كرسى الحقيقة

[yacho]

اخخخخخخخخخخخخخخخخخخخخخخخخخخ

زززززززززززززززززززززززز.. الكهربا اشتغلت

والاسئله الصعبه حتبدا :P

[مصرية يعني مصرية]

[شوفى يا مصرية انت بتحبى تلبسى اللون الاسود وتشوفى الوردى

من الاخر عندك حاجات مضيقاقى فى حياتك وعندك امل ان الحياه تتحسن فى المستقبل وجواى كراكيب كتير صح ولا لا

دا كلام صح لكن الباقي لا

سؤالى التانى لو فى ايدك انك تغيرى كل حياتك حتى اسمك ودراستك وجوزك ولا حاجة كنت تحبى تكون ازى وشكلك حتى ازاى

إسمي مش هغيرو

أما دراستي فهدرس علم نفس و أكون دكتورة نفسانية

أما زوجي فسأغيره براجل مصري رزين ..حنين...عطوف...مثقف..ذكي..مخو كبيرو قلبو أكبر

أما شكلي أحمد ربنا عليه و مش عايزة أغيره

و نفسي الزمن يرجع ورا لعمر "18" لكن عقلي يفضل زي ما هو

إييييييييييييييييييييه معلهش قدر الله وما شاء فعل

أظن جاوبت

خلاص؟؟

يلا إلي بعدو........ :P .

وانتي يا بت يا مصرية الهوى بدوووووووور فاهمة يعني إيه بدور :P ;)

و إنتي يا مصريه بالكويت هتلعبي بس إستني لما يخلصو عليا ... :sad:

مش كده يا ياشو.........طيب أما اشوفك ياختي :D

أوكي يا eastsoul إستني عشان تاخدي عبرة من إلي هيتعمل فيا :o

[مصرية الهوى]

اخخخخخخخخخخخخخخخخخخخخخخخخخخ

زززززززززززززززززززززززز.. الكهربا اشتغلت

والاسئله الصعبه حتبدا :D

لا يا ياشو متخفيش

احنا قدها وقدود ..

ونستحمل الكهرباء لحد مليوووون فولت كمان ;)

بالنسبة لجيجي حبيبتى

انت شخصية مواصفاتك انك بنت شفافة وبتحبى الطبية وطيبة لدرجة انك بتصدقى الناس بسرعة ومش بتتخيلى انهم ممكن يكونوا بيكذبوا او بيشتغلوكى

سؤالى التانى لو فى ايدك انك تغيرى كل حياتك حتى اسمك ودراستك وجوزك ولا حاجة كنت تحبى تكون ازى وشكلك حتى ازاى

معاك حق يا نانسي .. احيانا يصل لدرجة العبط :P ..

السؤال التاني : لا الحمد لله حياتي عجباني .. بس موضوع الدراسة يمكن .. يعني كان نفسي ادرس في ستانفورد مثلا والا هارفارد :o بس ادعيلي يبقى لي نصيب من كرم وزارة التعليم العالي واطلع بعثة في المستقبل ..

اسمي تعودت عليه ولو انه مش عاجبني اوي ...

جوزي بقى ربنا يقرب البعيد يارب و يوصله بالسلامة :P

شكلي .. نفسي بس الاربعة كيلو اللي خسرتهم السنة اللي فاتت ايام الامتحانات يرجعوا :sad:

[سهيلة]

إرحمو سهيلة دي عندها إمتحانات

و إن ولابد من فأر لتجربة........

فأنا و بكل شجاعة ....و إقدام

مصرية يعني مصرية

:P :P ربنا يخليكى يا مصرية وما يوقعكيش ف ضيقة وما يصعبلكيش امتحان ابداااااااااا

ورغم انى بشكرك على الموقف النبيل دة الا انى موش هتنازل عن حقى ف السوال

السؤال

احب الاغانى الى قلبك اية ولمين ويا ترى لها ذكرى معاكى؟؟

[مصرية الهوى]

طمنيني يا سهيلة عملتي ايه في الامتحان :P ..

ربنا يوفقك يارب ...

ابقى اجاوب على سؤالك ..

أحلى اغاني عندي اغاني اليسا .. أجمل احساس .. عيشالك .. حبك وجع .. احلى دنيا .. بستناك ..قربلي .. جوايا ليك .. كل يوم في عمري ... الخ الخ

بحب جدا اسمع لاليسا .. صوتها .. اللحن .. الكلمات .. تحسي فيهم حاجه فظيييعة .. مقدرش اوصفهالك ..تحرك جوايا حاجات كتير ..

