هل يتحمل قاسم امين ذنب هذة الامة

[nancy]

ولهى انت الى مش مركز وانا مش باتكلم على اراء كليو لانى بحبها اوى البنت دى وبتعجبنى دماغها وارائها وفعلا هى من الناس الى نفسى اقابلها بجد

بس انا باتكلم على نقطة مش فى شخصيتها انا باتكلم على حاجة تانية بس انت مش معايا على نفس الخط

انا مشكلتى انى مركزة اوى زيادة

[Guest النسر المصري]

هه...مين ...الو...الخط...الخط مش معايا :blink: ..الخط قطع.... :blink: ....

خط مين ...ونقطة اية ...وبتاع اية يانانسي اللي انت بتتكلمي عليه ده بس :unsure:

ولا انت متضايقة عشان السيده كليو طلعت حقانية واتكلمت بصدق في موضوع قاسم امين.. :blink:

.ده حتى مراته نفسها شهدت بكثير مما نحن نعترض به على قاسم :D

الظاهر ان تركيزك علي اوي اوي المره دي يانانسي ...فاضطر آسفاً انه يفلت منك :P :P :P

الله يرحمك يازكي جمعة

كان اكتر واحد مركزززززززز

[Sherief AbdelWahab]

آه..

يتحمل..

يتحمل ذنب مجموعة من اللواتي يلعنَّ المجتمع الذكوري ، ويتعاملون مع حقوقهن السياسية والمهنية كما لو كانت عطية من النظام ، وعندما تحصلن على تلك العطايا لا تثبتن وجودهن ولا تحركن ساكناً في مهنهن ووظائفهن.. كإنك يا أبو زيد ما غزيت..

أنا مش بعمم ، ومش أسلوبي التعميم ، لكن بقول وقائع..

النماذج الكويسة النسائية الناجحة المجتهدة كتيير..

النماذج النسائية الكسلية (من كسل) أكثر..

فيه بنات وستات حاططين دماغهم في الشغل ، وعايزين ينجحوا ، وعندهم غيرة حقيقية على الشغل وبيوازنوا صح بينه وبين بيوتهم وعائلاتهم .. وفيه في المقابل ناس اشتغلت علشان خطف العريس والوصول لبيت العدل ، وإثبات السلطة..

لدينا سميرة موسى ونماذج مشرفة أخرى ، ولدينا في المقابل رئيسات التليفزيون واللواتي كن عاملاً هن ورؤساء القنوات المصرية في تدهور وانحطاط التليفزيون المصري، ولم تقدمن أي شيء حتى يميزهن عن الشنبات التي تولت هذا المنصب يوماً ما!..

بتوع المجلس القومي للمرأة فرحانين بمكاسب خدوها من النظام ، كان ممكن ضعفها يتحقق بالعمل وبدون شعارات..

حتى واحنا بنحاول نبقى موضوعيين وصوابعنا على الكيبورد وبنكتب ، بتفرض القاعدة البشرية الأزلية نفسها : الحسنة تخص والفاحشة تعم ، ونظرة موضوعية كما يراها العبد الفقير تؤكد أن النماذج الكسلية التي تمتعت بثمار تعب الجادين كثيرة ، إن لم تكن مسيطرة..

"إن الله لا يغير ما بقوم حتى يغيروا ما بأنفسهم"

صدق الله العظيم..

خلص الكلام

[Guest النسر المصري]

ايوه كدة ياشريف عبدالوهاب...سمع سمع ياعمنا الشيخ

ده كفايه ان عمنا ياسو والست كليو ردوا رد مفحم .......بس يعني عشان اللي عاوز يععرف حجم الناس اللي عارفه خطأه :sad:

[زيزو]

لاني انا يا نانسي عضو من 2004 (على الرغم من عدد مشاركاتي القليل حدا....لاني باحب افرا كتير واتكلم قليل)

