سين سين بتاع السبعتلاف

[se_ Elsyed]

خير اللهم أجلعه خير بأضرب بعيني كده في أحد المواضيع .. وكان رد في موضوع إبننا الغالي حشيش وكصصة البوليسية المحبشة .. إلا وأُفاجأ بإن عدد مداخلاتي قد قارب على السبعة آلاف إلا خمسة تقريباً ....

بلمت وفتحت بؤي بإستغراب ... كده :unsure: ( معليش هو البؤ شكله مربع .. لكن شغال ويمشي الحال )

وقلت : يـــــــــــــاه يا واد يا سين سين ... 7000 يا مُفتري ؟!!!!

العُمر بيجري ياولاد وإحنا مش واخدين بالنا ...

فين سين سين اللي كان جاي المحاورات من حوالي 3 سنوات وشويه شهور وهو لابس شورت وفانلة كت وشبشب حمام وداخل بيتحسس الطريق وسط العمالقة المتعملقين اللي كانوا متواجدين ومنهم على سبيل المثال لا الحصر (عم أخناتون وجده عم المرحوم الشيخ حسن ، الأفوكاتو ، عادل أبو زيد وإستهلالاته اللي لابد منها ، الطفشان ، هشام عبد الوهاب ، فرير فرير ، مُحبط وتكعيباته ، د / رجب ، محمد أبو زيد ،أسامه الكباريتي ، براود مُسلم ، أكرم ، مسلمة مصرية ، د / أبو حلاوه ، بنتنا كليو ، عمي أبو فصاد ، الراجل المصري قوي مصري ، ملك الفشه والطحال أمير ، الزمالكاوية وأدبهم مدام فريده ، أمير الجماعة السلفية المطلوب سي فوود ، أخونا الدبلوماسي شرقيه ، كوكواوا ، داروين ، مانمان الشهير بباتمان ، فارو ، إبن مصر وولاده ، متسائل ، فيروز ، رابسو قبل ما يقلب ويبقى موديست ، شعنونة الشعانين ، وكان في أرابيسك بس خلع ... وأعذروني لو كنت نسيت إسم من الأسماء بحكم السن والزهايمر )

ومحاورات المصريين كانت أول تعارف لي بعالم المنتديات فكنت قبلها ولمدة 4 سنوات غواص في بحر النغم وكل علاقتي بالنت تنحصر في مطالعة الجرايد اليومية .. على بعض مواقع مصرية ومنها موقع حنين واللي كنت أعرف فيه أختي الكبيرة - في المقام ست أمينة - وهي اللي دلتني على الموقع ده - ولسه بتاخد مني عمولة لحد دلوقت ... على شوية شات مع بنين وبنات - مانا كنت زمان شاب برضوا وليه إحساساتي ومشاعيري وبعدين ماكنتش إتجوزت ولا أتهديت .. شاب طايش بقى تقولوا إيه ....

وتجري الأيام وتمضي السنون والواحد كل يوم بيتعرف على مصريين شرفاء غيورين على وطنهم .. أصغر واحد فيهم بدون مبالغة ينفع رئيس أحسن من بابا حُسني .. على الأقل مش هايعمل فينا اللي بيعمله بابا حُسني ولا هايفكر يورث لإبنه ( عشان معظم الولاد اللي موجودين في المحاورات صغيرين وما ينفعوش يحكموا ..إلا بقى لو عيل يحكمنا وعمه يبقى وصي عليه <_< ماحنا عايشين في ملقف )

ولا أستطيع أن أُنكر مدى إستفادتي من هذا الموقع المحترم والذي تعرفت فيه ايضاً على بعض المواقع الصديقة كشئون مصرية .. ثم المرحومة هايد بنت بارك بنت موديست ... ثم أخر العنقود الواحة الفواحة ...

وكلها مواقع تقول كلمة تستطيع أن تستفيد منها ..

