تعددت الاشكال والـ واحدـــــزواج

[yasovinas]

لفت نظري خلال اليومين الماضيين وجود اكثر من موضوع حول الزواج وكلاهما من عزاب المنتدى "شريف عبد الوهاب" المضرب عن الزواج ومن العزيز "عمرو النسر المصري" الباحث عن الزواج :D

احدهما يبحث عن زوجه والاخر يبحث عن اسباب رفع السكاكين في وجه الزوج والزوجه mfb:

لذا اردت ان نستعرض معا انواع واسباب الزواج في مصر الحروسه وطبعا اللي بيحصل في مصر المحروسة يمكن ان يسري على اي بقعه من بقاع المعمورة لانها (مصر) ام الدنيا

وحتى يكون كل شيء على نور من الاول "كما يقول والد العروس للعريس " فدعونا نبدء منذ ايام العزوبية

فالعازب يا اصدقائي هو شخص محط انظار الجميع وهو ايضا مستهدف من سيدات العائلة ومن الجيران كما وانه محسود ومحل حقد دفين من باقي الجيران المتزوجون من ابناء ادم ؛؛؛وحياة العازب من داخل مسكنة يمكن تصويرها في الاتي

السكر في الثلاجه، وبراد الشاي في غرفة النوم؛ والتلفزيون شغال بينما هو مستغرق في النوم .. طبعا النوم الذي يقلده المهرجون والقرود (اعملي نوم العازب يا نوسة) تجد ان احلامه والقابه مكتوبه على جدران الحجرة وغالبا ما تجد بعض من اشعار صلاح جاهين ونزار قباني على الكومودينو،، وزمان كنا نلاقي صورة بالالوان الطبيعيه "بوستر" لسعاد حسني ،، حاليا ممكن تكون نانسي عجرم او سنيه سوست ،، تجد دائما الحذاء في البلكونه!!! بهدف التهوية ،،،والحوض مسدود؛ والثلاجه عطلانه ،والحنفية بتنقط .. ولمبة المطبخ محروقه :blink: والصابون خلص -_- واحيانا يكون تليفون البيت عطلان "احسن" :P

دائما ما نجد العازب في افراح العائله هو النجم المنظور اكثر من المغفل اللي قاعد في الكوشه :D ،،،بينما هو الحكم في مشاكل اصدقائة الزوجية ،،، ويكون الاعزب هو الفاكهه في المجتمعات التي يكثر فيها الازواج ,,,,اما في بيته وسط عائلته فهو مجرد علبة "بيرسول" ;) ودائما ما تجده يبحث عن اصدقائة في الموبايل "ايوة يا جماعه انتو فين"

العاذب ملك المعلبات والاطعمه المحفوظه حتى عندما يبحر في المطبخ فان وجباته التي يطهوها تدعوا للتعاطف معه،،،،،، اسكالوب ؛؛سلطة بطاطس ،،مكرونة اسباجتي وهكذا وهو دائما فريسه سهله للشك في كل مرة يفتح فيها باب الثلاجه ويمد يدة لشيء ما بداخلها ويشمه بحذر شديد وهو يردد (باظت مش كده) ثم يمد يده الى صديقة "خد شم كده يا عادل ؛؛شكلها باظت؟؟"

البقال يعرف دائما مطالبة {10 بيضات... ربع رومي قديمه... ومخلل... وعلبة سجاير وكمان ،،باكو شاي وكيس سكر ،،ووووووكمااان كيس تايد علشان الغسيل}

يعرف جميع جيرانه ماذا يفعل،،،، فهو دائما ما يغني وهو يغسل الاطباق والاكواب "انا قلبي برج حمام هج الحمام منه "

ونكمل الملحمه في القريب باذن الله

تحياتي لاخواني العزاب :wub: وتعازينا لزملائي المتزوجون :D

ولا عزاء للسيدات :P

تنويه ذكرت بالخطأ العزيز هشام عبد الوهاب والصحيح هو العالي شريف عبد الوهاب لذا وجب التنويه بعد التصحيح وشكر وتحية لصديقي الواعي وايت هارت

تم تعديل 19 أبريل 2006 بواسطة yasovinas

[مصرية الهوى]

طيب ياسو الله يكرمك .. هات لنا حياة الجنس الاخر قبل الزواج :blink:

والا اروح اصورلك اوضتي :P

[Cleo]

يا ياسو يا عزيزى فيه فرق بين العازب وبين المتزوج اللى عايش عزابى..

