الرئيس وجيزيل خوري

[kokowawa1979]

انتهى منذ قليل الحوار الممتع من ناحية جيزيل خوري المذيعة الرشيقة في الحوار مع الرئيس مبارك نقس الكلام المعاد دائما باستمرار مع مناوشات المتألقة جيزيل خوري أستاذة الحوارات المفيدة مش حوارات مفيدة شيحة !!!

أمانة أولا أقول أنني لم ألحق بالحوار من بدايته ولكن الثلث ساعة الأخير وهو مايهمنا لأنه يخص مصر فماذا قال الرئيس لافض الله فوه !!!

سألت جيزيل سؤال فيه حتة خبث وقالت : سيادة الرئيس ماذا حققت في خلال السبع شهور الماضية من برنامجك الانتخابي ؟ ويبدو أن السؤال لم يكن في الحسبان فشخط فيها أبو علاء قائلا : إنت فاكرة إن البرنامج السياسي ده بتاع شهور ده بتاع سنين !! وهنا بادرته المتألقة بقولها وإيه رأيك في موضوع ال4,5 مليون فرصة عمل هل يمكن تحقيقها في خلال 6 سنوات فرد لافض الله فوه طبعا البرنامج ده تم إعداده بدقة متناهية مش سبهلله !!! الله عليك ياريس أهو كدة أفحمتها !!!!

ثم بادرت بسؤال أشد خبثا سيادة الرئيس وماذا عن نائب الرئيس فهب على الفور بدون تفكير : هو انت عايزاني أجيب نائب رئيس علشان يتخانق مع رئيس الوزرا !!!! يعني هو بيعترف ضمنيا إنه كان بيتخانق مع رئيس الوزراء أيام ماكان نائب رئيس !! يعني انسوا حكاية النائب دي نهائيا- مش في فكر الحبيب والزعيم !!

ثم كانت الخاتمة بالتوريث فقل الرئيس احنا اتكلمنا في الموضوع ده كتير مفيش توريث لكن فيه أحزاب ترشح شخصيات للرئاسة وطبعا المعنى في بطن الشاعر !!!

ثم تطرقت جيزيل إلى موضوع قانون الطوارئ فأشار إلى أن قانون الطوارئ أو الأحكام العرفية يطبق منذ 1923 ثم ألغي فقط لمدة عام ونصف في عهد السادات وبعدها بدأ الإرهاب فكان لابد من إرجاع الأحكام العرفية !!!

أما المفاجأة الكبرى فكانت حينما سألته المحاورة الزكية هل علاقتك ببوش فاترة !! فقال لها فاسدة؟ فردت جزيل فاترة فقال لها الرئيس يعني إيه فاترة مش فاهم فتطوعت جيزيل بشرح الكلمة وهنا رد الرئيس لاهي باردة ولا سخنة !! أنا بوش ده كنت باعرف عيلته من زمان وكنا بنتزاور كعائلات !!! بس نسي يقول إنه كان بيجيب لبوش الصغير شيبسي وحلاوة زمان ياملبن !!

بصراحة استمتعت جدا برشاقة جيزيل خوري في الحوار مش حوار الاسطى أبو باروكة اللي بيقول سيادة الرئيس شعبك بيسألك وكأننا شوية عبيد !!!

وبالطبع لم ينس الرئيس أن يشير إلى صدام بقوله : لو كان صدام عادل في حكمه ماكانش حصل اللي حصل في العراق !! والحمد لله أننا نتجرع العدل كل يوم وكل ساعة وكل دقيقة وكل ثانية وكل فيمتو !!!

ليت أكياس القطن اللي عندنا الذين يطلق عليهن مذيعات أن يشاهدن جيزيل خوري ووقتها سيجدن أن أفضل عمل لهن هو بيع مناديل الكلينكس على إشارات المرور !!!!

