والله وعملوها الرجاله

[مازن الدسوقى]

:angry2: دون شك ان اغلبكم يشاركنى الان فرحه ام نعيشها منذ انتهت باكستان من تجاربها النوويه . وها نحن الان وبعد ان ضمنت ايران برجالتها الاشاوس ان لم يتبقى فى مشوارها النووى الاخطوات قليله ولن يتمكن من منعها احد حتى الولايات التحده واسرائيل بجلالة قدرهما .

الحمد لله والله يا جماعه انا مصاب بأحباط منذ انتخابات مجلس الشعب وحصول الحزب الوطنى على الاغلبيه . شعرت ان مفيش فايده كما قال سعد زغلول واننا بننفخ فى اربه مخرومه ولا نافع محاورات مصريين ولا كفايه ولا نا دى قضاه واننا سقطنا فى الهاويه واصبحت مسألة وقت حتى نرتطم بنهايتها . حتى جاء هذا الخبر الايرانى واثلج صدورنا وشعرنا ان الامه الاسلاميه لسه بخير . انا متفق مع الكثير ان النووى سلاحا خطير وفتاك ولكن لابد من تواجده لدى المسلمين لكى يحدث التوازن . وكلنا يقينا ان ايران لن تقوم باستخدامه الا عندما تنقلب الطاوله على رؤس الجميع .

[زعلان]

في دول عربية قررت التحالف مع اسرائيل لوقف التسلح الايراني ولردع ايران والقائمة ستضم اكبر الدول العربية

[ATHENA]

في دول عربية قررت التحالف مع اسرائيل لوقف التسلح الايراني ولردع ايران والقائمة ستضم اكبر الدول العربية

المصدر لو سمحت

[yasovinas]

من غير مصدر في دول عربية كتير هتخاف من القوة الجديده في المنطقة والمتمثلة في ايران خصوصا ان ايران وحكوماتها لهم افكار توسعية في نشر الفكر الخوميني وتصدير الثورة الايرانية الى العالم الاسلامي ككل وتحويلة الا شيعه

تواجد قوى نوويه اسلاميه لن يكون رادع لامريكا او لاسرائيل بل انه قد يكون زريعه للمزيد من التواجد الامريكي في المنطقة والذي سوف يكون مرة اخرى بطلب رسمي من دول العربية كما حدث ايام الحرب الايرانية العراقية ومن بعدها الغزو العراقي للكويت وبعدها وحتى يومنا هذا

[أبو محمد]

حد شايف أو بيفكر إن اللى بيحصل ده غصب عن أمريكا ؟؟؟؟

فاكرين لما الهند عملت قنبلتها .. أمريكا قالت لها ماتعمليش كده تانى .. ولما باكستان عملت قنبلتها .. قالت لها أنا مخامصاكى ومش حكلمك .. وقعدت تهدد إيران وتعمل الحبتين بتوعها .. والأسبوع اللى فات وقبل إيران ما تعلن عن تخصيب اليورانيوم أعلن جورج بوش ان استخدام القوة ضد إيران وهم .. وهوبا راحت إيران معلنه عن تخصيب اليورانيوم

إيه اللى بيحصل ده .. إيه اللى انا شايفه ده

التوقيع : حكيم

[هادي]

كلام عبيط

كالعادة ..

يخرج علينا وزراء خارجية مصر المنكوسة المنحوسة بكلام عبيط

كلام لا يخدم أحد

ولا يخدم حتى مصالح مصر

لكن يخدم الاله المعبود امريكا وكلبه المدلل اسرائيل .. فقط لاغير

تعالوا نقرأ كلام عبيط على لسان ابو الغيط !!! افندي

اكد احمد ابو الغيط وزير الخارجية ان مصر لاتقبل ظهور قوة نووية عسكرية في المنطقة

مش هوقلت لكو كلام عبيط

واوضح ان ذلك يزيد من تعقيدات حالة الخلل الامني الاقليمي في الشرق الاوسط. واشار الي اهمية التوصل الي حل دبلوماسي لازمة الملف النووي الايراني، وكان ابو الغيط قد استقبل امس روبرت جوزيف وكيل وزارة الخارجية الامريكية لشئون ضبط التسليح.

وصرح المسئول الامريكي بأن زيارته لمصر وعدد من دول المنطقة بهدف توسيع الحوار الاستراتيجي وما يمكن عمله بشأن التهديد الايراني وإصرارها علي المضي قدما في برنامجها النووي.