بعيش عالم تاني لما اسمع لاليسا ...

:P

[سهيلة]

انا الحمد للة الى الان ما شية ف السليم وتمام

ورغم انى لسة لم انتهى من الفتر ة ا لعصيبة دى الا انى موش قادرة ما ادخلش واشوفكم واكلمكم

بجد يا جيجى انتم بقيتوا جزء من حياتى

مهم اوى وربنا يخالينا دايما متحابين

وميرسىىىىىىىىىىى على سوالك علية يا حبيبتى

[مصرية يعني مصرية]

مصرة على اللعب في الزحمة يا جيجي؟؟؟ :P

قومي من عالكرسي.....

سيبيني ألعب براحتي ........ mfb:

العزيزة سهيلة سهل الله إمتحاناتك و طريقك

هجاوب على سؤالك لي و بكرر لي :blink:

1_أغنية جبارللعندليب الله يرحمه بتفكرني بطفولتي كان بابا بيسمعها كثير............... قبل ما ..يسيب ماما :D

2_إسمعوني لوردة بتفكرني بالمصيف

3_ليلة عشق لحنان ماضي ....الحب الكبير :D

4_أتحدى العالم لصابر الرباعي.......لحضات ...أحلام...ياريت تتحقق :D

إلي بعدو........

[سهيلة]

اللى بعدواااااااااااااااا

بلاش شقاوة يا جيجى ؟؟ الكرسى صغير وقومى من على رجل مصرية حرام عليكى

السوال

ما هوة اخر كتاب قراتية ؟؟؟ويا ترى اضاف ليكى حاجة؟ :blink:

[احمد هادي]

دي مجموعة اسئلة

الرجاء الرد عليها بمنتهي الصراحة

1- ما هو عدد الاخطاء الكبري(من وجهة نظرك) التي ارتكبتيهاومازلت تندمين عليها حتي الآن ؟

2- أكتر شئ بتحبيه في شخصيتك واكتر شيء بتكرهيه فيها ؟

3- عندك كام نقطة ضعف ؟

ده مجرد استهلال ......ولسه التقيل جي

تحياتي

[مصرية يعني مصرية]

اللى بعدواااااااااااااااا

بلاش شقاوة يا جيجى ؟؟ الكرسى صغير وقومى من على رجل مصرية حرام عليكى

السوال

ما هوة اخر كتاب قراتية ؟؟؟ويا ترى اضاف ليكى حاجة؟ :blink:

****************

التعليقات الرضية على الروضة الندية لشيخ الالباني رحمه الله

و علمني فقه كتير أوي

اللى بعدواااااااااااااااا...

[مصريه بالكويت]

دي مجموعة اسئلة

الرجاء الرد عليها بمنتهي الصراحة

1- ما هو عدد الاخطاء الكبري(من وجهة نظرك) التي ارتكبتيهاومازلت تندمين عليها حتي الآن ؟

2- أكتر شئ بتحبيه في شخصيتك واكتر شيء بتكرهيه فيها ؟

3- عندك كام نقطة ضعف ؟

ده مجرد استهلال ......ولسه التقيل جي

تحياتي

بصى يا ستى

الاسئله صعبه بس انا هجاوب

من الاخطاء الكبرى فى حياتى انى ايام الثانويه العامه لعبت مع انى كنت شاطره ودا اثر على

مجموعى ومدخلتش فنون تطبيقيه اللى كنت بتمناها

اكتر شيئ بحبها ف شخصيتى هى انى اجتماعية جدا جدا جدا

واكثر شيئ بكرهه انى مندفعه ف الرد بدون تفكير

نقطة ضعفى ابنى - الشكولاته - شراء الاشيااااااااااء

[مصرية يعني مصرية]

دي مجموعة اسئلة

الرجاء الرد عليها بمنتهي الصراحة

1- ما هو عدد الاخطاء الكبري(من وجهة نظرك) التي ارتكبتيهاومازلت تندمين عليها حتي الآن ؟

2- أكتر شئ بتحبيه في شخصيتك واكتر شيء بتكرهيه فيها ؟

3- عندك كام نقطة ضعف ؟

ده مجرد استهلال ......ولسه التقيل جي

تحياتي

**************************************

حاضر يا أحمد من عينية

1_ الإختيار قبل النضج.......

