الاسكندرانيه ؛؛؛؛ اجمع هنا بالخطوة السريعه

[أبو محمد]

ياسو

إنت بتجيب الصور دى من أنهى منجم .. مش بعيد بعد كام يوم تطلع علينا باكتشاف قبر الاسكندر الأكبر :angry2:

[yasovinas]

ميدان محمد على باشا وتمثالة في وسط حديقة الميدان

خريطة لمنطقة المنشية

رقم 1 ميدان محمد عليه (ميدان التحرير)

2 تكثال محمد على

3 ميدان عرابي

4 قر الجندي المجهول

5 قصر القطن (جامعة سنجور)

كملوا الباقي انتوا

مكتبة الاهرام تقاطع شارع النبي دانيال مع شارع فؤاد

الكورنيش عند منطقة السلسلة زمان

الكرنيش عند منطقة زيزنيا

الكورنيش في محطة الرمل سنة 1932 ويظهر فندق سيسل اول بناية على الكورنيش

[Cleo]

عزيزى ياسو

أحب أقولك حاجة عن المبنى العظيم ده ..فيورصة الاسكندرية هى أول بورصة فى العالم العربى .. أنشئت عام 1883 وبعدها بسبع سنوات أنشئت بورصة القاهرة .. وتبعتها بورصات فى النصف الأول من القرن العشرين فى لبنان والمغرب وتونس والسودان .. أما دول الخليج العربى فلم تكن بها أى بورصة حتى طفرة النفط عام 1973

ولو... برضه قعدتوا 150 سنة معدومى الأوبرا :angry2:

لأ حقيقى أظن إن اختيار الإسكندرية لإنشاء أول بورصة فى المنطقة يرجع لتمركز عدد كبير من الأجانب بها من الحاصلين على الامتيازات الأجنبية التى ميزهم بها الاحتلال عن أبناء الوطن، فكانوا الأقدر على امتلاك الأراضى و المتاجرة بالمحاصيل المختلفة، كما أنهم كانوا أكثر وعيا بالمعاملات المصرفية و البورصة ...

تم تعديل 13 أبريل 2006 بواسطة Cleo

[yasovinas]

البورصه زمااان كانت في الاساس هي بورصة القطن اللي كان المنتج الرئيسي لمصر وكان اغلبة يتم تصديرة الى الخارج من ميناء الاسكندرية وكانت البورصه في اغلبها تعتمد على القطن وتجارته لذلك كانت في الاسكندرية وايضا التي كانت تعتبر مركز الخواجلات في مصر المحروسه

ندخل بقى على مكان اكيد اكيد عمنا ابو محمد هيكون له فيه زكريات ومغامرات لان انا شخصيا كانت لي فيه ذكريات ومغامرات

فندق سان استيفانو الله يرحمه

انا اشتغلت لمدة سنتين في فندق سان استيفانوا وشاطئة الخاص وتعرفت على عالم النوبيين من خلال هذه الفترة ومن بعدها مع ابناء النوبة العاملين في فندق متروبوليتان بمحطة الرمل اياااام

تم تعديل 13 أبريل 2006 بواسطة yasovinas

[الاسكندرنى]

ايووووههههههه يا جدعان يعنى علشان اشتغلنا يومين تفتحوا موضوع ده من ورايه

ماشى يا ولاد بلدى :angry2:

عموما الصوره عشره على عشرة و فكرتنا باحلى اسكندريه فى العالم

طيب حد يعرف يتكلم لغه السواحليه الاسكندرنيه القديمه بتاعت_ ايوه_ و الكلام كله بصيغه الجمع _حنروحوا _

على الناصيه

يعنى لو حد يعرف يورينا شطارته

[Cleo]

ايووووههههههه يا جدعان يعنى علشان اشتغلنا يومين تفتحوا موضوع ده من ورايه

ماشى يا ولاد بلدى :angry2:

عموما الصوره عشره على عشرة و فكرتنا باحلى اسكندريه فى العالم

طيب حد يعرف يتكلم لغه السواحليه الاسكندرنيه القديمه بتاعت_ ايوه_ و الكلام كله بصيغه الجمع _حنروحوا _

على الناصيه

يعنى لو حد يعرف يورينا شطارته

تحب نسمعوك ايه؟ :huh:

[yasovinas]

