أحمد عدويه

[هيثم نافع]

http://egyptian.salmiya.net/songs/a-adawya.../a-adawya13.ram

قرقشنجي دبح كبشه

القاهره

1973

الغناء لأحمد عدويه

والتلحين لحسن ابو السعيد

المقام دو ماجير (عجم)

والكلمات مش عارف

بصرف النظر عن كاتب الكلمات والتي أرى انها صعبه جدا جدا و غريبه جدا جدا فان حسن ابو السعود نجح في تلحينها بمنتهى اللذه واليسر

و قام عدويه صاحب الامكانيات الصوتيه الطربيه الضخمه بأداء الأغنية باقتدار

دي لــــ الشاعر الكبير مأمون الشناوي يا بيه :angry2:

تم تعديل 27 ديسمبر 2006 بواسطة هيثم نافع

[Ahmad Farahat]

صحيح ...........

صدق الشاعر اللي قال.............

رب يوم بكيت منه فلما.............صرت في غيره بكيت عليه

جه اليوم اللي بقى عدوية فيه طفرة..............

صحيح...........

فعلا عدوية أرحم بكتييييييييييييييييييييييييييييييييييييييير قويييييييييييييييييييييييييييي من شعبولا.............

وبكرة ييجي فيه اليوم اللي نبكي فيه شعبولا................

ماشي..........

معاكوا وأمري لله...........

[MZohairy]

http://egyptian.salmiya.net/songs/a-adawya.../a-adawya13.ram

قرقشنجي دبح كبشه

القاهره

1973

الغناء لأحمد عدويه

والتلحين لحسن ابو السعيد

المقام دو ماجير (عجم)

والكلمات مش عارف

بصرف النظر عن كاتب الكلمات والتي أرى انها صعبه جدا جدا و غريبه جدا جدا فان حسن ابو السعود نجح في تلحينها بمنتهى اللذه واليسر

و قام عدويه صاحب الامكانيات الصوتيه الطربيه الضخمه بأداء الأغنية باقتدار

دي لــــ الشاعر الكبير مأمون الشناوي يا بيه :angry2:

صح

انا فاكر انها لحد مشهور بس مكنتش فاكر الاسم

تخيلوا يا هيثم وأرسين ان مأمون الشناوي يكتب بالظرف ده؟؟؟!!!

الله يرحمه

[Ahmad Farahat]

أنا عارف كويس الموضوع ده................

ومعاكوا.............

وأمري لله............

[Siwa]

اسمحولي انقل المداخلة دية. انا كنت حطيتها في موضوع استاذنا زهيري كنوز فنية. بس لقيت هنا مكانها انسب

مقالة جميلة جدا قلت اشاركها معاكم.

نقلا عن

http://www.egypty.com/top4/3asaweya_songs_comparison.asp

أحمد عدوية قدم أغانى الحارة الحقيقية

"كركشندى دبح كبشه "

صدمة النقاد على الرغم من أن كاتبها هو الشاعر الكبير مأمون الشناوى !

أما سعد الصغير وشعبان وبعرور ...

الخلط بين الشعبى والعشوائى

هو السبب فى الخلط بين أغانى عدوية وأغانى سعد أو شعبان

" سلامتك يا دراعى " و " كوز المحبة اتخرم " و " الأساتوك " أغانى لا تعبر عن أى شئ .

أحمد عدوية قدم أغانى الحارة الحقيقية أما سعد الصغير وشعبان وبعرور فأقصى إنجازهم هو الأغنية العشوائية !

ما الفارق بين حى السيدة زينب من جهة وعزبة الهجانة من جهة أخرى أو بين حى الغورية ومنشية ناصر ؟ مع وافر الاحترام لكل السكان من كل المناطق والأحياء ولكن الفارق الذى نتحدث عنه هو بين الحى الشعبى ، والمنطقة العشوائية ، لم يتبق فى القاهرة سوى عدد قليل من الأحياء الشعبية ولكنها تفيض حسب الأرقام الرسمية بعدد 84 منطقة عشوائية ، وإذا أردنا قياس الفارق " فنياً " فهذا هو الفرق بين أحمد عدوية من ناحية وسعد الصغير من ناحية أخرى .