وأذكُر فيما أذكر أن وقت إنضمامي تزامن مع تصاعد حملة " لا للتوريث " التي كان لها دوي لا بأس به مما جعل حزب الوفد يرتعد فرائصة ويتبرأ من موقع محاورات المصريين ويقول " ماعرفوش .. ما خلفتوش " ولكن ذلك لم يؤثر في الموقع قيد أُنملة ..

وعلى مر تلك السنوات مرت بالموقع العديد من المواقف والأزمات .. مثلة مثل أي كائن في الحياة ... لكن بالحب والعزيمة أستطاع القائمون على الموقع والأعضاء الأفاضل تجاوز تلك المحن ...

يُتبع

[مصرية يعني مصرية]

يالا

بسرعة يا سي السيد كمل الموضوع

شوقتنا

تم تعديل 17 أبريل 2006 بواسطة مصرية يعني مصرية

[م الغزالى]

يـــــــــــــاه يا واد يا سين سين ... 7000 يا مُفتري ؟!!!!

صدق أو لا تصدق انا نفس الملاحظة أخدت بالى منها اليوم وأنا بقرا أحد مداخلاتك قبل ماتكتب عنها

عموما يابو عمر ربنا يعطيك الصحة و يطول لنا فى عمر امحاورات حتى نستمتع بمداخلتك رقم 70 ألف

تقبل تحياتى

[yasovinas]

س س احمد باشا ابو عمر سبعة الاف مداخله يعني عراقة وتاريخ من عمر مصر حضارة السبعتلاف سنه

لا حقيقي يا ابو السيد سبعة الاف مداخة منهم الف فايدة والف حكمه والف خفة دم والف كلمة حق لوجه الله والف فكرة محترمة والف كلمة حب من قلب صافي ابيض

والف الاخيرة هتلاقيها ما لهاش لازمه :unsure: س س يا ولاد تاريخ مخبرة وحب الناس للشخصية الجميلة دي ما جاش من الهوا دول شبعتلاف سنة قصدي مداخلة

<_<

[nancy]

س س

انت اول واحد رد على مداخلة ليا وحسسنى ان المحاورات هنا لها لون مختلف

بس مصر تدى احساس للى يقرا ردك انك راجل كبير اوى فى السن مع انك مش كدة

انت قاصد دة ولا دة عادى

وبعدين انت مداخلاتك وصلت للرقم دة لانك مش بتسيب حد مش بتجر شكله

[وليد صفوت]

وتجري الأيام وتمضي السنون والواحد كل يوم بيتعرف على مصريين شرفاء غيورين على وطنهم .. أصغر واحد فيهم بدون مبالغة ينفع رئيس أحسن من بابا حُسني .. على الأقل مش هايعمل فينا اللي بيعمله بابا حُسني ولا هايفكر يورث لإبنه ( عشان معظم الولاد اللي موجودين في المحاورات صغيرين وما ينفعوش يحكموا ..إلا بقى لو عيل يحكمنا وعمه يبقى وصي عليه :ph34r: ماحنا عايشين في ملقف )

بتهيألى ناصر هيقلبها ملكية على طول يا س س .... :unsure: و اول فرمان هيعمله انه يجيب درف المحاورات :blink: :blink:

منور يا ناصر :o

[مصريه بالكويت]

اهنيك اخى سين سين على احترامك لنفسك وللغير ف موضوعاتك وف مداخلاتك

ويا رب تعيش لما تشوفهم مليار ووقتها هنفتح ملحق بالمحاورات لكى يستوعب الكم الهائل من افكارك ومداخلاتك الجميله

[حشيش]

7000 مداخللللللللللللة !!!!!!!! ....... عملوها الوحوش :unsure:

إبنى الغالى سى السيد :blink:

أنا فخور بيك .... لأ .... مصر كلها فخورة بيك :ph34r:

بعد أن قرأت هذا الموضوع سرح بى الخيال :o ..... تخيلتك ومصر (متمثلة فى شخصية بهية) وهيا حاطة إيدها على سرتها من المغص قصدى حاطة إيدها على راسك من فرحتها بيك وبتقول لأبو الهول: شفت إبنى يابو الهول :blink: ... إبنى اللى رفع راسى بسبع ألاف مداخلة :sad: ... مين قال سبعة ونص وتعالى بص :wub: ..... ورأيت علم مصر يرفرف فوق رأسك وسمعت صوت عبد الوهاب وهو ينشد لحنه الخالد: ليه بس ناح البلبل ليه ... فكرنى بالوطن الغالى :o

[yasovinas]

سبحان الله الذي يغير ولا يتغير

فاكر يا س س موضوعك بتاع (اوقفوا المد الفيروزي) اهو اديك عديت وخطيت يا باشا اللهم لا حسد :unsure:

[tarek_almeghallawy]

كل سبعتلاف مداخلة وأنت طيب يا س س

ودايماً تسعدنا بخفة دمك اللي ملهاش حل

المصحوبة بفكر معتدل وسطي

وأدب وحدود مرعية وعدم تجاوز

وهذا قلما يوجد في الكتابة الساخرة

مع قدرة غير عادية على كسب قلوب الناس

وأيضاً تكشير عن الأنياب وانقضاض النمر عندما تمس المقدسات

علاوة على تواضع واعتراف شجاع بالخطأ عند صدوره

ويارب تمتعنا دايما بالثنائيات الرائعة

أنت والمفكر المبدع العائد بسرعة الصاروخ الخارق الحارق

حشيش الحشاحيشو

ويارب يرجع تاني زهيري المتقمص شخصية الناقد الفني

عشان يبقى ثلاثي ورباعي وخماسي

وكلنا تلاميذ في مدرسة سعادتك أيها المشرف اللذيذ

طمووووووووووح

[kokowawa1979]

أخونا المحترم سي السيد

كل 7000 مداخله وانت طيب ومداخلاتك مش عدد وبس لكن عدد ونوع ودي حقيقة أشهد بها إليك

أحسن حاجة في عدد مداخلاتك إنها حطمت الأرقام القياسية بتاع النادي اللي اسمه الأهلي اللي واجعين دماغنا بيه ليل ونهار وطبعا عارف إنك هاتزعل وتقول إلا الأهلي :P

حقيقة أنت من أكثر الأشخاص في المنتدى اللي الواحد بيستفيد من مداخلتهم .

نفسي ربنا يدينا الصحة وطول العمر لكي نهنئك بالمداخلة رقم مليون مش بعيد على ربنا بالطبع .

لك كل التحية والتقدير

[MZohairy]

ويارب يرجع تاني زهيري المتقمص شخصية الناقد الفني

احمم احممم :sad:

والله يا طارق الناس مراكز ومقامات :o

اللهم اكفنا شر الغرور ;)

بقولك ايه يا س س

بصفتي راجل مالي والماليه والمراقبه مهنتي شوف بقى

7000 مداخله * متوسط 5 دقائق = 35000 دقيقه

= 583 ساعه

=24 يوم

طبعا كل دول من وقت العمل :P

لو حنعتبر 4 أيام كنت بتكتب من بتكو

اذن المتبقي 20 يوم بحالهم يجب خصمهم مباشرة من راتب شهر ابريل 2006

ياأستاذ يا بتاع ال HR خد عندك الميمو دي

يخصم راتب 20 يوم من الأخ س س لأهدار المال العام

ويمنح مكافأه استثنائيه بقيمة 20 شهر من الراتب الأساسي على الشهامه والمجدعه والحمشنه :P

مبروك ياسوسو :D

[se_ Elsyed]

أولادي وأحفادي أبناء مصر الغاليين .. وعشان معانا أخت من المغرب وأخرين من السعودية وفلسطين الحبيبة يبقى نُضيف .. أبناء الوطن العربي وطني حبيبي الوطن الأكبر يوم ورا يوم بالويه بتكتر

لقد تبعثرت العبرات من عيني وأنا أقرأ تلك الكلمات المليئة بالحب ... والتي لم أقصد من موضوعي إني أتسول حبكو اللي أنا متأكد منه .. لكن أهي الحسنة وصلت والسلام ..

