فكر مرتين قبل ما تروح له

[yasovinas]

يحكى ان الاستاذ عبد المتعال موظف في احدى الشركات السعودية ويعمل بها منذ عامين بجد واجتهاد وتفاني منقطع النظير

الا انه اكتشف وبعد مرور عامين على التحاقه بالعمل انه لم ياخذ اي علاوة او ترقية او حتى خطاب شكر من الشركه فقرر ان يتوجه الى مدير الموارد البشرية (HR) ليستوضح منه السبب

وقد كان لسؤ طالع صاحبنا عبمتعال افندي ان سي السيد مدير الموارد البشريه في الشركه في هذا اليوم فاطر مرهم وضارب شوب عدس على غيار الريق ونازل من على السرير برجله الشمال ولما صحي من النوم لقي الاستاذ عمر مصحي امه من الفجر وطبعا كله طلع على عنينين س س فكان الوضع كالتالي

بعد دخول عبمتعال افندي لمكتب س س في الصباح والقاء التحيه عليه

-س س :طيب ,,,اهو صباح وخلاص

=عبمتعال ليه بس كده يا عرب خللي اخلاقك طيبة

-س س عرب ايه يا افندي انت هتصاحبني ولا ايه عايز ايه على الصبح

=عبمتعال يا استاذ س س انا قلت اجي لك انت على طول اهو مصري زيي وتفهم الظروف وكده

-س س يا دي ام الاسطوانه المشروخه اللي كل واحد مصري ييجي يسمعها لي ،،ها ؛؛ قول ياسيدي عايز ايه؟؟

=عبمتعال والله يا ابو عمر انا ليه سنتين بشتغل في الشركه هنا وما اخذتش ولا ترقيه ولا علاوة ولا حتى جواب شكر

"وهنا ازرق لون س س ثم احمر كما لو كان واكل قرن فلفل سوداني احمر ثم تحول الى اللون الاخضر وظهر امام عبعال كما الرجل الاخضر وتضخمت عضلاته وتحولت رقبته الى جزع شجرة جميز وتحول الى عملاق شرير بانياب ولا انياب الفيل وعيون يطق منها الشرر" وارتعب عبمتعال وتمنى ان تبلعه الارض ليختفي من امام هذا الاشكيف

وفي نفس اللحظه عاد س س الى حالته الطبيعية وابتسم ابتسامه صفراء لا طعم لها ولا رائحه قائلاً لعبمتعال افندي اتفضل يا عبمتعال افندي استريح انت واقف ليه ؟؟

جلس عبمتعال وهو متوجس خيفة (ايه دا انا بقول كلام كبير قوي :blush: )

-س س يا عبمتعال افندي يعني حضرتك كل اللي اشتغلته معانا هو يوم واحد وعايز علاوه ينفع الكلام ده

=عبمتعال بدهشه اذاي يا استاذ دا انا ليه سنتين بالتمام والكمال

-س س طيب قول لي يا استاذ كام يوم في السنه

=عبمتعال 365 يوم واحيانا 366

-س س طيب بتشتغل كل يوم كام ساعه

=عبمتعال من 8 الى 4 طال عمرك يعني 8 ساعات في اليوم

-س س يعني بنسبه كام في اليوم يا عبمتعال افندي

=عبمتعال افندي بعد حسبة بسيطه قال له 8÷24 يعني الثلث تقريباً يا استاذ س س

-س س كويس قوي يعني انت بتشتغل ثلث اليوم يعني ثلث العام اللي هو (1÷3)×366يوم يعني 122 يوم في السنه صح

=عبمتعال صح يا ابو عمر بس انا مش فاهم

-س س خليك معايا يا افندي طيب انت بتيجي في عطلة نهاية الاسبوع

=عبمتعال (لا) طال عمرك يا ابو عمر

-س س طيب ودول كام يوم ؟؟

=عبمتعال 52 اسبوع في خميس وجمعه كل اسبوع يعني 104يوم

-س س الله ينور عليك يا عبمتعال شيلهم بقى من 122يوم الشغل يتبقى كام

=عبمتعال وهو مذهول 18يوام طال عمرك

-س س طيب وليك في السنة اسبوعين اجازة مرضيه يعني 14 يوم شيلهم من ال18 يوم يتبقى كام يا عبمتعال افندي

=عبمتعال وقد امتقع لونه وهرب الدم من عروقه 4 ايام يا ابو عمر

-س س داومت في راس السنه

=عبمتعال وهو غرقان في عرقه ويرتعد من الخوف (لا)

-س س جيت يوم عيد العمال

=عبمتعال( لاء)