الخلط بين الشعبى والعشوائى هو السبب فى الخلط بين أغانى عدوية وأغانى سعد أو شعبان ، ولابد من الاعتراف بأن عدوية ورغم الهجوم الضارى الذى تعرض له ، إلا أن الكثيرين غيروا نظرتهم إليه فيما بعد ، بعد أن أنطفأ نجمه واختفى عن الساحة فيما بعد لصالح حسن الاسمر وحكيم ، وعبد الباسط حمودة والراحل رمضان البرنس .

ولمزيد من التوضيح فإن الحارة الشعبية التقليدية ليست مجرد شارع ضيق فى منطقة فقيرة ، وإنما هى وحدة إجتماعية تضم جميع المهن والفئات وتمتد فى التاريخ لمئات السنين وبالتالى فقد أنتجت حكمتها وفلسفتها ونظرتها للحياة وعبرت عن كل ذلك باستخدام لغتها الخاصة التى لم تجد طريقها لوسائل الإعلام إلا نادراً أما ما كان يطلق عليه الأغنية الشعبية قبل أحمد عدوية فكان ينقسم إلى نوعين هما الفولكلور التى أعاد انتاجها الأبنودى وبليغ حمدى و النوع الثانى كان الأغنيات التى تتحدث عن عالم الحارة والطبقات الشعبية لكن صناعيها كانوا غالباً من خارج

الحارة مثل " منديل الحلو " لعبد العزيز محمود " أو " أبو سمرة السكرة " لمحمد قنديل وتتضح المفارقة أكثر فى الأغنية الجميلة " ساكن فى حى السيدة وحبيبى ساكن فى الحسين " .

إذن فحتى صنعت الصدفة اللقاء عام 1969 بين أحمد عدوية والشاعر " الريس بيرة " واسمة الحقيقى خليل محمد لم تكن الحارة الشعبية القاهرية قد وجدت من يعبر عنها بدون تزويق أى بواسطة الألفاظ الحقيقية التى تستخدمها فى الحياة اليومية شكلت ألفاظ مثل " كركشندى دبح كبشه " صدمة النقاد على الرغم من أن كاتبها هو الشاعر الكبير مأمون الشناوى وكذلك أغنية " بنج بنج " مع أن ملحنها هو الموسيقار بليغ حمدى إضافة إلى أغنية مجنون التى كتبها صلاح جاهين فإن أنجح أغنيات عدوية كانت زحمة يا دنيا زحمة من كلمات زكى أبو عتمان " صاحب أغنية عرباوى لمحمد رشدى " والريس بيرة وألحان حسن أبو السعود .

أما ما يطلق عليه اليوم أغنية شعبية أو مطربين شعبين فقد اعتمدوا أحيانا ً على اختراع ألفاظ لا تنتمى للحارة ولا لغيرها فحتى هذه اللحظة ولا لغيرها فحتى هذه اللحظة لا أحد يعرف معنى الأساتوك اللى ماشى يتوك وحتى أكثر الحارات تخلفاً لا يمكن أن تسمع فيها تعبيراً مثل " كوز المحبة اتخرم " ومع مد الخط على استقامته ، فإن أغنيات شعبولا عن أنفلونزا الطيور وغيرها من الأحداث الجارية لا يمكن اعتبارها مستمدة من الشارع بقدر ما هى تعبير عن وجهة نظر شعبان نفسه أو شاعره إسلام خليل وربما لهذا ما زالت أكثر أغنياته نجاحاً هى " بكره إسرائيل " وبالنظر إلى كوكتيل العنب الشهير ، تزيد الأمور وضوحاً فهو يضم نخبة من المطربين الناجحين شعبياً وأغنية العنب لسعد الصغير وأغنية سمعنى ذئاب الجبل لمحمد سعيد وأغنية سلامتك يا دراعى لمحمد صلاح وهى جميعاً أغنيات تتحدث عن نفسها فلا يمكن اعتبار أيا منها تعبيراً عن أى فئة ولا هى تحمل جمالياتها الخاصة ، ولا ننسى على سبيل المثال أغنية " يا هنادى " ليسرى شريف التى تسلك طريقاً مضموناً هو السخرية من التراث وهو نفس الطريق الذى بدأ به سعد الصغير فى كليب " الكلام على مين " الذى سخر فيه من مظاهرات ثورة 19 بشكل عام يعتمد سعد الصغير على رقصه أكثر مما يعتمد على غنائه وهو لا يجد غضاضة " مثل

