كليبات مصرية

[Cleo]

حلو اوى دى يا كليو افففف من الحر

ان كل واحد على المستوى الى هو فية بيعانى من نفس المشكلة بس بصورة مختلفة منها الجادى جدا ومنها الدلع اوى بس المعناه موجودة بحدود مختلفة

دى ممكن تنطبق على حاجات كتير على انواع مواصلات مختلفة من اول الكارتة لحد الطيارة

ممكن تنطبق على اسعار المشتريات فى مصر

على الشقق على العمل

تمشى معاها اففف على كل انواع المعاناة

ربنا ما يحرمنى منك يا رافعة معدنياتى :o

نكمل القصة مع انى مش عرفة ان كنتى عوزة هومر يكمل ولاانا ابقى وضحيلى بعد كدة

اخذت تنظر الفتاه الى السيدة العجوز ولا تعرف هل تبدا بالكلام ام تنتظر ولكنها كان بداخلها صراع هل ما صنعتة من دقيقة صح هل اللجوء الى حضن غريب دافىء امان لها من طريق ممطر وعاصف

ووسط افكارها المتضاربة امسكت السيدة العجوز بيدها وربتت باليد الاخرى على يدها وابتسمت لها تحاول ان تطمئنها

وسالتها لماذا انت فى الطريق فى هذا الوقت من الليل ووسط هذة العواصف

( ومنك لله ياسو دخلتنا فى قصة كئيبة بس مرسى على البداية والتشجيع)

حول..........

على فكرة ياسو فتح موضوع مستقل للقصة السلسلة دى الوصلة أهى

http://www.egyptiantalks.org/invb/index.php?showtopic=20106

:lol: :wub:

هاااايل يا كليو ..

أسلوبك جميل جدا وطريقة سردك للأحداث مشوقة جدا ..

بحس زي ما يكون فلاش الكاميرا بيلتقط صور مختلفة بسرعة ...

كملي

:blink:

ميرسى يا قمراية على مرورك... يالا شدى حيلك وورينا كليباتك :D :o

[yasovinas]

تسلم ايديك يا كليو يا فنانه واديبة حساسه بس الله يخليكي خفي علينا شوية يعني ما ينفعش كده جبتي لنا العرق والحر والتراب لحد البيت وريحه العرق وحاجه يعني تخنق والله يلعن الحر والـ،،،،،،، ولا على ايه الطيب احسن

كملي يا كليو كمان الله يخليكي نكدي على اللي جابونا كمان وكمان ماهي ناقصه نكد اصلها خرطي على قلوبنا بصل واعصري خل براحتك يا ستي ولا يكون عندك فكر :lol:

ياسو ابن فيناس كصاص وناكد ادبي وصاحب محل فرارجي مغلق بامر الحكومه :wub:

[Cleo]

تسلم ايديك يا كليو يا فنانه واديبة حساسه ياسو ابن فيناس كصاص وناكد ادبي وصاحب محل فرارجي مغلق بامر الحكومه :o

تسلم يا برنس :blink:

كملي يا كليو كمان الله يخليكي نكدي على اللي جابونا كمان وكمان :wub:

العفو... ده أقل واجب :lol:

:D

[yasovinas]

توووت توووت توووت

المشهد الاول

المكان سنترال عمومي في احد الميادين الكبرى في القاهرة تجلس موظفة السنترال خلف الديسك وامامها جهاز كما الصندوق يخرج منه راس اسود له قرص تليفون يقال عنه تحويله لتحويل المكالمات الى كبائن الاتصال ويتدلى من السقف لوحة مكتوب عليها المكالمات الدوليه

يجلس في صالة الانتظار شاب في نهاية العشرينات من عمرة وبجوارة فتاه اصغر منه قليلاً واضعة يدها بين يد الشاب في استسلام وطمأنينة ويبدو من حالهما انهما في حالة عشق وبجوار الشاب تجلس سيدة في نهاية الثلاثينات يبدوا من ملابسها انها من احد المناطق الشعبية ويبدوا من كمية الذهب في يديها وصدرها انها تملك ثروة لا بأس بها اطلاقا،، الا انه يبدو عليها العصبية من حركاتها ونظراتها للعاشقين بجوارها ، يجلس بجوار السيدة طفل صغير في الرابعه من العمر يلعب بلعبة الكترونيه لا تتوفر كثيرا في مصر مما يدل على انها وارد الخارج

