احذرن السرقة بالإكراه

[Cleo]

تحذير لكل الفتيات...

فى ظل تركيز عيون مصر السهرانة على راحة سيادته و أمنه و أمن أسرته الصغيرة :closedeyes: ، انتشر الفساد والسرقة بالإكراه ضد 70 مليون مواطن مصرى...

الموضة اليومين دول سرقة الفتيات بالإكراه فى الشارع خصوصا اللى يشوفوا فى إيدها موبايل أو تكون بتتكلم من موبايل فى الشارع..

الموضوع ده حصل لأكتر من واحدة معرفة... منها واحدة عند مقاومتها للص هاجمها بمطواه و جرحها...

أرجوكم كل واحدة وواحد يخلى باله من نفسه وممتلكاته وربنا هو الحارس ....

واقروا الفاتحة لسيدنا عمر بن الخطاب اللى كان قاعد فى مكة وشايل هم دواب الشام

[bogy]

Cleo

بس أنت نسيتي السهر على راحة الأحفاد كمان :D وكمان مش الفتيات بس اللي بتتسرق!! ده كل الشعب مسروق بس بطرق غير مباشرة. عدم وجود وظائف دي سرقة!! عدم قدرة الشباب على الجواز دي سرقة!! عدم وجود رعاية صحية وتعليم دي سرقة!! سرقة الناس في الناس دي سرقة لأن الحكومة هي اللي علمت الناس السرقة!! لأن الموظف اللي مرتبه متين جنيه ولا مية جنيه آه والله مية جنية لازم هايسرق أمال هايعيش إزاي؟ وفواتير التليفونات اللي بقت غالية دي مش سرقة؟ وفلوس الزبالة اللي في جميع دول العالم الحكومة ما بتاخدش عليها فلوس دي مش سرقة؟

عيشة المصريين كلها مسروقة من الحكومة ده حتى الأرض والقطاع العام والمصانع والبنوك بيبيعوها يعني البلد كلها اتباعت !!!!!!!!!!!! يعني حتى مستقبلنا بيتباع :) :sad:

وكل ده علشان الشعب مش قادر ينتخب لنفسه حكومة عدلة زي الناس في العالم المتحضر!!!!!!! والله الاحتلال أرحم من الحكومة دي على الأقل أيام الاحتلال الانجليزي كان الاقتصاد المصري أحسن من دلوقت. كان في القطن والقمح وقصب السكر وغيره وغيره من المحاصيل اللي مصر كانت مشهورة بيها لكن دلوقت احنا مشهورين بالمبيدات المسرطنة. :lol:

[Cleo]

Cleo

بس أنت نسيتي السهر على راحة الأحفاد كمان :D وكمان مش الفتيات بس اللي بتتسرق!! ده كل الشعب مسروق بس بطرق غير مباشرة. عدم وجود وظائف دي سرقة!! عدم قدرة الشباب على الجواز دي سرقة!! عدم وجود رعاية صحية وتعليم دي سرقة!! سرقة الناس في الناس دي سرقة لأن الحكومة هي اللي علمت الناس السرقة!! لأن الموظف اللي مرتبه متين جنيه ولا مية جنيه آه والله مية جنية لازم هايسرق أمال هايعيش إزاي؟ وفواتير التليفونات اللي بقت غالية دي مش سرقة؟ وفلوس الزبالة اللي في جميع دول العالم الحكومة ما بتاخدش عليها فلوس دي مش سرقة؟

عيشة المصريين كلها مسروقة من الحكومة ده حتى الأرض والقطاع العام والمصانع والبنوك بيبيعوها يعني البلد كلها اتباعت !!!!!!!!!!!! يعني حتى مستقبلنا بيتباع :) :sad:

وكل ده علشان الشعب مش قادر ينتخب لنفسه حكومة عدلة زي الناس في العالم المتحضر!!!!!!! والله الاحتلال أرحم من الحكومة دي على الأقل أيام الاحتلال الانجليزي كان الاقتصاد المصري أحسن من دلوقت. كان في القطن والقمح وقصب السكر وغيره وغيره من المحاصيل اللي مصر كانت مشهورة بيها لكن دلوقت احنا مشهورين بالمبيدات المسرطنة. :lol:

عندك حق فى كل الى بتقوله...

بس أنا بجد بدق ناقوس خطر لكل الفتيات لأن دلوقتى عملية السرقة بالإكراه ضد الفتيات كثرت جدا جدا جدا وده لأن الفتاة بتكون بنيتها أضعف من الرجال يعنى مش هتقدر تلوى دراع السارق و تديله بونية فى وشه.. فبتبقى العملية سهلة بالنسبة له

واحدة معرفة بتحكيلنا عن صديقة لها طالبة جامعية كانت واقفة على محطة المترو. وقفت عربية نزل منها شابين.. الأول فاجأها بسيل من الأقلام على وشها وفى عز ماهى هى مخضوضة و ملخومة الشاب التانى سرق شنطتها و فى ثانية الاتنين نطوا فى عربيتهم و مشيوا

واحدة تانية ماشية فى الشارع ومعاها مووبايل بتتكلم فيه قام جه واحد فجأة لوى دراعها قدام الناس وخطف الموبايل و جرى...

واحدة تالتة كانت فى أسانسير فى عمارة بحى راقى وكانت رايحة بطفلها الرضيع عند الدكتور ركب معاها شاب شكله ابن ناس... وعند دور معين الشاب فاجأها الشاب بمهاجمتها فى مكان حساس وهى ملخومة وشايلة طفل و شنطة وكدة وحاول يخطف منها الشنطة وينط برة الأسانسير أول ما الباب اتفتح... ربنا ستر ومعرفش... وهى نازلة من العمارة لقت الشاب ده واقف فى مدخل العمارة.. لمت عليه الباب والناس وطلع أصلا انه من سكان العمارة

يعنى معادش الفقرا بس هم اللى بيسرقوا.....

لو سمحتوا كل واحدة تخلى بالها من نفسها ومن ممتلكاتها وتحاول تصتص لنفسها فى الطريق وماتخليش حد مريب يقرب منها..

وربنا الحارس و ذنب الناس دى كلها فى رقبة "ولى الأمر"

[عطر]

لازم يبطلوا يضحكوا علينا بالشعار اللي يئول مصر بلد الأمن والآمان

آل أمن وآمان آل