وكالات الأنباء: صراع واوا أح يشتعل

[عصام]

وكالات أنباء:

قامت محطة Smile TV بانتاج احدث اغنيات المطربة اللبنانية دو مينيك حوراني وهي من كلمات والحان طوني اسمر وتوزيع طوني سابا وقام باخراجها المخرج الانجليزي طوني سكوب وتدور فكرة الأغنية حول عائلة صغيرة مؤلفة من أب وأم وطفلين وتلعب دومينيك دور الزوجة المشغولة بأولادها علي حساب اهتمامها بزوجها الذي يحاول بكل الطرق لفت انتباهها واستفزاز غيرتها تجاهه، وتظهر دومينيك في بعض مشاهد الكليب وهي حاملة بيدها شمعة وتقول لابنتها واوا أح الجدير بالذكر ان المطربة هيفاء وهبي طرحت في الأسواق ايضا اغنية بعنوان واوا أح وتستعد حاليا لتصويرها فيديو كليب من كلمات داني فارس والحان وسام الأمير. ويبدو ان طرح هيفاء لاغنيتها في هذا التوقيت له أسبابه فهل ستكون واوا بداية صراع بين هيفاء ودومينيك التي اشتهرت بأغنية الفرفورة

مصادر رسمية:

عبرت الفنانة هيفاء وهبي عن استيائها وتفاجئها لسماع أغنيتها "واوا أح" تبث عبر الإذاعات اللبنانية بصوت الفنانة الشابة دومينيك حوراني بتوزيع مختلف، مما جعلها تسارع لاطلاق الأغنية عبر إذاعة "ميلودي" بشكل حصري بعدما كان مقرراً إدراجها ضمن الألبوم الجديد.

وبقول نقاد فنيون ان المنافسة غير متكافئة إطلاقاً بين الفنانتين خاصة مع النجومية الواسعة التي حصدتها هيفاء وهبي.

كما وتختلف أغنية هيفاء وهبي والتي تحمل العنوان ذاته كلياً من ناحية التوزيع والكلمات والأداء، لكنها تندرج ضمن خانة الأغنيات التي نسمعها يومياً عبر الإذاعات ولا تقدّم أي جديد يذكر

المصدر

لو من 3 سنين كان حد قالى إن كمان 3 سنين هايبطلع أغنية اسمها واوا أح .. كنت ضربته بالجزمة ... :lol:

لكن للأسف أهو حصل .. وكمان شوفت الأغنية ..

ولا تعليق

[Sherief AbdelWahab]

لو من 3 سنين كان حد قالى إن كمان 3 سنين هايبطلع أغنية اسمها واوا أح .. كنت ضربته بالجزمة ...

عندك حق ، واوا أح ممكن تكون تصريح لضقتور على كرسي الوزارة ، ممكن تكون شعار لحزب سياسي ، لكن واسعة قوي إنها تبقى أغنية .. الكلام دة يا عصوم قبل ما تبقى أغنية بحق وحقيقي! :lol:

خلص الكلام

[عصام]

لو من 3 سنين كان حد قالى إن كمان 3 سنين هايبطلع أغنية اسمها واوا أح .. كنت ضربته بالجزمة ...

عندك حق ، واوا أح ممكن تكون تصريح لضقتور على كرسي الوزارة ، ممكن تكون شعار لحزب سياسي ، لكن واسعة قوي إنها تبقى أغنية .. الكلام دة يا عصوم قبل ما تبقى أغنية بحق وحقيقي! :)

خلص الكلام

يا شريف يا ولدى ...

إنت فاكرنى باهزر؟ :lol:

الكلام دا حقيقى حضرتك .. وانا فعلا شوفت الأغنية المليئة بكمية غير معقبولة من الإيحاءات وقلة التربية .. واكتشفت فى النهاية انهم مطلعين الطفلة بس فى الأغنية من باب التمويه ...

واوا أح كانت موجهة للزوج يا جعيدى يا ولدى ..

:D

[Hammer]

الحقيقة مش قادر أوصف لكم حالة البلاهة الحادة و الذهول المتناهي الذي أصابني عند رؤية هذه الأغنية

و الحقيقة أصبت كمان بحالة عقد لسان و لم أستطع ان أعبر عن دهشتي سوي بكلمة واحدة ....

ياخي .. واوا ..............................أح ح

[مصرية الهوى]

هو ده الفن العربي الاصيل ...

بالعكس لو احنا فكرنا بأغنية واوا اح هنلاقي ليها ابعاد نفسية واجتماعية وجسدية كثيرة ....

هنحس انه فعلا هو ده الفن اللي احنا محتاجينه .. وهيعالج حاجات كتير جدا

جوا المواطن العربي ..

وخصوصا لو هيفا هي اللي بتغني ....

الله يرحمك يا حليم :lol:

[yacho]

بما انى معنديش قنوات عربى وولا باسمع هنا عربى ممكن حد يبعتلى اغنيه واوا اح

عشان ادرسها ولما اعلق عليها ابقى عارفه انا باتكلم على ايه :lol: :wub:

[se_ Elsyed]

إنتوا بتهزروا ؟!!

يا جماعة الموضوع أخطر مما نتصور

فلقد أصبح إنشاء قناة للفيديو الكليب والمسخرة .. أسهل من شراء الجريدة كل صباح وبقى عندنا لا يقل عن 50 قناة من هذا النوع

كلها شغالة على السفالة دي .. ومصدر رزقها الوحيد هو الـ SMS اللي العيال بيحبوا بعض فيه ... والمكالمات على 0700 أو 0900 والتصويت وما إلى ذلك ....

لنا الله

[زعلان]

للاسف مشفتش الاغنية بس سمعتها في الاذاعه قرفنا بيهافي كل المحطات بس قولولنا بتيجي في اي محطة فضائية علشان اقدر اقيمها فنيا :lol:

[مهيب]

أجمل شيىء فى الحياة بقى لما تشوف تعبير مدام مصرية كده .. عندها طفلين مثلا و هى بتتفرج على هيفا خاصة لما بتتك على المقطع (أح) ... حقيقة بيبقى تعبير وش المدام المصرية ... ولا كأتها خلاص .. هتجتر كل اللى أكلته

بس السؤال هنا .. هل الحاجات دى هى اللى بتبوظ دماغ و ثقافة الجيل اللى جاى .. ولا الجيل نفسه بايظ بما فيه الكفاية لأنه ينجح الحاجات دى؟؟ يعنى البيضة الأول و لا الفرخة؟؟

مهيب

[se_ Elsyed]

أجمل شيىء فى الحياة بقى لما تشوف تعبير مدام مصرية كده .. عندها طفلين مثلا و هى بتتفرج على هيفا خاصة لما بتتك على المقطع (أح) ... حقيقة بيبقى تعبير وش المدام المصرية ... ولا كأتها خلاص .. هتجتر كل اللى أكلته

بس السؤال هنا .. هل الحاجات دى هى اللى بتبوظ دماغ و ثقافة الجيل اللى جاى .. ولا الجيل نفسه بايظ بما فيه الكفاية لأنه ينجح الحاجات دى؟؟ يعنى البيضة الأول و لا الفرخة؟؟

مهيب

أعتقد الفرخة الأول يا مُهيب

رأيي الشخصي هو إن ي دماغ المتلقي بتبقى عامله زي جردل الميه الفاضي ... تملاها تراب مش هاتقول لأ .. تملاها ميه بسُكر برضوا مش هاتقول لأ

بس في نُقطة .. ممكن لما تيجي تملاها تراب في الأول الدماغ تبقى ناشفة وتعصلج معاك .. لكن لما يكتر عليها التُراب وتستمر المحاولات هاتستسلم في الأخر وهايبقى التراب هو العادي بالنسبة لها ..

حد فاهم حاجة ؟

أيام أم كلثوم وعبد الحميد حافظ :wub: لو كان الهلس طاغي فماكنتش هاتلاقي الناس السميعة اللي ودانهم حلوه وبيتذوقوا الفن الجميل وبيبقى قاعد متحنط ومحفلط في الحفلة وسكتم بُكتم أحسن تفوته كلمة أو حتة من اللحم بتاع الأغنية ...

مثال تاني :

كان في فترة كده إنتشرت فيها مسلسلات الهلس والكلام الفاضي ..

لكن شوف لما أتذاع مسلسل أم كلثوم كانت نسبة الإقبال عليه إزاي .. وإزاي الناس كانت مستمتعة بعمل راقي مافيهوش أي إبتذال...

وكذلك شوفت الإقبال على فيلم أيام السادات أو جمال عبد الناصر وإعجاب الناس بالأداء والأخراج والعمل ككل .. حتى من قِبل الناس اللي معترضة على الشخصيتين دول وأنا منهم ...

----

اخطر شيء في الموضوع هو العيال الصغيرة ومن بعدهم الجيل اللي في مرحلة المُراهقة لإن دول عاملين زي البنزين اللي بمجرد ما تقرب منه النار تلاقية أشتعل على طول ...

ولادي الصغيرين وهم في سن مُبكرة جداً لما بينزلوا مصر بيلقطوا حاجات غريبة ... أغاني الفيديو كليب وخصوصاً نانسي بنت عجرم ... واغاني الأفراح اللي في الشارع ... والأغاني اللي بتسمعها مُجبراً في التاكسي أو الميكروباظ :lol:

فبتلاقي الواد حصل عنده تشويش رهيب

منين إنت بتقول له الحاجات دي عيب وحرام كمان

ومنين هو لاقي إن ده العادي في الجو المُحيط اللي حواليه ...

الأسبوع الماضي مش عارف كنا في مطعم ولا فين .. فعمر شاف واحد قاعد جنبنا وبيدخن بشراهة .. فراح سألني سؤال وبصوت عالي واخده من أبوه سين سين : يا بابا إنت مش قلت لي إن اللي بيشرب سجاير بيبقى وِحش ؟ طب عمو ده وحش ؟ وهو بيعمل كده ليه لما هي السجاير وحشه ؟

فبكل حنان الأب المتفاهم والذي يُريد أن يُنشيء إبنه على أساس المناقشة الديمقراطية السليمة

روحت لاطشه بالقلم

[Cleo]

أيام أم كلثوم وعبد الحميد حافظ :wub: لو كان الهلس طاغي فماكنتش هاتلاقي الناس السميعة اللي ودانهم حلوه وبيتذوقوا الفن الجميل وبيبقى قاعد متحنط ومحفلط في الحفلة وسكتم بُكتم أحسن تفوته كلمة أو حتة من اللحم بتاع الأغنية ...

أسمع -والعهدة على الراوى - أنه قام طلاب كلية الهندسة زمان بمظاهرات ضد العندليب الأسمر عندما غنى أغنيته "الفاضحة" مداح القمر إذ يقول:

قدك المياس يا عمرى

أيقظ الإحساس فى صدرى

أنت أحلى الناس فى نظرى

جل من سواك يا عمرى

:lol:

حد يقدر يأكدلنا المعلومة دى؟؟

[مهيب]

الى العزيز س س ... اللى مصر على ان اسمى مُهيب بضم الميم .. مع انى والله قلتله ميتين مرة قبل كده انى مًهيب .. بالفتحة وربنا ... بس مش مشكلة نعديها المرة دى كمان

شوف يا غ غ (الشقى يواجه عائلة المنتقم .. تتااااان) ... كلامك أنا متفق معاه ... مع أغلبه يعنى .. و ده يعرفنا ان الحل هو الوقاية ... علينا اننا بجد نحاول نربى أطفالنا على أنواع أخرى من الفنون ... على المفهوم الحقيقى اللى احنا طلعنا بيه ... فكرنى كلامك بالاتجاه و الطريقة اللى بتتبعها العزيزة البنت المصرية مع ابنها مادا ... بتحاول تسمع كتير .. و كتير قوى من الحاجات اللى ملأت ذكرياتها .. هى دى الوقاية من وجهة نظرى ...

بس أنا مستغرب من حاجة .. انت بتقول عن ابنك انه بيشوف نانسى عجرم فى مصر ... غريبة ... مع انى شايف ان الحياة المنغلقة فى الرياض سبب رئيسى وراء هروب الناس كلها الى مساحات الفضائيات الرهيبة ... وبالتالى بمعدل التعرض لهيفاء و مثيلاتها و أمثالها شديد الوطء ... فى مصر جزء من ثقافة الفضائيات بتمحيه ثقافة الشارع و المدرسة أو الحضانة و الجيران .. يعنى الحياة بصفة عامة ... ولو كان المجتمع المحيط زى الحضانة أو المدرسة أو الجيران مجتمع كويس .. يبقى معدل تفريغ التراب فى الجردل على حد تعبيرك هيكون أقل ...

مهيب ... بميم مفتوحة كقلب طفل ... كبغداد حين دخلها التتار ... مفتوحة كمدينة بلا أبواب .. ماشى يا عزيزى ط ط ؟؟؟

[se_ Elsyed]

كليو باترا كتبت

أسمع -والعهدة على الراوى - أنه قام طلاب كلية الهندسة زمان بمظاهرات ضد العندليب الأسمر عندما غنى أغنيته "الفاضحة" مداح القمر إذ يقول:

أسف يا أخت كاف باء

أنا ماوعاش على أيامكو يا بتوع الجيل الذهبي .. ايام العز والفن الأصيل ..فأرجو أن تلتمسي لي العذر إذا لم أؤكد لكي تلك المعلومة .

---

الأخ مُهيب .... كونك تبقى مَهيب .. فده شيء يرجعلك لو بترتاح لكده .. إنما أن مُصر إنك مُهيب وده شيء يرجعلي .. ومش عايزين نرجع على بعض ونفرج علينا الناس ده أحنا ولاد ديرة واحده وواكلين مع بعض عيش وكابتشينو ..

بس أنا مستغرب من حاجة .. انت بتقول عن ابنك انه بيشوف نانسى عجرم فى مصر ... غريبة ... مع انى شايف ان الحياة المنغلقة فى الرياض سبب رئيسى وراء هروب الناس كلها الى مساحات الفضائيات الرهيبة

مش صحيح .. فالإنغلاق ده نسبي يا عزيزي

وحتى لو في إنغلاق فإنه لا يدفع إلى الإنحلال والفُرجة على تلك القنوات الإباحية الغنائية الفيديو كلبيه ..

عُمر عقبال أملتك عنده تليفزيون خاص به وماعلهوش إلا 3 قنوات

1- الرسالة

2- إم بي سي 3

3- الجزيرة للأطفال .

وعايش مع نفسه بعد ما يخلص الواجب والمُذاكرة .

[Cleo]

أسف يا أخت كاف باء

أنا ماوعاش على أيامكو يا بتوع الجيل الذهبي .. ايام العز والفن الأصيل ..فأرجو أن تلتمسي لي العذر إذا لم أؤكد لكي تلك المعلومة .

يا س س يا ابنى لما الكبار يتكلموا يبقوا الصغيرين (سنا) اللى زيك يروحوا يلعبوا فى الأوضة التانية <_<

[MZohairy]

مش عارف من غيري كنتوا عملتوا ايه <_<

في حد برضه ميعرفش أغنية المطربه هيفاء وهبي بوس الواوا أح ؟ :wub:

هيفاء وهبي هي التي اثبتت أن للقصيده جسمان و وزن

اليكم رائعتها التي خلبت الباب العالم

وهي أغنيه طبيه توعويه من انتاج وزارة الصحه اللبنانيه بهدف توعية المواطنين على استعمال الاسعافات الأوليه في حالات الجروح :unsure:

ليك الواوا بوس الواوا خلي الواو يصح

لما بستوا الواوا شلته صار الواوا بــح

بقربك خبيني غمرني و دفيني

انا من دونك انا بردانة اااااااااااااح

ليـــــــــــــــك الواواااا ليـــــــــــــــك

الليلة احلى سهرة عندي احبابي

بدهم ياني البس احلى تيابـــــي

بلبس يا عيونك يا حبيبــــــــــــي

كل جـــــديد و دح

ليـــــــــــــــك الواواااا ليـــــــــــــــك

بوثق فيك و بدي تبقى حدي

انت بين الناس الاغلى عندي

و اخر همي شو مايقولو

غلــــــــــط ولا صح

http://www.6rbwow.com/media/listen/6rbwow_13706.ram

[se_ Elsyed]

إيه جدعان

دي مش أغنية دي فعل فاضح في الطريق العام

[مهيب]

يا غزال الليل ... طال ليلى ... يا سيدى ...

أما بخصوص السيد العضو ل ل .. والله فعلا كويس الوقاية اللى انت مراعيها مع عمر ... خاصة و جزء كبير من شخصية الانسان بتتشكل طبقا للى والده ووالدته كانوا بيشوفوه صح أو غلط .. كمان زرع حب القراءة و التعلق بيها فى الطفل أكبر منقذ ليه من مساحات الفضائيات أو فراغ السايبر ..

[MZohairy]

إيه جدعان

دي مش أغنية دي فعل فاضح في الطريق العام

ليه بس يا عم سوء الظن ده بس ؟

ده برضه جزاء الست الممرضه؟ <_<

بقى هي تتعب و تسهر و تعالج و تطبب وتبوس في الواوا وتيجي انت في الآخر تهاجمها بالطريقه دي؟

عموما اذا كنت انت خفيت و ربنا عفاك و مبقاش عندك واوا فهناك ملايين البشر الجرحى والسكلى

لا تنصرفي يا هيفا الى الهجوم عليكي و تتركي الجرحى ينزفون

استمري يا هيفا في العلاج

بوسي الواوا بوسي ولا يهمك

فكل الجرحى يدعون لك

ولك منا الف قبله

[مصرية الهوى]

بقربك خبيني غمرني و دفيني

انا من دونك انا بردانة اااااااااااااح

ما البطاطين ماليه البلد <_<

[kokowawa1979]

الحمد لله جت في واوا بس وماجاتش في كوكو :P