واشار المسئول الي ان هناك احساسا في المنطقة لهذا التحدي الذي يمثله التوجه الايراني في هذا الشأن، وقال: ان وجود ايران مسلحة تسليحا نوويا هو امر لا يمكن التسامح تجاهه

المصدر:

جريدة الوفد

تم تعديل 14 أبريل 2006 بواسطة هادي

[احمد هادي]

صرح الامير سعود الفيصل قبل ايام ان السعوديه ليس لديها اي قلق من البرنامج النووي الايراني

وقد أتي هذا التصريح وسط تقارير نشرتها الصحف الاميريكيه عن التخطيط لضربه محتمله ضد ايران

والواضح ان الموضوع جد وان السعوديه بتحاول تقنع المريكان بعدم العدوان

لان ضربه امريكيه ضد ايران سوف تقلب الخليج كله راسا علي عقب

انا هنا في الامارت وبيني وبين ايران دقائق بالطائره

يعني ايه ضربه للمنشآت النوويه الايرانيه قد تؤدي الي أثار رهيبه علي الامارات وخاصة دبي وهي مركز اقتصادي عالمي اذا تضرر سينعكس ذلك علي اقتصاد العالم كله

تم تعديل 14 أبريل 2006 بواسطة احمد هادي

[عطر]

اسرائيل عايزة تعمل دولة يهودية من النيل للفرات

وإيران عايزة تصدر معتقداتها الشيعية للعالم الإسلامي كله

ايه اللي يفرح في بلد عادت دولة شقيقة مسلمة لسنين طويلة ا ان يكون عندها سلاح نووي !!

المنطقة بيزيد فيها الخطر اكتر واكتر

[مازن الدسوقى]

الاخ هادى متفق معك تماما . فكلمة مصر تسمح ومصر لاتسمح أصبحت جمله مستهلكه لاتضر ولا تنفع . فأسرائيل أول جاره لنا تماك النووى منذ عشرات السنوات . ماذا فعلت الحكومه المصريه سوى الشجب والادانه .

واناوالله يا اخى عن نفسى افضل الموت على يد النووى الايرانى الشيعى على الموت على يد النووى الاسرائيلى اليهودى .

شكرا

[هادي]

المشكلة يا اخي مازن ان مولانا وحكومته مش فاهمين أي حاجه ف أي حاجه

مش فاهمين ان النووي الايراني لا يزال بعيد المنال جدا

هما حتى مش فاهمين ايران بعد الثورة الايرانية ماشية ازاي وبيحصل جواها ايه واطراف القوى المؤثرة داخلها ايه

لايوجد خيبير مصري واحد متخصص في الشأن الايراني حتى اليوم

النية غير موجودة ياعزيزي

النية للفهم غير موجودة

ويفهم ليه

ماهو مولانا بيحلب البقرة كل يوم ويشرب لبن والشعب بيشرب طين .. عادي .. مش فلاح خرسيس !!!

كأنه صاحب كشك

والكشك ماشي كده

يبقى اتعب راسي ليه

النووي هو سلاح ردع فقط (ردع من القوة الرادعة وليس له علاقة بالرضاعة عشان لو حد من الحكومة بيقرأ معانا)

يعني امريكا لما استخدمته في حرب الخليج

استخدمت يورانيوم منضب وفي شكل قذائف صغيرة لتكون ذات تأثير محدود

ومع ذلك تضرر جنودها ورجعوا بلادهم رفعوا قضايا على حكوماتهم !!!

دول الكلاب الكفرة !! يقدر يقاضوا حكوماتهم !!! ملناش دعوة احنا ... واخد بالك

اليوم

باكستان تملك النووي (اللي طلع مولانا في يوم يضحك ويتندر بها في خطاب ويقول انهم مش لاقيين ياكلوا !!! )

الهند تملك النووي

اسرائيل تملك النووي

العراق كانت في الطريق (قبل صدام يلبسه العفريت شمهورش بتاع الزعماء ده اللي بيجيب زهايمر بدري)

ومش بعيد بكرة تسمع ان قبرص بتطور نووي

يعني مفيش غيرنا احنا وجزر القمر

وجزر القمر عملتها أقوى من الجنية المصري

ويجعله عامر