كرسى الحقيقة

[سهيلة]

اية رايكوا ف اللعبة دىىىىىىىىىىىىىىى

واحد من اعضاء المنتدى الكرام

يبدا بالجلوس على كرسى الحقيقة وكل واحد نفسة ف اى سوال يسالوا لية؟؟و هوة ملتزم بالاجابة علية؟؟

يعنى يكون مستعد لاى سوال ويجاوب علية بمنتهى الصراحة ؟؟

ولكن اذا قال انا ممتنع عن اجابة احد الاسئلة بيخرج من اللعبة

ولكن اذا نجح ف الصمود

وجاوب على جميع الاسءلة المطروحة علية

فى هذة الحالة بيكون نجح ف المسابقة وجائزتة انو هوة اللى هيختار اللى هيقعد بعدو على كرسى الرياسة قصدى الحقيقة؟؟

يلااااااااااا

مين قال اناااااااااااااااااااا

مين شجاع هناااااااااااااااااااااااااااااا؟؟؟؟

[nancy]

فكرة حلو اوى يا سهيلة بس خلينى انا تانى واحدة لما اشوف مين الاول وانا وراة على طول بس اشوف سكة الاسئلة

[هادي]

عزيزتي سهيلة

سؤال بريء

هل الاستاذ (كرسي الحقيقة) قريب الاستاذ (كرسي في الكلوب) :)

يا عزيزتي

احنا اشخاص افتراضية

فعن أية حقيقة تبحثين !!!!

[سهيلة]

يا عزيزتي

احنا اشخاص افتراضية

فعن أية حقيقة تبحثين

هادي مشاركة بتاريخ اليوم

افتراضية بمعنى اية

بمعنى انك انت مش انت وبتتظاهر باراء وصفات ليست ف شخصيتك ولكنك تفترض انك تكون الشخصية المثالية دى

الهدف من كرسى الحقيقة ما يلى

اكتشاف حقيقة نفسك بكل ما تحمل من مميزات وعيوب لا يستطيع الفرد بمفردة الوصول اليها واكتشافها

يعنى ممكن سوال من عضو من الاعضاء يفجر جواك حقيقة حلوة اوى ف شخصيتك ما كنتش تعرفها :lol:

وممكن سوال تانى يواجهك بعيب ف شخصيتك كنت بتهرب منة وموش عارف تواجهة او تتخلص منة :)

وممكن تاخد اراء الناس اللى موجودة ازاى اعالجة

يعنى من الاخر دة صحى ومفيد انك انك تقعد ع الكرسى دة

وممكن ف اخر حلقة من الاسءلة يستضيف البرنامج دكتور نفسانى يحلل الشخصيات

[هادي]

افتراضية بمعنى اية

بمعنى انك انت مش انت وبتتظاهر باراء وصفات ليست ف شخصيتك ولكنك تفترض انك تكون الشخصية المثالية دى

لا يا عزيزتي سهيلة .. أبدا لم أقصد هذا

فانا هو ما تقرأين من كتاباتي

وانا احسن الظن بجميع الاعضاء

واعتقد واظن ان ما يكتبون هو حقيقة شخصياتهم و ذواتهم وآرائهم وميولهم و أذواقهم

لكن افتراضية بمعنى (ليس لنا بيانات شخصية - حقيقية - منشورة على هذا المنتدى او غيره)

وذلك لاسباب اجتماعية وأمنية أيضاً

فالاخت العضوة الكريمة مثلا .. ستجدين أنها تكتب بدون بيانات شخصية تفادياً لمضايقات من ضعاف النفوس

والاخ العضو الكريم كذلك ..

لا أحد يعرفني حق المعرفة سوى من يراسلني على بريدي الخاص

وأجد انه انسان بما يكفي ان ادنيه مني واصادقه و يكون أخاً لي وأفتح له بيتي وقلبي

هذا ما أعنيه من (شخوص افتراضية)

وبالتالي .. الفكرة غير واقعية بالمرة .. لانك لن تمنعي الاعضاء من توجيه أي نوع من الاسألة

وهناك الكثير من الاسئلة تقع في المنطقة المحرجة ..

مثلا .. عضو يسأل عضوة كريمة .. هل أنت متزوجة !!!! هل سبق لك الخطوبة !!!

الى غير ذلك من الاسئلة الغير مجدية .. وهي سبيل لضياع الاوقات

الهدف من كرسى الحقيقة ما يلى

اكتشاف حقيقة نفسك بكل ما تحمل من مميزات وعيوب لا يستطيع الفرد بمفردة الوصول اليها واكتشافها

يعنى ممكن سوال من عضو من الاعضاء يفجر جواك حقيقة حلوة اوى ف شخصيتك ما كنتش تعرفها :lol:

وممكن سوال تانى يواجهك بعيب ف شخصيتك كنت بتهرب منة وموش عارف تواجهة او تتخلص منة :)

يا عزيزتي .. هذا يكون في حالة الشباب وحداثة السن ..

