علاقتك مع حماتك

[مصريه بالكويت]

انت ايه علاقتك بحماتك

سؤال

ليه كل زوجة مش بتعامل حماتها زى ما بتعامل أمهابمعنى لو أمها ضايقتها مش بتكبر الامور بينهم

من الناحية الاخرى ليه والدة الزوج مبتشوفش زوجة ابنها زى نظرتها لبنتها نفس الحكايه لو بنتها زعلتها مش بتقوم الدنيا

ليه وايه الحل

وانت علاقتك بحماتك شكلها ايه

[yasovinas]

اللي قبلنا قالوا

وعين الرضا عن كل عيب كليلة

وعين السخط عن كل عيب تبحث

وسمعت كمان ان الام تقول

جوز بنتي هو في زيه مهنيها ومستتها وبيعمل لها شغل البيت وجايب لها عربية

اما مرات ابني بلا وكسة عايزة تعمل فيها السفيرة عزيزة وعايزا الواد يساعدها في المطبخ وقال ايه عايزاه يجيب لها عربية

انا شخصيا حماتي الله يرحمها كانت بلسم وكنت اعشقها وبكيت كثيرا يوم وفاتها الله يرحمها ويدخلها فسيح جناته

[م الغزالى]

وانت علاقتك بحماتك شكلها ايه

الحمد لله فل الفل

يمكن علشان بينى وبينها

2400 كم وكمان البحرالأبيض المتوسط

[nancy]

انا رغم انة متجوزة من 14 سنة انما علاقتى بحماتى محدودة جدالاننا بننزل مصر مجرد اجازة

بس السنة دى حماتى جاتلى شهر ونص زيارة وكانت جاية تحج فضلت قبل ما تيجى حاموت من الرعب وافكر اد اية حتقرفنى فى الفترة دى

بصراحة اكتشفت ان خوفى مكنش لة اى لازمة طلعت مسالمة جدا وطيبة وملهاش طلبت خالص وكل ما عملها حاجة تدعيلى لدرجة ان جوزى لما راح الحج بيها قالى كل الناس الى كانوا معاها فى المخيم يسالوه هو مين نانسى الى مامتك عمالة تدعى لهاولمارجعت مصر كل ولادها اخوات جوزى وحمايا شكرونى على انهارجعلهم وشها منور على كلامهم

سعتها فرحت وزعلت انى خايفة اكون ضيعت ثوابى بامتعاضى الداخلى

فلازم ندى نفسنا فرصة نفهم الاخر وبعدين لو طلع وحش نبقى نشوف نعمل اية ساعتها

[yacho]

حماتى الست البسيطه دي اللى مخها يوزن بلد

كانت كويسه معايا متعملش مشاكل بينى وبين جوزي :P لكن متحبش تشوفنى مرتاحه مثلا

يعنى لما كنت انزل اجازتي فمصر كنا نيجى طالعين شرم كنا بنحجز للداده بتاعت الولاد

معانا. . لا.. صراحه ..كانت حماتى تضايق قوى وتحاول تقنع جوزى ان الداده مش كويسه عشان

يمشيها قبل السفر عشان اتسوح انا .. بس الحمد لله عشان جوزى عاقل وفاهم مامته

ماكلنش ييجى عليا ابدا وده برضه عشان انا كنت باعدى وباكبر دماغى .. :)

[عادل أبوزيد]

الحب يصنع المعجزات و أرى أن العلاقة مع الحماة أو العلاقة مع زوجة الأب شئ من صناعة الإعلام و شئ أتصور أنه غير طبيعى فى ثقافتنا

ما سبق كا إستهلالا لابد منه

توفيت والدتى منذ خمسة عشر عاما و هى تقسم فى كل مناسبة أن زوجتى أغلى عندها من بناتها اللذين خرجوا من بطنها .... و يقسم إخوتى البنات أن تانت نشوة زوجتى أغلى عندهم من بعضهم البعض و هى مستودع أسرارهن و مصدر النصيحة و الإرشاد

ما أقوله حقيقة و سأحاسب عليها أمام الله

و بالنسبة لى فإن والدة زوجتى تعيش معى فى المنزل مفضلة البقاء معى عن البقاء مع أى من بناتها الثلاث أو أبنائها الإثنين و أشعر نحوها بحب كبير و أحمد الله أن قدر لى أن أعيش معها و تعتبرنى مستودع أسرارها و تعتبرنى إبنها البكر

و كل الأسرة تشهد بذلك

أقول لكم إنه الحب و إسمحوا لى أن أدلف للحديث عن زوجة أبى عشت معها منذ كنت فى التاسعة من عمرى حتى تخرجى من الجامعة - فترة الجامعة كنت فى مدينة أخرى - و للأمانة أحيانا كنت أشعر بقليل من عدم الرضا و لكن سرعان ما تعود الأمور لمجراها الطبيعى و أشعر بإمتنان شديد نحوها و مع إخوتى الأشقاء أتحداهم أنى أقرب لأمهم منهم بحكم الأقدمية و نضحك و نتذاكر أيام الطفولة

و توفى الوالد من عدة سنوات و أتألم لو أخذتنى أمور الحياة و مر أسبوع دون أن أراها أو أطمئن عليها.