2_ أكتر شيء بحبه .في شخصيتي الوضوح و الثباث و الجرأة على قول الحق حتى فنفسي و مبحسدش و لا بحقد

ولا بكره حد و إلي فقلبي على لساني

واكتر شيء بكره فيها العند و التسرع أحياننا و العصبيةو القلق و التفكير الدائم وإن إلى فقلبي على لساني.

3_ نقط ضعفي كثير و مش هقولهم عشان محدش يستخلهم :P

ابتديت أخاف من لي جاي........... :blink:

تم تعديل 19 أبريل 2006 بواسطة مصرية يعني مصرية

[احمد هادي]

واضح انكم واخدين حبوب الشجاعة

طي كملوا معانا بقي وخليكو جدعان

المجموعة التانيه من الاسئله

1- ايه أكبر عيب اكتشفتيه في جوزك بعد الجواز؟

2-بعد جوازك اكتشتفتي ان جوزك مختلف عنه لما كان خطيبك كام في الميه ؟

3- ايه اكتر حاجة كنتي قلقانه منها قبل الجواز وهل طلع قلقك في محله بعد الجواز؟

4- ايه الشئ اللي كان مفاجاه ليكي اكتشفتيه بعد الجواز ومجاش علي بالك قبل الجواز خالص

يلللا يا بنات جاوبوا

بس اعملوا حسابكو

لسه التقيل جي

تحياتي

[nancy]

احمد انت لخبط اللعبة كدة

اولا المفروض مش كلنا بنرد دى مصرية يعنى مصرية هى الى متربعة على العرش دلوقت ولازم تتلقى سؤال سؤال مش سلخ

انت اية يابنى بتشتغل بعد الظهر وكيل نيابة فى معتقل مالك وادة واحدة عليها

[مصرية يعني مصرية]

طي كملوا معانا بقي وخليكو جدعان

المجموعة التانيه من الاسئله

1- ايه أكبر عيب اكتشفتيه في جوزك بعد الجواز؟

_إنه مهمل بكل ما تحمله هذه الكلمة من معاني :wub:

2-بعد جوازك اكتشتفتي ان جوزك مختلف عنه لما كان خطيبك كام في الميه ؟

_ 90 في المية :blink:

3- ايه اكتر حاجة كنتي قلقانه منها قبل الجواز وهل طلع قلقك في محله بعد الجواز؟

_ إنه يتغير :unsure: و للأسف إتغير :huh:

4- ايه الشئ اللي كان مفاجاه ليكي اكتشفتيه بعد الجواز ومجاش علي بالك قبل الجواز خالص

_ إن الحب ممكن يتلاشى مع مرور الزمن :blink:

خلاص با أحمد؟؟؟

دا حنا أخر جدعانة أهو.......

إللي بعدو..........

تم تعديل 19 أبريل 2006 بواسطة مصرية يعني مصرية

[nancy]

شوفى يا مصرية

اية هواياتك الى بتحبيها بس مش بتمرسيها واية هواياتك الى بتمرسيها

اية نوعية الكتب الى بتقريها ديما ..واسم اخر كتاب قراءتيه

لو ليكى فى السنيما اية الفيلم الى شدتك فكرتة وحسيتى انه حلو اوى

يلا شوية اسئلة جوابى ولو تعبتى من الردود تقولى باس وادخل بعدك

وحد تانى يا جماعة يكتب الاسالة لحد دلوقت مفيش غير احم وانا الى بنكتب اسئلة

[nancy]

معلش يا مصرية انا حبة ارد على اسألة احمد رغم انك انتى الى على الكرسى لحسن كدة الى متجوزش يفتكروا ان الجواز نظام اجتماعى فاشل

اكبرعيب اكتشفتة فى جوزى بعد الجواز

انة بعد الساعة 10 طلباتة بتكون كتيرة يعنى عاوز العشا والطفاية والعصير والشاى وممكن قهوة بعد شوية وياريت لو فية فاكهة وايس كريم وفين الريمواد وحاجات كدة

2-بعد جوازك اكتشتفتي ان جوزك مختلف عنه لما كان خطيبك كام في الميه ؟

مش كتير بس بقى اهدى من زمان كان عصبى وحاد اوى قبل الجواز

3- ايه اكتر حاجة كنتي قلقانه منها قبل الجواز وهل طلع قلقك في محله بعد الجواز؟

كنت قلقانة ان معرفش ادير البيت ولا اعرف اكون ام بتعرف تربى وتحتوى ولادها والحمد لله طلع قلقى مش فى محلة

