كرسى الحقيقة

[مصرية يعني مصرية]

ok

قولي يقا يا دكتشر

إنت حبيت قبل كده و لا أول حب ليك هي أم العيال

الله يخايها لك

[yasovinas]

ok

قولي يقا يا دكتشر

إنت حبيت قبل كده و لا أول حب ليك هي أم العيال

الله يخايها لك

عايزة الحق ولا ابن عمه

ابن عمه

انا وبصراحة ربنا قبل ما اقابل ام العيال كنت فاتح قلبي عشة فراخ كلة بيتك بيتك وكنت بخر حنية وتسبيل بعيد عنك وعن السامعين لغاية ما جت طنطك ام حمادة وركبت جلدة وسبع طبقات واستك ومن يومها يا ولداه والحونية بتنشع من مسام الجلد بس وةلما بتطفح عليه قوي بتطلع مع عطسه ولا متاوبه هعمل ايه ربنا ما يوريكم :wub:

نتكلم جد

شوفي يا ست الكل انا عن نفسي وفي رايي الشخصي ان ما فيش حاجه اسمها حب اول وحب اني والكلام دا لا في اعجاب وميل ودا ممكن يتكرر خمس مرات او عشرة كمان في اليوم الواحد لغاية ما ييجي قدر ربنا ونطب الطبه اللي ما فيش منها قيام وساعتها بس اقول ان هو دا الحب يعني من الاخر حب حقيقي لاء لانه لو كان حب حقيقي ما كنش استبدل بحبي لام محمد {مرة تانية المدام مش الغساله } :wub:

[سهيلة]

اللة يا ياسووووووووو

كلامك عن الحب الحقيقى للزوجة اسرنى بصراحة

ربنا يديم الحب والمودة بينكم

سوالى

هتتصرف ازاى لو اتحطيت فالموقف دة

ماشى ع الكورنيش ف اسكندرية لوحدك والدنيا زحمة

وفجاة لفت نظرك بنت زى القمر

فجاة البنت دى قربت منك وقالت لك

ازيك يا س وحشتنى يا س انت رجعت امتى من السفر نسيت منى حبيبتك

والبنت متاثرة جدااااااا

وحشتنى وحشتنى

ووووووووووووووووو....................................................

هل تستنى لما تخلص كلامها وهية فاكراك س وبتشبة عليك

ولا هتعملها ستوب وتقولها الحقيقة قبل ما تندمج ف الكلام؟؟؟ :blush:

السوال التانى

انت واقف ف الاسانسير

واقف وراك ناس كتير

وانت بتكلم واحد صحبك على واحد اسمو س

وقاعد تقول علية كلام موش كويس يعنى وصفات وحشة ف شخصيتة بصوت عالى

وفجاة

بتلف كدة لاقيتو وراك وكان سامع كل حاجة

تعمل ايييييييييييييييييييييييييييية :o

[yasovinas]

سهيلة انت ايه اللي عرفك بالحكايات دي؟؟؟؟ اللي حكيتيه دا حصل لي بالفعل

بس الكارثة ان البنت جت وحصل كووول اللي قلتي عليه وكانت المدام جنبي بس ساعتها كانت بتتفرج على فترينة محل - وطبعا ولانها مصيبة من مصايب الزمن - خلعت بعيد ووقفت تتفرج على الموقف

وطبعا ولاني انا - المصيبة الكبرى - قررت اني اشتغلها واشتغل البنت فتماديت مع البنت وسلمت عليها بكل حرارة وبابتسامه عريضه واهلا وحشاني لا طبعا اذاي هو انت تتنسي

لحد البنت ما ركزت شوية وقالت لي "بس انت مش حسام!!!" قلت لها "لاء انا ياسو" وطبعا وشها جاب مليون لون وبقت غرقانه في عرقها ومش عارف تقول حاجه ؛؛وكوووول دا وانا مستهبل فيها وماسك ايدها :unsure:

لغاية المدام ما جت ونتشت ايدي واتسحلت قصدي اتسحبت من قدام البونيه

الموضوع التاني دا بيحصل معايا كثير بس لان الكل عارف اني بقول للاعمى انت اعمى في ودنه فمش بكون بقول حاجه او راي هوما يعرفوش يعني فقط بابقى قلت رايي فيه لحد كمان غيرة

[سهيلة]

سهيلة انت ايه اللي عرفك بالحكايات دي؟؟؟؟ اللي حكيتيه دا حصل لي بالفعل

yasovinas مشاركة بتاريخ أمس

موش معقول يا ياسو موش فاكرنى

عرفت الحكاية دى لانى انا البنت الحلوة اللى قابلتها طبعا :ph34r: :D :P

بس الكارثة ان البنت جت وحصل كووول اللي قلتي عليه وكانت المدام جنبي بس ساعتها كانت بتتفرج على فترينة محل - وطبعا ولانها مصيبة من مصايب الزمن - خلعت بعيد ووقفت تتفرج على الموقف

يا قلبك يا ياسووووووووو

كمان تعمل دة كلو قدام المدام ربنا يكون ف عونها بجد,

وطبعا وشها جاب مليون لون وبقت غرقانه في عرقها ومش عارف تقول حاجه ؛؛وكوووول دا وانا مستهبل فيها وماسك ايدها

:P

لا تعليق

[نورية]

نسيتى تسأليه يا سهيلة اتحجز فى انهى مستشفى بعد ما مشى هو و المدام بتاعته؟؟؟؟؟!!!!!!!!!!!!! :D :ph34r:

[yasovinas]

انا اقول لك يا نورية

اجمل حاجه في الدنيا لما يكون الوةاج عن حب وتفاهم وكمان عشرة واضف الى كوووول دول اتنين كيلو ثقة بالنفس مع خمسة كيلو ثقة في الآخر هذه التوليفه عمرها ما تودي لاي مستشفى غير مستشفى الولاده طبعاً

طيب ايه رايك ان المدام واحنا ماشيين في الشارع وواحده معدية ولابسه اي حاجه ملفته او منتقده هي اللي تقول لي بص دي عامله اذاي الناس اتجننت

وطبعا احيان كتير ببقى شايف وعامل مش شايف واحيان اخرى ببقى فعلا مش شايف

مرة وفي ساعة مغربيه في البلكونه لاقيتها بتسألني "معقول بتبقى مش واخد بالك قبل ما اقول لك؟؟" قلت لها وبكل صراحه في الغالب ببقى واخد بالي - فسألت طيب ليه مش بتقول لي انت فقلت لها يعني مش عايزك تحسي اني ببص لغيرك يعني وكده لاقيتها بتقول لي لاء لما تبص وتقولي اتطمن اكتر من ما تبص وتخبي في نفسك ودا اللي ممكن يقلق

ها فهمتوا حاجه

[ATHENA]

ياسو إنت بتعمل إيه هنا؟ :closedeyes:

تصور مخدتش بالي خالص من الموضوع لحد ما لقيتك طالع داخل عليه قلت ادخل أشوفك بتغطس فين...

ما علينا

الأسئلة

إيه أول حاجه بتجذب إنتباهك للشخص في كلا من الآتي....

تصرفاته....

شكله...

تخيل إنك صحيت من النوم فجأة و نزلت برجلك الشمال من على السرير..صف لنا يومك الذي يلي نزلة السرير بالشمال...

لو رجع الزمن بيك للماضي..إيه الحاجة اللي عملتها و تتمنى دلوقتي إنك مكنتش تعملها...؟

تم تعديل 3 مايو 2006 بواسطة ATHENA

[yasovinas]

طيب وايه اللي جابك ما كنت خلاص هقفل الدكانه واجيب ضلفها

يللا ما علينا نعم يا فندم بتقولي ايه

ايوة اول سؤال

طبعا اي شخص بيكون الانطباع الاول مبني على شكله الا اذا قام بتصرف غريب في اول مقابله وطبعا الانطباع الاول بيكون له تاثير على علاقتي بهذا الشخص على الاقل خلال فترة معينة لحين تاكيد او تعديل هذا الانطباع

تاني سؤال

شوفي ا ستي هو انا من اساسة لما بصحى من النوم لا ببقى عارف يميني من شمالي ولا حتى راسي من رجلي فممكن جدا اني انزل براسي الشمال وما تفرقش معايا خالص

لا بجد انا مش من هواة التشاؤم خالص ولا من هواة التطير اطلاقا والدليل اهو ادينا لسه اصدقاء بعد ما فعلتوه بقدمكم الاخضر على الهايدبارك عايزة دليل على اني مش متشائم اكتر من كده اييييه

تالت سؤال

لو رجع الزمان كنت هفضل في مصر ومش هتغرب وهعيش زي الناس ما هي عايشة لكن للاسف اتغربت والمركب اللي جيت بيها من مصر اتحرقت

[مصرية يعني مصرية]

يلا يا ياسو

رد على الأسئلة دي و لو تعبت قعد غيرك

اخر كتاب اثر فيك ولية؟؟

ما أكثر المواقف حرجا فى حياتك ؟؟

اكتر فكرة مجنونة جت فى بالك وعملتها ولا لا

ايه اسوء صفة بتكرها في المصريين .... و انت متأكد انك مش بتعملها ؟؟

[مصرية الهوى]

رفقاً بالجدع ;)

أنا حاسه يا ياسو انك تعبت من القعدة وزهقت

ايه رأيك تقوم وتختار حد يقعد مكانك :unsure:

[محمود الشاعر]

انا عاوز اعد على الكرسي نفسي فى الكرسي يا جدعان

رشحوني تجدوا ما لا يسركم

[nancy]

خلاص يامحمود كلم ياسو لانة هو الى مستولى علية حاليا ولما يختارك انت اخترنى بعد كدة :unsure:

وهو نفع وستنفع يا محمود

[مصرية يعني مصرية]

ياسووووووووووووووووووووووووووووووووووووو

هو فين ياولاد

تلاقيه قاعد بيكتب في ألف ليلة و ليلة و مخدش بالو

أصلي( بيني و بينكم )تعبتو أوي

كل مايدخل يلاقيني باعيط و أصرخ.....كمـــــــــــــــــــــــــل..........

أعمل إيه مهي حكاياتو جميلة أوي :o

يلا ياولاد حد يندهلو

[سهيلة]

مصرية حبيبتى اوعى تعيطى ولا تزعلى نفسى

كل دة عشان ياسو يقوم من ع الكرسى

اساسا يعنى

اساسا

هوة ماجر الكرسى دة منى بالساعة

وهيدفع بالتقسيط تخيلى

وبعد دة كلة موش موجود

ندااااااااااااااااااااااااااااااااااااااااااااااااء الى ياسوووو

تعالى سلم الكرسى بسرعة وادفع اللى عليك؟؟

[nancy]

سهيلة انت بعتالة انزار دلوقت لو مردش خلال 3 ايام نسحب الكرسى من تاحتة وندية لحد تانى :o

[مصرية يعني مصرية]

لا ...لا...........لا.

ياسهيلة أنا مش عايزة ياسو يقوم من عالكرسي......

خليه قاعد كدة أنا بستفيد من خبرته في الحياة ...أنا عيزاه يجي يجاوب

عشان في سؤال تاني عيزاه يرد عليه

تم تعديل 14 مايو 2006 بواسطة مصرية يعني مصرية

[مصرية يعني مصرية]

الأستاذ ياسو

حضرتك مطلوب حالا :D

لرد على الأسئلة الموجهة إليك

و إلا سوف يترتب على هذا التأخير ما لا تحمد عقباه :huh:

و قد تطالب من قبل الأعضاء بالتعويض ;)

و الغرامة المالية التي تقدر بـ 147895623.0000000 دولار :D

نقدا و لا تقبل شكاية

إمضاء

شلولخ :D :D