كيف تعرف انك تسير في احد شوارع القاهره

[yasovinas]

اجمل ما في هذه المواضيع انك بتنكش فيها خلق الله وخليهم يخرجوا اللي في قلوبهم

يا ساتشير يا رب دا انتو قلوبكم معبيه :o

[Cleo]

اجمل ما في هذه المواضيع انك بتنكش فيها خلق الله وخليهم يخرجوا اللي في قلوبهم

يا ساتشير يا رب دا انتو قلوبكم معبيه :o

عقلى الباطن: أنا مش فاهمة الاسكندرانية يشاركوا فى الموضوع ده بصفة ايه؟؟ mfb:

[yasovinas]

عقلى الباطن: أنا مش فاهمة

مش ايه :P ضحكتيني يا شيخه

الاسكندرانية يشاركوا فى الموضوع ده بصفة ايه؟؟

كفاية عنصرية بقى يا هانم انت :angry2: وبعدين بقى :angry2: طيب ورحمة خالتي نزاكة اهفك شكوى :o وانا وعصام صحاب :angry2: اخلية يقوم رامي عليكي اليمين؛؛؛؛؛ قصدي الانذار mfb:

[ATHENA]

لما تكون ماشي في أمان الله و تلاقي عيلة قطط القطة فيهم تحس إن وشها بينطق من الشقا اللي شافته في حياتها و مكعبر و تخين و متشرط و تبصلك بعقل كأن الدنيا ورتها الهوايل...

.[/size]

[se_ Elsyed]

- عندما تضطر إلى النشفان في الشارع بعربيتك لأكثر من 5 ساعات ، وساعات بيبقى في شهر رمضان وإنت مزنوق زنقة ما يعلم بها إلا ربنا .. وبعدين تزهق وتسأل : هو في إيه ؟ : يقولك .. لأ أبداً أصل الريس معدي بُكره والحرس الوطني قافل الطريق .. نوع من التأمين ... يبقى أنت أكيد في مصر الفرعونية .

- عندما تتبع أبسط قواعد المرور في العالم وهو إنارة الضوء الخافت لسيارتك ليلاً وتجد واحد جاي من الناحية المعاكسة ويقولك : إقفل النور يا حمار .. إنت فاكر نفسك ماشي في الصحرا ... يبقى أنت أكيد في مصر .

- عندما تجد شاباً صغيراً يُمسك عجوزاً في يده ويشاور للسيارات في الطريق لتقف ليعبر بها إلى بر الأمان ... يبقى أنت أكيد في مصر .. لو في دولة تانية الست العجوزة دي بتتهرس في ثواني ومالهاش ديه .

- عندما تجد سيارة تصعد الكوبري في الإتجاة المُعاكس ... يبقى أنت أكيد في مصر .

- عندما تمشي في الطريق الصحيح .. وتشك في نفسك لما تلاقي واحد ماشي عكس الإتجاه وينور لك النو رالعالي ويقولك : وسع يا حيوان .. يبقى أنت أكيد في يمصر .

- عندما تقف في إشارة حمرا في وسط قلب القاهرة وقرب القصر الرئاسي بروكسي وتجد سيل من السيارات بيزمرولك وبيشتموك بفم رجل واحد .. وبكلمة واحده : واقف ليه يا حمار ؟ .. إنت مش شايف الإشارة حمرا .. آه والله ... يبقى أنت أكيد في مصر .

- عندما تُفكر بحرق عربيتك بجاز لإنك دايخ السبع دوخات في وسط البلد ومش لاقي حتة تركن فيها .. يبقى أنت أكيد في مصر .

- عندما تجد كل بلطجي شاري له رصيف بيع وشرا ومسجلة كمان في الشهر العقاري وشغال مُنادي سيارات والساعة بجنية والحسابة بتحسب ... يبقى أنت أكيد في مصر .

- عندما تسير عشرات الكيلومترات في شارع حيوي فلا تجد خيال رجل مرور ... يبقى أنت أكيد في مصر .

- عندما تجد مئات الشوارع لم تتشرف من قبل ولا بعد بوجود عسكري مرور يُنظم السير فيها .. يبقى أنت أكيد في مصر .

- عندما يتقطع قلبك من منظر عسكري مرور كبير في السن واقف في عز الشمس وعمال يشم أول أُكسيد الكربون لما بقى جزء من مكونات جسمه ... يبقى أنت أكيد في مصر .

- عندما تذهب إلى إي إدارة تراخيص وتجد الناس يموتون من الحر والتكييف الوحيد يوجد في مكتب سعادة الظابط .. يبقى أنت أكيد في مصر .

