الحاجة لرفع كفاءة موقع محاورات المصريين

[عادل أبوزيد]

توقف موقع محاورات المصريين لمدة ثلاث ساعات يوم الأحد 16 أبريل و ذلك بين الثالثة و السادسة مساء ، و كان السبب هو زيادة الضغط على السيرفر.

نقوم من جانبنا بدراسة حجم التحمبل على الموقع و الوسائل الفنية لزيادة طاقة الموقع إذا كان هذا المصطلح صحيحا.

يمكننا إضافة Mirror site و كذا يمكننا الإشتراك فى خدمة DNS غير مجانية لنتجنب مشاكل عدم الوصول للموقع و التى ترجع أساسا لخدمة ال DNS التى تقدمها شركات تقديم الخدمة و شركات الإستضافة و كذا يمكننا زيادة قوة البث increase the bandwidth.

أهيب بكل أعضاء محاورات المصريين المشاركة فى دعم الموقع ماديا ... هناك فارق بين موقع يعرف بنوع معين من الثلاجات معدل تصفحه ربما مائة مرة فى اليوم و موقع يتم تصفحه مئات بل آلاف المرات طوال اليوم و على مدار الساعة و من كل أطراف الدنيا.

ببساطة نحن فى حاجة إلى رفع كفائة الموقع حتى يلبى إحتياجات أعضائه و إحتياجات شريحة من خيرة مثقفى مصر و لانريد أن ندفن رؤوسنا فى الرمال و ندعى أننا نقدم أحسن خدمة معينة و نتخفى تحت دعاوى أن الموقع يتعرض لعرقلة مساره أو حجبه من جهات مجهولة و الأمر فى حقيقته الحاجة لرفع الكفائة و هذه تتكلف أموالا - ليست بالكثيرة - و لكنها أكبر من أن يتحملها فرد وحده و أشعر أن من الأمانة أن يعرف الجميع ذلك و أن تتاح فرصة المشاركة فى الدعم للجميع

[se_ Elsyed]

طب الله يرضى عليك قلنا على طريقة تاني غير ال Paypal المكلكعة دي

[bo ghareeb]

ممكن حد يقولي أنتم مين الهوست بتاعكم و أيه امكانياته..؟ صراحة فيه ناس بتستغل عدم معرفة الشخص بأمور النت و تطلب فلوس كثيرة مالهاش داعي. يعني مثلا أسم egyptiantalks.org تعرفوا تكلفته كم بالسنة؟ مش أكثر من 10 دولار و لكن لي أصحاب بمصر أنضحك عليهم وقامت أحدى الشركات بأخذ مبلغ 1000 جنيه مقابل الأسم..شفتم جشع أكثر من كدة؟

بالنسبة للموقع بقى دفعوا 8000 جنيه بالرغم أنه لو أخدوه عن طريق واحد فاهم مكانش كلفهم 1000 جنيه...

معلهش طولت عليكم بس لو فعلا عايزين أنا مستعد أساعدكم في هذا الموضوع بس قولوا لي ايه امكانات الموقع و شوية تفاصيل فنية كدة حطلبها منكم و ان شاء الله محدش حيدفع و لا مليم.

تم تعديل 18 أبريل 2006 بواسطة bo ghareeb

[ابن بلد]

حقيقى فعلا عاوزين طريقه غيرpaypal

وعلى سبيل المثال حساب فى البنك او اى طريقه تتناسب مع اداره المنتدى والاعضاء غير الدفع بالفيزا

لانى بصراحه نفسى اساهم ماديا فى تطوير الموقع لانى بحبه جدا وبحترمه واحترم ادارته واعضاءه

[عادل أبوزيد]

حقيقى فعلا عاوزين طريقه غيرpaypal

وعلى سبيل المثال حساب فى البنك او اى طريقه تتناسب مع اداره المنتدى والاعضاء غير الدفع بالفيزا

لانى بصراحه نفسى اساهم ماديا فى تطوير الموقع لانى بحبه جدا وبحترمه واحترم ادارته واعضاءه

الPayPal أكثر الطرق أمنا و كفائة و فوق ذلك هى الطريقة الموجودة لدينا ...

[yasovinas]

في معلومه عرفتها من صديق له باع في الموضوع وهو ان السيرفر اللي علية الموقع المفروض بيستفيد من عدد الزوار للمنتدى لانه بيدخل في عدد الزوار للسيرفر ككل ودا طبعا بيفيد اصحاب السيرفير في الاعلانات وعلى حسب ما فهمت منه ان المفروض لو وصل عدد الزوار لاي موقع على السيرفر الى عدد معين فبيكون لصاحب الموقع مزايا بل ان في سيرفرات بتعطي نقود مقابل العدد الكبير

انا طبعا مش معترض على اننا نساهم في تطوير الموقع اللي كلنا بننتمي اليه وبنحبه

لكن لي ملاحظه من الناحية الاداريه ارجوا ان تاخذ في الحسبان من قِبل الادارة

هل يا ترى اذا ساهم عضو من الاعضاء في هذه الرسوم سوف يكون من حق الادارة ايقاف عضويته مثلا لاي سبب من الاسباب

مجرد خاطر جال ببالي وحبيت اطرحه للتفكير فيه من الادارة

تحياتي

[وليد صفوت]

ماهو اكيد يا ياسو لو الشخص ده ساهم يبقى مش بعزقة و لا شبرقة ... لأ ده عن إقتناع باللى بيعمله و عن حب حقيقى للمكان ده .... و بالتالى الشخص ده لا يمكن ان يكون عضو وجوده خطر على الأعضاء أو يتلفظ بألفاظ غير لائقة تتوجب حرمانه من المشاركة ....

و عموماً لو حصل ( و اؤمن بأنه لن يحدث ) يبقى نردله فلوسه و مع السلامة :P ...