-س س يعني باقي كام يوم يا استاذ

=عبمتعال يومين يا عمي

-س س جيت الدوام يوم العيد الوطني

=عبمتعال (لاء) ما حصلش

-س س جيت يوم شم النسيم

=عبمتعال (لاء) ما حصلش

-س س طيب كويس قوي كده باقي كام يوم يا غالي

=عبمتعال ولا يوم طال عمرك

-س س طيب حضرتك عايز ايه بقى دلوقت

=عبمتعال ولا حاجه ولا حاجه انا فهمت دلوقت انا حرامي وابن حرامي والشركه بتديني قرشين لوجه الله ربنا يخليكو للغلابه ربنا ما يحرمناش منكم ربنا ياخدني علشان استريح منكم

اياكم تروحو لرئيس الموارد البشريه طلباً للمساعده والا ذنبكم على جنبكم

تم تعديل 15 أبريل 2006 بواسطة yasovinas

[shahd]

:blush: :blink: :wub:

بجد اسلوبك رهييييييييييييب كويس ان مافيش حد قدامي في الشغل حيقولوا البنيه جالها لطف

تسلم ايديك وربنا يعين الموظفين منك يا مدير الموارد البشريه

[yasovinas]

العزيزه الغاليه شهد

اشكرك على مرورك وكلماتك اللطيفه

وصلني اليوم انذار من مدير الموارد البشريه المدعو س س انني لم انهي فترة الاختبار الخاصه بتعييني (رغم اني اعمل بالشركه من حوالي 3 سنوات واعمل بالمؤسسه منذ اكثر من 15 سنه ) وبالاسافسار افاد ان فترة الاختبار مدتها 3 شهور وانه بناء على حسبة عبمتعال افندي فانني يا دوب اكملت 10 ايام عمل :blink:

[مصرية يعني مصرية]

و الله....

كتاباتك يا ياسو هي فعلا استراحة المحاورات

و دعوة حلوة للإبتسام و ساعات لضحك من القلب كمان

[Guest النسر المصري]

بقى سي السيد عبقري كده...والله انا بقول من زمان ان الراجل ده مالهوش حل في المسائل الحسابية الملوخية

يعني انا لو جيبت سي السيد يشتغل عندنا هنا في اي شركة...هيخليها اغنى خزينة لموارد بشرية فيكي ياكويت

بقولك ايه ياعم سو

اهرب بجلدك ..قبل مايجيلك الجلاد....سي السيد ايده طارشه

تعال عندي هنا في الامم المتحدة....اشغلك مدير على المرداء كلهم....انت خبره ...وخبره جامدة...جامدة اوي...اوي خالص...خالص مالص....

(بقين حلوين اهو عشان ترحمني وتسامحني وتجوزني بقى) :lol:

[Cleo]

بس يا ياسو انت نسيت تحسب ان عبمتعال أفندى برضه مابيجيش فى عيد الفطر وعيد الأضحى ومولد النبى وراس السنة الهجرية و6 أكتوبر و 25 إبريل و23 يوليو...

ياترى على كدة يبقى عبمتعال أفندى عليه يدفع كام يوم للشركة؟؟

[م الغزالى]

"وهنا ازرق لون س س ثم احمر كما لو كان واكل قرن فلفل سوداني احمر ثم تحول الى اللون الاخضر وظهر امام عبعال كما الرجل الاخضر وتضخمت عضلاته وتحولت رقبته الى جزع شجرة جميز وتحول الى عملاق شرير بانياب ولا انياب الفيل وعيون يطق منها الشرر"

ده الراجل قال كبشة أيام وراااااجع تانى

ربنا يجيبك بالسلامة يا س.س. وتشوف إل إنكتب فيك

بس حلوة ... ياياسو

والله زهقت أقول لك كل شوية حلوة حلوة

تم تعديل 19 أبريل 2006 بواسطة Koenig der Loewen

[yasovinas]

بس حلوة ... ياياسو

والله زهقت أقول لك كل شوية حلوة حلوة

انا لسه ما زهقتش :blink:

[b]كليو

الراجل اقر واعترف انه غلطان وان الشركة بتأكله لوجه الله عايزين تعملوا فيه ايه تاني يعني س س طلع ارحم منك

نسر

لامؤاخذه احنا لا يهمنا لا س س ولا ص ص ولا حتى ح ح (حسني حمارك)

مصرية يعني مصريه

من غير ما تحلفي مصدقك :unsure:

انا عايش بكلامكم الحلو دا ادوني اكتر اديكم اكتر :blink:

[ATHENA]

هو الحق بقى يزعل في البلد دي..الرادل مشتغلش و عايز ياكل حق الناس الغلابة :blink:

حلوة يا ياسو :unsure:

[Guest النسر المصري]

لامؤاخذه احنا لا يهمنا لا س س ولا ص ص ولا حتى ح ح (حسني حمارك)

حلوووووووووة حلوووووووووووووة حلوة اوي اوي اوي

شخشختني من الضحك ياشيخ

روووح ياشيييخ

وماتجيش خالص

اصلك ورا الشمس دلوقتي ياأونكل....

