هل يتحمل قاسم امين ذنب هذة الامة

nancy · 11 أبريل 2006

انا خلصت شغلى وفضيت نرد بقى

الست الى بتقعد فى البيت منكرش بيكون عندها نشاط عضلى بس كتير جدا منهم بيكون عندها كسل عقلى بمعنى انها لا تستطيع ان تقيم العالم الخارجى وهى غير محتكة بية تركيز اهتمامها كلة مذاكرة الولاد الطبيخ والغسيل فهى كل الى يلفت نظرها سعر الخضار وتمن السكر يعنى مجال اهتمامها

وعلى فكرة انا كلامى دة مش من الهوا انا بنت سيدة عاملة يعنى كنا فى بيت منظم اتعلمنا منها ان البيت دة خلية نحل مش واحدة مطحونة وناس بتشغلها وهم مرتاحين الام الى بتشتغل بيكون ولادها عندهم استعداد لتحمل جزء من المسؤلية

هى بيكون عندها حوار موضوعى عن عملها عن تفهم لعمل وتعب الزوج واحساس بما يدور فى الحياة

وبعدين ان الست تقعد فى البيت دة هدم ليها مش صيانة

وبصراحة مش الست هى الى حتحل مشكلة البطالة

هو اية الافكار الغريبة دى حبة نسمع من ناس تقول ان عمل الست مش مهم والبيت اهم والبيت بيصونها وكلام كدة

وحبة نسمع ان الراجل لية ميتجوزش تانى علشان يحل مشكلة العنوسة هى الست تحل مشاكل على حساب نفسها والراجل يحل المشاكل لمتعتة الشخصية

من الاخر عمل الست ضرورى ومهم والى غير مقتنع دى مشكلتة ولما تبقى بنته تتخرج من طب وهندسة يبقى يجوزها لحد يستتها وسعتها حايقول يارتها ماتعلمت كل السنين دى وحيغير راية من واقع مشكلتة الى حيعشها بسبب اراءة الى اسفة جدا انى اسميها رجعيييييييييييييييييه

yasovinas · 12 أبريل 2006

الافكار ليست رجعيه يا باشمهندسة ولكن حضرتك نظرتي للقضيه من جانب بسيط جدا ممكن ان يكون له حل عملي وهو التثقيف الذاتي والافتاح على العالم وهي امور اصبحت من اسهل ما يمكن بكبسة زر وكما قلت من البدايه ان فرضيه او نقطه تعليم المرأة امر اساسي ولا نقاش عليه

ولكن ما هو ردك على ما يحدث من اهدار لكرامة المرأة في المواصلات وفي اماكن العمل وفي التعب الذي ياتي بعد العمل وما ردك على متابعة تعليم الابناء والحد من الدروس الخصوصيه ايضا التهوين من فرضيه حل مشكله البطاله يعد جلوس النساء في بيوتها امر مغلوط فبحسبة بسيطه سوف تجدين ان 40% من فرص العمل في مصر المحروسه تشغلها النساء وما ردك على عدم الانتباه للابناء لان الاب مشغول في عمله والام مشغوله في عملها ومن بعد العمل البيت وكل هذه المسؤليات التي تتحملها المرأة العامله فوق دماغها وطبعا كل انسان وله طاقه ولا يمكن ان نطلب منها فوق طاقتها

وكما نرى ونسمع عند حدوث اي مشكله بين الزوج والزوجه بخصوص اي تقصير او اهمال في البيت او الحياه الزوجيه عموما فان اول كلمه تنطق بها الزوجه (ايييه ما انا بشتغل وطالع عيني زيك وكمان عايزني اعمل شغل البيت واتابع الاولاد اجيب صحه منين واجيب وقت منين ارحموني شويه الرحمه حلوه ) اتحدى اي زوجه عامله لم تصدر هذه الجمله من فمها من قبل لزوجها او لاولادها

واقول لها يا سيدتي اجمل واجل درجات الرحمه هي ان تقري في بيتك

تحياتي

nancy · 12 أبريل 2006

مش عرفة معلش متزعلش منى هو مفيش حد غيرك بيرد لية انت حاطط نفسك على شريط القطار لية بس

خلاص عرفنا انك بتفكر بطريقة مختلفة عن كل الناس بس برضة الست حتفضل ديما عندها القدرة على ادارة الامور بشكل افضل رغم كل ضغوطها والبيت مش للست ابببببببببببببببببببببدا