شعبولا" فى أن يغنى العديد من الأغنيات على نفس اللحن الذى يكون عاطفياً مرة وإعلانياً مرة أو مهنئاً لمنتخب الكرة فى مرة ثالثة ويضاف إلى ما سبق أغانى النكت التى ازدهرت بدءاً من " أحمد حلمى اتجوز عايدة " وصولاً إلى " الديك بيحب الوزة " .

أما الأصوات فهى مليئة بالعيوب الخلقية والجهل بأساليب الآداء الغنائى لدرجة تجعل الكثيرين يترددون فى منح شعبولا وبعرور وحمودة لقب مطرب .

الفارق الأهم بين عدوية وجيل " الشعبين " الحالى هو أن عدوية نجح فى عصر أم كلثوم وعبد الحليم ، بينما نجح شعبولا ورفاقه فى عصر انحطاط فنى واجتماعى بل وأصبحوا رموزاً لذلك العصر مع استشراء العشوائيات التى تحيط بالقاهرة إحاطة السوار بالمعصم ، والمنطقة العشوائية ليست مكاناً مستقراً كالحارة ولا تمتلك ثقافة خاصة وبالتالى لا تنتج ثقافة إنها مكان مؤقت تماماً كالأغنية العشوائية فأغانى سعد الصغير وزملائه مقطوعة الجذور لا أصل لها فى التراث الموسيقى أو الغنائى وفى نفس الوقت لا تقدم جديداً المنطقة العشوائية منطقة لا تعرف المستقبل وكذلك الأغنية العشوائية .

تحرير : محمد خير

نقلاً عن جريدة الدستور - 15 نوفمبر 2006 م

بالإتفاق مع الجريدة

[عبده بيه]

اختنا العزيزة سيوة تحية طيبة انا متفق معاكي لا يجوز وبقول لا يجوز ان نقارق عدوية والاشكال القذرة ده الحسالة والمتخلفة وسبب نكبة تدهور الذوق بين الشعب المصري

هنا بطالب حكيم وحمادة هلال وفؤاد ان يقومون بعمل شغل شعبي جديد وفي محاولة جديدة لطرد هؤلاء الاقذار خارج الاضواء كما فوعل بحمدي بتشان في عام 90 وطرد شر طردة

واخيرا انا مازلت عندي الكثير لعدوية ولكن ليس لدي الوقت له الان وتحياتي للجميع

[MZohairy]

للرفع و ياريت حد يجيبلنا اغنية يا عينك يا جبايرك و اعتقد انها من الحان الراحل حسن ابو السعود ايضا

[MZohairy]

للرفع و ياريت حد يجيبلنا اغنية يا عينك يا جبايرك و اعتقد انها من الحان الراحل حسن ابو السعود ايضا

???

no news?

[Sherief AbdelWahab]

في عام 1980 قدم عدوية وعلي الحجار فيلم "أنياب" للأب المؤسس للفيلم المستقل في مصر "محمد شبل".. الفيلم اللي كتبه وأخرجه ووضع موسيقاه الأخوين "حسين ومودي الإمام" ، وظهر فيه شرفياً والدهم "حسن الإمام"..

في الفيلم الفانتازي دة كان فيه شوية أغاني ، كلها طبعاً للحجار وعدوية غير الاستعراض الأخير اللي شارك فيه الكل .. كتب كل الأغاني الشاعر الموهوب الراحل "عصام عبد الله" باستثناء الأغنية اللي بأطلب منكم تجيبوها وتلقوا نظرة عليها لإنها أغنية ممتعة.. واللي كتبها "حسن أبو عتمان".. أغلب ظني إن اللي ملحنها هو "عدوية" نفسه .. لكن كل شيء في الأغنية دي يستحق التأمل من بساطة الكلمات وجمالها للتوفيق الغير عادي للملحن "عدوية ربما" والموزع "مودي الإمام" في اختيار سلم الأغنية الذي حفز عدوية على الأداء فيه بسلاسة يصعب على أي مطرب آخر حالياً الأداء بها..