المتزوج اللى عايش عزابى هو اللى بيشترى من البقال ويغسل الأطباق ويشم الأكل بحذر...

اما العازب فيقعد يتمطرق على أجدع كرسى فى البيت و بصوت أوبرالى يشدو:

مااااااااامااااااااااا... حطيلى أتغدا...

إيه ده مكرونة..؟؟ إفففف هى المكرونة دى أكل؟؟ :P

إيه ده أنا بقرف من اللحمة بالطريقة دى....

أكل بايت؟؟ :D مش واكل :blink:

[وليد صفوت]

الموضوع ده رجالى لو سمحتم يا آنسات :P ..... افففففففففف يا ساااااااااتر :D ... مافيش اى نوع من انواع الخصوصية فى البيت ده ! :D

كمل يا ياسو كمل ... و الله يا عمى بيحصل حتى لو العازب عايش مع اهله فى البيت ...

نموذج اوضة النوم بتاعته بيبقى قريب من نموذج البرجين بتوع مركز التجارة العالمى بعد ما وقعوا :blink:

:D

[yasovinas]

ردود سريعه

جيجي

انا ما اقدرش اصور حجرة نوم بنوته امورة قبل الجواز لان دا فيه اعتداء على حرمة بنات حوا وانا مش ناقص قضايا الله يكرمك وبعدين انا عمري ما دخلت حجرة بنت "قبل ما تتجوز mfb: " فمش هعرف اوصفها يا ريت تشدي حيلك معانا انت في الموضوع دا

كليو

انت يا بنت انتِ حد مسلطك عليه :P لا بقى لعلمك الموضوع دا تلاقيه عند كل العزاب وبعدين مش شرط العازب معاه ماااااماااا ما يمكن متغرب يا ولداه ولا ماما سايباه وقاعده مع اختها المريضه ;) ولا ماما ماتت مثلاً يا ساتشير افففففففففففففففففف مليتو البلد :D

وليد باشا (ملك الكمان سابقاً) تحياتي يا صاحبي ،،،، قولي نعمل فيهم ايه حفيدات ريا وسكينه دول يعني قلت لهم ولا عزاء للسيدات وبرضه داخلين يا اخي مش عارف اعمل فيهم ايه :D :blink: :D

بس بيني وبينك وما تقولش لحد منهن،،، الدنيا من غيرهم ما لهاش طعم - مش مهم بقى ايه هو الطعم - بس اهو طعم وخلاص :wub:

[yasovinas]

العازب يا سادة هو "اسكندراني ؛؛؛؛لا يجيد العوم" وهو ايضاً " مصور محترف ؛؛؛؛ لايجيد تركيب الفيلم في الكاميرا!!!"

مع اول نوبة اكتئاب يشعر بها العازب يهب المارد "بالشورت" لمواجهة القذارة المنتشرة في المكان ، فيبدأ بالمطبخ حيث يتخلص من كل الاطعمه والفاكهه المنتهية الصلاحية والغير صالحه للاستعمال الآدمي

ويجمع علب العصير الفارغه وزجاجات الكوكا كولا وقشر البيض وقشر الليمون وبواقي الخبز في كيس كبير للقمامه ثم يغسل الاواني كلها ثم يلمع سطح البوتاجاز

ويستمر المارد في الغليان والزئير فيتجه مباشرة الى غرفة النوم يغير الملاية وكيس المخدة ويزيل الاتربه وصحف الاسابيع اللي فاتو وكبايات الشاي المرمية خلف السرير وازاحة السجادة (ان وجد) وقليل من الكنس لايضر

وتستمر مسيرة النظافه فيتجه الى الحمام حيث زجاجات الشامبوا الفارغه وانبوبة المعجون المنتهية الصلاحية والتي اصبحت تشبة قوقعه حلزونية

وبعد كل هذا وبعد ان يكون رمى جردل ولا جردلين ميه في ارضية البلكونة يشعر المارد بان البيت بقى انظف من البيت الابيض فيتحول الى شخصه الغلبان ويديها دش محترم وحلقة دقن على الناعم وما فيش مانع من عود بخور بعد الدش والحلاقه ويضرب كوباية شاي مع سيجارة وهو جالساً امام التلفاز وهو يحدث نفسه مهنئاً ومؤيداً {والله الستات بتتعب }

ولنا عودة

[Cleo]

العازب يا سادة هو "اسكندراني ؛؛؛؛لا يجيد العوم" وهو ايضاً " مصور محترف ؛؛؛؛ لايجيد تركيب الفيلم في الكاميرا!!!"

