أكبر انجاز حققته في حياتك حتي الآن

[احمد هادي]

احبائي

زي ما دايما بنلوم نفسنا علي اخطائنا وفشلنا أحيانا

محتاجين دايما نفتكر أكبر انجازات حققناها في حياتنا

الموضوع ده لو تأثير غير عادي علي حالتنا النفسيه

بيدينا شعور بالرضا والرغبه في مواصلة الطريق ...........والامل

وبيرفع من معنوياتنا اللي بتكسرها أكوام من المشكل والعقبات اللي بنواجهها مع كل طلعة شمي ومع غروبها احيانا

في سؤال كتير من الشركات والمؤسسات بتحطه في نماذج طلبات التقدم للوظائف المختلفة

السؤال ده هو

إيه أكبر انجاز حققته في حياتك لحد دلوقتي

سؤال مهم

بيبين حاجات كتيره في شخصيتك وتفكيرك

وعشان معلمي وحبييبي سي السيد ما يزعلش ويتهمني بإثاره المواضيع وعدم الكلام فيها

وطبعا مانكرش - الموضوع مساعدني اتي اتكلم فيه

لأني بتكلم عن نفسي وعن انجازاتي

فأقدر اقول بكل انشكاح

وصولي للمركز اللي انا فيه دلوقتي

انا اصغر واحد في المكان سنا

وأنا الوحيد الذي لم يحصل علي تدريب أو دورات في الخارج

ومع ذلك انا في نفس الوضع والمرتب الذي يحصل الآخرون

اي ما كانت جنسياتهم أو خبراتهم

وده طبعا أعطاني الكثير من الثقة بالنفس والرغبة في العمل

علي فكره الانجاز ممكن يكون علي المستوي الشخصي

أو العملي

او الاجتماعي

أو المادي

بس انت فكر في انجازاتك وقولنا

عشان كلنا نستفيد

ونرفع من معنويات بعضنا في الأيام الزرقا دي

تحياتي

[MZohairy]

واضح كم الانجازات :lol:

وواضح أكتر عدد المنجزين لهذه الانجازات :)

نقف طابور يا شباب و واحد واحد عشان الانجازات متتبعترش على بعض :D

[ocha]

والله برافو يا احمد ربنا يوفقق دايما اما بالنسبه لى فانا احمد الله على انه قدرنى على ان اعلم اولادى الصلاه والمواظبه عليها وبعض اللايات الصغيره هنابفرنسا بلرغم من صعوبه هذا بسبب اليوم الدراسى الطويل وبسبب الضغوط المحيطه بهم من اصحاب ومدرسين وجيران حتى التليفزيون فابلرغم من ده كله الا انهم مبينسوش انهم مسلمين