ناصر الملك و الملكية · 12 أبريل 2006

- هل انت مع أم ضد افكار قاسم امين لتحرير المرأه ؟

ليست عندي أدني فكرة عن ما هي أفكار قاسم أمين لكن بكل تأكيد , أنا مع تحرير المرأة

من واقع ما تراه الان هل كنت تتمني أن تري صورة المراه المصرية و العربية في عام 2006 هي نفسها صورة المراة في عام 1899 عندما بدأ قاسم امين دعوتة ؟

:P عصر سي السيد ؟ الحمد لله أنني لم أولد في هذا العصر و لا أظن أن هناك من يتمني أن يعود ذلك العصر الذي ساده الجهل و التخلف

ما هي في رايك الضوابط التي يجب ان تفرض علي حرية المرأه ؟

نفس الضوابط التي تفرض علي الرجل

هل حرية المرأه في رايك خلفت اثارها السلبية علي حرية الرجل ؟

لا

هل من اصبح يفقد حقوقة وحريتة في المجتمع هو الرجل وليس المراة ؟

بالطبع لا

هل تعتقد ان المرأه من الممكن ان تحصل علي حريتها المطلقة في كل شيء و في نفس الوقت تحافظ علي طبيعتها كإمرأه ؟

نعم

- هل تفقد المرأه رقتها و أونوثتها كلما ذات حريتها ؟

بالعكس كلما زادت حرية المرأة زادت رقتها و أنوثتها و كلما ضيقنا الخناق عليها ستزداد غلظة

- هل تري ان حرية المرأه هي من اهم مشكلات المجتمع المصري ؟

هي مشكلة هامة و لكنها ليست الأهم

هل قاسم امين يتحمل ذنب هذة الامة ؟؟؟؟؟

لا أدري ما هو ذنب هذه الأمة .

yasovinas · 12 أبريل 2006

مش عرفة معلش متزعلش منى هو مفيش حد غيرك بيرد لية انت حاطط نفسك على شريط القطار لية بس
خلاص عرفنا انك بتفكر بطريقة مختلفة عن كل الناس بس برضة الست حتفضل ديما عندها القدرة على ادارة الامور بشكل افضل رغم كل ضغوطها والبيت مش للست ابببببببببببببببببببببدا

ما فيش زعل يا باشمهندسه ابداً بس واضح من الرد ان ما فيش رد فعلشان كده نقول ربنا يستر على القطار وعلى سواق القطار

بس سؤال اخير اذا كان البيت مش للست اببببببببببببداً امال ايه اللي للست

وكمان البيت لمين في وجهة نظرك

تحياتي

19 أبريل 2006

سؤالي إليكم :
- هل انت مع أم ضد افكار قاسم امين لتحرير المرأه ؟

[b]انا ضد افكار قاسم امين لتحرير المرأة فالمرأة حريتها وكرامتها في بيتها ووسط اولادها

- من واقع ما تراه الان هل كنت تتمني أن تري صورة المراه المصرية و العربية في عام 2006 هي نفسها صورة المراة في عام 1899 عندما بدأ قاسم امين دعوتة ؟

اتمنى بل واحلم ان تعود زوجتي وابنتي واختي الى صورة المرأة المصرية ايام زمان الست الوقورة الجالسه قي بيتها معززة مكرمه تراعي اولادها وبيتها وزوجها

- إذا كنت غير مقتنع بأفكار قاسم أمين ومن تبعة فما هي في رايك الضوابط التي يجب ان تفرض علي حرية المرأه ؟

التعليم من اهم الاشياء الضرورية للمرأه ولكن يجب ان يكون الهدف منه هو بناء ابناء وتنوير اسرة وليس الهدف منه العمل

-

هل حرية المرأه في رايك خلفت اثارها السلبية علي حرية الرجل ؟

[color=#336666]لا اظن ذلك اللهم الا في قليل من حرية التعبير في بعض الحالات الناتجه عن وجود المرأة في مكان العمل او في المواصلات العامه :blink:

- هل من اصبح يفقد حقوقة وحريتة في المجتمع هو الرجل وليس المراة ؟

انا شايف ان اكثر من فقد حقوقه هي الاسرة لا الرجل فقط ولا المرأة فقط

- هل تعتقد ان المرأه من الممكن ان تحصل علي حريتها المطلقة في كل شيء و في نفس الوقت تحافظ علي طبيعتها كإمرأه ؟