مع اول نوبة اكتئاب يشعر بها العازب يهب المارد "بالشورت" لمواجهة القذارة المنتشرة في المكان ، فيبدأ بالمطبخ حيث يتخلص من كل الاطعمه والفاكهه المنتهية الصلاحية والغير صالحه للاستعمال الآدمي

ويجمع علب العصير الفارغه وزجاجات الكوكا كولا وقشر البيض وقشر الليمون وبواقي الخبز في كيس كبير للقمامه ثم يغسل الاواني كلها ثم يلمع سطح البوتاجاز

ويستمر المارد في الغليان والزئير فيتجه مباشرة الى غرفة النوم يغير الملاية وكيس المخدة ويزيل الاتربه وصحف الاسابيع اللي فاتو وكبايات الشاي المرمية خلف السرير وازاحة السجادة (ان وجد) وقليل من الكنس لايضر

وتستمر مسيرة النظافه فيتجه الى الحمام حيث زجاجات الشامبوا الفارغه وانبوبة المعجون المنتهية الصلاحية والتي اصبحت تشبة قوقعه حلزونية

وبعد كل هذا وبعد ان يكون رمى جردل ولا جردلين ميه في ارضية البلكونة يشعر المارد بان البيت بقى انظف من البيت الابيض فيتحول الى شخصه الغلبان ويديها دش محترم وحلقة دقن على الناعم وما فيش مانع من عود بخور بعد الدش والحلاقه ويضرب كوباية شاي مع سيجارة وهو جالساً امام التلفاز وهو يحدث نفسه مهنئاً ومؤيداً {والله الستات بتتعب }

ولنا عودة

ممكن نضم المداخلة دى على موضوع قاسم أمين؟ :unsure:

[ATHENA]

مع اول نوبة اكتئاب يشعر بها العازب يهب المارد "بالشورت" لمواجهة القذارة المنتشرة في المكان ، فيبدأ بالمطبخ حيث يتخلص من كل الاطعمه والفاكهه المنتهية الصلاحية والغير صالحه للاستعمال الآدمي

ويجمع علب العصير الفارغه وزجاجات الكوكا كولا وقشر البيض وقشر الليمون وبواقي الخبز في كيس كبير للقمامه ثم يغسل الاواني كلها ثم يلمع سطح البوتاجاز

ويستمر المارد في الغليان والزئير فيتجه مباشرة الى غرفة النوم يغير الملاية وكيس المخدة ويزيل الاتربه وصحف الاسابيع اللي فاتو وكبايات الشاي المرمية خلف السرير وازاحة السجادة (ان وجد) وقليل من الكنس لايضر

وتستمر مسيرة النظافه فيتجه الى الحمام حيث زجاجات الشامبوا الفارغه وانبوبة المعجون المنتهية الصلاحية والتي اصبحت تشبة قوقعه حلزونية

و الشغل ده ميحصلش إلا مع نوبات الكآبة؟ :unsure:

يعني الستات مش عليهم لوم بقه لما ينكدوا عيشه أكبرها أقطاي... :blink:

[yasovinas]

كليو :unsure:

لا مش ممكن

اثينا (ايزو 128)

هو يعني ما ينفعش الواحد يبحبح بكلمتين في ام التوبك دا غير ما يلاقي شجرة طالعاله زي العمل الرضي اففففففففففففففففففففففففف :blink: :huh: :blink: :wub:

[nancy]

المارد بتاعك دة مكملش التنظيف لية هى الشقة اوضة النوم والحمام والمطبخ بس مش فية انترية ومكتبة وترابيظة بتستعمل كسفرة

