هل جربت التسوق عبر الإنترنت ؟

[حشيش]

الأخوة والأخوات الأعزاء :angry:

هل جربت التسوق عبر الإنترنت ؟ ... يعنى هل إشتريت شيئاً ما عن طريق النت ؟ ..... ياريت تحكى لنا خبرتك فى هذا الموضوع حتى تعم الفائدة ..... يعنى اللى يعرف مثلاً مواقع (موثوق بها) فى أى شأن من الشئون يضع لنا هنا وصلة الموقع ومميزاته ..... عن نفسى جربت حجز وشراء تذاكر الطيران (E-Tickets) عدة مرات من شركات طيران مختلفة وذلك لأن مواقع هذه الشركات بها نسبة عالية جداً من الأمان يستطيع الإنسان معها أن يعطى بيانات كارت الإئتمان الخاص به دون الخوف من النصب الذى قد يحدث على النت .... طبعاً هناك مواقع عديدة بها نفس الدرجة من الأمان ولكنى لم أجربها شخصياً .... من المعروف أن الشراء Online بيكون أرخص من الشراء من المحال التجارية الكبيرة بالإضافة إلى ميزة أخرى هامة وهى أنك تقرأ كل شئ عن المنتج المراد شرائه وخصائصه فى بيتك وعلى مهلك ..... مثلاً يعنى لو حبيت تشترى Digital Camera جديدة ستجد ألاف المواقع والأنواع لتختار من بينها بدلاً من أن تختار من مجموعة محددة فى أى متجر مهما كان كبيراً وبعد أن تختار وتدفع تصلك بالبريد السريع إلى باب بيتك ;)

تم تعديل 13 أبريل 2006 بواسطة حشيش

[nashwa]

تم شراء ... الحمد لله

- DVD + VCR player

- لعب لجنة ;)

- هدوم لجنة :o

- أكسسورات فضة (بحب الفضة جدا)

- أثاث

- أشتراك فى مجلات بأمريكا وهنا كمان ... وكله تم online

- مخالفات العربية

- فواتير التليفون

الموضوع أمن بنسبة كبيرة ياحشيش .... لان لايمكن أستخدام كروتك على عنوان مختلف

بمعنى أن لو حد أخد كروتك وحاول يشترى على عنوان تانى ... مش حيسمحله

واحدة صاحبتى أشترت كمبيوتر ... وماكنش معاها كارت فيزا ... فستعملت الكارت بتاعى .... ومانفعش غير أن يوصلوا الكمبيوتر عندى

أتكل على الله :angry:

تم تعديل 14 أبريل 2006 بواسطة nashwa

[maksoof]

أيوه يا أستاذنا

إشتريت حاجات من ebay.ca (أو ebay.com) - ممكن تشترى عن طريق المزايدة أو فيه حاجات بتتباع مباشرة خارج المزاد. أوقات بيكون البائع بيعمل من بيته و أحيانا بيكون محل.

الكويس فى المكان ده إن المشترى بيكتب عن تجربته مع البائع و أنا باشترى لما تكون نسبة الردود الإيجابية أكتر من 99% (زى نتائج الإنتخابات أيام عبد الناصر كده :angry: )

الحقيقة تجربتى معاهم ما فيهاش أى سلبيات (لغاية دلوقت) - و أكبر حاجة إشتريتها منهم هو جهاز إستقبال ساتلايت - (و اتهريت أفلام عربى من وقتها)

جربها - و إعمل بحث عن الحاجة اللى إنت عايز تشتريها و لو محتاج مساعدة سعادتك تأمر!

[مصرية الهوى]

فيه بطاقات اسمها كاش يو ..

تشتريها من محلات مخصصة .. وأسعارها مختلفة ..

والبطاقة دي يكون معترف فيها من كتير من الشركات اللي تبيع على النت ...

يعني من غير ماتحتاج لبطاقة الائتمان ..

برقم البطاقة دي تقدر تشتري ..

انا بصراحة لسا مجربتهاش ...

بس ان شاء الله ناوية اجيبها لاني بشوف حاجات حلوة على النت ...

وابقى نفسي اشتريها ...

شوف السايت ده ..

cash u

[nashwa]

ياااااااااااااااااااااااااااااااااااااااه نسيت

أأمن طريقة للدفع حاليا

https://www.paypal.com/

مش مضطر تدخل بيانات الكروت على أى ويب سايت :angry:

[kokowawa1979]

أخوكم اشترى أكثر من 30 مرة عن طريق الإنترنت لكن معظم اللي اشتريته عبارة عن برامج كومبيوتر علاوة على سوق دبي الكثير من الأجهزة والالكترونيات . في الحالة الأولى تدفع عن طريق الفيزا وحتى الآن ولله الحمد لم أتعرض للنصب أو الاحتيال لأن معظم تعاملاتي تتم مع شركة REG SOFT . أما في الحالة الثانية فيتم الدفع نقدا بعد توصيل البضاعة والتأكد من صلاحيتها .

