فرق بين الغناء والموسيقى ... الغناء الغير مصحوب بموسيقى و كلامه هادف وغير مثير للغرائز أو ما به مجون ليس حراما

أما الأغاني الخايبة بتاعه الأيام ديه اللي أنا و انت عارفينه بتاعة بحبك و بتحبيني و قابلتك و هجرتيني فمن غير فتوى يعني واضح حكمها

الموسيقى في حد ذاتها حرام و هى تدخل تحت بند اللهو و تميت القلب (قلب المؤمن) وتدعو الى الرذيلة و الموضوع ده بييجي بالتدريج مع السماع المتواصل مش مرة واحدة وده مش كلامي .. ده كلام علماء أفاضل كتير.

وأحب أقوللك على قصة قديمة ان أول ما استخدم الشيطان من وسائل لاغواء بني أدم كان في صورة غلام علمهم الموسيقى والعزف زمان أيام أولاد أدم من أهل الأودية.

أما عن ذكري "للموسيقى الراقصة" لأن بعض العلماء تساهلوا و أفتوا بجواز سماع الموسيقى التي لا تثير الجسم و تدفعه للرقص أو التمايل من جراء الانفعال بالألحان مما يفقد المرء وقاره و سكينته التي يتسم بها الانسان المؤمن.

ملخص الموضوع :-

الموسيقى و أهلها لم ولن يضيفوا اى قيمة حقيقية للبشرية اللهم لهو و تزييف و تزيين من الشيطان ان الموسيقى فن و ذوق .

الغناء بدون موسيقى بضوابط شرعية حلال.

الحياة بها الكثير و الكثير أهم بكثير من الموسيقى وما يسمى بالفن خصوصا في بلادنا للاهتمام به و نفع البشرية.

وربنا يهدينا جميعا

[Guest النسر المصري]

إخص عليييك ياوليد...والله زعلتني منك.....

انا متابع جيد لحواراتك وردودك الرائعة على أمثال الوايت هارت...ووجدتك أكثر من رائع في التصدي لتلك المحاولات العلمانية للسيطرة علينا باساليبها الملتوية

انت بتقول انك فنان ...وانا كمان فنان...انا رسام ....ويوم جيت ادخل فنون جميلة كل قرايبي ومعارفي من المشايخ وقفوا ضدي وقالوا ان الرسم حرااام

وفعلا في أحاديث كتير بتقول ان المصوريين في النار ....زي مافي أحاديث وآيات قرآنيه بتحرم الغناء

لكن في ملحوظة مهمة...بعد عنادي وإصراري على الاشتغال بفن الرسم...ولأنني كنت متفوقا في الرسم...ولأنني كنت من أحد المشاهير في الجامعة...اتغريت بنفسي...وصرت أرسم كل ما وقع تحت يدي.... وبالذات العراه...فنفس الانسان دائما أماره بالسوء....ولان الممنوع مرغوب...سبح باساليب الرسم في كل ماهو ممنوع

وفي العام الثالث...وجدتني في تناقض رهيب بين ردودي على أقاويل الرسم بانه حرام وبين ما أنا وصلت إليه

فكانت ردودي...

الرسم حرام اذا حاولت ان ترسم الخالق..أو ترسم الملائكة....أو ترسم الأنبياء ....أو ترسم العراه .. .....وماعدا ذلك فهو حلال

ولكني اخللت بما قلت..حيث انني رسمت العراه (من كتب طبعا وليس من الواقع ...ولو انه لافرق...فالعين تزني ايضاً)

ورسمت الأنبياء (واحد صاحبي مسيحي تحداني في رسم تماثيل تعبر عن صلب عيسى كما يدعون...وكنت قد تفوقت عليه في رسمه)

ورسمت رسومات تعبيرية عن الملائكة؟؟؟؟؟؟؟؟!!!!!!!

والحمدلله اني لم اتجرأ في محاولة رسم الخالق أيضاً

ووقتها أفقت من تلك الحالة البهيميه التي كنت فيها

وامتنعت تماما عن تلك الافكار

وصرت لاأرسم سوى ماهو يخدم المجتمع...كتصميم الاعلانات...(وبشرط لا يكون فيها صوره مخله بالآداب كما هو الحال في الاعلانات) وأيضا الاتجاه الكبر الى الكارتون والشخصيات والابتعاد عن الايف لما فيه من مشبوهات

ونجحت نجاح مبهر لم أتوقعه ..على الرغم من رفضي لكثير من الأعمال...ووفقني الله..وها أنا اليوم مديرا فنيا بالاممم المتحدة اعمل على تطوير المناهج الدراسية بطريقة الشرح الكارتوني

اذن ...فمن المؤكد ان الله سيكافئك اذا عملت عملا صالحا

والغناء منه كذلك منه الحرام ومنه الحلال..... واذا ما تفوقت في الغناء وصرت محبوبا بشعبيه ستقوم بانتاج أغاني يحبها محبيك ... ....كأغاني الغزل بالحبيبة ووصف عيونها ومناخيرهها وشفتها وحضنها وما إلى ذلك..وهي كافيه بان تكون حرام حتى لو بدون تصوير فيديو كليبات خليعة