هي اسمها على الإمه مش على الناصية على الناصيه دي والعياذ بالله مصراوي وبيئة قوي

شوف يا ابو احمد اني امبارح كنت في البياصه عند الوله حمو بتاع الهريسة اللي فاتح على إمة قهوة فاروق قابلت هناك الواد حوده شالته رايح فين قال احنا هنوصلوا لغاية بحري عند الولا مني في قهوة خبيني ويادوب ناخوا الترام على طول نوصلوا راس التين عند قدورة نجيبوة شروة دنيس ونرجعوا بسرعه نعملوا حباش الطحينة وحبة رز احمر ونتغدوا بالهنا والشفا

خد دول بقى يا اسكندراني

سوق كليوباترا "شارع بوباستس"

بامية زيرو وورق عنب كمان سوق كليوباترا

بصل احمر الكيلو بخمسة جني يا بلاش سوق كليوباترا

كيلو الليمون بجني ونص وعمار يا مصر (زمان كنا بنقول العدد في الليمون) سوق كليوباترا

كليو مش اخنا قلنالك ما تجيش هنا تاني طيب ورحمة خالتي نزاكه لنصلطوا عليكي ام الكنى تخطفك

[Cleo]

البورصه زمااان كانت في الاساس هي بورصة القطن اللي كان المنتج الرئيسي لمصر وكان اغلبة يتم تصديرة الى الخارج من ميناء الاسكندرية وكانت البورصه في اغلبها تعتمد على القطن وتجارته لذلك كانت في

ده لأن فترة الاحتلال الانجليز احتكروا تجارة و صناعة القطن.. يعنى المصرى كان فلاح خرسيس إزرع قطن خواجة إشترى..

وده تسبب فى خسائر فادحة للمصريين لأن الانجليز كانوا طبعا بحق ان هم المحتكرين كانوا يشتروا القطن بأبخس الأثمان و يبيعوها برة و يصنعوها ويرجعوا يبيعوها تانى بأثمان غالية..

وطبعا بما إن الإسكندرية هى الميناء الرئيسى فى مصر ومع كثافة وجود الاجانب فيها كان من الطبيعى أن تكون بورصة القطن فيها

[yasovinas]

حبة سوداني ولب علشان خاطر الغالية ياشو من قدام السلسله على الكورنيش

ومن تحت بيتنا في سيدي جابر كوز بطاطا مشوي ومعسسسسسله قوي يا بطااااااااطا للغالي ابو محمد

وحبة ترمس وفول بالشطه للغالية روح الشرق بنت اسكندرية الجدعه من عربية في الورديان واقفه قدام ورشة سيد سكو الحداد بتاع الفيرفورجية

[yacho]

حبة سوداني ولب علشان خاطر الغالية ياشو من قدام السلسله على الكورنيش

ومن تحت بيتنا في سيدي جابر كوز بطاطا مشوي ومعسسسسسله قوي يا بطااااااااطا للغالي ابو محمد

وحبة ترمس وفول بالشطه للغالية روح الشرق بنت اسكندرية الجدعه من عربية في الورديان واقفه قدام ورشة سيد سكو الحداد بتاع الفيرفورجية

مش ممكن .. انت عرفت منين انى بموت فالسلسه والوقفه عندها واكل الدره المشوى ..

والتين الشوكى .. وبتوع الازاله .. :angry: ياللا عالسكه .. الله يحرقهم

ميرسى يا ياسو على صورك الجميله ;)

[yasovinas]

العفو يا افندم والله لو كنت اعرف كنت قلبتها درة مشوي او تين شوكي بس يللا زي ما بيقولوا الجوده في الموجوده

واقروا الفاتحة لابوا العباس يا اسكندري يا اجدع ناس

مسجد سيدي العارف بالله المرسي ابو العباس من الداخل

صورة المسجد من البحر سنة 1946

والفاتحة التانيى لابو الدردار ،،،،،، واللي يعدينا يولع نار

والفاتحة التالته لسيدي ياقوت واللي يعادينا يطق يموت

ودي صورة لجامع القائد ابراهيم مقر الراحل الشيخ محمود المحلاوي رحمة الله عليه

[عبدوس الوزير]

خد عندك يا ياسو حاكم انتا عزيز علينا. وبالمرة دور على بيتك في الصور دي.