لكن في الكهولة والنضج ، يسهل على الجميع أن يعرف نفسه حق المعرفة

وممكن تاخد اراء الناس اللى موجودة ازاى اعالجة

لك أن تتخيلي هذا الموقف

انت مثلا لديك من السن حوالي 45 عام .. كلها خبرات حياتية مختلفة مع قطاعات متباينة من البشر

ثم .. تقومين باستشارة واحد زي حالاتي عنده خمسة عشر عام .. وآخر خبراته الحياتية هي معسكر الجوالة في الصيف ، ورحلة بورسعيد في العام الدراسي الماضي !!!

أرجو أن يكون قد اتضح معنى (شخوص اعتبارية) اكثر و أكثر

على العموم أنا لا زلت اتمنى لك كل توفيق في هذه الفكرة

فاختلاف الرأي لا يفسد للود قضية

تحياتي واحترامي

[yacho]

انا بصراحه عاجبانى الفكره .. كل حاجه تكسر الروتين حلوة :lol: .. دوسى يا سهيله

ايه رايك نبدا بيكى .. :wub:

لو وافقتى .. عرفينى بيكى فى حدود ما تسمحى بيه انتى من معلومات .. عشان بالامانه انا معنديش

معلومات كتير عنك على اساسها اقدر اسال .

[مصرية الهوى]

بلاش التهور ده يا ياشو يا حبيبتي ..

تراجعي عن قرارك ادامك لسه على البر ..

أصل أنا محضرة أسئلة انما ايه :)

انصحك نصيحة غيري رأيك وقولي لسهيلة انك سحبتي كلمتك .. ماشي ؟؟

بهزر معاكي طبعاً :P

بس بصراحة انا مفهمتيش الفكرة اوي :lol:

بس اقعدي انتي على كرسي الكهربا الاول .. هشوف ايه الحكاية ..

لو عجبتني هأقومك بالغصب واقعد مكانك ..

لو معجبتنيش ..

أستأذن انا عشان ورايا شغل :wub:

[yacho]

بلاش التهور ده يا ياشو يا حبيبتي ..

تراجعي عن قرارك ادامك لسه على البر ..

أصل أنا محضرة أسئلة انما ايه :wub:

انصحك نصيحة غيري رأيك وقولي لسهيلة انك سحبتي كلمتك .. ماشي ؟؟

ايه ده .. ايه ده .. هى حتلبسنى واللا ايه .. ايه يا مصريتنا

انا بقول لسهيله نبدا بيها الاول طالما هى صاحبه الموضوع من باب اولى تقص الشريط

وتدخل برجلها اليمين واللا انا غلطانه .. بس هى لسه ما رديتش عليا .. وطبعا انا وانت

يا مصريه لو لقينا الاسئله حلوه وخفيفه حندخل .. فيها ضرب نار .. يبقى نسيب سهيله

ونجرى :lol:

[سهيلة]

ايه

ده .. ايه ده .. هى حتلبسنى واللا ايه .. ايه يا مصريتنا

انا بقول لسهيله نبدا بيها الاول طالما هى صاحبه الموضوع من باب اولى تقص الشريط

وتدخل برجلها اليمين واللا انا غلطانه .. بس هى لسه ما رديتش عليا .. وطبعا انا وانت

يا مصريه لو لقينا الاسئله حلوه وخفيفه حندخل .. فيها ضرب نار .. يبقى نسيب سهيله

ونجرى

yacho مشاركة بتاريخ اليوم, 12:15

AM

اية يا ياشوووووووووووو اية يا جيجى :)

بلاش نخسر بعض يا جماعة

انا بقول نبدا ب ياشو عشان عجبتها الفكرة

انا حاسة انها شجاعة موووووووووووووت

صدقينى موش هتندمى

او نبدا ب نانسىىىىىىى اية رايك يا نانسى؟؟؟

انا ما ينفعش تبداوا بية عشان انا عندى اسءلة امتحانات الايام دى

:wub: موش معقول يكون الصبح اسئلة ف الامتحان وبالليل اسءلة ف المحاورات

بس وعد اللى هيبدا لة خصم ف الاسءلة هتبقى اسءلة خفيفة واحنا كلنا معاكم يا جماعة ما تخافوش

وما فيش كهربا يا جيجى

اللى موش هيجاوب هيتذنب ع السبورة بس :lol:

[yacho]

طيب انا عندى فكره احنا نطلب من الاعضاء ان كل واحد يدخل هنا ويقرا يرشح حد

وطبعا المغلولين من بعض كتير :unsure: .. ايه راييييييييكو .. اصل لو ما عملناش كده ما حدش حيرشح نفسه

عشان تبقوا عارفين .. <_<

[nancy]