يا خبر! 375 مداخلة من ديسمبر 2004 وكدة مشاركاتك قليلة جدًا؟ -_- أمال اللي عضو هنا من 2000 ومشاركاته ما كملتش 500 والعضو رقم 5 (مش في عين الحسود أكيد) ده يبقى إسمه إيه؟؟؟ كدة يا كليو 5000 مداخلة :blush: خليتي وشنا في الأرض! B)

لا بجد إيه هو السر؟ أكيد أكيد بتكتبي من الشغل، صح؟؟؟ :angry2:

عامة أرجع للموضوع الأصلي، الموضوع ده الأخت نور الدنيا كتبته من ورايا، تقريبًا وقت ما المنتدى كان بيخرف عندي. انا ملتزم إلتزام أدبي إني أرد على مواضيعها مقابل الدعوة. انا زي حالتك كده يا أستاذ نسر بتتلكك إن حد يدعي لي ألاقي الإنسانة اللي أرتبط بيها، بس لسه فاضل لي 3 سنين كدة على الـ30 ولسه بقول يا هادي في الحياة العملية، يعني لسه مش مستعجل قوي زيك. ربنا يوفقك بجد. B)

عامة يا نور مش حرد دلوقتي، الساعة واحدة ونص وفيه شغل بكرة، على الجمعة كدة إن شاء الله حيبقى فيه رد، أوكاي؟

شوفتوا بقى ليه مافيش خمستلاف رد؟ قال يعني مشغول :D

تم تعديل 26 أبريل 2006 بواسطة زيزو

[ذات الوشاح]

بسم الله الرحمن الرحيم

بصراحه ديه اول مشاركة ليا في المنتدى فارجو ان يكون عندكم سعة صدر و تتحملونى

- هل انت مع أم ضد افكار قاسم امين لتحرير المرأه ؟

انا طبعا ضد افكار قاسم امين و لكن ليس كلها بل بعضها مثلا رؤية ان جلوس المرأة في البيت بلا عمل الا تربية الاولاد و انه ليس من حقها التعلم طبعا غلط و الحمد لله اننا الايام ديه من حقنا نتعلم ..... لكن هوا كان شايف ان المشكلة برضه في حجابها و نقابها و انا رافضة الموضوع ده لان الحجاب فرض و النقاب فضل و من حق اي واحده انها تتقرب من ربنا بالطريقة الى تريحها ....

- من واقع ما تراه الان هل كنت تتمني أن تري صورة المراه المصرية و العربية في عام 2006 هي نفسها صورة المراة في عام 1899 عندما بدأ قاسم امين دعوتة ؟

اتمنى ان ارى النساء الان كما كن في عهد الرسول صلى الله عليه و سلم ..

- إذا كنت غير مقتنع بأفكار قاسم أمين ومن تبعة فما هي في رايك الضوابط التي يجب ان تفرض علي حرية المرأه ؟

- هل حرية المرأه في رايك خلفت اثارها السلبية علي حرية الرجل ؟

السؤالين دول كانو هيصيبونى بالسكته الدماغية

حدود على حرية المرأة و ضوابط و قيود و الخ الخ الخ

على حد علمى ان المرأة مخلوق مثله مثل الرجل و الضوابط و الحدود على حريتها تستمدها فقط من الله تعالى عز و جل _ و طبعا من سنه رسول صلى الله عليه و سلم _ و فيما عدا ذلك فلا يحق لاي مخلوق كان ان يضع لها حدود على حرياتها _ خاصة عندما يكون هذا الاخر هو الرجل _

و لا نستطيع ان ناتى و نقول ما هى حدود و حريات الرجل و تبدأ النساء في مسك ورقة و قلم وواحد كذا اتنين كذا

الرجل و المرأة مخلوقان_ و الاتنين بنى ادمين و الله _ و المرأة ليها حدود زي ما الراجل له حدود

هل تعتقد ان المرأه من الممكن ان تحصل علي حريتها المطلقة في كل شيء و في نفس الوقت تحافظ علي طبيعتها كإمرأه ؟