- عندما تجد حادثة في الطريق وسيارتين متهشمتين ومع ذلك كل واحد يدور عربيته ويتجه لحال سبيله بدون كلمة .. يبقى أنت أكيد في مصر .

- عندما تجد السيارات النقل والأتوبيسات عندها إنفصام في الشخصية وفاكره نفسها موتوسيكلات وماشية بأقصى سُرعة وبتعمل غُرز في الشارع .. يبقى أنت أكيد في مصر .

- عندما تجد ميكروباظ واخد صيدلية في شارع26 يوليو بالحضن للمرة الرابعة خلال شهور قليلة ومحطمها تماماً .. يبقى أنت أكيد في مصر .

[عطر]

تسدئوا ان الموضوع رغم انه كوميدي وضحكت على بعض الردود

الا انها من باب هم يبكي وهم يضحك وده بأة الهم اللي يضحك لأن لو ماضحكناش على خبيتنا اكيد بنطق ونموت

المهم نيجي للموضوع

- لما الشارع يبقى لسة مسفلتينه وفرحانين به مفيش كم يوم الا وتلايئهم حفرين فيه تاني ويئولوا لك اصل كان محفور قبل كدة علشان الكهربا دلوئتي بنحفر علشان التلفونات

- لما المطر يجي بخيره وتلائي العربيات ماشية في الشوارع ونصها غطس في المية علشان مفيش بلاعات تتحمل السيول دي ، ماهي يعني كلها كم يوم بتمطر فيهم مش قادرين تستحملوا الشوارع فيها :huh:

- لما الشارع يبقى متخطط والخطوط واضحة وتلائي العربيات ماشية على الخط كأنهم خايفين يتوهوا وهو دليلهم :unsure:

- لما تقف ساعة في الشارع من الزحمة والعربيات ماشية خطوة خطوة وفجأة تلائي الشارع فتح والعربيات مشيت أتاري مكروباص ولا اتوبيس كان واقف بالعرض يركب الناس

- لما تلائي عربية فيها شوية عيال روشة ماشين مدلدلين نفسهم وسادين الشارع علشان يعاكسوا مزة ماشية على الرصيف

- لما تلائي 5 ولا 6 عربيات متزوئة بالورد ومعلئين على الكلاكس وسادين الشارع بيزفزا عروسة وعريس ومش مهم الناس التانية تولع حتى لو فيه عربية إسعاف فيها واحد بينزف لحد الموت :angry2:

- لما العربيات كلها تمشى على سرعة 130 و140 في الدائري ولا المحور وفجأة تلائيهم هدوا علشان العربيات الناحية التانية بتئلبلهم تحذرهم من رادار :huh:

- لما تلائي شوية عيال وافقين حينتحروا في وسط الشارع علشان يرموا جو عربيتك اعلان عن محل ولا مطعم جديد وتلائي الشارع كله مبدور الإعلانات دي لأن العربيات بترجع ترميهم تاني

تم تعديل 14 أبريل 2006 بواسطة عطر

[se_ Elsyed]

- لما تلاقي شارع عمومي مسدود من الناحيتين وتسأل ببلاهه : هو في إيه يا جدعان ؟ يقولولك أصل المعلم فلان عامل فرح إبنه النهاردة .. عقبال الحبايب ... ما تنساش تيجي .. شعبولا هاييحي الفرح بصحبة العديد من راقصات شارع محمد علي .. قصدي محمد باشا علي ... يبقى أنت أكيد في مصر .

- لما تلاقي شارع عرضة 60 متر وفجأة وبقدرة قادر تلاقية تقلص وتقوقع وتحور ليصبح 10 متر بعد أن أستولى عليه عضو مجلس محلي أو عضو مجلس شعب وعمله موقف سيارات رسمي .. يبقى أنت أكيد في مصر .

[Cleo]

- عندما تضطر إلى النشفان في الشارع بعربيتك لأكثر من 5 ساعات ، وساعات بيبقى في شهر رمضان وإنت مزنوق زنقة ما يعلم بها إلا ربنا .. وبعدين تزهق وتسأل : هو في إيه ؟ : يقولك .. لأ أبداً أصل الريس معدي بُكره والحرس الوطني قافل الطريق .. نوع من التأمين ... يبقى أنت أكيد في مصر الفرعونية .

- عندما تتبع أبسط قواعد المرور في العالم وهو إنارة الضوء الخافت لسيارتك ليلاً وتجد واحد جاي من الناحية المعاكسة ويقولك : إقفل النور يا حمار .. إنت فاكر نفسك ماشي في الصحرا ... يبقى أنت أكيد في مصر .