وفية ممر وحيز توزيع للكلام دة قلة يقوم يكمل وبعدين يشرب الشاى والسيجارة وكمان مغسلش الحاجت الى لما من ملايات وملابس مرمية

مش لما تشتغلوا تشتغلوا بزمة ... صحيح رجالة

وعلى الله تقولة افففففففف :lol:

:wub:

[مصرية الهوى]

ردود سريعه

جيجي

انا ما اقدرش اصور حجرة نوم بنوته امورة قبل الجواز لان دا فيه اعتداء على حرمة بنات حوا وانا مش ناقص قضايا الله يكرمك وبعدين انا عمري ما دخلت حجرة بنت "قبل ما تتجوز :D " فمش هعرف اوصفها يا ريت تشدي حيلك معانا انت في الموضوع دا

:o

ساعات .. بقول ساعات اهوه :lol:

مبتفرقش عن التصوير الي انت صورته لاوضة الشاب ..

بس أصعب كلمة ممكن الواحد يسمعها لما حد يقولك : دي اوضة بنت .. يعني منقدرش نقول حاجه على اوضة الولد ؟؟

بتحس ان فيه خنجر يطعن في صميم انوثتك :wub: ..

تقوم بسرعة توضب الاوضة تخليها على سنجة عشرة :blink:

[yasovinas]

ردود سريعه

نانسي بلاش الله يخليكي التفاصيل البسيطة دي يعني الراجل ساكن في شقة مطرح وحمام ومطبخ ما سمعتيش عن اختراع اسمه استوديو؟؟!!! وبعدين يعني لما ينظف كل حاجه عم عبدة البواب هيجي ينظف ايه ويسترزق منين ؟؟؟؟ وعلشان خاطر انت طيبة من غير اففففففففففففففف :lol:

جيجي تصدقي الكلمه دي كنت دايما بسمعها من الحاجه الله يصبحها بالخير لاختى الله يــ!!!!!!!!!! صبحها بالخير هي كمان معلش اصلها كانت الكبيرة وكنت انا وهي يعني " نار على زيت حار " ايييييه ذكرياااااات تام تام ترم لم "

نرجع لحياة العازب قبل الزواج وهي استهلال لا بد منه قبل الخوض في الخطوبه ومن بعدها الزواج

نجد العازب دائما سهران في ايام الصيف في البلكونه وهو بالشورت والتي شيرت ومعاه طبعا مج النسكافيه وهاتك يا شات طول الليل اما ايام الشتا فهو يعشق السهرات المغلقه حيث الاصدقاء ودخان السجاير وحوارات تبحث عن اجابات جديده كل يوم لاسئلة قديمه من نوعية " البنات عايزة اية؟؟؟"

وتستمر هذه اللقاءات الى منتصف الليل احيانا بل حتى الفجر اذا تحولت الجلسه الى خلاف في وجهات النظر حول اتفه الاشياء وكشف اسرار حوادث قديمه او تحليل نفسيات احد الاصدقاء والتي تنتهي غالباً بتصريح احدهم قائلاً "انت عارف انت عيبك ايه ؟؟؟"

وفي الايام الخاليه من الاصدقاء نجد العازب يبحث قبل النوم عن اسماء لامعه كانت العزوبية مصيرهم المحتوم ويتامل ما يعرفه عن سيرتهم الذاتيه امثال العقاد، وحليم ،، وكامل الشناوي ؛؛ والعملاق زكي رستم - واحيانا يوسف والي وفاروق حسني :wub: وضياء الدين داوود والكابتن "ميمي الشربيني :blink: "

وللحديث بقية

[ATHENA]

نجد العازب دائما سهران في ايام الصيف في البلكونه وهو بالشورت والتي شيرت ومعاه طبعا مج النسكافيه وهاتك يا شات طول الليل اما ايام الشتا فهو يعشق السهرات المغلقه حيث الاصدقاء ودخان السجاير وحوارات تبحث عن اجابات جديده كل يوم لاسئلة قديمه من نوعية " البنات عايزة اية؟؟؟"