الخلاصة أن الإعلام قام على مدار السنوات بتسميم علاقات إنسانية جميلة

و علينا أن نتمسك بالحب و نهب الحب و نوزع الحب و نفترض بإستمرار حسن النية

أعرف بنات قبل الزواج و هم يأخذون موقفا متشددا ضد أمهات أزواجهن و هن بعد فى علم الغيب !!!! و ألف علامة تعجب من عندى

[ocha]

انت ايه علاقتك بحماتك

سؤال

ليه كل زوجة مش بتعامل حماتها زى ما بتعامل أمهابمعنى لو أمها ضايقتها مش بتكبر الامور بينهم

من الناحية الاخرى ليه والدة الزوج مبتشوفش زوجة ابنها زى نظرتها لبنتها نفس الحكايه لو بنتها زعلتها مش بتقوم الدنيا

ليه وايه الحل

وانت علاقتك بحماتك شكلها ايه

على فكره يا اخت مصريه موضوعك ده عجبنى اوى لانه سوف يوتيح لى الفرصه لكى اعلن فعلا ان حماتى احن عليه من امى مع حبى واحترامى لاامى طبعا لانها ست طيبه وبتحب ابنها وعارفه ان سعاده ابنها فى ايد مراته وكمان عمرها ما نسيت ان كان ليها حمه طيبه ايضا احب اقول انها ست حقانيه اوى منساش ليها موقف معيا فى مره لما كنت فى الاجازه فى مصر وشادين انا وزوجى لانى اريد ان اشترى ذهب وهو مش راضى مش علشان لا سمح الله هو بخيل او حاجه بلعكس انا فعلا جوزى طيب ومايعرفش فى جابه ايه المهم دخلت علينا حماتى وقالت ملكم يا ولاد شادين ولا ايه فاحكتلها فقالتلى وررينى الذهب ايلى عندك فاورتلها الذهب ايلى عندى يعنى حاجه بسيطه متذدش عن400 جرام فا بصصتلى حماتى اوي وقالتلى هم دول بسسسسسسسسسسسسسسسسسسسسسسسسسسس بقالك كذا سنه راحه جايه مصر فرنسا ومخللتهوش يشتريلك اللا الحبه دول وبعد كدا قالتلو اشترلها يبنى اللى هى عوذا مراتك تستاهل حببتى يا حماتى يا رب يعطيكى الصحه وطول العمر

[قهوجى]

حماتى ست طيبه رغم أنها بتتدخل أحيانا فى تربية العيال كلما سنحت لها الظروف بشكل لا يرضينى .. و أما بقى أمى فهى بصراحه بتعامل مراتى بشكل مروع :lol: لكن الحمد لله أن أم العيال ست واعيه و فاهمه الدنيا و علشان كده بتستحملها و مش بتعمل مشاكل ..

و الحقيقه أنى أحيانا بأفكر ليه أمى بتعمل كده و مش بألاقى اٍجابة !!

[اماراتي]

السلام عليكم ..

حبيت اشارك في الكلام لني من كثر ما كنت اسمع عن

الحموات في الافلام كنت خايف من المشاكل لاكن في

الواقع .. اتفاجأ ت بحبها الكبير لي ولولادي بطريقة

فوق العادة يعني زي امي بالضبط .. مع اني لازالت العقدة

فيني فعلاقتي فيها محدوده جدا..

[sendrella119]

البنت بتجيب لأهلها راجل

انما الولد بتاخده ...ست

انا رأيي ان في فرق كبير ما بين حماة الزوج

وحماة الزوجة

حماة الزوج بتكون ليه ام

انما حماة الزوجة بتكون ليها ضرة

وخلاف ذلك هما الشواذ عن القاعدة

لكن وضع حد للخلاف في النهاية بيكون

لصالح الطرف

الذكي :closedeyes:

[علي البدري]

في مثل في مصر بيقول إن الحمه عمه..... قد يكون هذا صحيح في بعض الأحيان ....

أما حماتي .... فأنا كما إتعودنا ...كثر السلام يقل المعرفه ...ويابخت من زار وخفف ..... وعليه الود موجود ..... وهي طيبه جدا وما قد أطلبه منها من بعض الطعام التي لا تجيده زوجتي أو تأكله هي تقوم بطبخه ليه..... وربنا يجعل كلمنا خفيف عليها هي وبنتها ( زوجتي )