الساعات الأخيرة ... كصة بوليسية !

[Modest]

بعد إذن الكاتب الكبير - في السن - حشيش

وبعد إذن اخويا الصغن موديست

أنا ليه مزاج أكمل الكصة دي ولقد قمت بالفعل بوضع الرتوش والخطوط العريضة والإفتكاسات على بعض الأفكار وضربتهم كلهم في الخلاط .. ويارب تعجبكم

عايز موافقة مكتوبة الأول عشان أبدأ

برغم إن كان نفسي الأديب العالمي و كاتبي المفضل شيشو :lol: هو اللي يكمل الكصة .... لكن هاعصر على نفسي لمونة و اقرأ اللي هاتكتبه يا س س <_<

عينك عليه يا أستاذ حشيش و أرجو أن تتدخل وقت اللزوم و تدلو بدلوَك علشان إذا حصلللللل <_< .... نبقى صُحبة حلوة كده إن شاء الله :ph34r:

[حشيش]

بعد إذن الكاتب الكبير - في السن - حشيش

وبعد إذن اخويا الصغن موديست

أنا ليه مزاج أكمل الكصة دي ولقد قمت بالفعل بوضع الرتوش والخطوط العريضة والإفتكاسات على بعض الأفكار وضربتهم كلهم في الخلاط .. ويارب تعجبكم

عايز موافقة مكتوبة الأول عشان أبدأ

برغم إن كان نفسي الأديب العالمي و كاتبي المفضل شيشو -_- هو اللي يكمل الكصة .... لكن هاعصر على نفسي لمونة و اقرأ اللي هاتكتبه يا س س <_<

عينك عليه يا أستاذ حشيش و أرجو أن تتدخل وقت اللزوم و تدلو بدلوَك علشان إذا حصلللللل <_< .... نبقى صُحبة حلوة كده إن شاء الله :lol:

أخى العزيز مودست B)

من غير ما تقول أنا طبعاً حراقبه من بعيد لبعيد وحتدخل فى الوقت المناسب :ph34r: .... فكما لا يخفى عليك سى السيد كاتب معوق وغير محترف وخبرته الفنية محدودة وده بيزيد من مسئوليتى أمام الكارئ العزيز :o

[se_ Elsyed]

عند حوالي الثالثة فجراً يتلقى فريق الأشراف بالمحاورات رسالة قصيرة من الأدفايزور على محاميلهم ( جمع محمول ) تقول " أدعوكم لإجتماع عاجل في مكاننا السري غداً في السابعة صباحاً "

فتوجس الجميع خيفة أن يكون هناك تعديل وزاري قصدي إشرافي .. فخاف كل واحد على مركزه وأكل عيشه فبادروا بالوصول تباعاً إلى المبنى الكائن تحت الأرض بعشرة طوابق والذي تُدار منه محاورات المصريين

وبدأ الإجتماع في تمام السابعة

------

لقطة تصويرية لمائدة الإجتماع المستديرة في وسط غُرفة شبه مُظلمة إلا من ضوء خافت يصد من لمبة نمرة 10 فوق المائدة .. ويدخل عادل أبو زيد مرتدياً نظارته السوداء الشهيرة - بالرغم من إننا قاعدين في الضلمة أساساً وماحدش شايف صوابعه .. لكن ده زيادة في التموية وإجراءات الأمن والسلامة -

عادل : صباح الخير عليكم ... أنا هادخل في الموضوع على طول من غير إستهلالات ولا مقدمات ولا لغة رمادية ..

أحمد محمود : بأعتباري أكبر المشرفين سناً أود أن أنقل لك قلق ووغوشة طقم الأشراف من تلك الرسالة الغامضة .. خير يا آبيه ؟

عادل : للأسف .. مش خير أبداً يا أحمد

س س : إيه إتكشفنا ؟

أحمد : إتكشفنا إيه يابني ما تحسن ملافظك هو أحنا بنتاجر في المخدرات ؟... إحنا بنعمل اعمال وطنية تقدمية وحدوية

عادل : إمبارح بالليل وبعد ما أتعشيت وحبست بالشاي التقيل وروحت في سابع نومه .. وصلتني رساله على جهاز الووكي توكي الخاص بتاعي واللي ما يعرفش قناة الإرسال بتاعته غير باقي المنتديات الصديقة وكان في واحد على الطرف الثاني عمال يقول إلحقونا ... يالهوي ياما وحاجات من دي ... المهم صحيت وطسيت وشي بشويه ميه وأتأكدت إن رسالة الإستغاثة دي جاية من ناحية الغرب حيث يوجد منتدى هايد بارك المُنشق عن محاورات المصريين ... المهم أنا خوفت جداً وخصوصاً إن محمد أبو زيد إبن عمي متورط معاهم في المنتدى ... حاولت أتصل بمحمد على الموبيل بتاعه رد عليه بصوت ضعيف يملؤه الذُعر وما قليش غير : " إلحق موديست يا عادل ... الحكومة قفشته ومتعلق من رجلية بقى له 3 أيام في قسم الوايلي " ... بيني وبينكم أنا أرتحت إلى حد ما وقلت مش إشكال .. أهي إذا جت على موديست تبقى بسيطة وأهو هايتعذب له كام يوم او كام شهر وبعدين يسيبوه ...

بشكل عام أحب أسمع رأيكو في هذه المشكلة وسُبل إنقاذ ما يُمكن إنقاذه من أشلاء أعضاء الهايد بارك

س س : يا حبيبي يا موديست ... أنا مش ممكن أسكت وأنا عارف إن أخويا وحبيبي موديست ممسوك وبينفخوه في قسم الوايلي .. أنا لازم أتصرف وحالاً

وليد : هاتعمل إيه يا أبيه ؟

س س : أنا هاروح دلوقت حالاً أستخبى عند خالتي في كفر الشيخ اليومين دول .. لإن الحكومة بالتأكيد هاتلم كل من له صلة بموديست .. فلازم أكن شويه لحد الموضوع ما يهدا ...

يُتبع