لا طبعاًفالست العامله والمفكرة والمهندسه تتحول مع الوقت الى راجل واخشى ان نجد قريبا جيل من المرأة العامله بشنب

- هل تفقد المرأه رقتها و أونوثتها كلما ذات حريتها ؟

انظر الى الرد السابق وازيدك اذهب الى اي مصلحة حكوميه وانظر في وجه الموظفه التي تتعامل مع الجمهور وانت تعرف الرد ايضا انظر الى وجه نوال السعداوي واتبعاعها بل ايضا انظر الى وجه ايناس الدغيدي لتعرف الحرية ماذا تفعل بالانوثه

- هل تري ان حرية المرأه هي من اهم مشكلات المجتمع المصري ؟

تخيل معي سيدات موقرات في بيوتهن كل الوظائف التي تعمل بها النساء سوف يتولاها الرجال العاطلين عن العمل (حل لمشكلة البطاله ) وتخيل معي السيدات في بيوتهن يقضين الوقت في اعداد الطعام الصحي مع ما يملكن من ثقافه وعلم (حل للعديد من المشاكل الصحية ) وتخيل معي الام المتعلمه وهي تتابع اولادها في المدرسة وتساعدهم في التحصيل (مشكلة الدروس الخصوصيه) وتخيل معي السيدات لا يخرجن الى العمل وبالتالي يعود الاب والاخ الى اعالة الابنة الارمله او الاختالمطلقه (عودة صلة الرحم والتكافل الاجتماعي ) واخيرا تخيل معي مصر بدون سيدة مصر الاولى وحجث ولا حرج

- هل قاسم امين يتحمل ذنب هذة الامة ؟؟؟؟؟

بس يا عم لا يطلع من قرايب الساميه ويحاكموني بتهمة معادة القاسمية

انا عارف اني هشوف ايام اسود من شعر راسي بس انا قلت رايي ورزقي على الله

لو جابو فولة وقسموها نصيين....هيلاقوني انا في نص..والنص التاني في كلام عم سو

من الآخر هو ده الكلام....بس مفيش منه فايدة

خلاص اللي حصل حصل ولازم نتعامل مع الواقع

المرأه بقت حره بتعمل اللي هي عاوزاه واكتر

والراجل بيقولوا انه نخ عالآآخر...(إلا أنا وابويا وجدي وحياتك) :D

لكن بأي حال للي عايز يعرف ازاي عاقبة انك تعامل المرأه مثلها مثل الرجل في العمل مثلا

اقروا كلامي في موضوع (دي مجرد صديقة..اوعي تصدقيه)

نتيجة اني عاملت المرأه بالمثل...هي..

كره المرأه العامله عندي لي

تجمعهم في مؤامرات لاثنائي عن العمل (لم ينجحوا مره)

خلافات اشد من عاصفة جرير الشتوية (هي اية جرير دي مش عارف)

الأهم..عدم توافر الوقت الهاديء لاستشف من فيهن تنفع زوجة لي..(بسبب ارساء فكرة المساواه)

النتيجة

هي عدم رضاء السيدة العامله بتلك المساواه....ومحتجاة شوية دلع بشهاده من كل الرجال....

ولاني انا بتقي الله في رزقتي...وبخاف الحرام...فاخاف ادلع حتى راجل على حساب التاني

النتيجة الكبرى

المرأه ستظل مرأه....هي الأنثى الدلوعة الحبوبة الأموره اللي بيموت في دباديبها الراجل

سواء بتشتغل...مش هتتجوز...طالبة..أم....ايان كان...المرأه عاوزه تحس وتشعر بأنوثتها..

فالسؤال بيقول...بدام انت كده ...طب ماتخليكي كده زي مانت كده...وبلاش لا كده ولا كده...ولا انت ايه رايك ...مش كدة؟؟ :P

nancy · 19 أبريل 2006

يا جماعة انتم لية شيفين الموضوع يا ابيض يا اسود

هو الست ياتشتغل طحن وتبقى زى الراجل يا ما تقعد فى البيت وتبقى كل شغلتها الولاد والبيت والمطبخ وجوزها