أعني أغنية "يا لهو بالي"..

خلص الكلام

[Scorpion]

ياعينك ياجبيرك - احمده.mp3

اقتباس

عقلي الباطن : عدوية ده ايه ده يا اخويا اللي بيسمعوه في كندا ... لأ و بيسأل عليه و بيقول "نو نيوز" .. نو نيوز مع عدوية!! و "ايني نيوز" مع كتكوت الأمير .. يبقي علي كده شفيق جلال "باد نيوز" ... ما علينا الجدع ما لحقتش اعيد عليه في عيد ميلاده فنجيبله الأغنية دي و نمشيها المرة دي .. اهه احسن من رزع الحلل بتاعتهم ..

شوف يا مون Chèr .. بالرغم ان عدوية ده مش من المفضلين خالص عندي .. و لكن بما انه واضح انك بتتوحم عليه ... فانا بعت الأسطي عبده الشوفير لحد سوق التلات جابلي نص كيلو منه مشي حالك بيه .. بس ما تعملهاش تاني ...

 

[الباشمهندس ياسر]

طب ممكن اغنيه اسم الله يا ختى

[Scorpion]

ياختي اسملتين احمد عدوية.mp3

اقتباس

هو يوم مش فايت انا عارف .... بس ده الباشمهندز

شوف يا مون بيه باشمهندس ياسر ...

انا ندهت لعبده الشوفير مرة تانية .. و الجدع كان خلاص غسل العربية و مروح ... و قلتله :

- يا عبده

بصلي بقرف و قال لي : - أفندم

- شوف .. حترجع تاني سوق التلات و دور لي علي اسم الله عليكي يا اختي

قام قال لي : يا اختي اسماللتين

- ايه ده يا ولد .. انت حتخشي لي قافية

- يا باشا ... زمايلك دول ما وراهومش حاجة غير انهم يطلعوا عيني انا ... و كمان في سوق التلات ما فيش ركنة...

- مش عايز دوشة .. يا اللا .. روح هات البتاعة دي اللي اسمها اسم الله عليكي يا أختي

_ يا باشا ما قلنا اسمها يا اختي اسماللتين .. هي بس البريمة شكلها لوحت دماغ الباشمهندس و بقي يقول الكلام بالعكس ...

- طيب طيب .. هاتها .. و ابقي روح المحاورات سيبهاله عند السيكيوريتي ...

- ماشي يا باشا ( اعتقني منهم يا رب )

 

 

[الباشمهندس ياسر]

هو يوم مش فايت انا عارف .... بس ده الباشمهندز

شوف يا مون بيه باشمهندس ياسر ...

انا ندهت لعبده الشوفير مرة تانية .. و الجدع كان خلاص غسل العربية و مروح ... و قلتله :

- يا عبده

بصلي بقرف و قال لي : - أفندم

- شوف .. حترجع تاني سوق التلات و دور لي علي اسم الله عليكي يا اختي

قام قال لي : يا اختي اسماللتين

- ايه ده يا ولد .. انت حتخشي لي قافية

- يا باشا ... زمايلك دول ما وراهومش حاجة غير انهم يطلعوا عيني انا ... و كمان في سوق التلات ما فيش ركنة...

- مش عايز دوشة .. يا اللا .. روح هات البتاعة دي اللي اسمها اسم الله عليكي يا أختي

_ يا باشا ما قلنا اسمها يا اختي اسماللتين .. هي بس البريمة شكلها لوحت دماغ الباشمهندس و بقي يقول الكلام بالعكس ...

- طيب طيب .. هاتها .. و ابقي روح المحاورات سيبهاله عند السيكيوريتي ...

- ماشي يا باشا ( اعتقني منهم يا رب )

ياختي اسماللتين

:)

يدوم الواجب كامل بك الجمل

تم تعديل 5 يونيو 2009 بواسطة Salwa

[Scorpion]

قال Sherief AbdelWahab :

في عام 1980 قدم عدوية وعلي الحجار فيلم "أنياب" للأب المؤسس للفيلم المستقل في مصر "محمد شبل".. الفيلم اللي كتبه وأخرجه ووضع موسيقاه الأخوين "حسين ومودي الإمام" ، وظهر فيه شرفياً والدهم "حسن الإمام"..