إبنتنا الغالية مصرية يعني مصرية المغربية .. يعني مراكش وحلاوة مراكش .. حاضر من عيني .. أنا هاكمل وهاغني .. عشان خاطركو هاغني وهاقاوم المرض والفقر ( وش عبحليم في الفيلم اللي مات فيه في الأخر وفاتن بعيد عن السامعين حمامه ماكانتش تعرف إنه هايموت إلا لما عم محمود المليجي قالها )

أخي العزيز .. الهـر كيندر سربرايز .... إذا كنت قلوظت 7 آلف حتة في 3 سنين .. يبقى على ما أ وصل للسبعين باكو .. يبقى عايز لي 30 سنة ... وممكن نقول إني لو طبقت ورديتين يبقى عايز 15 سنة ...

تفتكر دور المُسنين فيها نت ( ببلاش ) ؟

وبعدين خلي بالك وكلام في سرك حساب عادل أبو زيد تقل قوي ولسه لحد دلوقت عمال يسوف فيه ويقولي أُصبر يا سين سين .. بُكره تُفرج يا سين سين .. بُكره البليه تلعب معانا يا سين سين .. ولحد دلوقت ما شوفتش منه إلا بلي ... أنا هاذممك يا كيندر وأهو إنت راجل لسانه بينقط عسل وما بتقولش غير الحقيقة ... بالله عليك لو الـ 7000 حتة دول كانت الواحدة بتقف بجيني أو بجيني ونص .. ماكنتش زماني عديت دلوقت ؟ ده أنا لو كنت بأكتب في مجلة سمير أو ميكي ( بتوع ياسو ) كنت زماني بقيت أغنى من يعقوب الشاروني أو أنيس منصور حتى ....

لكن معليش أنا صابر ومستني أي عقد إحتراف من المنتديات الإجنبية .. وساعتها هاقول لعادل أبو زيد : أنا شاب ولازم أأمن مُستقبل يعني ما أعطلكش ...

إبني الغالي الخواجه ياسو اليوناني الجنسية .. الإسكندراني المنشأ ...الإماراتي العيش ... ألف شكر لكلماتك الروقيقة ... تصدق بالله .. إنت شكلك كنت حوارتجي زي حالاتي .. لإن نفس الملاحظة بتاعت المدي الفيروزي دي جت على باليإمبارح ... وتصدق بالله تاني - هاتصدق إن شاء الله - الظاهر في لعنة في المحاورات تخلي الواحد أول ما ينطق عدد مداخلاته .. يحصلوا بعيد عن السامعين حاجات وحشه ... عندك فريوز مثلاً .. أول ما نقينا عليها لما عملت خمسه بواكي مداخلات .. أهو إتوقف نموها يا عيني وبقت عامله زي اللي بتدور في حلقة مُفرغة أو زي ما يكون شايله عبد القادر ..

المهم أخوك سين سين يادوب لسه ما داسش إنتر للموضوع بتاع إمبارح وإذ به يُفاجأ بماسورة شغل ضربت وهايتعك فيها اليومين اللي جايين .. فعايزك تاخد بالك من المحل وأنا غايب يا ياسو وهابقى أجي أشقر عليك أخر كل يوم وألم الإيراد ( إنذارات على تعديلات على فلوس إشتراكات ) وهاشوفك ماتخافش .. إحنا بنقدرو رجالتنا الجدعان وخصوصاً أبو أحمدات .

مدام نانسي اللي بتزعل لما نقولها يا نانسي عشان مش عايزه حد يعرف إن إسمها نانسي ... هاقولك حكمة إتعلمتها من عمي الكبير عماد حمادي وهي إن " العمر مش بالسن يا نينا وإلا كان بابا حُسني بقى شيخ الحُكماء دلوقت بصفته أكبر واحد سناً في مصر :P .. ولكن العُمر لحظة .. بس خلاص )

إبننا الغالي وليد آل صفوت أصغر مُشرف في مدرسة المحاورات الثانوية بنين .... ماله ناصر يا وليد ؟ بطل بقى حقد على الجدع وسيبه يشُق طريقه نحو كُرسي الرئاسة ويجرب فينا .. إشمعنى هو ؟

اختنا الغالية مصريه بالكويت ( بس ما قلتيش فين بالظبط .. في السالمية ولا الكويت العاصمة إوعي تكوني في الأحمدي .. تفرق معايا كثير ) ألف شكر على إطرائك ... أما بخصوص المليار فأفضل إنهم يكونوا فلوس مش مداخلات وساعتها ندرٍ عليه والندر دين .. هاروشكو كلكو ومش هاخلي حد فيكو محتاج حاجة ... فكلكم أولادي .. والواحد إن ماكنش يشبرق ولاده .. يبقى هايشبرق مين ؟ يعني تخيلي معايا بالصلاتو عالنبي المحاورات دلوقت حوالي 3000 عضو ... فلو رشيت على كل واحد 10 قولي 20 .. والله ما هي راجعه قولي 50 باكو مصري يعني بأتكلم في 150 مليون يبقى هايفضل لي 850 مليون - وش واحد بيبوس إيده شعر ودقن - نعمه ورضا أهو يادوب على قد مصاريف الدُخان بتاعتي .. وأهم حاجة إنكم تبقوا مبسوطين .. لكن معليش .. الحق حق ساعتها هادفع لك واحد ببطاقته السخصية يعني اللي مسجل مرتين ويلهف اللحاليح ويرجع يقف في أخر الصف عشان ياخد تاني .. ساعتها قلبي مش هايبقى راضي عنه وهابص له في الفلوس ..

إبني حبيبي وفلذت كِبدي حشيش ... ألف شكر ليك ولنوس ولأرنوب حسين ولمصر ولبهيه ولسفينكس ولشارع الهرم كله من أول فيصل وإنت داخل على الطالبيه لحد نازلة السمان .... في كلام كتير عايز أقولهولك يا حشيش لكن الوقت ما يسمحش ... لكن أقدر أقولك إنك كنز مدفون يا حشيش ومسير هاييجي اليوم اللي الناس يكتشفوك ... بس أمانة عليك يا حشيش تقدح زينات فكرك وتعمل لنا سلسة مغامرات تجمع بين نوسه وأرنوب حسين .. وأنا أؤكد لك إنها هاتكسر الدُنيا وتبقى ولا هاري بتور في زمانه ... دلوقت أقدر أموت وأنا مطمنك على مُستقبلك ( المُظلم )

أخي العزيز الدكتور طارق رفيق العذاب والغربة والمنفوحه .. ده كلام كبير قوي ماقدرش عليه يا مان ... عن إذنك في شوية مشاعر جوايه هاروح أفضيهم وأجي ... وأقابلك عند سلامه الجزار اللي في المنفوحة ( طبعاً عارفه )

الزملكاوي المتعصب كوكو منصور .. قريب مرتضى منصور .... شكراً يا ملك الفراولة ... وأوعدك إني هامشي في طريق المليون مُداخلة وأهو إيد على إيد تساعد ... شد حيلك إنت وكتر لنا من الفخفاخينا خلي الواحد يرُم عضمه...

إخوتي الكرام أستسمحكم في الغياب كبشة أيام كده وهاكتفي بإختلاس النظر من حين لأخر - بس إوعى حد يكون خالع راسه ولا حاجه - ولما أرجع بالسلامه هاكمل وهاغني

وهارقص كمان ..

إبنكم البار سين سين

ويارب يرجع تاني زهيري المتقمص شخصية الناقد الفني

والحمشنه :P

والحمشنة دي جت لك منين ؟

قصدي ما أنت قاعد حاتمشي ليه يا

يا

يا

يا زهيري

[nancy]

ونبى يا س س الله لا يسيئك ياخويا

تفهمنى اية العلاقة بين اسمى والسن ونينا وعماد حمدى وحسنى والعمر لحظة

اصل فهمى بطىء حبتين ومبفهمهاش وهى طايرة لازم اطلع فوق السطوح وامسكها انزلها على الارض والقلبها افهمها وبعدين اطيرها

[se_ Elsyed]

ونبى يا س س الله لا يسيئك ياخويا

تفهمنى اية العلاقة بين اسمى والسن ونينا وعماد حمدى وحسنى والعمر لحظة

اصل فهمى بطىء حبتين ومبفهمهاش وهى طايرة لازم اطلع فوق السطوح وامسكها انزلها على الارض والقلبها افهمها وبعدين اطيرها

للأسف يا نانسي

هو ده مصير العباقرة . إن كلامهم ما بيتفهمش إلا بعد 35 سنة

عندك إنشتين مثلاً

وجاليليو

وأبو أشرف

ماحدش فهمهم إلا بعد ما ماتوا

لكن أنا هاكون أول واحد يفسر كلامه قبل ما يموت

مش إنتي قولتي إن كلامي بيدل إن كبير في السن .. فأنا بأقولك إن العمر لحظة ومش بعدد السنين ...

بس قولتلك كده بالسيم يعني

[kokowawa1979]

سي السيد كتب :

الزملكاوي المتعصب كوكو منصور .. قريب مرتضى منصور .... شكراً يا ملك الفراولة ... وأوعدك إني هامشي في طريق المليون مُداخلة وأهو إيد على إيد تساعد ... شد حيلك إنت وكتر لنا من الفخفاخينا خلي الواحد يرُم عضمه...

كدة هاتضطرني أفتح ملفك :P

[nancy]

الله يخليك يا س س

جبرت بخاطرى ورديت بسرعة مكنتش حاعرف انام من كتر التفكير فى الرابط بين كل الكلام الى كتبتة

وبعدين مين ابو اشرف دة لا يكون بتاع المك والجمبرى هنا فى بحرى

الله يخليك يا س س

جبرت بخاطرى ورديت بسرعة مكنتش حاعرف انام من كتر التفكير فى الرابط بين كل الكلام الى كتبتة

وبعدين مين ابو اشرف دة لا يكون بتاع السمك والجمبرى هنا فى بحرى

[kokowawa1979]

سي السيد كتب :

إخوتي الكرام أستسمحكم في الغياب كبشة أيام كده وهاكتفي بإختلاس النظر من حين لأخر - بس إوعى حد يكون خالع راسه ولا حاجه - ولما أرجع بالسلامه هاكمل وهاغني

والكبشة دى قد إيه إن شاء الله ؟

ياعم ماتحرمناش من أنسك

[مصرية الهوى]

لا بقى لا يمكن نخلي المناسبة الجميلة دي تعدي بالساهل ..

احنا عندنا كم س س :sad: ( في الرياضة كتير :o )

بص يا سي السيد انا هابقى اجي الرياض في الويك اند الجاي ..

وندورلنا حتة جميلة كده اعزمك فيها ..

بس ابقى خلي مهيب يدفع الحساب عشان انا ع الحديدة :P ...

والا اقولك نعمل تغيير كده ونبقى نغسل مواعينهم ..

بعدها نروح نطعس في الثمامة :D ..

على الـ VXR بتاعي :P ..

والا نطلع على التنهات ونظبط الخيام والقعدة ...

دي هتبقى ادفينتشر محصلتش

هتحرم تكتب بعدها ;)

[yasovinas]

عندك إنشتين مثلاً

وجاليليو

وأبو أشرف

ماحدش فهمهم إلا بعد ما ماتوا

ا

[b]بو عمر

انت بتتكلم جد هو جاليليو مات امتى وكمان ابو اشرف يا خبر ابيض والله اتخطف معلش ربنا يرحمه ويرحمنا جميعاً