انا مقتنعة ان الست دى عالم كامل وشخصيات كتيرة مع بعض

الست لازم تهتم جدا بنفسها وتتعامل مع جوزها حتى لو مرة سنين على الجواز على انة حبيبها الى كانت بتحب تسمع كل كلمة بيقولها زى ايام الخطوبة وكمان هى ام عندها ولاد حتى لو كبروا على خدمة النساء فمحتجينها فى الحوار وانها تعلمهم الدنيا ولازم تكون ست بيت ومع كل دة لازم يكون لها عمل بس انا ضد انة يكون 8 ساعات وبهدلة مواصلات فتروح مطحونة مش طايقة حد يكلمها

انا شيفة ان العمل ميخدش اكتر من 6 ساعات بس والباقى يتقسم كالاتى

3 للاعمال المنزلية +3 للمذاكرة للولاد والتوجية +6 للنوم +1 للاهتمام بنفسها +6 للعمل+1قراءة +4 للزوج متفرغة له كل دماغها معاه تسمعة وتهتم بية

كدة 24 ساعة كاملة وبرضة عملت كل حاجة من غير ما تخسر حاجة

اظن مستحيل حد يعترض بعد كدة على عمل المرأه

19 أبريل 2006

ايتها الجميلة نانسي

انا عايز اقولك على حاجة

ماهو مش هيعملوا قانون عمل للمرأه وقانون عمل للرجل (ولو ان المرأه ليها زياده امتيازات كتير عالراجل ..زي المرضي الأكثر واجازة الوضع وهكذا)

بمعنى اصح مش معقوله الست تداوم ست ساعات والراجل تمان ساعات والاتنين ياخدوا نفس الراتب

ولو هنقول الست هتاخد راتب اقل بالساعات ...هتلاقي معظم الستات هتعترض وتقول لا انا هداوم تامنية ساعات واخد راتبي كامل

ومن غير الممكن اننا نعمل قانون خاص بيقول (الرجاء التخفيف على المرأه في العمل وتدليعها شويه عشان ماتكرهكش وسيبها حره حبتين)

وكأننا نقول لا للمساواه في العمل والراحة للمرأه والرجل ...ونعم للمساواه في الراتب فقط

وخلاصة الموضوع ...ستظل القوانين موحدة على الكل بما ان الموضوع ينادي (بالمساواااه)....وحيث انها مساواه....فعليها ان تختار

تختار مابين ان تعمل بمبدأ المساواه التي تنادي بها المرأه والذي شرعته القوانين الدوليه على مستويات كافة النطاق في العالم...أو ان تختار الراحة

ومثل ها مثل الرجل الذي عليه ان يختار ايضا ...اما ان يعمل بما يرضي الله ويتبع القانون الدولي في ذلك ...وإما يخليه قاعد في بيتهم...ده اذا كان عندو بيت من أصله...(لان عدم عمله يعني اتنين....ياحرامي..ياشحات...مفيش تالت)

وده سببه ايه...انو في حاجة اسمها قانون عمل...مافيش حلاوه من غير نار

لازم عشان نوصل لمركز متقدم اجتماعيا ووظيفيا ..لازم نجتهد...لازم ابذل مجهود مضاعف في الأول...لازم أكون ملتزم دائما...لازم اكون فرد موأنتج وليس موخسر

دي قوانين العمل...مفيهاش دلع ...مافيهاش علي حاجة بمزاجك وبكيفك...

مافيش حد المفروض انه يعترض على عمل المرأه....لان في منهن كفاءات..وحقها مكفول في الاختيار

لكن كمان ماينفعش المرأه بعد كده تعترض على المساواه التي طالبت بيها

لانه لو حصل اللي بتقولي ليه ده

يبقى الراجل كمان هيطالب بالمساواه زيها

وهتبقى العملية طحينه خالص

والخاسر هو المجتمع المأنتج

فيقل الانتاج...ويقل الاحتياطي...وينحدر الازدهار...وينتشر الفقر...وذلك بقيام تحويل رؤوس الأموال إلى بلاد يخدمهم فيها قانون العمل...وبعدين هي مش ناقصة فقر في مصر اساسا

أخيرا ..بس للمرجعية والعلم بالشيء فقط

أنا حاصل على أيزو 9001 في الإدارة من المنظمة الإقليمية في الأمم المتحدة

UNDP

(بين اجمل قوسين ورد معطر: اوع يكون كلامي تقيل على قلبك ياأجمل نانسي....(شوفتي دلع احلى من كده...بس عشان تعرفي ان البنات عندي في الشغل ظالميني)

19 أبريل 2006