و هل المرأة هى عبارة عن حيوان صغير نربطه في رجل الكرسى اذا ارخينا له الحبل انطلق يعبث في كل مكان و اذا ربطاه بشدة التزم

لا تتحدثوا عن المرأة كانها شاب مراهق تخافون عليه من الانحراف

و لا تشعرونى اننا الناساء مجموعة من الشيطان تنتظر فقط الفرصة للتتخلص من انوثتها و تفجر في كل مكان

يا اخى الفاضل المرأة حريتها مثل حرية الرجل تماماااااااا

اما بقى مسألة عمل المرأة و ما عليه من شروط و ضوابط

1- لا يؤثر على رعايتها لاولادها و على رعايتها لزوجها _ من فضلكم لا تضعوا لا يؤثر على رعايتها لبيتها _ ليه بقى ؟؟

لان المرأة المتزوجة عليها واجبين هما رعاية الزوج و الابناء اما بقى تنظيف البيت و غيره فهذا عمل غير اجبارى

بس بس محدش يضرب

بس افتكروا معايا قصة عمر بن الخطاب لما جااءه رجل يشتكى ارتفاع صوت زوجته عليه فوجد صوت زوجه عمر _ رضى الله عنه _ يرتفع على صوته فكاد ان يرحل لولا ان خرج له عمر بن الخطاب فشكى له الرجل فقال له _ اي على زوجه عمر _ : تحملتنى غسلت ثيابى و ربت اولادى و الخ الخ و لم يأمرها الله بذلك انما فعلته طواعية

يعنى المفروض يا اعزائى الرجال ان الواحد يما يتقدم لواحده يبقى هيوفر لها خدامة في البيت تساعدها _ طبعا الايام ديه ده ضرب نمضروب الخيال و احسن له يتزوج الخدامة و يوفر _

لكن مسألة عمل المرأة الذى يؤثر على بيتها من ناحية البيت نفسه فلازم نعرف ان مش من واجبى الدينى ان اغسل و انظف و طبعا احنا كلنا بنقوم بكده و كل اوزاجنا شايفين ان ده حقهم الدستورى و ان الى ماتعملش كده كافرة و تستحق الذبح مع رسولنا الحبيب_ صلى الله عليه وسلم _ كان يساعد في تنظيف البيت و يخيط الملابس

عمل المرأة و ضوابطه انه لا يهين انوثتها يعنى مثلا متروحش تشتغل مهندسة معمارية و تطلع على السقاله مع العمال ... ماشى اقول كده اه

لكن ايه المشكلة انها تكون مهندسة كيميائية و تشتغل في معامل و تعمل ابحاث ...؟؟

طيب سؤال لكل الى لا يحبذ عمل المرأة سواء كان ولد او بنت ..

مين الى هيكشف علينا نحن النساء اذا لم تكن هناك طبيبة ؟؟

و مين هتدرس لبناتنا المراهقات اذا لم تكن هناك معلمات ..؟؟

و مين الى هتدخلى تشترى منها ملابس براحتك اذا لم تكن هناك بائعات نساء ؟؟

من حق المرأة اتت تتتعلم و تفهم و تعمل مثلها مثل الرجل و من حقه ايضا عليها الا تضيع حقه هوا و اولاده

اما بقى ان عمل المرأة يفدها انوثتها و ان انه يدفعها الى الاختلاط و حاجات حرام الحل ليس حبس المرأة في منزلها و لكن تعليمها التعليم الدينى السليم

و السلام عليكم

تم تعديل 27 أبريل 2006 بواسطة ذات الوشاح

[yasovinas]

الاخت الغالية "ذات الوشاح" اهلا بيكي في وسط المحاورات المصرية اخت عزيزة وعقل راجح وراي صائب اللهم صلي على النبي حقيقي ردك عجبني جدا واسمحي لي ان ارفع لكِ القبعه (بس اروح اجيبها من عند عمنا الافوكاتو وارجع)

اما بخصوص جزئية تعليم البنات والكشف على السيدات وبيع الملابس للسيدات فهي كلها اعمال ووظائف خاصة بالنساء ونتفق جميعا على ضرورة تواجدها في هذه المجالات ولتكن مثل هذه المجالات الواجب فيها تواجد ....بنات حوا... واحفاد شجرة الدر..... وبنات ريا :blush: ......لتكن مثل هذه المهن المحترمه والهامة هي الرد على من يذكر {وماذا تفعل من ليس لها عائل } تحياتي

[Cleo]

بنات حوا... واحفاد شجرة الدر..... وبنات ريا :blush: ......