والغريب والمدهش ان تلك المجموعة التي قلت بانهم مغنين محترمين يغنون تلك الاغاني من الغزل والدلع والمسخرة وما إلى ذلك...حتى انهم صوروا فيديوهات كليبات في اشارات جنسية....ويكفي انهم يخرجون معهم بنات لابسة ملزق ومحزق وجذابة وبتغري اللي قاعد يتفرج عليها

وحتى عبدالحليم حافظ كان أنقح من كده في أفلامه السينيمائيه....ولا نسيت أغنية دقوا الشماسي الغير محرمة...حيث تراه يرقص ويضحك ويبل هذه وهذه ...ويحضن..ومن حوله مايوهات حريمي مولعة

هتسألني وتقولي طب وانت خليت ايه في الغنى حلال ...ماخلاص كله خلص

لا انا هنا عندي رأي خاص...مانا ماقولتش كل الرسم حرام....لانه في منطق بيقول ان الرسم هو ابو الفنون (حسب رأي الشخصي) وهو السبب في أننا نرسم لغات العالم على شكل حروف نشأ منها مليارات الكتب وكانت سببا مباشرا في التقدم العلمي

وبنظرة سريعة...نجد الغنى ايضا فيه منه من يبث فيك مشاعر قوية محلله...كالاغاني الوطنية....الاغاني العلمية....الاغاني او الاناشيد الدينية....فكلها حلال من وجهة نظري...لانها لا تبث سوى مشاعر محترمه...ليس فيها غزل ولمز وغمز

وعندي رأي خاص آخر...الموسيقى الرومانسية الكلاسيكية...التي هي مجرد موسيقى .....فهي جيدة للآسترخاء...ولا تبث في مخيلتك اي مشاهد محرمة...بل انها تهديء نفسك..تستخدم لموسيقى الصافية من الغاني في خلفيات اعلانيه او مقدمة أخبار مثلا أو مسلسلات دينية او تاريخية (مش مسلسلات جنسية مهزلية)

اذن الغالب من الموسيقى والغناء ماهو جيد واعتقد والله اعلم انه حلال

والا ستثناء الوحيد هو ان تستخدمه في ايحاءات غير شريفة او محرمه او غير شرعية

ولكن نهاية الموضوع...نجد لا مقارنة بين عظمة مكانة حافظ القرآن وتلاوته....ومن بعده ملقي الشعر الأدبي الفصيح المحترم ...ومن بعده المنشد ...ثم يأتي المغني للأغني الديني والوطنية والمحللات من بعدهم

ونهايته اعتقد سي السيد كان يتكلم عن فخر الآباء باناءهم...هل تفخرون به كقاريء قرآن (ومغني آناشييد دينية زي مانت بتقول ياوليد)....ولا تفخرون به اكثر لانه متفوق في ستار اكاديمي؟؟//!!!!

سؤال..والرد بتاعه معروف مسبقاً...

ويجعلو عامر

[mohmaher]

أنا متأكد يا مدام YACHO انك تحبين أولادك جدا جدا جدا

لكن ما سألتيش نفسك ليه بتعلميهم من الصغر الموسيقى و العزف ؟؟ ليه ؟؟ هل هو للارتقاء بالحس الفني و الذوق العام و الخ الخ ....

ام ماذا ؟؟؟

صدقيني حافظي على اولادك من الاغواء ... الطريق ده مش حلو و انت تعرفين طالما انت في فرنسا ما هو الفن أو ما يسمونه فن و ماذا وصلت اليه الفنون و حرية التعبير !! تعرفين جيدا.

ربما انت لم تطلعي أولادك على ذلك بل فقط فتحتي لهم باب العزف و الأوبرا لكن صدقيني وقت يكبر فيه أولادك و يقرروا تجربة نوع أخر من الفنون قد لا يرضيكي و لا يرضي دينك والا ربك سوف تندمين أشد الندم لأنك أنت التي فتحتي الباب من أصله تحت مسمى الذوق والفن ... و هم قد يندفعون لما هو أكثر وأخطر تحت نفس المسمى.

أنا بس بحاول أفكر معاكي بصوت عالي ... ربنا يحميلك ولادك يارب .

و شكرا

[وليد صفوت]

الحمد لله تعالى على نعمة العقل ....

و شكراً

ملحوظة حتى لا يخطلت الأمر عليك يا نسر .....

كلامك و كلامى لا يختلفان ... فقط الألفاظ هى المختلفة ....

تحياتى ....

[Guest النسر المصري]

ياسلاااام..ااطرتني حتى باتفاقك معايا ياوليد....كم انت جميل.....فعلا الحمدلله على نعمة العقل

تحياتي اليك ولشخصك الكريم