تم تعديل 8 أبريل 2006 بواسطة kokowawa1979

[se_ Elsyed]

للأسف نفسي الآمارة بالسوء هاتوديني في داهية ، فكل ما اجول التوبة وانوي ما اسمعش خطاب او تصريح للاخ القائد الا ان تمسُكي بالوهم بيرميني في التهلُكة وتعب الاعصاب

وبالتالي سمعت الحديث كله وياريتني ما سمعته

ميوعة في الاجابات وواحد بيكلم ناس وكإنه جاي من من كوكب اخر وكلام عن الاحزاب السياسية في مصر والحراك السياسي وكله في الهجايص يابا

لكن اهم نقطتين فهمناهم طشاش :

1- عدم نيته لتعيين نائب لانه منصب مالش اي لازمه - ومش عارف ماتكسفش وهو ببقول كده لانه كان في نفس المنصب مع السادات لفترة طويلة

2- الريس الله يطول في عمره طمننا ان مافيش حاجة اسمها توريث وان ده شيء مستبعد تماماً ولكن

خش على الزبدة والبهاريز ياريس

ولكن اختيار الرئيس هايُترك للشعب وكله حسب المادة 76

وتعيش انت يا حاج

يعني جمال هاياخد الكرسي بالتزكية

[kokowawa1979]

بصراحة أخي سي السيد جيزيل خوري وإدارتها للحوار خفف كثير من المعاناه من الإجابات لأنني في بعض الأحيان كنت أشعر إن أبو علاء كان يفاجأ بالسؤال لإنه طول عمره ماتعود على إن السؤال يكون : سيادة الرئيس شعبك وعبيدك بيسألوك !! وطبعا أستاذ النفاق الإعلامي مفيد فوزي كان بيتفنن في المسكنة في السؤال لكن فعلا جيزيل خوري دى حاجة تانية من المقدمات المثقفات بالفعل !!!

باتحسر على مذيعاتنا لما أشوف جيزيل خوري لكن إحقاقا للحق أرى في بعض الأحيان منى الشاذلي تمثل صورة جميله للمذيعة المتألقة لولا مقاطعتها المستمرة للضيوف علشان تحسسنا إنها مثقفة .

وكما قلت أخي السيد يبدو أن أبو علاء في غمرة حماسه نسي أنه كان نائب رئيس جمهورية ولولا أنه كان نائب رئيس جمهورية ماكان أبو علاء رئيسا الآن وماكان أبو علاء هو أبو جمال الرئيس المرتقب وما كان أبو علاء هو جد هيثم جمال اللي أتمنى من ربنا يطول في عمرنا حتى نرى هيثم جمال رئيسا لبلدنا المحبوب مصر أم الدنيا !!!

[Tafshan]

النهار ده ال BBC نقلت من الحوار تصريحات نارية لبسلامته واضح انها كانت الهدف الاساسي من الحوار و هى تخص العراق و قال لا فض فوه :

1- العراق في حالة حرب اهلية و لا يعلم كيف ستصبح دولة مرة اخري

2- القوات الامريكية يجب ان تستمر في العراق كى لا يتفاقم الوضع

3- 65 % من العراقيين شيعة لهم ولاء لايران اكثر من العراق نفسه و اذا خرجت القوات الامريكية سينتشر شرار الحرب الاهلية في باقى المنطقة (دول الخليج)

امسك نمرة 3

طبعاً تصريح عجيب جداً لأنه بيقول :

1- العدو الاساسى الوحيد في المنطقة هو ايران

2- 65 % من العراقيين خونه

3- تمرير لشئ ما يخطط له في المنطقة ممكن يكون ضربة عسكرية لايران ...

مش ناسي زيارة الاخت كونزاليزا - الله يحرقها - و ما تبعها من زيارة مكوكية للرئيس المفدى لدول الخليج ...