مش عارفة ليه قلبى مش مستريح للكلام ده :angry2:

[ATHENA]

بنات حوا... واحفاد شجرة الدر..... وبنات ريا :blush: ......

مش عارفة ليه قلبى مش مستريح للكلام ده :angry2:

هو قال يا كليو هو قال إيه -_-

B)

[yasovinas]

عودة (هو قال يا كليو هو قال إيه) ريا ،،،، و( ATHENA) سكينة :blush:

[ذات الوشاح]

بسم الله الرحمن الرحيم

اخى الفاضل ياسو نعم انا اوافقك على رأيك و لكن

لماذا لا يكون من حق المرأة ان تعمل لمجرد العمل ؟؟

لمجرد انها ذكية و انها بارعة في هذا المجال ...!

هل الرجال يعملون فقط من اجل المال ؟

و لو كان المال سياتيهم بطريقة او اخرى لجلسوا في البيوت من دون عمل ؟؟

لابد ان معظمنا الان سيفعل هذا من التعب و الارهاق و لكن هل يستطيع الانسان ان يعيش فترة طويلة دون ان يعمل عقله فيما يحب ...

طبعا كما قلت مادام عملها لا يعطل تربيتها لاولادها ورعايتها لزوجها

اما بالنسبة للاعمال كالطبيبة و البائعة و المعلمة و الخ الخ لمن ليس لها عائل فالواقع ان الطب يحتاج الى دراسة طويلة متواصلة و ذكاء غير عادى و حب ابدى للمعرفه فكيف استطيع ان احضر امرأة متعلمة نصف تعليم و لديها من الاولاد عشرة و اطالبها بدراسة و ممارسة الطب ؟؟؟

طبعا الانسب لها البائعة

لانها ايضا في الغالب لن تستطيع اداء دور المعلمة الذى يحتاج الى ثقافة عالية و خبرة و مهارة التعامل مع الاطفال

من ليس لها عائل و ليست متعلمة غالبا تعمل فعلا بائعة و لكن بائعة خضراء و ليس حتى بائعة ملابس

ثم من ادرانا انها تريد ان تعمل ؟؟

اعتقد اننا كمجتمع اسلامى _ و المفروض حقيقة و ليس اسما فقط _ نكفل لها حياة كريمة بدون عمل

ارجو الا يكون كلامى ثقيل عليكم :huh:

[حدوته مصريه]

بسم الله الرحمن الرحيم

بصراحه ديه اول مشاركة ليا في المنتدى فارجو ان يكون عندكم سعة صدر و تتحملونى

- هل انت مع أم ضد افكار قاسم امين لتحرير المرأه ؟

انا طبعا ضد افكار قاسم امين و لكن ليس كلها بل بعضها مثلا رؤية ان جلوس المرأة في البيت بلا عمل الا تربية الاولاد و انه ليس من حقها التعلم طبعا غلط و الحمد لله اننا الايام ديه من حقنا نتعلم ..... لكن هوا كان شايف ان المشكلة برضه في حجابها و نقابها و انا رافضة الموضوع ده لان الحجاب فرض و النقاب فضل و من حق اي واحده انها تتقرب من ربنا بالطريقة الى تريحها ....

- من واقع ما تراه الان هل كنت تتمني أن تري صورة المراه المصرية و العربية في عام 2006 هي نفسها صورة المراة في عام 1899 عندما بدأ قاسم امين دعوتة ؟

اتمنى ان ارى النساء الان كما كن في عهد الرسول صلى الله عليه و سلم ..