المشهد الثاني

تنادي موظفة السنترال بصوت مرتفع (مكالمة قطر اتفضلي يا مدام كابينة 3)تهب السيده واقفة وتسحب ابنها الصغير من يده فجأة فتسقط لعبته على الارض وتتناثر اجزاؤها ،،،يحاول الطفل الفكاك من قبضة امه ليسترجع لعبته،، الا انها تسحبة سحبا وهي تتمتم في عصبية شديده بكلمات بعضها سباب للطفل واهله

يعلوا صوت عاملة السنترال مرة اخرى وهي تنادي (مكالمة الكويت كابينه 4 اتفضل يا استاذ ) يقوم الشاب متجها الى كابينه اربعة ثم يلتفت الى الفتاه لتاتي معه ولكنها ترفض فيعود ويجذبها من يدها في حب وحنان

المشهد الثالث

السيده تتحدث في التليفون من داخل الكابينه وطفلها الصغير يبكي على لعبته التي تحطمت تصرخ السيده في الهاتف "يا محمود لسه شوية الشقه لسه فيها حاجات كتير ما خلصتش وعايزة اجيب باقي العفش" ؛؛؛ وتصمت قليلا لتسمع حديث الطرف الاخر ،، ثم ترد في عصبيتها المعهوده "يعني هو انت بس اللي تعبت ما انا كمان هنا في قرف ووحده وكفايه علية ابنك وامك والله انا تعبانه اكتر منك بس لازم نستحمل" ،، وتصمت مرة اخرى لتسمع الطرف الاخر ،،،،،، تصرخ هذه المرة وبعصبية شديده "اوعى يا محمود لازم تجدد العقد سنتين كمان هتيجي تعمل ايه الدنيا ولعت والعيشه لا تطاق اوعي يا محمود هتبعت لي الفلوس امتى" ،،،، "طيب ما تتاخرش عليه" ؛؛؛؛؛؛؛؛؛وياتيها صوت عاملة السنترال المدة خلصت يا مدام توت توت توت توت

المشهد الرابع

الشاب في الكابينه الاخرى يتحدث رافعا صوته {ايوة يا ماما ازيك وحشتوني خالص وبابا اخبارة ايه ؟؟؟ هتيجوا امتى كفايه بقى غربه} ؛؛؛؛ {لسه سنتين كمان يا ماما} ،،،، {انا عايزك تنزلي انت وبابا علشان نروح نتقدم لاهل منى} ؛؛؛؛؛ {لا ما تقلقيش المحامي خلص كل الاجراءات} ،،، {ايه مش هتقدري تنزلي السنه دي ليه} ؛؛؛؛؛؛؛ {يا ماما اجي ايه انا مش عايز اجي انا عايزك تيجي علشان نخطب منى} ويتكرر صوت عاملة السنترال (المدة خلصت ) توت توت توت

تم تعديل 20 أبريل 2006 بواسطة yasovinas

[nancy]

حلو الكليب السنترال دة بس واضح انك متغرب متغرب مش اى كلام يعنى عايش الموضوع اوى وحاسس اد اية الغربة مؤلمة

[yasovinas]

الغربة للا سف اصبحت هي الاساس ومصر بقت الاستثناء وايضا انا مغترب كابراً عن كابر يعني متغرب ابن متغرب :closedeyes: شكرا على مرورك

[Cleo]

يا عم ياسو يا أبو الإبداع انت.....

وأنا برضه اللى بخرط على قلبكم بصل؟؟؟ ده انت عصارة البصل كلهيا إبنى...

دهمش كليب يا ياسو دى قنبلة مسيلة للدموع....

استمر استـ...

تووت تووووت تووووووت

:lol:

[بنت شعنونة]

شديييييييييدة جدا يا كليو

بجد فعلا حسيت اكنك اديتين البوم صور عمالة اقلب فيه

كل صورة اروع من التانية :D

رااااااااائع

اسمحيلي اغلس وارمي صورة في الالبوم لسا شايفاها قريب...

المشهد الأول..

بيت على طريق الأوتوستراد... غرفة مظلمة.. فتاة نائمة بعد جهد جهيد...