وتستمر هذه اللقاءات الى منتصف الليل احيانا بل حتى الفجر اذا تحولت الجلسه الى خلاف في وجهات النظر حول اتفه الاشياء وكشف اسرار حوادث قديمه او تحليل نفسيات احد الاصدقاء والتي تنتهي غالباً بتصريح احدهم قائلاً "انت عارف انت عيبك ايه ؟؟؟"

وفي الايام الخاليه من الاصدقاء نجد العازب يبحث قبل النوم عن اسماء لامعه كانت العزوبية مصيرهم المحتوم ويتامل ما يعرفه عن سيرتهم الذاتيه امثال العقاد، وحليم ،، وكامل الشناوي ؛؛ والعملاق زكي رستم - واحيانا يوسف والي وفاروق حسني :D وضياء الدين داوود والكابتن "ميمي الشربيني :o "

يا عيني يا ياسو ،،،قطعت قلبي على كل أقطاي عازب(بتسئ) :lol:

ده إيه العز ده اللي هما فيه :wub: ، عازبيين متهننين و آخر دلع و سهرانين بالمج و نص كم.. متجوزيين سلاطين زمانهم :blink: حتى الاودة عم عبدو البواب هو الي بينضفها..و بعدين لما هما شافوا السير الذاتية للعزاب المشاهير و نهايتهم البيضا يتجوز لييييييييييييه :o

دي مبقتش عيشه دي...اففففففففففف :o

[nancy]

ياسو ممكن اسالك سؤال غبى انت شايف الى الاخ العازب دة فية حلو ولا وحش

يعنى جنة العزوبية ولا جنة الجواز

وبعدين اية قيمة الحياة من غير ما حد يطلعك سابع سما ووينزلك تانى سبع ارض

دة الجواز نعمة والى يرفضها ..... يبقى خسران

[yasovinas]

بووووسسسسسطه الست نانسي بنت ام نانسي 10 شارع البيت السعيد المتفرع من المرأة العاملة بميدان اثبات الذات

نحيطكم علماً بان الحياه العذوبية هي مرحلة جميلة نمر بها كرجال عزاب لا نشعر بجمالها الا بعد ان نتخطاها وحتى لا يُفهم كلامي خطأ فان الزواج والحياة الزوجية مرحلة اروع من سابقتها ولكن لا نشعر بجمالها الا؛؛؛؛؛؛؛ بعد ان نتخطاها وهذا يتطلب :lol: :blink: :wub: احد الاجلين

تحياتي

الغريب في الموضوعان اغلب اللي مشرفني هنا من بنات حوا مش عارف ايه الحكاية هل دا علشان اخواني في العزوبية والزوجيه حاسين بالموضوع ومتعايشين معاه فما فيش تعليق ولا كل واحد واخد الموضوع على صدرة وكاتم يا ولداه

ايزو على فكرة الاقطيات برضه ليهم نقاط ضعف ولحظات طيبة مش زي بنات ريا وسكينة شجرات الدر

[yasovinas]

العاذب هو هدف سهل ومكشوف في عمارة كلها عائلات ،،،بنت الجيران ارق ما يمكن ان يبدأ به يومه،،، يراها خارجه من باب العمارة او يتصادفا في الاسانسير تبتسم بخجل,,,, وامها تراقب الموقف من العين السحرية او من فتحة الشيش

ودائما ما يصادف وجه جارة المسن البشوش وهو متجه لصلاة الفجر بالمسجد ،،،وما بين هذا الوجه وذاك الوجه،، يصطدم دائما بوجه البواب او صاحب العمارة.... ودائما ما يدور حوار قصير او طويل حول الجلبة التي يحدثها العازب واصدقاؤة في الليل او ساعة مغادرتهم فجراً؛؛؛؛؛ وينتهي هذا الحديث في اغلب الاوقات بكلمتين حول اهمية الزواج والاستقرار

العازب هو اكثر سكان العمارة شهرةً عند اولاد البواب فهو اكثر ساكن يدخلون شقته،،، حيث يقدم لهم الفاكهه والفكه احيانا - ويسمح لهم بالجلوس لمشاهدة كليب نانسي عجرم ويتابع ابتسامتهم الطفوليه عندما تمسك نانسي بالفأر بين يديها ,,,,,وعندما ينتهي الكليب ويهم الاطفال بالخروج ,,,, يسرع الى الريموت وهو يسالهم "تتفرجوا على الكرتون ؟؟"