- إذا كنت غير مقتنع بأفكار قاسم أمين ومن تبعة فما هي في رايك الضوابط التي يجب ان تفرض علي حرية المرأه ؟

- هل حرية المرأه في رايك خلفت اثارها السلبية علي حرية الرجل ؟

السؤالين دول كانو هيصيبونى بالسكته الدماغية

حدود على حرية المرأة و ضوابط و قيود و الخ الخ الخ

على حد علمى ان المرأة مخلوق مثله مثل الرجل و الضوابط و الحدود على حريتها تستمدها فقط من الله تعالى عز و جل _ و طبعا من سنه رسول صلى الله عليه و سلم _ و فيما عدا ذلك فلا يحق لاي مخلوق كان ان يضع لها حدود على حرياتها _ خاصة عندما يكون هذا الاخر هو الرجل _

و لا نستطيع ان ناتى و نقول ما هى حدود و حريات الرجل و تبدأ النساء في مسك ورقة و قلم وواحد كذا اتنين كذا

الرجل و المرأة مخلوقان_ و الاتنين بنى ادمين و الله _ و المرأة ليها حدود زي ما الراجل له حدود

هل تعتقد ان المرأه من الممكن ان تحصل علي حريتها المطلقة في كل شيء و في نفس الوقت تحافظ علي طبيعتها كإمرأه ؟

و هل المرأة هى عبارة عن حيوان صغير نربطه في رجل الكرسى اذا ارخينا له الحبل انطلق يعبث في كل مكان و اذا ربطاه بشدة التزم

لا تتحدثوا عن المرأة كانها شاب مراهق تخافون عليه من الانحراف

و لا تشعرونى اننا الناساء مجموعة من الشيطان تنتظر فقط الفرصة للتتخلص من انوثتها و تفجر في كل مكان

يا اخى الفاضل المرأة حريتها مثل حرية الرجل تماماااااااا

اما بقى مسألة عمل المرأة و ما عليه من شروط و ضوابط

1- لا يؤثر على رعايتها لاولادها و على رعايتها لزوجها _ من فضلكم لا تضعوا لا يؤثر على رعايتها لبيتها _ ليه بقى ؟؟

لان المرأة المتزوجة عليها واجبين هما رعاية الزوج و الابناء اما بقى تنظيف البيت و غيره فهذا عمل غير اجبارى

بس بس محدش يضرب

بس افتكروا معايا قصة عمر بن الخطاب لما جااءه رجل يشتكى ارتفاع صوت زوجته عليه فوجد صوت زوجه عمر _ رضى الله عنه _ يرتفع على صوته فكاد ان يرحل لولا ان خرج له عمر بن الخطاب فشكى له الرجل فقال له _ اي على زوجه عمر _ : تحملتنى غسلت ثيابى و ربت اولادى و الخ الخ و لم يأمرها الله بذلك انما فعلته طواعية

يعنى المفروض يا اعزائى الرجال ان الواحد يما يتقدم لواحده يبقى هيوفر لها خدامة في البيت تساعدها _ طبعا الايام ديه ده ضرب نمضروب الخيال و احسن له يتزوج الخدامة و يوفر _

لكن مسألة عمل المرأة الذى يؤثر على بيتها من ناحية البيت نفسه فلازم نعرف ان مش من واجبى الدينى ان اغسل و انظف و طبعا احنا كلنا بنقوم بكده و كل اوزاجنا شايفين ان ده حقهم الدستورى و ان الى ماتعملش كده كافرة و تستحق الذبح مع رسولنا الحبيب_ صلى الله عليه وسلم _ كان يساعد في تنظيف البيت و يخيط الملابس

عمل المرأة و ضوابطه انه لا يهين انوثتها يعنى مثلا متروحش تشتغل مهندسة معمارية و تطلع على السقاله مع العمال ... ماشى اقول كده اه

لكن ايه المشكلة انها تكون مهندسة كيميائية و تشتغل في معامل و تعمل ابحاث ...؟؟

طيب سؤال لكل الى لا يحبذ عمل المرأة سواء كان ولد او بنت ..