المشهد الثاني..

صوت فرامل عربية قوية وارتطام قوي جدا يليه صوت.... يالهويييييييي يالهويييييييي

المشهد الثالث..

الفتاة تهب من نومها وتركض باتجاه البلكونة و الخوف يتملكها... " يارب ما يكونش حد من اهلي"

المشهد الرابع..

الفتاة داخل البلكونة مذعورة وعلى مرمى البصر....

سيارة 127 تقودها سيدة كبيرة يظهر عليها علامات عدم التصديق و الذهول

جسم طفلة صغيرة مكوم على جانبه على جانب الطريق بلا حراك

جسم سيدة يظهر منه حركات طفيفة تدل على انها رفرفة الروح...

المشهد الخامس..

الفتاة تنظر حولها.. كل البلكونات امتلأت بالبشر كله ينظر فقط..

السيارات تتوقف و الناس تتجمع..

مازالت الجسد الصغير ساكنا

رجل يلطم وجهه عن بعد واخرين يحاولون ابعاده

سيارة اسعاف تصل للموقع بعد ربع ساعا

حملت الجسد الكبير وتركت الصغير..

كان واضحا ان رسول الموت قد اختارها

المشهد السادس..

بعد اكثر من 3 ساعات من الحادث

السيارة مازالت في مكانها والسيدة الكبيرة تجلس بجوارها والى جانبها الشرطي...!

الجسد الصغير مغطى بقماش ابيض..

البقاء لله.. ماتت الأم وابنتها..

المشهد السابع...

فتاة تحاول النوم لمدة 3 ايام ومع صوت اي فرملة تستقيظ في هلع...

الموت مالوش كبير

هانروح فين يعني!!!!! :lol:

[Cleo]

شديييييييييدة جدا يا كليو

بجد فعلا حسيت اكنك اديتين البوم صور عمالة اقلب فيه

كل صورة اروع من التانية :D

رااااااااائع

اسمحيلي اغلس وارمي صورة في الالبوم لسا شايفاها قريب...

المشهد الأول..

بيت على طريق الأوتوستراد... غرفة مظلمة.. فتاة نائمة بعد جهد جهيد...

المشهد الثاني..

صوت فرامل عربية قوية وارتطام قوي جدا يليه صوت.... يالهويييييييي يالهويييييييي

المشهد الثالث..

الفتاة تهب من نومها وتركض باتجاه البلكونة و الخوف يتملكها... " يارب ما يكونش حد من اهلي"

المشهد الرابع..

الفتاة داخل البلكونة مذعورة وعلى مرمى البصر....

سيارة 127 تقودها سيدة كبيرة يظهر عليها علامات عدم التصديق و الذهول

جسم طفلة صغيرة مكوم على جانبه على جانب الطريق بلا حراك

جسم سيدة يظهر منه حركات طفيفة تدل على انها رفرفة الروح...

المشهد الخامس..

الفتاة تنظر حولها.. كل البلكونات امتلأت بالبشر كله ينظر فقط..

السيارات تتوقف و الناس تتجمع..

مازالت الجسد الصغير ساكنا

رجل يلطم وجهه عن بعد واخرين يحاولون ابعاده

سيارة اسعاف تصل للموقع بعد ربع ساعا

حملت الجسد الكبير وتركت الصغير..

كان واضحا ان رسول الموت قد اختارها

المشهد السادس..

بعد اكثر من 3 ساعات من الحادث

السيارة مازالت في مكانها والسيدة الكبيرة تجلس بجوارها والى جانبها الشرطي...!

الجسد الصغير مغطى بقماش ابيض..

البقاء لله.. ماتت الأم وابنتها..

المشهد السابع...

فتاة تحاول النوم لمدة 3 ايام ومع صوت اي فرملة تستقيظ في هلع...

الموت مالوش كبير

هانروح فين يعني!!!!! :lol:

شانا.. كالعادة.. الشهل الممتنع والإبداع فى كلمات بسيطة قليلة..

أنا تقريبا قلبى كان هيقف أول ما عربية الإسعاف جت ;)

يارب يكون ده محض خيال منك مش واقع حصل فعلا ;)

[بنت شعنونة]

ياريت

امال انا بقالي 3 ايام مش بنام ليه :lol:

[مصرية الهوى]

ياريت

امال انا بقالي 3 ايام مش بنام ليه :lol:

ياساتر :blush:

بجد ده يا شعنونة :D

ربنا يرحمهم يارب .. انا تخيلت المشهد ..