- ايه الشئ اللي كان مفاجاه ليكي اكتشفتيه بعد الجواز ومجاش علي بالك قبل الجواز خالص

انى كنت متخيلة ان الجواز دة مكان استعداد للموت يعنى قبر مبدئى وان الحياة مع شخص واحد سنين كتير ممل

واكتشفت ان العكس صحيح وان الحياة مع شخص تتفانى فية ويتفانى فيك ممتع وبيجدد الحياة فيا وفية

[مصرية يعني مصرية]

]

شوفى يا مصرية

اية هواياتك الى بتحبيها بس مش بتمرسيها واية هواياتك الى بتمرسيها

_بحب الغناء و الرقص والتمثيل والرسم

اية نوعية الكتب الى بتقريها ديما ..واسم اخر كتاب قراءتيه

_بقرأ في كل المجالات....و أخر كتاب كان إسمه لغة الجسد للكاتب إلين بييز

لو ليكى فى السنيما اية الفيلم الى شدتك فكرتة وحسيتى انه حلو اوى

_فلم الحاسة السادسة أمريكي لبروس ويلس

تم تعديل 20 أبريل 2006 بواسطة مصرية يعني مصرية

[nancy]

انا قريت كتاب لغة الجسد دة من سنتين تقريبا وهو عندى عجبنى اوى تحليل حركات جسم الانسان وربطها باننا نفهم الناس مش من عنيهم بس انما كمان من حركة اديهم واتجاة رجليهم وهو مرتبط اكتر بمعرفة طبيعة زملاء العمل وحاجات كدة

اما عن فيلم الحاسة السادسة انا شفتة كذا مرة اول مرة معرفتش انة كان ميت وانة من ضمن الميتين الى الولد بيشفهم

وبعدين لما فهمت فى الاخر شفتة تانى فاكتشفت انة مفيش اى حوار بينة وبين مامة الولد لانها ببساطة مش شيفاه

انما انا الفيلم الى عمل حاجة جوايا غريبة فيلم (sphere) لانة بيتكلم عن ان لو اصغر مخوفنا ظهر وتضخم ممكن يدمرنا

وفيلم (svene)عن الخطايا السبع المهلكة

فبما ان الفيلم دة عجبك يبقى انت دماغك حلوة فى السنيما

خلاص حنبقى اصحاب يا مصرية

على فكرة امبارح كمان كان فية فيلم حلو اوى اسمة(ocean 11)برضة فيلم مش اى كلام

طبعا ملك الخواتم وهارى بوتر تكنيك التصور يجنن ومليان شخصيات خرافية ودراسة ملابس مركبة من عدة عصور بس ناجحة اوى

عموما ما علينا

حاكتبلك سؤال تانى واضح ان محدش صاحى غرنا حتى سهيلة صاحبة الموضوع نامت

اية فلسفتك فى الحياة

اية اكبر امل عندك

اية الحاجة الى نفسك تصحى الصبح تلاقيها حصلت فى حياتك وتغير مجر حياتك

[مصرية يعني مصرية]

اما عن فيلم الحاسة السادسة انا شفتة كذا مرة اول مرة معرفتش انة كان ميت وانة من ضمن الميتين الى الولد بيشفهم

وبعدين لما فهمت فى الاخر شفتة تانى فاكتشفت انة مفيش اى حوار بينة وبين مامة الولد لانها ببساطة مش شيفاه

_أنا كمان فهمت في أخر مشهد بس إنو ميت

فبما ان الفيلم دة عجبك يبقى انت دماغك حلوة فى السنيما

خلاص حنبقى اصحاب يا مصرية

_آه....دماغنا قربية من بعض أوي ...و كمان تواريخ ميلادنا و أنا أسعد بصحبتك.....

حاكتبلك سؤال تانى واضح ان محدش صاحى غرنا حتى سهيلة صاحبة الموضوع نامت

اية فلسفتك فى الحياة

_الصراحة راحة ....و الباب إلي يجيلك منو الريح سدو وإستريح

اية اكبر امل عندك

_إن حياتي تتغير........للأحسن

اية الحاجة الى نفسك تصحى الصبح تلاقيها حصلت فى حياتك وتغير مجر حياتك

_إني ألاقي نفسي في مصر......... :closedeyes:

تصبحي على خيريا قطة

تم تعديل 21 أبريل 2006 بواسطة مصرية يعني مصرية