[حشيش]

الأعزاء نشوى ... مكسوف ... مصرية الهوى ... كوكوواوا :angry2:

شكراً على ما تفضلتم به .... عجبنى بالفعل الموقع اللى مكسوف قال عليه ebay لكن أحياناً تلاقى فيه حاجات تحفة وبرخص التراب لكن سعر إرسالها بالبريد عالى جداً بالمقارنة بسعر السلعة المراد شرائها وأحياناً بيكون أغلى منها :unsure:

[yasovinas]

استعمل الفيزا كارت بصفه شبة اسبوعية في شحن الموبايل (الشحن على النت يعطيني اضافة 10%)

ايضا في سداد مخالفات المرور

وكذلك اشتريت كاميرا ديجيتال من الاير مايلز بواسطة الفيزا

كذلك سافرت اكثر من حوالي عشرين مرة حتى الان بواسطه الفيزا كارت

الموضوع حتى الان آمن معايا ولا توجد اي مشاكل

[حشيش]

استعمل الفيزا كارت بصفه شبة اسبوعية في شحن الموبايل (الشحن على النت يعطيني اضافة 10%)

ايضا في سداد مخالفات المرور

وكذلك اشتريت كاميرا ديجيتال من الاير مايلز بواسطة الفيزا

كذلك سافرت اكثر من حوالي عشرين مرة حتى الان بواسطه الفيزا كارت

الموضوع حتى الان آمن معايا ولا توجد اي مشاكل

مافيش نصب حصل معاك إلى الأن يا ياسو لأن كل المواقع التى ذكرتها إما لمواقع حكومية أو شركات طيران وهى بالطبع مضمونة .... لكن هناك ملايين المواقع التى تبيع أشياء برخص التراب وتشحنها لك بالبريد السريع إلى أى بلد لكنى بصراحة أخاف إدخال بيانات الكريدت كارد فيها وده لأن حد الكارت بتاعى أنا عامله مرتفع بعض الشئ .... بالطبع لو حصل لك عملية نصب وكان حد الكارت بتاعك منخفض يعنى مثلاً 500 أو 1000 دولار أهو حتستعوض ربنا فيهم وتبلغ البنك بتاعك ليلغى لك الكارت ويصدر لك بطاقة جديدة برقم جديد لكن لو حد الكارت بتاعك مثلاً 5000 دولار أو أكتر يبقى لازم تلعب بطريقة الجوهرى :unsure: .... بالنسبة للمعلومة التى تفضلت بها نشوى وهى أن البنك يرفض الشراء بإسم الغير لأن العنوان المرسل عليه المنتج غير مطابق لبيانات الكارت المسجلة بالبنك فأعتقد أنها حدثت معكى بمحض الصدفة لأنك ممكن تشترى هدية لأخوكى مثلاً أو أختك وترسليها إليهم فى البلاد التى يعيشون فيها بدون مشاكل ..... البيانات التى تهم البنك للحصول على

Auth Code for the Transaction عبر النت هو رقم الكارت وتاريخ إنتهائه والإسم الموجود على الكارت وال Security Code الخاص بالكارت ..... لكن فى حالة الشراء المباشر فيلزم الآن فى كروت CHIP & PIN أن تقوم بإدخال الرقم السرى حتى تتم المعاملة ..... تحياتى :angry2:

[عطر]

تعاملت اكتر من مرة في استخدام الكريدت كارد في الشراءعبر النت

لكن حصل في مرة اتصل عليا البنك وسألني لو عملت معاملة في موقع معين لشراء الدي في دي

لكن للأسف ما كنتش عملتها فوقفوا الكارد على طول وبعتولي واحد جديد وحمدت ربنا ان المعاملة دي كانت بمبلغ بسيط

بطاقة الكاش يو اللي قالت عنها مصرية الهوى فعلا كويسة وأضمن

تم تعديل 14 أبريل 2006 بواسطة عطر

[se_ Elsyed]

فاكرين فيلم فريد شوقي بتاع " الفتوة " لما كان بيحوش فلوسه في صندوق البوسطه اللي في الشارع .. اهو أنا كده ، معايا كذا كرت إئتمان لكن مرعوب إني أشتري حاجة من على النت لحد دلوقت .. وعندي إحساس إنهم هايألكلوني البالوظة ...

ولكن مرة واحده زمان إستخدمت كرت أحد زملائي في الـ نيت تو فون ... وسيبت عندهم باقي رصيد الـ 30 دولار بتوع الشحن لإن الصوت كان زبالة .. وفرحت لإن المكالمة لأوروبا رخيصة وقلت أعمل مفاجأة لأحد إخواتي

وكلمت أختي في الدنمارك وبأطمئن عليها وعلى أولادها وألاقي الصوت بيقطع وحاجة زفت ... شوية وروحت راكن الشاكوش اللي سالفه من الجيران وقلت أستخدم الشاكوش اللي دافعين فيه فلوس .. وكلمتها من الموبيل عشان أقولها أنا كنت عايز أقولها إيه في المكالمة اللي الفلوس راحت فيها ...شويه ولقيتها هي أتصلت وعماله تعيط وتقولي إنت في حاجة بس مخبي عليه .. إنت عيان وهاتموت ومش عايز تقول لأختك حبيبتك وصوتك كان متغير .... وكان يوم إسود ماطلعلوش شمس وماكررتهاش تاني .

بس اللي عرفته بقى إن هنا بنوك كتير في السعودية ممكن تعطيك بطاقات إئتمانية على قدر إحتياجاتك .. 100 دولار .. 200 دولار .. يعني لو أتنصب عليك يبقى في داهية ... أحسن ما تشرب بالقرش كله وتبقى حكاية .

--------

أخوك عطوه الشلشلاموني من دردا الجبلية .. مركز أبو طشت