في الفيلم الفانتازي دة كان فيه شوية أغاني ، كلها طبعاً للحجار وعدوية غير الاستعراض الأخير اللي شارك فيه الكل .. كتب كل الأغاني الشاعر الموهوب الراحل "عصام عبد الله" باستثناء الأغنية اللي بأطلب منكم تجيبوها وتلقوا نظرة عليها لإنها أغنية ممتعة.. واللي كتبها "حسن أبو عتمان".. أغلب ظني إن اللي ملحنها هو "عدوية" نفسه .. لكن كل شيء في الأغنية دي يستحق التأمل من بساطة الكلمات وجمالها للتوفيق الغير عادي للملحن "عدوية ربما" والموزع "مودي الإمام" في اختيار سلم الأغنية الذي حفز عدوية على الأداء فيه بسلاسة يصعب على أي مطرب آخر حالياً الأداء بها..

أعني أغنية "يا لهو بالي"..

خلص الكلام

- يا عبده

-

اقتباس

يقطع عبده و سنين عبده

- معلش يا عبده .. حتعبك تاني .. يا ريت توصل لسوق التلات

- ما انا لسه راجع من هناك يا باشا

- معلش .. ده شريف يا عبده .. شريف

-

اقتباس

تقولش دي مناببا يا معنمي مناببا

- ايه المطلوب يا باشا

- يا لهو بالي

-

اقتباس

باشوات ايه دول يا خويا .. يا جبايرك .. اسمللتين .. و يا لهو بالي .. دي ايه الشغلانة المهببة دي

- و اسيبها برضه عند السيكيوريتي بتاعت المحاورات ...

- من فضلك ...

- ماشي

 

 

Ahmed Adaweya - Yalahwy Baly - احمد عدويه - يالهوي بالي.mp3

[qenawy]

هذه الاغنية تعجبني جدا

هنا

[MZohairy]

في عام 1980 قدم عدوية وعلي الحجار فيلم "أنياب" للأب المؤسس للفيلم المستقل في مصر "محمد شبل".. الفيلم اللي كتبه وأخرجه ووضع موسيقاه الأخوين "حسين ومودي الإمام" ، وظهر فيه شرفياً والدهم "حسن الإمام"..

في الفيلم الفانتازي دة كان فيه شوية أغاني ، كلها طبعاً للحجار وعدوية غير الاستعراض الأخير اللي شارك فيه الكل .. كتب كل الأغاني الشاعر الموهوب الراحل "عصام عبد الله" باستثناء الأغنية اللي بأطلب منكم تجيبوها وتلقوا نظرة عليها لإنها أغنية ممتعة.. واللي كتبها "حسن أبو عتمان".. أغلب ظني إن اللي ملحنها هو "عدوية" نفسه .. لكن كل شيء في الأغنية دي يستحق التأمل من بساطة الكلمات وجمالها للتوفيق الغير عادي للملحن "عدوية ربما" والموزع "مودي الإمام" في اختيار سلم الأغنية الذي حفز عدوية على الأداء فيه بسلاسة يصعب على أي مطرب آخر حالياً الأداء بها..

أعني أغنية "يا لهو بالي"..

خلص الكلام

- يا عبده

-

يقطع عبده و سنين عبده

- معلش يا عبده .. حتعبك تاني .. يا ريت توصل لسوق التلات

- ما انا لسه راجع من هناك يا باشا

- معلش .. ده شريف يا عبده .. شريف

-

تقولش دي مناببا يا معنمي مناببا

- ايه المطلوب يا باشا

- يا لهو بالي

-

باشوات ايه دول يا خويا .. يا جبايرك .. اسمللتين .. و يا لهو بالي .. دي ايه الشغلانة المهببة دي

- و اسيبها برضه عند السيكيوريتي بتاعت المحاورات ...

- من فضلك ...