مؤثرررررررررررر اوي ;) ..

ربنا يكون في عون اهلهم ياررب ..

الناس دي اللي بتسوق بسرعة جنونية .. وبتبقى مش شايفه اللي قدامها ..

ولاتسأل عن اللي ماشيين في الشارع ..

مش هاقول غير يخرب بيت اللي اداهم الرخص ..

بجد والله حرام الناس اللي كل يوم والتاني تموت من حوادث السيارات ....

بنت معانا في الكلية من كم اسبوع كده ..

ماتت هي ومامتها واختها في حادثة عربية ;)

حوادث تقطع القلب ..

ربنا يستر يا رب ..

[بنت شعنونة]

المشهد كان مفزع جدا فعلا..

والقصة...

بواب جه من البلد من شهرين

ودي مراته وبنته كانوا بيقطعوا طريق الأتوستراد!!!!

البقاء لله... :unsure:

[ابن بلد]

الاخت شعنونه

بعد قرأتى للكليب ودون ان اعلم انه حدث فعلا

خطر لذهنى رؤيه رمزيه لحال مصرنا الحبيبه

وان القياده السياسيه هى التى تركب تلك السياره وانها بدون فرامل

ولا زالت تسرع بها لقتلنا ولا تفرق بين امراه ولا رجل ولا طفل ولا مسلم او مسيحى

[Tafshan]

طبعاً كوكو العجيب عامل عمايله :angry:

ايه الكلام الكبير ده :)

الفكرة عجبانى قوى و شكلى كده ح اجى اغلس عليكِ و احط شوية مشاهد كئيبة من بتوعى .. برافو يا بنتى (وش عباس فارس )

[Tafshan]

مطار ...

... المشهد الاول ...

رجل في منتصف العمر مرتدياً بدلة اوروبية زرقاء و رابطة عنق مربوطة على عجل متدلية من ياقة قميص ابيض مفتوح الزرار الاول ... تسقط منه الاكياس التى يحملها و ينطلق يركض تجاه طفلة صغيرة لتستقر بين ذراعية محاولاً ان يخفى تلك الدمعة عن عين طفلته ..

... المشهد الثانى ...

يمر بجوار الرجل ذو البدلة الزرقاء آخر يرتدى بنطلون جينز و تي شيرت غير مكوى حاملاً بين يديه كمية كبيرة من الاوراق يسأل ضابط الامن : " الحجر الصحى لو سمحت"

... المشهد الثالث ...

فتاة في مقتبل العمر تنادى " احمد ! " لترتسم ابتسامة عريضة على وجه فتى في نفس العمر .. لحظات و يلتقف جبينها بقبلة حانية : " وحشتينى ! "

... المشهد الرابع ...

كرسي متحرك يحمل امرأة مسنه ترتدى شالاً ابيض فوق رأسها و يومض في عينيها بريقاً كذلك الذى يصدر من عين الاطفال ليلة العيد و على كتفها استقرت كفُ حانية لذلك الشيخ ذو اللحية البيضاء لا تدري ان كان يدفع ذاك الكرسي ام انه يتكأ عليه ..

و في الخارج ..

خرج ذو البدلة الزرقاء حاملاً طفلته متأبطاً امرأة ممتلئة الجسم تنظر الى وجهه و لا تفارق حدقاتها عيناه .. و خرج الشيخ و زوجته في اتجاه السيارة الاجرة يدفع الزوجة شاباً جميلاً و يتكأ الشيخ على كتف رجلاً في منتصف العمر .. و خرج "احمد " مع زوجته الشابة تطير بهما الارض في اتجاه السيارة الصغيرة .. و اتجه صاحب الاوراق و لكن بلا اوراق هذه المرة ... كان يحمل مع مجموعة من الشباب صندوقاً خشبي ضخم و قد امتقع وجه الجميع باللون الاحمر و خالطت دمعاتهم حبات العرق الى ان وضعوا الصندوق في صمت داخل السيارة ... و انفض الجمع بهدوء ..