من اشهر ما يتردد على اذن العازب

• ربنا يطمنا عليك
  
• مش هنفرح بيك - وفي مقوله اخرى مش هنفرح فيك
  
• يا ابني اتجوز بقى
  
• ما فيش حاجه في السكة
  
• باقولك ايه عندي ليك عروسه
  
• طيب ما نوتش ؟
  
• هتندم على كل يوم ضاع منك من غير جواز
  
• يا بني الحق اتجوز وهات لك عيل وانت صغير
  
• مش هتلاقي واحده تتجوزك لو استنيت اكتر من كده
  

وهناك اقوال اخرى تتردد على اذنه او يسمعها بعد ان يغادر المكان

• يا بختك
  
• جتنا نيله في حظنا الهباب
  
• انت كده تمام
  
• بلا جواز بلا وجع دماغ
  
• انت كده ملك
  
• يا عم عيش حياتك
  
• قالها لي صديق متزوج منذ عام وبمنتهى الحماس ،،،،، بص اوعى تقدم علية
  

ولنا عودة قريباً

[وليد صفوت]

الله يا ياسو الله .........

قول يا عمى قووووووووووووول قطعت قلبىىىىىىىىىى

[yasovinas]

المطرب الشعبي "عبده الاسكندراني " عميد الموال العربي ينشد قائلاً :-

ياللي انت ناشئ وعاشئ زينة ....... الدنيا

ونفسك يكون لك ولاد ذكرى على...... الدنيا

اختار لهم الام قبل ما ييجوا على...... الدنيا

خد الاصيله اللى ابوها ؛؛؛؛؛ مربيها

الام لو صالحه ابنك يفتخر ،،، بيها

اما الخسيسة ولادها يتعايرو،،،،، بيها

واللي آنيها ما يجني عمار في ،،،،الدنيا

العازب دائم التأمل في احوال المتزوجون حولة - راجعوا مواضيع هشام حول الجواز - اصدقاء، اقارب ، معارف ، زملاء او جيران... دائماً ما يسأل كل واحد منهم على حده عما اذا كان سعيداً بزواجه ام لا ؟؟؟ الا انه يا ولداه لا يتلقى اجابة شافيه قاطعه نوهائية!! فهناك من يعلن سخطه التام على الفكرة (الا انه يلمح خيال المدام وهي تسترق السمع من خلف الباب) :blink: فيتراجع قائلاً "بس هو مهم برضه" - وهناك من يعطي اجابات تزيده ارتباكاً من نوعية "انت وحظك" ، الجواز زي البطيخه ، .... احلى حاجه فيه الاولاد ،.......{شر لابد منه :blush: }ومع الوقت وزيادة الحيرة يقتنع العازب انه ليس المهم ان يعيش مع شخص ولكن المهم ان لايستطيع ان يعيش بدون هذا الشخص

يرى البنات حوله في حياته اليوميه وهن جميعاً بالنسبة له مشروع مؤجل، فهن احياناً تصلحن وغالباً لا تصلحن !!! ويعلن لنفسه اعلان هام وثابت يرضيه ويرضي غرورة واوهامه (اهم موجودين ،،،،هيروحوا فين؟؟) - ارجوا مراجعة موضوع النسر المصري ابو 22 عروسه :blush: - ولكن هذا الاعلان وهذا الغرور الواهم يتلاشى تدريجيا عندما تضيع الواحدة تلو الاخرى وتختفي من امامه :huh:

كلما طالت مدة العزوبية زاد ترقب المحيطين بالعازب لتلك السندريللا التي اضاع عمرة بحثاً عنها ،، وعندما ينتبه العازب لهذا التحفز والترقب يزداد توترة فيبالغ في وضع مواصفات قياسية قاسية لشريكة حياته (مرة اخرى راجعوا موضوع النسر يا لهوي انا عديت الثلاثين) مما يؤدي الى تفاقم المشكله

وللحديث تعليق اخير على حياة العزوبية بعد الفاصل

[yasovinas]