- عندما تجد شاباً صغيراً يُمسك عجوزاً في يده ويشاور للسيارات في الطريق لتقف ليعبر بها إلى بر الأمان ... يبقى أنت أكيد في مصر .. لو في دولة تانية الست العجوزة دي بتتهرس في ثواني ومالهاش ديه .

- عندما تجد سيارة تصعد الكوبري في الإتجاة المُعاكس ... يبقى أنت أكيد في مصر .

- عندما تمشي في الطريق الصحيح .. وتشك في نفسك لما تلاقي واحد ماشي عكس الإتجاه وينور لك النو رالعالي ويقولك : وسع يا حيوان .. يبقى أنت أكيد في يمصر .

- عندما تقف في إشارة حمرا في وسط قلب القاهرة وقرب القصر الرئاسي بروكسي وتجد سيل من السيارات بيزمرولك وبيشتموك بفم رجل واحد .. وبكلمة واحده : واقف ليه يا حمار ؟ .. إنت مش شايف الإشارة حمرا .. آه والله ... يبقى أنت أكيد في مصر .

- عندما تُفكر بحرق عربيتك بجاز لإنك دايخ السبع دوخات في وسط البلد ومش لاقي حتة تركن فيها .. يبقى أنت أكيد في مصر .

- عندما تجد كل بلطجي شاري له رصيف بيع وشرا ومسجلة كمان في الشهر العقاري وشغال مُنادي سيارات والساعة بجنية والحسابة بتحسب ... يبقى أنت أكيد في مصر .

- عندما تسير عشرات الكيلومترات في شارع حيوي فلا تجد خيال رجل مرور ... يبقى أنت أكيد في مصر .

- عندما تجد مئات الشوارع لم تتشرف من قبل ولا بعد بوجود عسكري مرور يُنظم السير فيها .. يبقى أنت أكيد في مصر .

- عندما يتقطع قلبك من منظر عسكري مرور كبير في السن واقف في عز الشمس وعمال يشم أول أُكسيد الكربون لما بقى جزء من مكونات جسمه ... يبقى أنت أكيد في مصر .

- عندما تذهب إلى إي إدارة تراخيص وتجد الناس يموتون من الحر والتكييف الوحيد يوجد في مكتب سعادة الظابط .. يبقى أنت أكيد في مصر .

- عندما تجد حادثة في الطريق وسيارتين متهشمتين ومع ذلك كل واحد يدور عربيته ويتجه لحال سبيله بدون كلمة .. يبقى أنت أكيد في مصر .

- عندما تجد السيارات النقل والأتوبيسات عندها إنفصام في الشخصية وفاكره نفسها موتوسيكلات وماشية بأقصى سُرعة وبتعمل غُرز في الشارع .. يبقى أنت أكيد في مصر .

- عندما تجد ميكروباظ واخد صيدلية في شارع26 يوليو بالحضن للمرة الرابعة خلال شهور قليلة ومحطمها تماماً .. يبقى أنت أكيد في مصر .

سى السيد...

تحية كبيرة جدا جدا جدا لأنك أثبتلى إنك مصراوى أصيييييييييييييييييييييييييييييييييييييل......

بس كله كوم وبتاعت اللى ماشى فى الصحرا و بتاعت إشارة روكسى كوم تانى... لأن الموقفين دول تقريبا يوميا أتشتم فيهم :blush:

- لما العربيات كلها تمشى على سرعة 130 و140 في الدائري ولا المحور وفجأة تلائيهم هدوا علشان العربيات الناحية التانية بتئلبلهم تحذرهم من رادار

عطر... إنتى بتمشى ورايا عالدائرى؟؟ :blink:

[Blue_mind]

عندما تداهمك نوبة صداع نصفي وانت خارج المنزل وتضطر للجلوس على الارض واضعا راسك بين ركبتيك من شدة الالم والغثيان ...فتجد من كان يسير خلفك ينحني عليك ليسألك مالك ؟ محتاج حاجة؟ ,, او تجد صاحب محل يخرج لك كرسي لتجلس عليه ويعرض عليك كوباية عصير ...

يبقى انت اكيد في شوارع مصر

تم تعديل 19 أبريل 2006 بواسطة Blue_mind

[Cleo]

لما تنام وانت سايق وتيجى فى إشارة أصغر رتبة فيها رائد :lol: وتخبط العربية اللى قدامك.. ويجرى عليك صاحب العربية اللى انت خبطتها يقولك "مافيش حاجة يا إبنى حصل خير اركب عربيتك و شوف طريقك... ماتخافش ماحصلش حاجة" وتركبوا انتو الاتنين عربياتكم و تمشوا قبل ما الرتب الكبيرة تيجى تهيصلها فى المشهد الدرامى ده شوية...