وانت عارف ليه هتروح ورا الشمس

اصلك غلط في الحمار......وشبهته بالكائنات الغريبة دي

الله يسامحك

[Guest النسر المصري]

كلاكيت تاني مرة...تم الحذف للتكرير...توووووووت....ورا الشمس

تم التعديل بمعرفتي

تم تعديل 22 أبريل 2006 بواسطة النسر المصري

[yasovinas]

يا عم عرفنا خلاص :blink: يعني لازم تكررها علشان اللي مش واخد باله ياخد باله ياساتر على الناس :P :unsure:

كده مش حلوا يا بني :D انا قلتها على السريع وعدت :P وانت عدتها مرة وقلنا ربنا يستر وتعدي :blink: لكن اذاي ؟؟؟لازم مثنى وثلاث ورباع كمان :blink: :P ايوة ما هو النفخ لازم يكون شرعي

:D

[Guest النسر المصري]

من النسر الطاير الى العم سو ...حول...توووت...نبلغك بانه تمت سرقة المنفاخ الكهربا واستبدلناه بمنفاخ رجلين.....توووت ......حول.... توووووت ياعم حول......ياعم حول الله لايسيئك........ياعمم...توووووووووووووووت. ...آهه بقى.!!!!! :P

[yasovinas]

وصلتني اليوم في مكتبي هذه الدورية الاسبوعية السنوية التي يصدرها السيد رئيس قسم الموارد البشرية عبده مشتاق الشهير ب س س وهي عبارة عن نصائح للموظفين العاملين في اي شركه فتابعونا

الدرس الاول

لا تبدأ في اي نشاط او اجراء قبل التاكد من توافر كل مقومات النجاح لاتمام هذا العمل على اكلم وجه - حتى شوفوا

الدرس الثاني

احرص دائما على استخدام قنوات الاتصال الرسميه مهما كانت المهمه بسيطه وقصيرة - وادي الدليل من غير كلام ولا نقورة

الدرس الثالث

يجب دائما العمل في بيئة صحية تعتمد على استشارة الاخرين وتبادل الراي - ذي كده مثلاً

وللحديث بقية

[yasovinas]

نكمل الكلام

اهم حاجه في الشغل هو التسلسل الوظيفي

[النسر المصري]

كنت عمال بقلب في الورق كده في المحاورات ...لقيت الموضوع التحفه ده....ايام لما كنت نسر مصري عتيق وقبل ماتضيع عضويتي القديمه

الممهم لاحظت ان س س ماردش على الموضوع دة...وانا استغربت في الحقيقه

ده حتى سي ياسو ابن فيناس...بطل يطلع من يومها

ياتري انت عملت ايه في الراجل يا عم س س :rolleyes:

انت عملت في ايه ...هه!!! ...قول عملت ايه!! :unsure:

[MZohairy]

الرزق على الله يا عم نسر

و محدش بيموت من الجوع

و مفيش حد بيبات من غير عشا

لو كان الرزق يأتي بقوة ما أكل العصفور شيئا مع النسر (لامؤاخذه) :rolleyes:

اللي بيعمل الخير مبيشاورش

وقطع الأعناق ولا قطع الأرزاق

وأكيد سين سين عنده حكمه من قطع عيش الراجل :unsure:

و أكيد مكانش واخد باله ان عنده عيال و وراه كوم لحم

يمهل ولا يستمهل

منه له

منه له

[النسر المصري]

الرزق على الله يا عم نسر

و محدش بيموت من الجوع

و مفيش حد بيبات من غير عشا

لو كان الرزق يأتي بقوة ما أكل العصفور شيئا مع النسر (لامؤاخذه) :rolleyes:

اللي بيعمل الخير مبيشاورش

وقطع الأعناق ولا قطع الأرزاق

وأكيد سين سين عنده حكمه من قطع عيش الراجل :unsure:

و أكيد مكانش واخد باله ان عنده عيال و وراه كوم لحم

يمهل ولا يستمهل

منه له

منه له

:wub: -_- :) :P

[lonly in cold night]

انا عاوز اقول لكم اني دلوقتى عرفت الموقع ده ليه مش بيفتح في مصر

واضح ان الناس اللي هنا كلها محطوطه على قائمة المرتقب وصولهم في المطار

و الجهاز الرقابي في مصر الله يستره خايف على امثالى انه يتاثر بالقله المندثه

اللى همه حاقدين على النعمه الكبيره اللى احنا فيها في مصر ( وش واحد راجع لمصر بعد اسبوعين ولازم يلايمها )

عموما انا بحذركم كلكم لان س س مش بس مدير الموارد البشريه

ده كمان عضو في مباحث مكافحة مراجيح مولد النبي

وعمار يا مصر