مين الى هيكشف علينا نحن النساء اذا لم تكن هناك طبيبة ؟؟

و مين هتدرس لبناتنا المراهقات اذا لم تكن هناك معلمات ..؟؟

و مين الى هتدخلى تشترى منها ملابس براحتك اذا لم تكن هناك بائعات نساء ؟؟

من حق المرأة اتت تتتعلم و تفهم و تعمل مثلها مثل الرجل و من حقه ايضا عليها الا تضيع حقه هوا و اولاده

اما بقى ان عمل المرأة يفدها انوثتها و ان انه يدفعها الى الاختلاط و حاجات حرام الحل ليس حبس المرأة في منزلها و لكن تعليمها التعليم الدينى السليم

و السلام عليكم

مش عارفه ارحب بيكي يا ذات الوشاح لاني جديده زيك..بس هقولك نورتيني انا شخصيا

مش عارفه اقولك ايه انتي كتبني اللي كنت عايزه اكتبه بالملي..تصدقي انا برضه كنت هكتب المرأه في زمن الرسول عليه الصلاه والسلام..اتذكر عندما نادي عليه السلام في قريش وكان مما قاله يا صفيه بنت عبد المطلب..يا فاطمه بنت محمد اعملوا فلن اغني عنكم من الله شيئا..واتعجب عندما اصبح حتي اسم المرأه عيب ..بقيت اسمها ام فلان..ولا الجماعه..ولا مدام فلان..المرأه في عصر الرسول عليه الصلاه والسلام لم تكن حبيسه جدران منزلها وكانت تشارك في الغزوات ..تمرض وتحارب احيانا..واتذكر ايضا المرأه التي راجعت عمر ابن الخطاب فقال اصابت المرأه واخطا عمر

الحل الوحيد في نظري هو نبذ التقاليد الباليه والعادات المستورده والعوده الي الدين..بوحده فقط ينصلح حال كل من المرأه والرجل

كلمه اخيره شئون البيت و تربيه الاولاد عبئ كبير حتي علي المراه الغير عامله

الرسول عليه الصلاه والسلام كان يخصف نعله ويرقع ثوبه ويحلب شاته ..وعندما سالوا عن حاله في بيته..قيل " كان يعمل في خدمه اهله"

يعني التعاون والرحمه هما اساس الزواج السليم

اما عن عمل المرأه فكل امرأه ادري بظروفها وظروف بيتها وطبعا يجب ان تضعه في قمه اولوياتها..ولكن من حقها التعليم والعمل لان ربنا خلقها انسان كامل..يعني علشان انا امرأه لازم اشتغل يا بياعه يا مدرسه يا طبيبه ما ليش اي ميول او هوايات..ثم ان مبدا العمل يقوم علي الكفاءه وليس علي جنس او لون ..يعني مش المفروض اقعد في البيت واسيب مكاني لرجل..لمجرد انه رجل فقط..البطاله ليس سببها عمل المرأه والاماتفسير انخفاض نسب البطاله في البلاد الاخري التي تعمل بها النساء ايضا..اعود لتاكيد ان المرأه عليها اخيتار ما يتاسبها ويتاسب بيتها..مع التزامها والتزام الرجل ايضا بتعاليم الدين

يارب يكون كلامي خفيف عليكم

تقبلوا تحياتي

تم تعديل 28 أبريل 2006 بواسطة حدوته مصريه

[الطيب]

noureldonia

اسف لست ادرى اقول سيد ام سيدة.