السؤال هو : هل هناك ثفقة بين السيد الرئيس و الادارة الامريكية بحيث يصبح لسان تصريحات امريكا في المنطقة و في المقابل تتقبل امريكا (شئ ما :wub: )

[لخبطه]

على طريقة القنوات الغربية في وضع شعار على بعض البرامج

بأنه غير مصرح للأطفال أقل من 12 سنة برؤية هذه المادة فأنا بقترح أن يوضع شعار على كل البرامج اللى بتستضيف الراجل بتاعنا يكون نصها كالتالي

( غير مصرح لمرضى الضغط والسكر و القلب بمشاهدة هذا اللقاء )

[yasovinas]

اكثر شيء صدمني في هذا الخوار هو مقولة ان الخطه تستهدف 6 سنوات

ياا نهار ما لوش ملامح لسه هنستنى ست سنوات :huh:

امس كان في فيلم واقع في احد القنوات اسمه الراجل الذي عطس

خلاصته ان البطل مريض بمرض العطس وهيموت بعد 9 شهور فقام بالضحك على بنت ووعدها بالزواج بعد 9 شهور "حد فهم حاجه :blink: "

[se_ Elsyed]

أكتر حاجة عجبتني وخلتني أفطس من الضوحك

أصل أنا كده أبقى قاعد في أمان الله ومركز ولو إتقالت كلمة معينة في أي حديث حتى لو جاد تلاقي وقع الكملة دي عليه كإنه مفتاح وفتح صندوق الضحك

المذيعة بتقول للاخ القائد : هل تمارس أمريكا أي ضغوطات على مصر لإجراء الإصلاحات ؟

الأخ القائد : إصلاحات إيه ؟ ماحنا من أوائل الدول اللي بدات الإصلاحات .. طب ده أحنا بدانا الإصلاحات تحديداً في مارس 83

أنا سمعت اللجُملة دي وهاتك يا ضحك .. وقلت " على يدي .... وأنا شاهد بعيني دول اللي هايكلهم الدود )

أنا كان عندي ساعتها 11 سنة طفل بريء بشورت وفالنه كت .. مره وأنا ماشي في الشارع بالبسكلته أم 3 عجلات روحت متكعبل في حفرة في الشارع .. إنزعجت وصرخت : في إيه يا جدعان ؟ مين اللي بوظ الشارع كده ؟ قالوا لي أصل الريس بدأ الإصلاحات ... فرحت وقلت أعانك الله سيادة الرئيس القائد الهُمام ...

الريس عارف إن هو بيضحك علينا وبيأكلنا البالوظه .. وإحنا عارفين إن إحنا بناكل باوظة ومستطعمينها وكله بيضحك على كله ..

بيكلم المُذيعة عن الأحزززززززززززاب الموجودة في مصر واللي لازم تنشط نفسها شويه... والوليه بكل براءة بتقول له فين الإحزاب القوية دي .. قالها : كفاية الحزب الوطني .... على طول كده من غير لا لف ولا دوران .

بشرنا الله يبشرة بقانون الطواريء اللي هايتلغي .. بس قبل ما يلغيه راح مديها حته كده أندر تيبل ... ده قانون الطواريء يا ستي موجود من سنة 1923 يـعني مش حاجة جديدة عشان يتكلموا عليها كل شويه ..

وكإننا ياجماعة لو ورثنا بلاعه مفتوحة وكل شويه مبهدله الناس .. يبقى لازم نعبدها طالما وجدنا أباءنا لها عاكفون ...

ومع ذلك في لجنة دلوقت بتدرس قانون بديل وهاتخلص الدراسة مكسيمم خلال سنتين وهانسميه " قانون الإرهاب "

وأختتم كلامي بنكته للمنولجيست حماده سُلطان

بيقولك مره واحد إسمه " شوكت الجعر " ... الراجل كان متضايق قوي من إسمه ... والناس نازله تريقه عليه .... راح غير إسمه وخلاه " شوكت الدُغُف "

[kotoz9]

مش ناسي زيارة الاخت كونزاليزا - الله يحرقها - و ما تبعها من زيارة مكوكية للرئيس المفدى لدول الخليج ...