[yasovinas]

المشهد الاول

مكتب في مصلحة حكومية

الموظف جالس في مكتب لا تزيد مساحته عن 8×10 متر بالكتير

ويشاركة في المكتب عدد كبير من الموظفين ويتطلب مجهود خارق وجبار للاستأثار بمكتب منفرد

المشهد الثاني

سجن ابو زعبل

المسجون يقيم في زنزانه واسعه مساحتها 15×25 متر

اذا اراد المسجون ان يستمتع ببعض الخصوصية يستطيع ذلك بكل سهوله فيكفية ان يخرق احد القواعد داخل السجن فينقل الى ونوانة انفراديه

المشهد الثالث

موظف الحكومه باس طوب الارض ووسط كل معارفه ليلتحق بالوظيفه

موظف الحكومه الملتزم الشغيل يكافأ بالمزيد من العمل مما يعني المزيد من الوقت

المشهد الرابع

المسجون يلتحق بالسجن بسهوله وبمجهوده الشخصي فقط

في السجن يم مكافأة المسجون الملتزم بتقليل المدة التي يقضيها في السجن

والى اللقاء في الحلقة القادمة

اذا كان في العمر بقية

[واحد تاني]

92 شارع عمر لطفي

صباح يوم آخر من أيام اكتوبر. ظهرت خيوط من أشعة الشمس الدافئة بعد اختفائها خلف غيوم النوة الأخيرة تتجه تلقائيا نحو ماتبقى من امطار الليلة السابقة بين احجار البازلت السوداء, لتنعكس فى أعين الماره فتمنحهم املا شتويا كاذبا في يوم صحو, يصحبه ترقب للنوة التالية. يقف على جانب الطريق هذا المبنى بلونه الرمادي والشقوق التى خطت في واجهته ما تخطه تجاعيد الشيخوخة في وجه أرملة انهكها الزمن والقهر.لا تكاد تراه حتى تلحظ تلك اللوحة البيضاوية الخضراء فوق مدخله والارقام اللاتينية المنقوشة عليها. وبينما ترفع راسك لتتابع جمال الزخارف اعلى نوافذه المستطيلة فى الادوار الثلاثة الاولى بارتفاعها الملحوظ, تصطدم عينك بقبح الاربعة ادوار التالية.

كان هذا استهلالا لابد منه :)

المشهد الأول

داخل احدى شقق المبنى بالدور الثاني وفي غرفة معيشة واسعة يجلس مع اولاده على المائدة ليتناول الافطار وعينه على التلفاز الذي يظهر فوقه اطار خشبي منحوت بداخله من الفضة كلمة الله محبه, يتابع صباح الخير يا مصر.

المشهد الثاني

في الشقة المقابلة وفي غرفة نومه ينتهى من صلاة الضحى ويسمع صوت زوجته القادم عبر الردهة الطويلة تحذره ان الشاي سيبرد.

المشهد الثالث

على الدرج يبتسمان وينزلان معا العتبات الرخامية البيضاء, يشكو احدهما للاخر

- شفت يا عادل ياخويا الراجل وجشعه .... طلع بالدور السابع بالرشوة والفساد وكمان سكن فيه عرسان جداد.

- صدقنى يا استاذ محمود انا بتحسر كل مفتكر احنا ازاي فرطنا فى بيتنا للجاهل ده من 11 سنه.

- لا وكمان ولاده اللى هيهدوه فوق دماغنا.

المشهد الرابع

الساعة 2 ظهرا.... يركن عادل سيارته على الجانب الاخر من الترام ويقترب التاكسي بالاستاذ محمود من المبنى الرمادي وفجأة .....

اهتزاز غير عادي فى كل شئ, يتجمد الزمن فى احداق الجميع للحظات شعور قوي بالنهاية. دخان ابيض كثيف واتربة تتصاعد للسماء .... يهرولان تجاه المبنى لحظة هروب الكثيرين خارج مبانيهم يسمعان كلمة واحدة تردد.... زلزال.

المشهد الخامس

يقف الجاهل مع تاجر الخردة امام اكوام الحطام يستلم منه ثمن بيع الانقاض.

المشهد السادس

صالة المغادرون فى المطار الظابط يبتسم له وهو يناوله جوازات السفر هو والاولاد وامهما بعد ختمها.

[Tafshan]

للرفع