تبقى انت أكيد فى مصر :lol:

[abdo_bek]

عندما تجد شرطه المرافق تطارد الغلابه فى الاسواق وتترك الحيتان فانت فى مصر

عندما تجد راكب عربيه فخمه يمسح وجهه بالمنديل ويلقيه من شباك العربيه فانت فى مصر

عندما تجد عليك مخالفات بالمئات وعندما تعترض تحول لنيا به المرور اوتوماتيك لتخفيض الغرامه فانت فى مصر

عندما تجد الالاف المصلين فى المساجد للصلاة واثنين فى الشارع يسبون الدين فانت فى مصر

عندما تريد الحصول على ابسط حقوقك فى اى شىء فلا بد من الواسطه فانت فى مصر

عندما يجلس على كرسى الحكم انسان من العامه ثم يتحول لفرعون لا يناقش فانت فى مصر

عندما تجد حول كل مسؤول شله منافقين فانت فى مصر

عندما تجد قمه الفسا د وقمه الالتزام فى مجتمع واحد فانت فى مصر

عندما تحتك باحد ما ويقولك انت مش عارف انا ابن مين تبقى انت فى مصر

عندما تجد اى رجل يريد الزواج مرة اخرى لظروفه الخاصه تجد الجميع ينظر له وكأنه اجرم فانت فى مصر

[ocha]

يا ساتر كل ده شيلينه فى قلبكم لاه كده ان شاء الله كل حاجه هتتصلح طبعا احنا مش هنلحق لا احنا ولا اولاد اولدنا نشوف التصليح ده بس اكيد هيحصل هم بيقولو كده خلى عندكم امل بعيدددددددددددددددددددد المدى

[ATHENA]

لما تكون في منطقة نضيفة و تلاقي كلب شرس ضخم إبن ناس واقف عند عمارة..تقول في عقل بالك محدش هيسيبه مربوط كده أكيد هي سبوبة يعني و لا شارع أبوهم.....و تواصل مشيك مطمن كرير العين و بعد كام خطوة تلاقي الكلب طالع يتسرمح و جاي ناحيتك و مش مربوط و بيزمجر وتعرف في كرارة نفسك عارف إنك هتخرج بعاهه مستديمة أو طرف متاكل اليوم ده و إن الجماعة إستولوا على الشارع ده بكلبهم ...و تعرف إن النهار ده ملوش ملامح و ستر ربنا هو اللي يعدي اليوم :unsure:

لما تنزل تجيب حاجه بالليل و تسمح صوت خناقة كلاب محترمة ... تعمل مش واخد بالك لأنك مش كل مرة يعني هترجع البيت مرعوب و تعطل مصالح الخلق عشان الكلاب محتلة الشارع...المهم تواصل مشوارك و تفاجئ بقرب الأصوات و الزمجرة و تحس إنها مجزرة كلاب..و يا سلام بقه لو إنت ساكن في منطقة هادية جدا و ضلما و مفيهاش ناس كتير...و تتعطل مصالحك كل مرة كده عشان الكلاب المتنطورة في الشارع..

لما تروح السوق تجيب الخضار و تلاقي مارر عليك كلب منظره زي الشحاتيين و على وشه ملامح الغلب و أعور و متشرط و بياكل خضار تبقى أنت أكيد أكيد في مصر :blink:

لما تكون جاي من بره و تلاقي الكلاب المسعورة و غير المسعورة منطورة في كل حته و الكل مستغرب خوفك و بيديك دروس في التعامل مع كلب اشارع و توصل لدرجة إن البعض يطمنك إن كلاب شوارع مصر طيبة و لا بتهش و لا بتنش :blink:

مين اللي فتح الموضوع ده و قلب المواجع:huh:

تم تعديل 19 أبريل 2006 بواسطة ATHENA

[yasovinas]

اتينا قطعتي قلبي يا بنتي

دا انت عندك مشاكل نفساوية كتير قوي يا بنتي ايه حكايتك انت كل مشاكلك مع الكلاب ايه من باب انك صغيرة ومطقطه وكده يعني

انا بس مش فاهم يعني مصر حلوة قوي قوي وما فيش فيها وحش غير الكلاب الضاله

طيب ايه رايك بقى تعالي اسكندرية ما عندناش كلاب كتير

[ATHENA]

طيب ايه رايك بقى تعالي اسكندرية ما عندناش كلاب كتير

إنت بتقول فيها....

اجي و اجي و اجي لو الموضوع خالي كلاب :unsure:

:blink: :blink: