فكرة مشروع زراعي أتمني ان احققه

[kokowawa1979]

ألف مبروك يا أستاذ محمد .

أهو كدة الشغل واللا بلاش

القعدة في بيت المزرعة أحسن الف مرة من السكن في المدن لكن ده يعتمد على الخدمات المتوافرة في المكان الموجود فيه المزرعة مثل المدارس والمستشفيات وخلافه .

وواضح إن نوعية التربة عندك جيدة - مع الاعتناء بالخدمة إن شاء الله مزرعتك تكون زي الفل - لإن ده واضح من المزرعة اللي جانب مزرعة حضرتك .

أنا في رأيي مفيش داعي لحمام السباحة لإن له شروط ومواصفات خاصة مكلفة - وبالنسبة للنصف فدان حديقة فأرى زراعته بتشكيلة من أشجار الفاكهة - وتحديده من الخارج بنباتات زينة .

ولك تحياتي

[عبده بيه]

الاخ كوكو واوا الاخوة الاعزاء

الموضوع هام جدا والوقت بيضيع وياريت نهتم بالموضوع لاهميته لينا كلنا وياريت نري النور للموضوع هذا الصيف اعنكم الله

تحياتي

[Mohammad Abouzied]

ألف مبروك يا أستاذ محمد .

أهو كدة الشغل واللا بلاش ha)

القعدة في بيت المزرعة أحسن الف مرة من السكن في المدن لكن ده يعتمد على الخدمات المتوافرة في المكان الموجود فيه المزرعة مثل المدارس والمستشفيات وخلافه .

وواضح إن نوعية التربة عندك جيدة - مع الاعتناء بالخدمة إن شاء الله مزرعتك تكون زي الفل - لإن ده واضح من المزرعة اللي جانب مزرعة حضرتك .

أنا في رأيي مفيش داعي لحمام السباحة لإن له شروط ومواصفات خاصة مكلفة - وبالنسبة للنصف فدان حديقة فأرى زراعته بتشكيلة من أشجار الفاكهة - وتحديده من الخارج بنباتات زينة .

ولك تحياتي

انا هاعمل حمام سباحة صغير ومنه ايضا خزان ماء احتياطي

اما الخدمات فهي موجود على بعد 23 كيلو في مدينة السادات ويمكن اخذ شقة في مدينة السادات لهذا الغرض

[shafaki]

حلم المزرعة يراودنى، ولكنى لا أريد المجازفة بالمال حيث أن ليس لى خبرة سابقة بهذا المجال. هل من سبيل للتعلم، وكيف؟ علماً بأننى أبلغ من العمر 32 عاماً.

أشرف الشفقى

مدينة نصر

http://mazra3a.blogspot.com/

تم تعديل 1 فبراير 2008 بواسطة shafaki

[متفائل]

حلم الزرعة يراودنى، ولكنى لا أريد المجازفة بالمال حيث أن ليس لى خبرة سابقة بهذا المجال. هل من سبيل للتعلم، وكيف؟ علماً بأننى أبلغ من العمر 32 عاماً.

أشرف الشفقى

مدينة نصر

http://mazra3a.blogspot.com/

أخي العزيز أشرف

سعدت جدا بمدونتك

وحسيت بمدى رغبتك الخيرة والرائعة لعمل مشروع زراعي وسعيك الجاد لذلك

قرأت أغلب المواضيع في مدونتك وعن الأراضي الي شفتها في الفيوم و بني سويف

أخي صدقني انا حلم حياتي اني أعمل مشروع زراعي

بس كمان عندي خوف كبير من الفشل وخاصة اني هغير مسار حياتي تماما

عموما أتمني لك التوفيق من كل قلبي وياريت لو نقدر يكون بنا تعاون من أي نوع أو شراكة نناقش الموضوع ده

لان بتأكيد الموضوع محتاج تعاون والمجهود الفردي ممكن يكون في منتهي الصعوبة

[shafaki]

معاد

تم تعديل 1 فبراير 2008 بواسطة shafaki

[shafaki]

بعد مكالمة مع متفائل على جوجل تولك، تبين لى رغبته فى استعادة السعى فى مشروع عمل مزرعة فى مصر بمشاركة أكثر من شخص.

كنت أود المشاركة فى هذا المنتدى منذ شهور طويلة، ولكنه للأسف تم منعه فى مصر على فترات متقطعة مما حرمنى من المشاركة فيه.

والآن فأنا أحب أن أعبر عن رغبتى فى التعاون مع من مازالت لديه الرغبة فى عمل مزرعة فى مصر تكون بالمشاركة بين أكثر من شخص. وكما قيل هنا، فليس شرط أن يكون كل من شارك له نصيب بالتساوى، بل يمكن أن يشارك كل شخص بما يريد من مال ويكون له نسبة من المزرعة أو أسهم فى المزرعة توازى القيمة التى شارك بها. هذا النظام سوف يمكن من ليس لهم رؤوس أموال كبيرة أن يشاركوا وبذا يكونوا أعضاء فاعلين فى مشروع المزرعة ويزيدوا من فرص نجاحها بإذن الله.

وأكرر أننا نحتاج على الأقل إلى شخص واحد من المشاركين تكون لديه خبرة بمشروع المزرعة، ليس فقط بعملية الزراعة، بل بالمشروع ككل من حيث التسويق والتسجيل والتعامل مع البدو وكل تلك الأشياء التى لن تجدها فى كتاب. وأتمنى أن يكون هذا الشخص هو الأخ كوكو واوا.

والسلام،

أشرف الشفقى

مدينة نصر، القاهرة، مصر

http://mazra3a.blogspot.com/

تم تعديل 1 فبراير 2008 بواسطة shafaki

[متفائل]

سعدت بالكلام معك أخي أشرف

وانشاء الله الموضوع يتفعل تاني ونقدر ناخد فيه خطوات ايجابية

وموضوع المشاركة بنظام المساهمة حل كويس جدا وياريت كل الي مهتمين بالموضوع يرجعوا علشان نبتدي نتكلم في التفاصيل المتعلقة بالمشاركة

وطبعا الخبرة العملية هتكون ضرورية

عشان كده انا بعت للأخ كوكو واوا على الخاص

وربنا يوفقنا للبدء والاستمرار في المشروع ده

[Nonna]

ماشاء الله

أنا بس حبيت أقول انها حاجة تفرح جدا

جدا

جدا

وفقكم الله لما فيه صلاحكم ان شاء الله

[vipwithyou]

السلام عليكم

انا فعلا مهتم بالموضوع دة

بس السؤال هل هناك ارض بسعر كويس اليوم

ياريت تفيدنا

شكرا

اخوك

تامر السيد

[شموع]

السلام عليكم ورحمة الله وبركاته

كيف حال الجميع اتمنى ان تكونوا جميعا في احسن حال

انا حبيت كتير موضوع المزرعه ده وكانت هنا شركه بتعمل اعلان عن بيع اراضي في وادي النطرون ونزلت اعلان اكتر من مره اشتري مزرعتك وابني بيتك والمزرعة 3 فدادين

وطبعا انا مبفهمش في المواضيع دي وكلمت احدى زميلاتي واحبت الفكره وهي اللي شجعتني ورحنا نشتري :lol: والشركه طبعا عرضوا علينا فيديو للمزارع اللي مفروض انها بتاعهم في الكيلو 84 مصر اسكندريه وكان الشكل مفرح جدا

ودفعنا الفلوس وعملنا جمعيه عشان نخلص من الاقساط والمفاجأه لما رحنا وجدنا ان الشركه كانت عارضه علينا فيديو للمزارع اللي جنبها اما مزارعهم كلها او اغلبها صحراء جرداء لا حياة فيها

قلنا مبنفهمش نجيب حد يفهم واتفقنا مع شخص حسبنا الله ونعم الوكيل فيه عمل البحر طحينة بالعسل :blush2: ودفعنا له مبالغ على ان يزرعها لنا مانجو من احسن الانواع اللي تصلح في المكان ده

المهم اخد الفلوس ورمى لنا كم شجره فيها عشان نروح احنا نرويها وقال انا زرعت وباي :lol:

حاولنا نبيع المزارع اللي اشتريناها واحنا مبنفهمش فيها غير اننا كنا بنحلم واتضح انه كان كابوس ومش عارفين نبيعها والشركه :lol: والحمد لله على كل حال

[شموع]

اه نسيت اقول لكم لو الارض تنفعكم هي من مزارع رباح الخضراء :lol:

[Nonna]

ماتزعليش مني شموع

والله فعلا شر البلية ما يضحك

لا حول ولاقوة الا بالله

سامحيني بجد

فوضي أمرك لله بقى

ما تعرفيش الخير فين

[هشام عباس]

اعتقد انه طالما المزارع الي بجواركم اثمرت يبقى فيه امل ان شاء الله لكن مش ديه المشكله

المشكله انكم اشتريتوا سمك في ميه وكان لازم حد يروح يعاين الارض ويتأكد من كل المعلومات

عموما لازم تشوفوا حد بيفهم في الموضوع ده علشان يساعدكم

وربنا معاكم

[شموع]

عندك حق يا نونا كتير انا وصاحبتي نقعد نضحك على اللي حصل لنا وخاصة انها بتربي ايتام :lol:

والاخ هشام فعلا احنا عملنا كده بس اللي اتفق على زراعتها استرجل نفسه واستضعف النساء وكمان راح لزميلتي عشان يكمل عليها المسلسل بس هي عرفت ازاي تعمل له استوب وكفايه اللي استحله :lol:

احنا فعلا اشترينا سمك في ماء يعني كان حلم وسبحان الله كنا نتمنى نعيش في مكان هادي وناكل من خير ارضنا ودلوقت بنحاول نبيعها هي 9 فدادين طبعا غير مزروعة :blush2:

الحمد لله انا برده احسن من غيري لان في زميله تانيه كان عندها نفس الحلم اشترت ووكلت زوج اختها بنى لها بيت هناك وبعد ماصرفت كل اللي وراها برده عرضتها للبيع وقالت اعيش فوق السطوح او البدروم بس اخلص منها :lol:

[Nonna]

عندك حق يا نونا كتير انا وصاحبتي نقعد نضحك على اللي حصل لنا وخاصة انها بتربي ايتام

و الله أنا اسفة بجد

ما كنتش قاصدة يعني اتريق أو اتهكم

و بعدين ثقي ان رزقك و رزقها ورزق الايتام على الله

وفي السماء رزقكم و ما توعدون

ربنا يرزقكم بالخير ان شاء الله

أسفة بقى :blush2:

اقعدي بعافية :blush2:

تم تعديل 2 فبراير 2008 بواسطة Nonna

[شموع]

يا نونا لا داعي للاسف

كلامك واضح انه مش تريقه

وانا بجد بشكرك على تفاعلك معي [وسط][/وسط]

[shafaki]

هل هناك أراضى بأسعار رخيصة؟

أعتقد أن هذا هو السؤال الخاطئ الذى يقع فيه الكثير من الذين ليس لديهم دراية بالزراعة. فربما وجدت أرض بسعر غاية فى الرخص ولكنها ليست بها مصدر ماء جيد، ويجب حفر بئر على أعماق كبيرة يكلفك الكثير، وربما تكون بعيدة عن الطريق فيكلفك النقل الكثير وهناء عوامل أخرى كثيرة. فربما تشترى أرض بسعر 10 آلاف جنيه للفدان تكون أفضل لك فى النهاية من ناحية التكلفة النهائية من أرض سعرها ألف جنيه فقط للفدان ولكن تحتاج إلى مصاريف باهظة لجلب الماء ونقل المحصول وخلافه.

بالنسبة لشراء المزارع عن طريق إعلانات الجرائد البراقة، فيجب عمل زيارة ميدانية لموقع المزرعة قبل الشراء بل وأخذ عينة من التربة والماء وعمل تحليل لها حتى يتبين مدى صلاحية الأرض للزراعة وكم من الجهد والمال سوف تتكلف وما أنواع المحاصيل التى يمكن زراعتها بها. وفى الأغلب، فإن هذه الشركات التى تبيع تلك المزارع وتعلن عنها بهذا الشكل البراق حتى ولو كانت صادقة وجادة فهى تبيع بأسعار أعلى بكثير من الأسعار التى يمكن الشراء بها من مصادر أخرى. وكما قيل من قبل، فإن تلك المزارع تباع بأسعار سياحية.

شكراً جداً على مشاركتك وإخبارك لنا بتجربتك التى تعلمتى منها وعلمتينا أيضاً منها الكثير. وهذا هو سبب إصرارى على أن يكون معنا فى المشروع واحد على الأقل له خبرة بهذا الموضوع، وأكرر ليس فقط خبرة بالزراعة، بل خبرة بموضوع عمل وإدارة المزرعة ككل، فبجانب عملية الزراعة هناك التسويق والاوراق القانونية وخلافه.

تحياتى،

أشرف محمد الشفقى

مدينة نصر، القاهرة، مصر

http://mazra3a.blogspot.com/

تم تعديل 2 فبراير 2008 بواسطة shafaki

[إيزيس]

الأخت شموع ابعتي لي على الخاص ظروف الأرض وسعرها عندي حد ممكن يشتري زوج صديقتي في مصر و هو أصلا مهندس زراعي

[Automatic]

بعد مكالمة مع متفائل على جوجل تولك، تبين لى رغبته فى استعادة السعى فى مشروع عمل مزرعة فى مصر بمشاركة أكثر من شخص.

كنت أود المشاركة فى هذا المنتدى منذ شهور طويلة، ولكنه للأسف تم منعه فى مصر على فترات متقطعة مما حرمنى من المشاركة فيه.

والآن فأنا أحب أن أعبر عن رغبتى فى التعاون مع من مازالت لديه الرغبة فى عمل مزرعة فى مصر تكون بالمشاركة بين أكثر من شخص. وكما قيل هنا، فليس شرط أن يكون كل من شارك له نصيب بالتساوى، بل يمكن أن يشارك كل شخص بما يريد من مال ويكون له نسبة من المزرعة أو أسهم فى المزرعة توازى القيمة التى شارك بها. هذا النظام سوف يمكن من ليس لهم رؤوس أموال كبيرة أن يشاركوا وبذا يكونوا أعضاء فاعلين فى مشروع المزرعة ويزيدوا من فرص نجاحها بإذن الله.

وأكرر أننا نحتاج على الأقل إلى شخص واحد من المشاركين تكون لديه خبرة بمشروع المزرعة، ليس فقط بعملية الزراعة، بل بالمشروع ككل من حيث التسويق والتسجيل والتعامل مع البدو وكل تلك الأشياء التى لن تجدها فى كتاب. وأتمنى أن يكون هذا الشخص هو الأخ كوكو واوا.

والسلام،

أشرف الشفقى

مدينة نصر، القاهرة، مصر

http://mazra3a.blogspot.com/

هل ياتري عندكم خطة الأعمال (Business Plan) أقدر أشوفهه؟