العاذب يؤمن احياناً بقول احياناً وليس دائماً انه لا وقت للحب واحيانا اخرى - برضه احياناً - يتمسك بالحب كمبدأ للحياة وفلسفة لاختيار شريكة حياته ،، يهرب من العلاقات السهلة كما لو كان يهرب من الاسد او الغول وهو يصرخ بداخله "كفاية بقى كده"

مع الوقت ومع كل ما سبق يتخلى اخونا العزب (النسر احياناً) عن فكرة ان الزواج سوف يعطل مشروع حياته الضخم فلقد اكتشف مع الوقت ان هذا المشروع الضخم لا طعم له ولا رائحة بدون شريك ، وان النجاح يلزمه الاستقرار والاستقرار في قاموس الشعب المصري والعربي على السواء هو الزواج والزواج ولا شيء غير الزواج ،،،الا انه احيانا يشعر بان الزواج ثمن فادح للاستقرار !!لا بل انه من مُغالى فيه كثيراً

فهو يخشى على حريته والتي صار عبداً لها ، فهو يخاف ان تاتي اي واحده "مهما كانت" ان تمنعه او تثنية عن السفر وقتما يشاء او على انفاق اموالة في امور يعرف ويوقن تماما انها تافهه لكنه يحبها او ان تمنعه هذه الـ "واحدهايا كانت" من السهر مع اصدقائة او القراءة او الصعلكة او حتى الكسل وكلها اشياء اساسية في حياة العازب يعشقها كما يعشق المحب الولهان

يخاف من هذه الـ "اي واحده" الا تتحمل نوبة من نوبات اكتئابة او تعثرة المفاجيء او ريحة دخان السجاير ... اخيرا يخا من القيود ومن ان يجد نفسه فجأة في بيت به ابواب مغلقة لاي سبب

سؤال واحد ومكرر واذلي {انت ليه ما اتجوزتش لغاية دلوقت ؟؟؟؟؟؟؟؟}

تتنوع الاجابات منها العملي "عايز اعمل حاجة مهمة قبل ما يشغلني الجواز "

ومنها الساخر " يا سيدي خليني اهو كده الوالده عندها موضوع شاغلها طول اليوم "

والتقليدية التي تتضمن قدر من المرارة "نصيب....!"

وهناك المتحرر او الفلاتي "والبنات ي كلها اسيبها لمين"

ومنها اليائسة والعدميه الحزينة "وهما اللى اتجوزوا عملوا اية يعني ؟؟" او بيأس "واتجوز لية ؟؟!"

وهناك الرايق ابو دماغ عالية " يمكن علشان محظوظ ,,,,,,,,,,"

والمباشر البسيط "أنا مبسوط كده "

واخيراً الكوميديا السوداء

يا عم اللي اتجوز اتجوز خلاص

والى اللقاء في ايام الخطوبة :blush:

[Guest النسر المصري]

ياالله..اية دة اية دة ايدة كله

بصراحة من يوم مافتحت الموضوع ده يامعل ياسو وانا كل ماجي أرد عليه ألاقي كلبشات أونكل العفريت الأخضر بنخش بظوافره فيها ويقولي :huh: ...حاااسب...إستنى ..إوع ترد دلوقتي....سييييبه...سيبه يكمل :P

طبعا انا أقوم اتنفض واقلب على طول على موضوع تانيي لحد لما رحت عند عمنا الشيخ الدكتور خالد يقرا علي سورة ياسين....وطبعا ماسلمتش بردو غير لما عديت على خالتي نانسي عشان تعمل زار وهي رابطة قماشه صفرا مكتوب علىّا

(حصره عليها حصره عليها) :closedeyes:

المهم اتفك العمل وانتهينا خلاص....بس هو في إيه يا معلم سو....الحوار ده كأنك كنت مكزززززز جدا في حياة العزاب اللي حواليك.....واعتقد ده بسبب انك كنت مرتبط وحبيب وخاطب اكتر من عشر سنين ولحد دلوقتي طبعا حبيب (اللهم لاحسد خشبة من اليمين والشمال ياسي عمر ابن ابو عمر)

بس طبعا معظم الحاجات دي صحيحة...وكثيرا منها لم أشعر بصحتها خصوصا في الاجزاء التي قيلت فيها عني....