يا بنتى انا مش معترضة انا جريئه جدا .. بس الى فتح موضوع لازم يبتدية ونتفق على حاجة ان الاسالة متكونش شخصية

يعنى تكون فى ردود افعلنا او رايا فى حاجة او لو حصل كذا تعملى اية

وبالشكل دة ممكنصاحبة الموضع تبتدى

يعنى نعمل دور سهيلة تبتدى ولما تقول باس .. انا ادخل بدلها وبعدين جيجي وبعدين يوشا والى يعجبة الموضوع يسجل اسمة بعد دول

ماشى ابدى يا سهيلة متخلنيش ازقك

او نعمل انخابات بما اننا المجموعة الى ناوية ننتظر 20 مدخاة وصاحبة اعلى ترشيح تبتدى

شوفوا حل وخلصونا

[yacho]

انا موافقه يا نانسى على حايه ال20 مداخله .. وضمنيا تم استنباط تر شيحك لسهيله زيى

يبقى ادى اتنين رشحوا سهيله .. عافيه بقى .. <_<

ياللا اللى بعدوا ....

[مصرية يعني مصرية]

يا بنات

إرحمو سهيلة دي عندها إمتحانات :P

و إن ولابد من فأر لتجربة........

فأنا و بكل شجاعة <_< ....و إقدام :unsure:

أتطوع لخوض التجربة :wub:

بس حلموكو علي :wub:

يا رب استر يا رب

[nancy]

تاعلى يامصرية انت الى جبتية لنفسك

يلا ياقطة

اول سؤال حخليهولك سهل لونك المفضل اية الون الى تحبى تشفية واللون الى تحبى تلبسية

على فكرة انا بعرف احلل الشخصية من الون المفضل فاعترفى...... وحياتك كل يوم سؤال

[مصرية يعني مصرية]

تاعلى يامصرية انت الى جبتية لنفسك

يلا ياقطة

اول سؤال حخليهولك سهل لونك المفضل اية الون الى تحبى تشفية واللون الى تحبى تلبسية

على فكرة انا بعرف احلل الشخصية من الون المفضل فاعترفى...... وحياتك كل يوم سؤال

**********************

أوكي نانسي

أنا لوني المفضل إلي بحب ألبسو / الأسود

و لي بحب أشوفو / الوردي

يالا إلي بعدو........

تم تعديل 17 أبريل 2006 بواسطة مصرية يعني مصرية

[مصرية الهوى]

تاعلى يامصرية انت الى جبتية لنفسك

يلا ياقطة

اول سؤال حخليهولك سهل لونك المفضل اية الون الى تحبى تشفية واللون الى تحبى تلبسية

على فكرة انا بعرف احلل الشخصية من الون المفضل فاعترفى...... وحياتك كل يوم سؤال

يلا قومي يا مصرية من على الكرسي .. دوري دلوقتي :o

يا سلام يا نانسي بتعرفي تحللي الشخصية من الالوان :ph34r:

طيب قوليلي انا بحب الالوان المشرقة .. البمبي ، السماوي ، الابيض ..

:unsure:

[مصريه بالكويت]

انا بقا

عاوزه العب معاكوا

مليش دعوه ها بقا

ممكن اقعد

[eastsoul]

و انا كمان عايزة ألعب ...اصل الفكرة عجبتني :unsure:

[yacho]

ايه ده يا بنات بالراحه كدة واحده واحده .. هو سلق بيض .. هو سؤال واحد اللى اتسالته مصريه :unsure:

والبنيه لسه حترد روحتو داخلين زى مذيعات التليفزيون وقاطعين الكلام .. احنا لسه ما خلصناش

الاسئله معاها .. هى لسه شافت حاجه :ph34r: .. هو سؤال كده وخلاص .. لما نخلص عليها قصدى معاها

نبقى نقعد اللى بعدها نكهربها ونجيب غيرها وهكذا .. :o

[nancy]

شوفى يا مصرية انت بتحبى تلبسى اللون الاسود وتشوفى الوردى

من الاخر عندك حاجات مضيقاقى فى حياتك وعندك امل ان الحياه تتحسن فى المستقبل وجواى كراكيب كتير صح ولا لا

وبعدين الشعار بتاعك الموف دة معناه انك شخصية مركبة وعندك متناقضات كتير فى شخصيتك ومن الصعب التكهن بردود افعالك

لو كلامى صح قولى اه

بالنسبة لجيجي حبيبتى

انت شخصية مواصفاتك انك بنت شفافة وبتحبى الطبية وطيبة لدرجة انك بتصدقى الناس بسرعة ومش بتتخيلى انهم ممكن يكونوا بيكذبوا او بيشتغلوكى

سؤالى التانى لو فى ايدك انك تغيرى كل حياتك حتى اسمك ودراستك وجوزك ولا حاجة كنت تحبى تكون ازى وشكلك حتى ازاى