السؤال هو : هل هناك ثفقة بين السيد الرئيس و الادارة الامريكية بحيث يصبح لسان تصريحات امريكا في المنطقة و في المقابل تتقبل امريكا

ما هى دى الصفقة ........

امال ازاى الرئيس بوش صرح ان المصريين خاضوا انتخابات حرة؟؟

امريكا لا يهمها ديموقراطية ولا مهلبية كل اللى يهمهم مصالحهم وطلما تحققت يبقى خلاص وكل صفقة وانت طيب

[kokowawa1979]

طفشان كتب :

3- 65 % من العراقيين شيعة لهم ولاء لايران اكثر من العراق نفسه و اذا خرجت القوات الامريكية سينتشر شرار الحرب الاهلية في باقى المنطقة (دول الخليج)

وها هو المتحدث باسم رئاسة الجمهورية يقول أن أبو علاء لم يقصد بان العراقيين الشيعة موالون لإيران ولكنهم موالون لإيران أكثر من العراق !!!

وهكذا أراد أبو علاء تكحيلها فعماها !!!

[Sherief AbdelWahab]

عايز الحق ولا ابن عمه:

النقطة اللي تختص بشيعة العراق ، هي الوحيدة اللي عنده حق فيها..واللي يتابع طبيعة العلاقة بين الدين والدولة في إيران ، ومدى قرب التشيع داخل العراق من إيران .. حيلاقي إن الكلام دة صحيح..واسأل عن السيستاني والحكيم وغيرهم.. دول رجال سياسة أكثر منهم رجال دين..وطبيعة فكرهم مضادة لطبيعة الدولة المدنية بشكل عام .. وحتى وإن كان فيه شعارات قومية رنانة بيتشدقوا بيها ، فهي بتختفي تحت الهدف الحقيقي وهو تحويل العراق لدولة دينية على الطريقة الإيرانية (لا سيما وأن بإيران العديد من المراقد والمزارات التي تعتبر ذات قداسة لدى أتباع المذهب الشيعي)..

طبعاً تصريح عجيب جداً لأنه بيقول :

1- العدو الاساسى الوحيد في المنطقة هو ايران

2- 65 % من العراقيين خونه

3- تمرير لشئ ما يخطط له في المنطقة ممكن يكون ضربة عسكرية لايران ...

شوف يا عزيزي الطفشان ، فيه أزمة هوية حقيقية داخل العراق ، وإن الهوية القومية لدى شرائح كبيرة من الشعب العراقي ليست قوية إذا ما قورنت بالهوية المذهبية داخل العراق .. ولو أن هناك استفتاءً لحق تقرير المصير قد أجري لاختار عدد كبير من العراقيين البقاء تحت الحكم الإيراني حتى ولو كانت إيران تحكم ديكتاتورياً بديكتاتور من عينة صدام حسين.. طالما هو على نفس المذهب..

أما حكاية القوات الأمريكية هو أخطأ فيها ، لكن مين جوا العراق أو من جيرانه عايز القوات الأمريكية تمشي .. إيران رغم تصريحاتها النارية إلا إنها ما طالبتش لحد دلوقت صراحةً أو ضمناً بانسحاب القوات الأمريكية من العراق بشكل جدي وصححوني لو أخطأت في دي..(أمال ليه فيه اتصالات سرية أمريكية إيرانية ، وبوساطة بعض رجالة أمريكا في العراق ومن ضمنهم الجلبي؟)

شيعة العراق مع ذلك غير شيعة باكستان ، الذين شاركوا في بناء إحدى أكبر ديمقراطيات العالم الإسلامي وأقدمها بدون شعارات "الثورة" الملالية في إيران..

فيما عدا ذلك .. وبالذات في الشأن الداخلي.. فيه علامات استفهام كبيرة..