فالعازب دائما في حالة تطور بسبب التطور الطبيعي لفكر الإنسان....ينتقل بين ثنايا صفحات حياته بشكل روتيني ...وكأنه بات يتقبل الوضع

ولكن بكل أمانة وصدق ...لا يوجد أحد على وجه الأرض يعلم مايدور بداخل هذا المسكين من آلام...فهو يضحك بألم...ويأكل بألم....ويمرض بدون ألم....وكأنه قد اتخذ من الألم مرتعاً له

فالمتزوجون والخطوبون والحبيبون ينظرون له بأنه مغرور أحيانا...أو عبيط في أحيان كثيرة....أو مهمل في أغلب الأحيان

وفي كل حاله من هؤلاء يتدبر لنفسه موقفا يابسا من الدفاع عن نفسه وعن آلامه لكي يستطيع ان يعبر بها تلك الاتهامات بإرضاء النفس .....كي يستطيع بشكل أو آخر أن يشفي آلامه لبعض الوقت

ولكي يكون دائما ذو مظهر جيد بشوكة قوية...قهو يعتبرها نوع من الدعاية عن نفسه كانسان صالح للزواج

ويظل الألم يشدو في قلبه وصدره....فيزداد كلما طال الوقت......وكثير من الأحيان يقوم بمهمة توزيع الثناءات وشعارات الغزل لكي يستقطب بها كلمة حلوه تشعره بقليل من وجدانه....فقط ان يستقطب كلمه.....كلمه واحدة...(انت انسان كويس...ربنا يخليكي)

هذه الكلمات رغم بساطتها إلا أنها أغلى كلمة له ...فهي بمثابة إعادة شحن لطاريته القلبيه العزوبية المتألمة

هذا النوع من العزاب دائما متثبط بشيء ما في إحدى طلباته لحبيبته المستقبلية....ودائما يبحث عنها...وإذا لم يجدها...فإنه يعتذر بأدب وندم....فيزداد الجرح في كل مره يرى فيها واحدة أخرى

ومن المؤكد ان هذا النوع هو نوع خام.....لم يسبق له التجارب الخبيثة...كما أنه من المؤكد أن له تجربة او أكثر في الحب الطاهر....ولكن قد يكون حب كتوم...وقد يكون معلن...

يستمر العزب من هذا النوع بالبحث بدون ملل عن من تشفي آلامه....فقد تشرع له كل الطرق.....التقليدية...الصحوبية....الجرائدية...الانترنتية.....وغيرها طرق كثيرة لكي يوسع دائرة الاختيار...ولكن مازال يتجرع المرارة في التأخر

ويستمر في البحث وهو متأكد أنه لا يطلب شيئا عجيبا أو مستحيلا...ففي ظل المقارنات الزواجية....والتي تشغل أكثر من نصف حياته اليوميه من التفكير ...فانه وجد أن كل من تزوج حتى في سن متأخر أخذ الشيء الذي يحبه قبل أن يتم الزواج

فلم لايكون أحد هؤلاء....وهذه هي اللعنة التي يتمنى الخلاص منها...فهو يتمنى لو أنه ليس ذو مؤهلات جيدة....فلو كان أحد هؤلاء لكان زواجه أيسر وأسرع وأسهل

غالبا مايصطدم بالعكس....فهو يجد العروس المتقدم لها ثلاث أنواع

نوع اذا ما وجد فيها ذلك الشيء الذي لا يستطيع التنازل عنه ....فهي قد لاترضى به....وقد تقبل به ولكن لها شروط تعجيزية...أكرر تعجيزية...وأكررها مائة ألف مره تعجييزية

ونوع فيها كل شيء جيد بل قد تكون أفضل من النوع الذي يريده....ولكنها ليست فيها ذلك الشيء الوحيد......فيتردد في القبول وهي تكون سعيدة به....فاحيانا يخوض التجرب....وغالبا ما تفشل تلك التجربة

اما النوع الآخر فهي التي لايجد فيها ذلك الشيء ولا فيها اي شيء يعوضها عن اي شيء ...فيرفضها بالتلاتة

اذن هذا النوع من العزاب يؤمن بالمقوله التي تقول (فاقد الشيء لايعطيه)...ولذلك مازال يبحث عن ذلك الشيء المفقود .......