لست افهم ما ترمى الية بالقول "هل يتحمل قاسم امين ذنب هذة الامة"؟ ما هو هذا الذنب؟ الحقائق الواقعية تقول ان مصر كانت احسن حالا بكثير جدا فى اعقاب و اثناء ثورة 1919 عنها الان حينما كانت اكثر تماشيا مع افكار قاسم امين

السفور و القضاء علي الحجاب وذلك لانة راي أن الدين الإسلامي لم يدعو إلي الحجاب ؟؟؟؟؟؟؟؟؟؟؟؟

- الدعوة إلي اختلاط الرجال بالنساء في مجال التعليم و العمل و السوق

- الدعوة إلي العلمانية بحيث لا يتحكم الدين في السياسة

- اورروبا و الغرب عامة هم القدوة في كل شيء كالعمل ، الحرية الجنسية ، ومجالات الانشطة الرياضية .

هذا اقتباس من المداخلة الاولى. من الواضح ان الكاتب لم يطلع على كتب قاسم امين و على وجهة الخصوص كتاب تحرير المرآه لان هذا التلخيص ليس هو ما دعى الية قاسم امين.

و بالمناسبة لم يكن قاسم امين هو اول من دعى الى تحرير المرأه بل ان الفضل فى ذلك يعود الى الشيخ رفاعة رافع الطهطاوى الذى عرض لحياة الفرنسيات و حبذها على حياة الخمول للمصريات.

لما يجب ان تكون هناك الضوابط التي يجب ان تفرض علي حرية المرأه حسب كلامك و لما تكون مختلفة عن الرجل.

تعتقد ان المرأه من الممكن ان تحصل علي حريتها المطلقة في كل شيء و في نفس الوقت تحافظ علي طبيعتها كإمرأه لاتوجد حرية مطلقة للرجل او المراه و لكن ما هى العلاقة بين الحرية المطلقة و طبيعة المراة؟ مثلا اذا افترضنا ان فى السويد تتمتع المراه ب "حرية مطلقة" فهل فقدت المراه السويدية طبيعتها؟

و مرة ثانيه فى تفقد المرأه رقتها و أونوثتها كلما ذات حريتها ؟ ما هى العلاقة بين هذة الامور حتى يتم التساول؟

و لكن حرية المرأه هي من اهم مشكلات المجتمع المصري ؟ قطعا ان تكبيل المرأه المصرية الذى حدث فى الثلاثين عاما الماضية هو من اهم المشاكل التى تواجة المجتمع المصرى. و على الرغم من ان الاغلبية الساحقة من النساء محجبات او حتى منقبات فان الحالة الاخلاقية فى تدهور مستمر راجع هذة المداخلة رغم انة باسم الاخلاق فرضت القيود على المراة المصرية

اما راى الشخصى فانى اتمنى ان ياتى قريبا اليوم الذى تكون فية المراه المصرية مثل الفرنسية او حتى الهندية تستمتع بحقوق مساوية للرجل و بحماية قانونية من العنف بجميع اشكالة و ان تشارك بفاعلية فى كل مناحى الحياة. و لكن حتى نصل الى هذا المستوى علينا ان نرقى اولا الى الوضع ايام ما كانت افكار قاسم امين منتشرة.

تحياتى

[Guest النسر المصري]

**********************************

تم تعديل 30 أبريل 2006 بواسطة عصام شوقى

[حدوته مصريه]

وحدو الله ياجماعة...الرجل ده (طيب) ...و.. (قلبه أبيض)......*****************************************

دي شتيمه دي يا نسر ولاايه :)

تم تعديل 30 أبريل 2006 بواسطة عصام شوقى

[ذات الوشاح]

بسم الله الرحمن الرحيم

اختى الحبيبة حدوتة مصرية

ردك عليا اجمل ترحيب :wub:

و انا طبعا متفقة معاك على النساء ايام الرسول صلى الله عليه و سلم و بالذات حكاية الاسم

الحمد لله اننا بنقول امنا السيدة عائشة _ رضى الله عنها _ و السيدة خديجة _ رضى الله عنها _ مش بنقول زوجة الرسول _ ص_ زي على رأيك دلوقتى نسيمها المدام او ام العيال او الجماعة قال يعنى خلاص لما يقول اسمها عيب و حرام

ان لما ذكرت مهن زي الطب و البيع و التدريس مش بس عشاان هيا ديه يا بلاش لأ عشان ديه الى فعلا احنا بحتاج سيدات فيهم