خلص الكلام

[Tafshan]

عايز الحق ولا ابن عمه:

النقطة اللي تختص بشيعة العراق ، هي الوحيدة اللي عنده حق فيها..واللي يتابع طبيعة العلاقة بين الدين والدولة في إيران ، ومدى قرب التشيع داخل العراق من إيران .. حيلاقي إن الكلام دة صحيح..واسأل عن السيستاني والحكيم وغيرهم.. دول رجال سياسة أكثر منهم رجال دين..وطبيعة فكرهم مضادة لطبيعة الدولة المدنية بشكل عام .. وحتى وإن كان فيه شعارات قومية رنانة بيتشدقوا بيها ، فهي بتختفي تحت الهدف الحقيقي وهو تحويل العراق لدولة دينية على الطريقة الإيرانية (لا سيما وأن بإيران العديد من المراقد والمزارات التي تعتبر ذات قداسة لدى أتباع المذهب الشيعي)..

طبعاً تصريح عجيب جداً لأنه بيقول :

1- العدو الاساسى الوحيد في المنطقة هو ايران

2- 65 % من العراقيين خونه

3- تمرير لشئ ما يخطط له في المنطقة ممكن يكون ضربة عسكرية لايران ...

شوف يا عزيزي الطفشان ، فيه أزمة هوية حقيقية داخل العراق ، وإن الهوية القومية لدى شرائح كبيرة من الشعب العراقي ليست قوية إذا ما قورنت بالهوية المذهبية داخل العراق .. ولو أن هناك استفتاءً لحق تقرير المصير قد أجري لاختار عدد كبير من العراقيين البقاء تحت الحكم الإيراني حتى ولو كانت إيران تحكم ديكتاتورياً بديكتاتور من عينة صدام حسين.. طالما هو على نفس المذهب..

أما حكاية القوات الأمريكية هو أخطأ فيها ، لكن مين جوا العراق أو من جيرانه عايز القوات الأمريكية تمشي .. إيران رغم تصريحاتها النارية إلا إنها ما طالبتش لحد دلوقت صراحةً أو ضمناً بانسحاب القوات الأمريكية من العراق بشكل جدي وصححوني لو أخطأت في دي..(أمال ليه فيه اتصالات سرية أمريكية إيرانية ، وبوساطة بعض رجالة أمريكا في العراق ومن ضمنهم الجلبي؟)

شيعة العراق مع ذلك غير شيعة باكستان ، الذين شاركوا في بناء إحدى أكبر ديمقراطيات العالم الإسلامي وأقدمها بدون شعارات "الثورة" الملالية في إيران..

فيما عدا ذلك .. وبالذات في الشأن الداخلي.. فيه علامات استفهام كبيرة..

خلص الكلام

انا معك ..و الكلام ده صح ... لكن صح منى و منك ومن صحفى في جريدة او مذيع في التليفزيون .. لكن مش من رئيس دولة المفروض بيتقال عليها محورية و المفروض انها بتستضيف مؤتمرات المصالحة و حاجات من دي .. يعنى هو بالذات مش كل حاجه ممكن يقولها .. دي اول نقطة ..

ثانى نقطة ، التوقيت : ده الوقت مش مفروض في عز الحرب الاهلية في العراق زى ما الكل بيحاول ينكر يرمى الزيت على النار و يقول ان طائفة عراقية معينه خونه

ثالث نقطة ، شايف شارل دي جول حاملة الطائرات الفرنسية في طريقها او وصلت الخليج غير القوات الموجوده فعلاً غير تجارب ايران الصاروخيه غير الشائعات على ضربة نووية على ايران .. و بيساعد انه يهيج المنطقة و يقول ان ايران هى العدو الاول كأنه بيهيئ المنطقة للضربة المنتظرة ...

يا عم شريف انا معاك انه بيتكلم صح .. بس بكام :angry: