الأمن المصرى و المختلين عقليا

[maksoof]

من شريط أخبار قناة الجزيرة:

"الأمن المصرى يلقى القبض على 150 مختلا عقليا فىمحافظات مختلفة"

يعنى هو إما إن الخلل العقلى أصبح الآن جريمة يعاقب عليها القانون أو إن العاملين فى الأمن المصرى أصبحوا أطباء أمراض عقلية و حيعالجوا المختلين.

أو يمكن فيه حاجة تانية أنا مش فاهمها بتربطهم ببعض (؟)

اللى فاهم يفهمنى ينوبكم ثواب :unsure:

[وليد صفوت]

قرأت الخبر انا ايضاً ...

الخبر فى مجمله غريب جداً .. بل من أغرب الأخبار التى رأيتها على شريط أخبار الجزيرة ... و هو غامض جداً ايضاً ...

ربما وجدنا فى صباح الغد تفسيراً ما فى صحفنا المصرية ( الحرة ) ( المستقلة ) .

تحياتى ...

[الأفوكاتو]

يا سادة ,

التفسير بسيط,

لاحظنا أخيرا أن كل من أتهم بارتكلب جريمة خطيرة, " تبين"( لاحظ أن كلمة ثبت لم تذكر) أنه مختل عقليا.

و منطقيا, فإن كل مختل عقليا, لا بد أن يكون ( طبقا لمفهوم الحكومة, و تاكيدا لزعمها) لديه نزعة إجرامية, تستلزم التحفظ عليه , و إيداعه فى السجن.

لذلك, و طبقا لهذا المنطق المعوج, فالمختل عقليا, هو" مشروع " مجرم,

و بدلا من أيداعه فى مصحة لكى يتلقى العلاج الواجب, و اللازم, يجب أن يودع فى السجن, لإرتكابه جريمة " التخلف العقلى"

و بنفس المعيار, فأنا أرى أن تصرف الحكومة يجعلها متخلفة عقليا, و يجب وضع جميع أعضائها فى الليمان

تم تعديل 18 أبريل 2006 بواسطة الأفوكاتو

[Cleo]

الخبر طبعا صحيح... :P

لأن مفيش فى الدنيا حد عاقل يعمل وحاشة ويعرض نفسه انه يقع فى قبضة ××× إحم... عيون مصر السهرانة :P

[yasovinas]

150 بس :blink: :P طيب وباقي الخمسة وسبعين مليون فين ؟؟؟؟انا بشوف كل الناس ماشية يا ولداه بتكلم روحها اللي بيفكر هيكمل الشهر اذاي واللي بيفكر هيجيب للواد جزمه منين واللي بيفكر هيدبر فلوس المدارس منين واللي بتفكر ربع كيلو اللحمه هيكفي مين ولا مين واللي بيفكر هيجيب المليون الخامس من انهي بنك وكله يا ولداه ماشي بيفكر وبيكلم نفسه والله انا سواعي بقول الظاهر العيب فيك انت يا واد يا ياسو يا ابن فيناس علشان مش بكلم روحي والغريب بقى اني في الاخر بكتشف ان ده كله انا بتفرج عليه وانا كمان بكلم روحي يعني خدوني جنبكم الله لا يسيئكم