- ماشي

يا لهو بالي

:happy:

والله انت انسان سامباتيك و جانتي خالص يا سكوب

بس و رحمة ابوك تخلي الشوفير بتاعك قبل ما يرجع على السويت بتاعه يجيبلنا اغنية قرقشنجي دبح كبشه يا محلا مرقة لحم كبشه

اللينك بتاعها فوق غلط و بيودي على اغنيه تانيه

و نصيحه من اخوك

قوله يا ولد (بصوت غاضب) روح هات الاغنيه دي و تعالى بسرعه :lol:

لازم تعامل الخدامين بتوعك بقسوه عشان يخافوا منك و يشتغلوا بذمه

انا مره خليت 14 خدام من ضمن خداميني يقفوا على رجل واحده 3 ايام و من غير ما يدخلوا الحمام عشان صحيت من النوم الساعه 5 الفجر بالصدفه (كنت عايز ادخل الحمام) و ملقيتهومش صاحيين

و من يومها يا مون شير و هما زي الألف و كله في البيرفيكسيو

قرقشنجي بقى الله يسترها معاك في بلاد الفرنجه

[Scorpion]

اقتباس

زهيري سخنني علي عبده ....

- عبده ... انت يا ولد يا عبده

- نعم يا معلم

- ايه معلم دي .. انت اتجننت ..

- معلش يا باشا .. اصل حضرتك اليومين دول غريب شوية ... أؤمر يا باشا .. نروح برضه سوق التلات ...

- انت حتاخد عليا و الا ايه يا عبده .. طب ايه رأيك بقي انك حتطلع العربية اللامبورجيني الفوشيا و تلبس اليونيفورم الفوزدقي .. و تسوقها برجل واحدة و تطلع الرجل التانية من الشباك لحد ما توصل للمدبح ...

- المدبح ؟؟؟ خير ...

- تجيبلي البتاعة دي ... البتاعة اللي بيقولوا عليها دي

- اللي هي ايه يعني

- الزفت دي ... قرقشنجي عور معزته ...

- نعم ؟؟ معزته ؟؟؟ يكونش قصد حضرتك دبح كبشه ...

- معزته .. كبشه ... انا مش عايز مناهدة .. اهه روح هناك و انت حتلاقيها ... بلاش كلام فارغ

- حاضر يا باشا .. بس ممكن ابقي آخد الفروة ؟؟

 

[MZohairy]

:lol: :lol: :lol:

والله العظيم لسه شايف رد سكوب حالا

اشكرلنا عبده قوي يا سكوب و قوله عفارم عفارم

بس مهما كان عبده الجنايني مش ممكن يتجوز انجي بنت مولانا

[مسافر زاده الخيال]

لاحمد عدوية مستمعون كثر في السعودية (من جيل الثمانينات)....واعتقد انه من المنطقي في الفن وجود عدة درجات و طبقات تعلو وتهبط والاهم هو الصدق

ففي الماضي-في العهد العباسي كما اظن- انتقد بعض الشعراء بشار بن برد -وهو من كبار شعراء العربية حتى انه قتل بسبب اشعاره-ان قال اهزوجة (رباب ربة البيت..تصب الخل في الزيت...لها عشر دجاجات...و ديك حسن الصوت)

فرد عليهم انه الفها لجارية اسمها رباب وان اهزوجته بالنسبة لها افضل من قصيد امرؤ القيس (قفا نبك من ذكرى حبيب ومنزل) انتهى

اذن ليس من المنطقى ان تكون فنوننا لا تحوي سوى الاوبريتات والقصائد...فالنفس تحتاج احيانا للبساطة في كل شيء فقد غنى عبدالوهاب (تلعب عشره طوله) وفيروز (واحد عم ياكل خس) ال...خ

عودة لعدوية (قد يكون اول مغن مصري اسمعه) في فلم شعبان تحت الصفر وكنت في الخامسة من العمر.....اغنية زحمه يادنيا زحمة....

الحقيقة انه مبدع حقيقي وتظل اغنية يابنت السلطان واغنية سلمتها ام حسن هما الاشهر في السعودية

اما قلقشندي دبح كبشه فلم اعرفها الا من المبدع سيد زيان عندما انتقد كل الفنانين في مسرحيته (ربما الهلفوت)