و على فكرة انا دراستى لا تدخل في هذه الاعمال بل انا اطمح ان اكون باحثة في علوم الاحياء ان شاء الله

و بصراحه لا احب كلمة مساوة الرجل بالمرأة

بنقل ان نمنح كلا منا العدل لا المساواة

[حدوته مصريه]

بسم الله الرحمن الرحيم

ان لما ذكرت مهن زي الطب و البيع و التدريس مش بس عشاان هيا ديه يا بلاش لأ عشان ديه الى فعلا احنا بحتاج سيدات فيهم

و على فكرة انا دراستى لا تدخل في هذه الاعمال بل انا اطمح ان اكون باحثة في علوم الاحياء ان شاء الله

و بصراحه لا احب كلمة مساوة الرجل بالمرأة

بنقل ان نمنح كلا منا العدل لا المساواة

اختي الحبيبه ذات الوشاح..شكرا علي كلامك الرقيق

انا فاهمه انتي عايزه تقولي ايه ..وانك ضريتي بس امثله..انا اعتراضي علي من يريد حصر دور المرأه في هذه الاعمال فقط

اما عن المساواه فلو كل واحد اخد حقوقه وقام بواجباته علي اكمل وجه..يبقي المساواه تحققت..المساواه مطلوبه ..ولكن بمعناها الصحيح

تحياتي

:wub:

[yasovinas]

نقطه حبيت اضيفها او اعلق عليها - واظن ان في موضوع كنا فتحناه من سنتين او اكثر هنا في المحاورات عن هذه النقطه - وهي موضوع (المدام او ام العيال او الجماعه) طبعا الموضوع مش ان اسمها عيب او حرام ؛؛؛؛ ابدا ولكن الوضع هو تغير الظروف وتغير المجتمع فاصبح من الافضل اننا نبعد الشبهات عن بناتنا وسيداتنا فمرضى النفوس اصبحوا اكثر من الهم على القلب

وانا شخصيا لا اتوانى ابدا عن ذكر زوجتى باسمها وبكل حب ولكن وسط مجتمع ووسط ناس اعرفهم واعرف خلفياتهم جيدا وهذا اظنه احتراما لها لا كسوفا منها

معلش ياريت نبص للنصف المليان من الكوب

[ذات الوشاح]

بسم الله الرحمن الرحيم

طيب ازاى يا اخ ياسو اسماء زوجاتنا او بناتنا ممكن تؤذيهم من اصحاب النفوس المريضة ؟؟؟؟؟؟؟

بجد باستفسر مش اكتر

:wub:

[yasovinas]

بصي يا ست الكل انا اقول لك واتعشى في بيتنا :wub:

طبعا زوجتى واختى وبنتي مش قاعدين في البيت مقفول عليهم الباب والشباك ومش بيبان خيالهم لحد ;) لا ابدا دول بيخرجوا ويتعاملوا مع الناس وكانو في الجامعه والمدرسة واسمهم معروف جدا لمن تعامل معهم في هذه الاماكن بس طبعا في فرق بين ان الناس بتتعامل مع انسانه في مجال عملها او دراستها وبين اني اقف مثلا في الشارع بشتري حاجه وهي واقفه عند البياع التاني وانادي عليها {يا سوسو يا سوسو تعالي شوفي دي كده :wub: } طبعا هتلاقي الف واحد من العالم اللي ماشية ورايحة وجايه بينادي وبيستظرف وبيقول وينادي على اسمها وطبعا ما اظنش ان دا وضع حلو او مقبول :wub: ها وصلت - طبعا اللي قلته مش هو المقصود فقط ولكنه مثال لتوصيل الصورة

وعلى راي طيب الذكر " مسيو نهرو" خدي شمي ؛؛؛؛؛؛؛؛؛؛؛ يووووه انا ناسي ما فيش ورد هنا خالص mfb:

مين يا جدعان ميكانيكي الحته دي يزرع لنا كام ورده على جنب