المنتزه (أو جزء منه)

http://maps.google.com/maps?f=q&hl=en&q=ca...004346,0.010815

سان ستيفانو الجديد (أثناء البناء)

http://maps.google.com/maps?f=q&hl=en&q=ca...002174,0.005407

كوبري ستانلي

http://maps.google.com/maps?f=q&hl=en&q=ca...004348,0.010815

قلعة قايتباي

http://maps.google.com/maps?f=q&hl=en&q=ca...002175,0.005407

مكتبة الإسكندرية

http://maps.google.com/maps?f=q&hl=en&q=ca...002175,0.005407

[yasovinas]

والله ما جصرت (ولا طولت ) ;) عم عبدوس يا وزير :o

خالتي نزاكه الله يرحمها باعته بتسلم عليك قوي وبتشكرك ايوما استشكار وبتقول لك التصاوير اللي فوق دي بتجيب خريطة امريكا بعيد عنا وعن السامعين وهي يعني انبسطت قوي من تعبك معانا بس هي بتقول لك مشكرين قوي وواجبك وصل يا ذوق :angry:

اللي بعدة

[عبدوس الوزير]

لا صحيح!

لا مؤاخذه يابني، العتب على الكوبي بيست

آهي اللنكات المضبوطة

المنتزه

http://maps.google.com/maps?f=q&hl=en&q=ca...004346,0.010815

سان ستيفانو

http://maps.google.com/maps?f=q&hl=en&q=ca...002174,0.005407

ستانلي

http://maps.google.com/maps?f=q&hl=en&q=ca...004348,0.010815

قايتباي

http://maps.google.com/maps?f=q&hl=en&q=ca...002175,0.005407

المكتبة

http://maps.google.com/maps?f=q&hl=en&q=ca...002175,0.005407

المزيد هنا:

http://www.egyptiantalks.org/invb/index.php?showtopic=19778

سلام.

[عبدوس الوزير]

محطة مصر

http://maps.google.com/maps?f=q&hl=en&q=ca...0.0087,0.021629

راس التين

http://maps.google.com/maps?f=q&hl=en&q=ca...0.0087,0.021629

[yasovinas]

شاطيء استانلي زمان يعني في التسعينات

شاطيء استانلي في الستينات لما كنت الناس يتروح البلاج بالبدلة البيضا والبرنيطه

اقدم صورة لشاطيء استانلي في العالم كله

[هادي]

عزيزي ياسو

بما انك خبير اسكندراني

وخبير في صور اسكندرية القديمة

خد بايدي الاهي يسترك

وقول لي ..

الصورة دي من فين في اسكندرية ؟!!!!

انا امتحنك معاذ الله

أنا نفسي مش عارف

وده مجرد سؤال والله

ودي كمان

تخيل ان دي هي المنشية (قصر محمد علي باشا)

وعلى العموم المزيد من صور اسكندرية القديمة

تجدها هنا

http://www-sira.montaigne.u-bordeaux.fr/visual/index.html

تحياتي

عزيزي ياسو

بما انك خبير اسكندراني

وخبير في صور اسكندرية القديمة

خد بايدي الاهي يسترك

وقول لي ..

الصورة دي من فين في اسكندرية ؟!!!!

انا لا امتحنك معاذ الله

أنا نفسي مش عارف

وده مجرد سؤال والله

ودي كمان

تخيل ان دي هي المنشية (قصر محمد علي باشا)

وعلى العموم المزيد من صور اسكندرية القديمة

تجدها هنا

http://www-sira.montaigne.u-bordeaux.fr/visual/index.html

تحياتي

[Farida]

مافيش صور للقبارى زمان .....امى و ابويا كانوا زماااااااااان عايشين فى القبارى و فيه هناك شارع باسم جدى لأمى و بيت جدى لأبويا كان 3 كاتات بقى مدرسه ثانوى دلوقتى ........-تعرفوا ان كات دى كلمة تركى -

[أبو محمد]

مافيش صور للقبارى زمان .....امى و ابويا كانوا زماااااااااان عايشين فى القبارى و فيه هناك شارع باسم جدى لأمى و بيت جدى لأبويا كان 3 كاتات بقى مدرسه ثانوى دلوقتى ........-تعرفوا ان كات دى كلمة تركى -

مرحب ياجيهة ... (يعنى بنت الحتة بالمصراوى) .. شي لله ياسيدى القبارى .. ده ياستى مسقط رأسى .. وكنا نسكن فى شارع مسجد القبارى .. اللى دلوقت اتبنى بطوله كوبرى يوصل بين باب 27 (عند طابية صالح) والطريق السريع .... إييييييه أيام

[yasovinas]

ممكن نقول كمان وكمان

صور حديثة موديل 2006

شاطيء الشاطبي بعد ا تم القضاء عليه واصبح يادوب طبليه اسمنت عليها كام كرسي وكام شمسية